ദുരന്തനിവാരണ പ്രവര്‍ത്തനങ്ങളുടെ അവലോകന യോഗം ഇന്ന് (9.10) രാവിലെ 10ന് വൈദ്യുതിമന്ത്രി എം.എം മണിയുടെ അധ്യക്ഷതയില്‍ യോഗം ചേരും. ജില്ലാതല ഉദ്യോഗസ്ഥര്‍ ബന്ധപ്പെട്ട വകുപ്പുകളിലെ റിപ്പോര്‍ട്ടുകളുമായി പങ്കെടുക്കണമെന്ന് ജില്ലാകലക്ടര്‍ അറിയിച്ചു.

പ്രകൃതിക്ഷോഭത്താല്‍ ദുരിതമനുഭവിച്ചവര്‍ക്ക് അടിയന്തര ധനസഹായമായി സംസ്ഥാന സര്‍ക്കാര്‍ കുടുംബശ്രീ മുഖേന നടപ്പിലാക്കുന്ന പലിശ രഹിത വായ്പ (റീസര്‍ജന്റ് കേരള ലോണ്‍ സ്‌കീം) വിതരണം ജില്ലയില്‍ തുടങ്ങി. ആര്‍.കെ.എല്‍.എസ് പദ്ധതിയുടെ ജില്ലാതല ഉദ്ഘാടനവും ഇടുക്കി ജില്ലാ സഹകരണ ബാങ്ക് കുടുംബശ്രീ മുേഖന നടപ്പിലാക്കുന്ന ഒപ്പം പദ്ധതിയുടെ വാത്തിക്കുടി ഞ്ചായത്ത്തല ഉദ്ഘാടനവും ജോയ്‌സ് ജോര്‍ജ്ജ് എം.പി നിര്‍വ്വഹിച്ചു.

    കൊണ്ടോട്ടി അഡീഷണല്‍ ഐ.സി.ഡി.എസ് പ്രൊജക്റ്റിലെ ഔദ്യോഗിക ആവശ്യത്തിലേക്കായി ജീപ്പ് / കാര്‍ വാടകക്ക് ലഭിക്കുന്നതിന് ടെണ്ടര്‍ ക്ഷണിച്ചു.  ടെണ്ടര്‍ ഒക്ടോബര്‍ 15ന് ഉച്ചക്ക് ഒന്നിനകം ലഭിക്കണം.

ജില്ലയില്‍ ദേശീയപാതാ വികസനവുമായി ബന്ധപ്പെട്ട സര്‍വ്വേ ജോലികള്‍ മികച്ച രീതിയില്‍ നടത്തിയ സര്‍വ്വേയര്‍മാരെ ജില്ലാ ഭരണകൂടത്തിന്റെയും ഭൂ സര്‍വ്വേ വകുപ്പിന്റെയും നേതൃത്വത്തില്‍ ആദരിച്ചു. കോട്ടയ്ക്കല്‍ സി.എച്ച് ഓഡിറ്റോറിയത്തില്‍ നടന്ന സംഗമം ജില്ലാ കളക്ടര്‍ അമിത് മീണ ഉദ്ഘാടനം ചെയ്തു. ഡെപ്യൂട്ടി കളക്ടര്‍ ഡോ. ജെ.ഒ അരുണ്‍ അദ്ധ്യക്ഷത വഹിച്ചു. എ.ഡി.എം വി രാമചന്ദ്രന്‍, ഭൂ സര്‍വ്വേ ഡെപ്യൂട്ടി ഡയറക്ടര്‍ പി.എ ഷാജി തുടങ്ങിയവര് സംസാരിച്ചു.

ജില്ലയില്‍ ദേശീയ പാത സര്‍വ്വേ അവസാനിച്ച സാഹചര്യത്തില്‍ സര്‍വേയര്‍മാര്‍ മാതൃ ഓഫീസുകളിലേക്ക് തിരിച്ചു പോകുന്നതിനു മുന്നോടിയായിട്ടാണ് ചടങ്ങ് നടന്നത്.

ജില്ലാ എംപ്ളോയ്മെന്റ് എക്സ്ചേഞ്ചിന്റെ ഭാഗമായ എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ പ്രമുഖ ധനകാര്യ സ്ഥാപനങ്ങളിലേക്ക് പ്രൊബേഷനറി മാനേജര്‍, ഫിനാന്‍ഷ്യല്‍ കണ്‍സല്‍ട്ടന്റ്, കസ്റ്റമര്‍ റിലേഷന്‍ഷിപ്പ് ഓഫീസര്‍, ലൈഫ്പ്ലാനര്‍, ടീം ലീഡര്‍ എന്നീ തസ്തികകളില്‍ എംപ്ലോയബിലിറ്റി സെന്ററില്‍ രജിസ്റ്റര്‍ ചെയ്തവര്‍ക്ക് കൂടിക്കാഴ്ച നടത്തുന്നു. താല്‍പ്പര്യമുള്ളവര്‍ ഒക്ടോബര്‍ 11ന് രാവിലെ 10 ന്  മലപ്പുറം എംപ്ലോയബിലിറ്റി സെന്ററില്‍ എത്തണം. യോഗ്യത എസ്.എസ്.എല്‍.സി, പ്ലസ്ടു, ഡിഗ്രി.