തദ്ദേശ സ്വയംഭരണ വകുപ്പ് പ്രസിദ്ധീകരിക്കുന്ന തദ്ദേശകം 2019 ഗൈഡ് ഒന്നിന് 190 രൂപ വിലയ്ക്ക് പൊതുജനങ്ങള്‍ക്കും ലഭ്യമാക്കും. ഗൈഡ് ആവശ്യമുളളവര്‍ ഈ മാസം 12 ന് മുമ്പ് പഞ്ചായത്ത് ഡെപ്യൂട്ടി ഡയറക്ടറുടെ ഓഫീസില്‍ മുന്‍കൂര്‍ തുക അടക്കണമെന്ന് പഞ്ചായത്ത് ഡെപ്യൂട്ടി ഡയറക്ടര്‍ അറിയിച്ചു.

കുഴല്‍മന്ദം ഗവ.ഐ.ടി.ഐയില്‍ പ്രായോഗിക പരിശീലനത്തിന് പ്രാധാന്യം നല്‍കി ദിവസം 8 മണിക്കൂര്‍ വീതം 3 മാസത്തെ  ലിഫ്റ്റ് ഇറക്ടര്‍ കോഴ്‌സ് നടത്തും. ലിഫ്റ്റ് പൂര്‍ണ്ണമായും ഫിറ്റു ചെയ്യാനും അഴിച്ചെടുക്കാനും പഠിപ്പിക്കുന്ന കോഴ്‌സില്‍ വിജയികള്‍ക്ക് സ്വദേശത്തും വിദേശത്തും തൊഴില്‍ സമ്പാദനത്തിനും സഹായിക്കും. പ്ലസ് ടൂ കഴിഞ്ഞ 18 വയസായ ആണ്‍കുട്ടികള്‍ക്കാണ് അവസരം. ഫോണ്‍ - 04922273888, 9446360105. 

സൗദി ആരോഗ്യമന്ത്രാലയത്തിന്റെ കീഴിലെ വിവിധ ആശുപത്രികളിലേക്ക് നിയമനത്തിനായി കണ്‍സള്‍ട്ടന്റ്‌സ്, സ്‌പെഷ്യലിസ്റ്റ് ഡോക്ടര്‍മാരില്‍ നിന്നും അപേക്ഷ ക്ഷണിച്ചു. രണ്ട് വര്‍ഷം പ്രവൃത്തി പരിചയം ഉളളവരാകണം. ഈ മാസം 22,23 തീയതികളില്‍ ബാംഗ്ലൂര്‍, 25,26 തീയതികളില്‍ ചെന്നൈ, 28,29,30 തീയതികളില്‍ ഹൈദരാബാദ്, നവംബര്‍ ഒന്ന്, രണ്ട് തീയതികളില്‍ മുംബൈ എന്നിവിടങ്ങളിലാണ്  ഇന്റര്‍വ്യൂ. കൂടുതല്‍ വിവരങ്ങള്‍ക്ക് വെബ്‌സൈറ്റ് ംംം.ീറലുര.സലൃമഹമ.ഴീ്.ശി സന്ദര്‍ശിക്കുക.
                     

എംപ്ലോയ്‌മെന്റ് എകസ്‌ചേഞ്ചിന്റെ ഭാഗമായുള്ള എംപ്ലോയബിലിറ്റി സെന്ററില്‍ ആക്‌സിസ്  ബാങ്കിലേക്ക് ബിസ്സിനസ്സ് ഡെവലപ്‌മെന്റ് എക്‌സിക്യൂട്ടീവിനായുള്ള അഭിമുഖം ഈ മാസം 10 ന് രാവിലെ 10.30ന് നടക്കും. 35 വയസില്‍ താഴെ പ്രായമുള്ള ബിരുദം, ബിരുദാനന്തരബിരുദം യോഗ്യതയുള്ളവര്‍ക്കു പങ്കെടുക്കാം. മുപ്പത്തഞ്ചു വയസ്സില്‍ താഴെയുള്ള ഉദ്യോഗാര്‍ത്ഥികള്‍ക്ക്  250 രൂപ അടച്ചുള്ള ഒറ്റത്തവണ രജിസ്‌ട്രേഷനിലുടെ തുടര്‍ന്ന വരുന്ന ഒഴിവുകളിലും പങ്കെടുക്കാം. താല്പര്യമുള്ളവര്‍ ബയോഡാറ്റ സഹിതം എത്തണം. ഫോണ്‍  : 0495-2370176/178.

ജില്ലാ സൈനിക ക്ഷേമ ഓഫീസില്‍ എംപ്ലോയ്‌മെന്റ് മുഖേന രജിസ്റ്റര്‍ ചെയ്തിട്ടുള്ള വിമുക്തഭട•ാരില്‍ 01.01.2018 നു 50 വയസ്സ് തികയാത്ത,  വിവിധ തൊഴില്‍ വിഭാഗങ്ങളില്‍ പെട്ടവരുടെ പുതിയ സെലക്റ്റ് ലിസ്റ്റ് നിലവില്‍ വന്നതായി  ജില്ലാ സൈനിക ക്ഷേമ ഓഫീസര്‍  അറിയിച്ചു.

പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മികവിന്റെ കേന്ദ്രമായി തെരഞ്ഞെടുക്കപ്പെട്ട ആര്‍.ഇ.സി ഗവ. വൊക്കേഷണല്‍ ഹയര്‍ സെക്കന്ററി നിര്‍മ്മാണ പ്രവൃത്തികളുടെ ഉദ്ഘാടനവും പുതുതായി നിര്‍മ്മിച്ച കെട്ടിട ഉദ്ഘാടനവും ഉന്നത വിദ്യാഭ്യാസ വകുപ്പ് മന്ത്രി ഡോ.കെ.ടി. ജലീല്‍ നിര്‍വഹിച്ചു.