പുതു   സംരംഭകര്‍ക്ക്      സേവനവും സൗകര്യങ്ങളു മൊരുക്കുന്നതിനും     പരിശീലന    പരിപാടികള്‍    സംഘടിപ്പിക്കുന്നതിനായി    പാലക്കാട്    ജില്ലാ    വ്യവസായ കേന്ദ്രത്തില്‍  ഒരുക്കിയ  കനവ്  സമ്മേളന  ശാലയുടെ  ഉദ്ഘാടനം     കെ.വി.   വിജയദാസ് എം.എല്‍.എ നിര്‍വഹിച്ചു.   ജില്ലാ   വ്യവസായ   കേന്ദ്രം   ജനറല്‍   മാനേജര്‍   ജി   രാജ്മോഹന്‍,   പൊതുമരാമത്ത്   വകുപ്പ്   കെട്ടിട   വിഭാഗം   എക്സിക്യുട്ടീവ് എഞ്ചിനീയര്‍  യു.സി ജയശ്രീ എന്നിവര്‍ പങ്കെടുത്തു.

ജില്ലയിലെ വോട്ടര്‍മാരില്‍  പ്രളയം മൂലം തിരിച്ചറിയല്‍ കാര്‍ഡ് നഷ്ടപ്പെട്ട വര്‍ക്ക് സൗജന്യമായി പുതിയ കാര്‍ഡ് ലഭിക്കുന്നതിന് അപേക്ഷ  അതത് വില്ലേജ് ഓഫീസര്‍ക്ക് നല്‍കണം. തിരഞ്ഞെടുപ്പ് കമ്മീഷന്‍ നല്‍കുന്ന ഈ സേവനം എല്ലാവരും പ്രയോജനപ്പെടുത്തണം.    

വിഷമയമുള്ള പച്ചക്കറികളില്‍ നിന്നും ജൈവ പച്ചക്കറികളിലേക്ക് മാറുന്നതിന് കുടുംബാഗങ്ങള്‍ക്ക് കുട്ടികള്‍ മാതൃകയാകണം എന്ന ആശയം പങ്കു വെച്ച് കുട്ടികളുടെ കൃഷി കൂട്ടായ്മ. മാടപ്പളളി ബ്ലോക്ക് പഞ്ചായത്ത് ഗാന്ധിജയന്തി വാരാഘോഷം സമാപനത്തോട് അനുബന്ധിച്ചാണ് കൃഷി നാട്ടറിവ് കൂട്ടായ്മ ഒരുക്കിയത്. കൂട്ടായ്മ  ബ്ലോക്ക് പഞ്ചായത്ത് പ്രസിഡന്റ് ലൈസാമ്മ ജോര്‍ജ് ഉദ്ഘാടനം നിര്‍വ്വഹിച്ചു.

    സംസ്ഥാന വനിതാ കമ്മിഷന്‍ സിറ്റിങ്  ഇന്ന് (ഒക്ടോബര്‍ ഒമ്പത്) രാവിലെ 10.30 ന് ജില്ലാ പഞ്ചായത്ത് ഹാളില്‍ നടക്കും.

സാമ്പത്തികമായി പിന്നോക്കം നില്‍ക്കുന്നവരുടെ ഭവന നിര്‍മ്മാണത്തിന് സര്‍ക്കാര്‍ പിന്തുണ നല്‍കുമെന്നും ഇതിനായിട്ടാണ് കലവറ ആരംഭിച്ചിട്ടുള്ളതെന്നും റവന്യു വകുപ്പ് മന്ത്രി ഇ. ചന്ദ്രശേഖരന്‍ പറഞ്ഞു. ഭവന നിര്‍മ്മാണ വകുപ്പിന്റെ നേതൃത്വത്തില്‍ നീണ്ടൂരില്‍ ആരംഭിച്ച കെട്ടിട നിര്‍മ്മാണ സാമഗ്രികളുടെ ന്യായവില വിപണന കേന്ദ്രമായ കലവറ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.