പ്രിസം പദ്ധതിയുമായി ബന്ധപ്പെട്ട ഇന്‍ഫര്‍മേഷന്‍ അസിസ്റ്റന്റ്‌ പരീക്ഷ ഒക്‌ടോബര്‍ 16 രാവിലെ 10.30 മുതല്‍ 11.30 വരെ നടക്കും. അഭിമുഖം ഒരു മണി മുതലാണ്‌ നടക്കുക. അറിയിപ്പ്‌ ലഭിച്ചവര്‍ വിദ്യാഭ്യാസം, വയസ്സ്‌, യോഗ്യത തുടങ്ങിയ തെളിയിക്കുന്ന രേഖകളുമായി തൃശൂര്‍ ജില്ലാ ഇന്‍ഫര്‍മേഷന്‍ ഓഫീസില്‍ കൃത്യസമയത്ത്‌ എത്തിച്ചേരണ്ടതാണ്‌. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2360644.

കേരളത്തില്‍ തൊഴിലിട പീഡനങ്ങള്‍ ഏറി വരുന്നതായി വനിതാ കമ്മീഷന്‍. പ്രത്യേകിച്ചും വിദ്യാഭ്യാസ മേഖല കേന്ദ്രീകരിച്ചാണ്‌ തൊഴിലിടപീഡനങ്ങള്‍ ഏറെയെന്നും ഇത്‌ സംബന്ധിച്ച്‌ സര്‍ക്കാരിന്‌ റിപ്പോര്‍ട്ട്‌ സമര്‍പ്പിക്കുമെന്നും വനിതാ കമ്മീഷന്‍ ചെയര്‍പേഴ്‌സണ്‍ എം സി ജോസഫൈന്‍ പറഞ്ഞു. തൃശൂരില്‍ നടന്ന വനിതാ കമ്മീഷന്‍ മെഗാ അദാലത്തിന്‌ ശേഷം മാധ്യമങ്ങളോട്‌ സംസാരിക്കുകയായിരുന്നു അവര്‍. കേരളത്തിലെ സ്വാശ്രയ, സി ബി എസ്‌ സി, എയ്‌ഡഡ്‌, വിദ്യാഭ്യാസ മേഖലയില്‍ അദ്ധ്യാപികമാര്‍ക്കെതിരെ പീഡനം വര്‍ദ്ധിച്ച്‌ വരുന്നതായാണ്‌ കമ്മീഷന്‌ ലഭിച്ച പരാതികള്‍ വ്യക്തമാക്കുന്നത്‌.

    ജില്ലയില്‍ തുറമുഖ വകുപ്പില്‍ ലൈറ്റ് കീപ്പര്‍/സിഗ്നലര്‍ തസ്തികയിലേക്കുള്ള നിയമനത്തിനായി ആഗസ്റ്റ് 14 ന് നിലവില്‍ വന്ന റാങ്ക് പട്ടികയിലെ മുഖ്യപട്ടികയില്‍ ഉള്‍പ്പെട്ട ഏക ഉദേ്യാഗാര്‍ഥിയെ നിയമന ശിപാര്‍ശ ചെയ്തതിനാല്‍ റാങ്ക് പട്ടിക സെപ്റ്റംബര്‍ 17 ന് റദ്ദായതായി ജില്ലാ പി എസ് സി ഓഫീസര്‍ അറിയിച്ചു.

    പ്രിസം പദ്ധതിയില്‍ കണ്ണൂര്‍ ജില്ലയില്‍ ഒഴിവുള്ള ഇന്‍ഫര്‍മേഷന്‍ അസിസ്റ്റന്റ് തസ്തികയിലേക്ക്  അപേക്ഷിച്ചവര്‍ക്കുള്ള എഴുത്തു പരീക്ഷയും ഇന്റര്‍വ്യൂവും ഒക്‌ടോബര്‍ 12ന് കലക്ടറേറ്റ് കോണ്‍ഫറന്‍സ് ഹാളില്‍ നടക്കും. രാവിലെ 10 മണിക്ക് എഴുത്തു പരീക്ഷയും ഉച്ചക്ക് ശേഷം രണ്ട് മണി മുതല്‍ ഇന്റര്‍വ്യൂവുമായിരിക്കും.  ഉദ്യോഗാര്‍ഥികള്‍  തിരിച്ചറിയല്‍ രേഖയും അസ്സല്‍ സര്‍ട്ടിഫിക്കറ്റുകളും സഹിതം രാവിലെ 9.30ന് ഹാജരാകണമെന്ന് ജില്ലാ ഇന്‍ഫര്‍മേഷന്‍ ഓഫീസര്‍ അറിയിച്ചു.  പ്രത്യേകം ഹാള്‍ടിക്കറ്റ് അയക്കുന്നതല്ല.  നേരിട്ട് വിവരം ലഭിക്കാത്ത അപേക്ഷകര്‍ ബന്ധപ്പെടുക: ഫോണ്‍ 0497 2700231.
 

    വടക്കന്‍ കേരളത്തില്‍ ജലകൃഷിയിലേര്‍പ്പെട്ടവരുടെ സഹകരണ സംഘമായ അക്വകള്‍ച്ചര്‍ ഡവലപ്‌മെന്റ് കോ ഓപറേറ്റീവ് സൊസൈറ്റി (അഡ്‌കോസ്) പ്രവര്‍ത്തനോദ്ഘാടനം ഒക്‌ടോബര്‍ 11ന് രാവിലെ 10.15ന് പയ്യന്നൂര്‍ തായിനേരിയില്‍ ഫിഷറീസ് വകുപ്പ് മന്ത്രി ജെ. മേഴ്‌സിക്കുട്ടിയമ്മ നിര്‍വഹിക്കും. സി. കൃഷ്ണന്‍ എം.എല്‍.എ അധ്യക്ഷത വഹിക്കും. കെ.കെ. രാഗേഷ് എം.പി ആദ്യനിക്ഷേപം  സ്വീകരിക്കും. എം.എല്‍.എമാരായ ടി.വി. രാജേഷ്, എം. രാജഗോപാലന്‍ എന്നിവര്‍ മുഖ്യാതിഥികളാവും. കണ്ണൂര്‍ ജില്ലാ പഞ്ചായത്ത് പ്രസിഡന്റ് കെ.വി. സുമേഷ്, കാസര്‍കോട് ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ തുടങ്ങിയവര്‍ സംസാരിക്കും.
 

    കേരള ഫീഷറീസ് സമുദ്ര സര്‍വകലാശാല (കുഫോസ്) പയ്യന്നൂര്‍ പ്രാദേശിക കേന്ദ്രം പ്രവര്‍ത്തനോദ്ഘാടനം ഒക്‌ടോബര്‍ 11ന് രാവിലെ 10.15ന് പയ്യന്നൂര്‍ മമ്പലത്ത് ഫിഷറീസ് വകുപ്പ് മന്ത്രി ജെ. മേഴ്‌സിക്കുട്ടിയമ്മ ഉദ്ഘാടനം ചെയ്യും. സി. കൃഷ്ണന്‍ എം.എല്‍.എ അധ്യക്ഷത വഹിക്കും. അഡ്വ. എ.എന്‍ ഷംസീര്‍ എം.എല്‍.എ മുഖ്യാതിഥിയാവും. വൈസ് ചാന്‍സിലര്‍ ഡോ. എ. രാമചന്ദ്രന്‍, റീജ്യനല്‍ സെന്റര്‍ ഡയറക്ടര്‍ ഡോ. ബി. മനോജ് കുമാര്‍, പയ്യന്നൂര്‍ നഗരസഭാ ചെയര്‍മാന്‍ അഡ്വ. ശശി വട്ടക്കൊവ്വല്‍ എന്നിവര്‍ സംസാരിക്കും. കുഫോസിന്റെ രണ്ടാമത്തെ പ്രാദേശിക കേന്ദ്രമാണ് പയ്യന്നൂരില്‍ നിലവില്‍ വരുന്നത്.

    ജില്ലയിലെ സര്‍ക്കാര്‍ ഓഫീസുകള്‍ കൂടുതല്‍ ജനസൗഹൃദങ്ങളാക്കി മാറ്റിയെടുക്കുക എന്ന ലക്ഷ്യത്തോടെ ജില്ലാ ഭരണകൂടവും ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റും ചേര്‍ന്ന് റവന്യൂ ഉദ്യോഗസ്ഥര്‍ക്കായി സംഘടിപ്പിക്കുന്ന പരിശീലനത്തിന് തുടക്കമായി. കലക്ടറേറ്റ് കോണ്‍ഫറന്‍സ് ഹാളില്‍ എ.ഡി.എം ഇ. മുഹമ്മദ് യൂസഫ് ഉദ്ഘാടനം ചെയ്തു. ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റ് ഡയരക്ടര്‍ വി ശശികുമാര്‍ നേതൃത്വം നല്‍കി. ചടങ്ങില്‍ എല്‍.എ ഡെപ്യൂട്ടി കലക്ടര്‍ കെ.കെ. അനില്‍കുമാര്‍, കണ്ണൂര്‍ തഹസില്‍ദാര്‍ വി.എം സജീവന്‍ എന്നിവര്‍ സംബന്ധിച്ചു.

    ജില്ലയില്‍ വിവിധ വകുപ്പുകളില്‍ ലോവര്‍ ഡിവിഷന്‍ ക്ലര്‍ക്ക്(കാറ്റഗറി നമ്പര്‍ 414/2016) തസ്തികക്കായി ഒക്‌ടോബര്‍ ആറിന് പ്രസിദ്ധീകരിച്ച കൂട്ടിച്ചേര്‍ക്കല്‍ വിജ്ഞാപന പ്രകാരം സാധ്യതാ ലിസ്റ്റില്‍ ഉള്‍പ്പെട്ടിട്ടുള്ള ഉദേ്യാഗാര്‍ഥികളുടെ ഒറ്റത്തവണ പ്രമാണ പരിശോധന ഇന്ന് (ഒക്‌ടോബര്‍ 11), 12, 15 തീയതികളില്‍ രാവിലെ 9.30 മുതല്‍  ജില്ലാ പി എസ് സി ഓഫീസില്‍ നടത്തും. ഉദേ്യാഗാര്‍ഥികള്‍ക്ക് പ്രൊഫൈല്‍, ഫോണ്‍ മുഖേന അറിയിപ്പ് നല്‍കിയിട്ടുണ്ട്.

    ജില്ലാ എക്‌സൈസ് കായികമേള ഇന്ന്(ഒക്‌ടോബര്‍ 11) രാവിലെ ഒമ്പത് മണിക്ക് പൊലീസ് പരേഡ് ഗ്രൗണ്ടില്‍ സ്‌പോര്‍ട്‌സ് കൗണ്‍സില്‍ പ്രസിഡണ്ട് ഒ കെ വിനീഷ് ഉദ്ഘാടനം ചെയ്യും.കണ്ണൂര്‍ ഡെപ്യൂട്ടി എക്‌സൈസ് കമ്മീഷണര്‍ പി കെ സുരേഷ് അധ്യക്ഷത വഹിക്കും. ജീവനക്കാരും കുടുംബാംഗങ്ങളും പെന്‍ഷനേഴ്‌സും കായിക മത്സരങ്ങളില്‍ പങ്കെടുക്കും.  സംസ്ഥാന എക്‌സൈസ് കലാകായിക മേള നവംബര്‍ 9, 10, 11 തീയതികളില്‍ കോട്ടയത്ത് നടക്കും.

    പട്ടികജാതി വികസന വകുപ്പിന് കീഴിലുള്ള ഇരിവേരി (ചെമ്പിലോട്), മുല്ലക്കൊടി (മയ്യില്‍), അവിഞ്ഞിയില്‍ (ചെറുതാഴം), പുഞ്ചവയല്‍ (കണ്ണപുരം), വാണിയങ്കര (തളിപ്പറമ്പ് നഗരസഭ) എന്നിവിടങ്ങളില്‍ പ്രവര്‍ത്തിക്കുന്ന വിജ്ഞാന്‍വാടികളുടെ മേല്‍നോട്ട ചുമതല വഹിക്കുന്നതിന് പത്താം ക്ലാസ് പായായ കമ്പ്യൂട്ടര്‍ ഇന്റര്‍നെറ്റ് പരിജ്ഞാനമുള്ള പട്ടികജാതിക്കാരെ നിയമിക്കുന്നു. വിജ്ഞാന്‍വാടി സിസ്റ്റം ഓപ്പറേറ്റര്‍ തസ്തികയിലേക്കാണ് നിയമനം.