അഖിലേന്ത്യ അപ്രന്റീസ്ഷിപ്പ് ട്രേഡ് ടെസ്റ്റിന് അപേക്ഷ ക്ഷണിച്ചു. 2018 നവംബര്‍,ഡിസംബര്‍ മാസം നടക്കുന്ന അഖിലേന്ത്യ അപ്രന്റീസ്ഷിപ്പ് ട്രേഡ് ടെസ്റ്റിന് അപേക്ഷിക്കുവാന്‍ യോഗ്യരായ ട്രെയിനികളില്‍ നിന്നുമാണ് അപേക്ഷ ക്ഷണിച്ചത്. ഒക്‌ടോബര്‍ 15 വരെ അപ്രന്റീസ്ഷിപ്പ് പരിശീലനം പൂര്‍ത്തിയാക്കുന്നവര്‍ക്ക് ട്രേഡ് ടെസ്റ്റിന് അപേക്ഷിക്കാം.     '0230--ലേബര്‍ & എംപ്ലോയ്‌മെന്റ് -00-800-അദര്‍ റസീപ്റ്റ്‌സ് - 88- അദര്‍ ഐറ്റംസ് എന്ന ശീര്‍ഷകത്തില്‍ പരീക്ഷാ ഫീസ് ഒടുക്കണം. ആദ്യമായി പരീക്ഷ എഴുതുന്നവര്‍ക്ക് 105-രൂപയും  തോറ്റെഴുതുന്നവര്‍ക്ക്  160 രൂപയുമാണ് ഫീസ്.

 4,500 രൂപ ധനസഹായത്തോടുകൂടി തിരിനന(വിക്ക് ഇറിഗേഷന്‍) സൗകര്യമുള്ള ഗ്രോബാഗില്‍  പച്ചക്കറിക്കൃഷി ചെയ്യാം. ഗ്രോബാഗൂകള്‍ക്കടിയിലൂടെ സ്ഥാപിക്കപ്പെടുന്ന പിവിസി പൈപ്പില്‍നിന്നു തിരിവഴി ചെടികള്‍ ആവശ്യമുള്ളത്ര മാത്രം വെള്ളം സ്വയം സ്വീകരിക്കുന്ന നൂതന കാര്‍ഷിക സംരംഭമാണിത്.  ജലദൗര്‍ലഭ്യമുള്ള ഇടങ്ങളിലും വരള്‍ച്ചയുള്ള കാലാവസ്ഥയിലും കുറച്ചുവെള്ളത്താല്‍ കൂടുതല്‍ കൃഷിയെന്ന സിദ്ധാന്തം ഇതുവഴി പ്രായോഗികമാകുന്നു. 

കുടുംബശ്രീ ജില്ലാമിഷന്‍ കുടുംബശ്രീ ഉല്‍പന്നങ്ങളുടെ മാര്‍ക്കറ്റിംഗിനാവശ്യമായി  മാര്‍ക്കറ്റിംഗ് വിഭാഗത്തില്‍ കിയോസ്‌കുകള്‍ സ്ഥാപിക്കുന്നതിനായി അംഗീകൃത സംരംഭകരില്‍ നിന്നും ക്വട്ടേഷന്‍ ക്ഷണിച്ചു. എട്ട് അടി നീളവും നാല് അടി  വീതിയും ഏഴ് അടി ഉയരവുമുളള ലോഹ നിര്‍മ്മിതമായിരിക്കണം പ്രസ്തുത  കിയോസ്‌കുകള്‍.  അകത്ത് മൂന്നു വശങ്ങളിലും ഒരടി അകലത്തില്‍ നാലുവീതം തട്ടുകള്‍ സാധനങ്ങള്‍ ക്രമീകരിക്കാന്‍ ഒരുക്കേണ്ടതുണ്ട്. ക്വട്ടേഷന്‍ ഒക്‌ടോബര്‍ 10 ന് വൈകുന്നേരം നാലിനകം സമര്‍പ്പിക്കണം.

സൗദി അറേബ്യന്‍ സര്‍ക്കാര്‍ ആരോഗ്യമന്ത്രാലയത്തിന്റെ കീഴിലുള്ള വിവിധ ആശുപത്രികളിലേക്ക് നിയമനത്തിനായി കണ്‍സള്‍ട്ടന്റ്‌സ്, സ്‌പെഷ്യലിസ്റ്റ് ഡോക്ടര്‍മാരില്‍ നിന്നും അപേക്ഷ ക്ഷണിച്ചു. രണ്ടു വര്‍ഷം പ്രവൃത്തിപരിചയം ഉള്ളവരാകണം അപേക്ഷകര്‍. ഒക്ടോബര്‍ 22, 23 തീയതികളില്‍ ബാംഗ്ലൂര്‍, 25, 26 തീയതികളില്‍ ചെന്നെ, 28, 29, 30 തീയതി കളില്‍ ഹൈദ്രാബാദ്, നവംബര്‍ 1, 2 തീയതികളില്‍ മുംബൈ എന്നിവിടങ്ങളിലാണ്  ഇന്റര്‍വ്യൂ. കൂടുതല്‍ വിശദവിവരങ്ങള്‍ക്ക് www.odepc.kerala.gov.in  എന്ന വെബ് സൈറ്റ് സന്ദര്‍ശിക്കുക.

ജില്ലാ സാക്ഷരതാ സമിതിയുടെയും ജില്ലാ ഇന്‍ഫര്‍മേഷന്റെയും കാസര്‍ഗോഡ് ജിഎച്ച്എസ്എസ് തുല്യതാ പഠനകേന്ദ്രത്തിന്റെയും ആഭിമുഖ്യത്തില്‍ ഗാന്ധിജയന്തി വാരാചരണത്തോടനുബന്ധിച്ച് ഗാന്ധി അനുസ്മരണവും പ്രഭാഷണവും സെമിനാറും സംഘടിപ്പിച്ചു. ഗാന്ധിജിയുടെ ഫോട്ടോയില്‍ പുഷ്പാര്‍ച്ചന നടത്തി തുല്യതാ കോഴ്‌സ് കണ്‍വീനര്‍ കെ.വി രാഘവന്‍ മാസ്റ്റര്‍ ഉദ്ഘാടനം നിര്‍വഹിച്ചു. ടി.ഒ രാധാകൃഷ്ണന്‍ മാസ്റ്റര്‍ അധ്യക്ഷത വഹിച്ചു. റൗഫ് ബാവിക്കര, ഡി വിജയമ്മ, സി കെ പുഷ്പകുമാരി എന്നിവര്‍ സംസാരിച്ചു. 
 

ജലസ്രോതസുകളിലേക്കു മാലിന്യങ്ങള്‍ വലിച്ചെറിയുന്നവര്‍ക്കെതിരെയും പ്ലാസ്റ്റിക്ക് മാലിന്യങ്ങള്‍ കത്തിക്കുന്നവര്‍ക്കെതിരെയും ജില്ലാ ഭരണകൂടം കര്‍ശന നടപടിയെടുക്കുമെന്നു ജില്ലാ കളക്ടര്‍ ഡോ.ഡി.സജിത്ത് ബാബു അറിയിച്ചു.  തടവ് ശിക്ഷ ഉള്‍പ്പെടെയുള്ള ശിക്ഷാ നടപടികള്‍ സ്വീകരിക്കും. തദ്ദേശ സ്വയംഭരണ സ്ഥാപനങ്ങള്‍, സ്വകാര്യവ്യക്തികള്‍ തുടങ്ങിയവര്‍ പൊതു ഇടങ്ങളില്‍ പ്ലാസ്റ്റിക് മാലിന്യം ഉള്‍പ്പെടെയുള്ളവ കത്തിക്കുന്നത് ശ്രദ്ധയില്‍പ്പെട്ടാല്‍ നടപടിയെടുക്കും. ഇങ്ങനെ ചെയ്താല്‍ തദ്ദേശസ്ഥാപനങ്ങളിലെ ജനപ്രതിനിധികള്‍ക്കെതിരെ വ്യക്തിപരമായും നടപടികളെടുക്കും.

ഗാന്ധിയന്‍ ആദര്‍ശങ്ങള്‍ ഇന്നും പ്രസക്തമെന്ന് പ്രമുഖ ഗാന്ധിയന്‍ പി.കെ കുമാരന്‍ നായര്‍ പറഞ്ഞു. ജില്ലാ ഇന്‍ഫര്‍മേഷന്‍ ഓഫീസിന്റെയും ജില്ലാ ഭരണകൂടത്തിന്റെയും വിവിധവകുപ്പുകളുടെയും ആഭിമുഖ്യത്തില്‍ സംഘടിപ്പിച്ച ഗാന്ധിജയന്തി വാരാചരണത്തിന്റെ സമാപനം പെരിയ ഗവ. ഹൈസ്‌കൂളില്‍  ഉദ്ഘാടനം ചെയ്യുകയായിരുന്നു അദ്ദേഹം. 

    സര്‍ക്കാര്‍, പൊതു, സഹകരണ, സ്വകാര്യ മേഖലകളിലെ സ്ഥാപനങ്ങളില്‍ ജോലി ചെയ്യുന്ന ഭിന്നശേഷിയുള്ള ജീവനക്കാര്‍ക്കും ഏറ്റവും കൂടുതല്‍ ഭിന്നശേഷിക്കാര്‍ക്ക് തൊഴില്‍ നല്‍കിയ തൊഴില്‍ദായകര്‍ക്കും അന്ധര്‍, ബധിരര്‍, അസ്ഥിസംബന്ധമായ വൈകല്യമുള്ളവര്‍, ബുദ്ധിമാന്ദ്യം സംഭവിച്ചവര്‍ എന്നിവരുടെ ഉന്നമനത്തിനായി മികച്ച സേവനം കാഴ്ച വെക്കുന്ന സ്ഥാപനങ്ങള്‍ക്കുമുള്ള ഈ വര്‍ഷത്തെ സംസ്ഥാന പുരസ്‌കാരങ്ങള്‍ക്ക് അപേക്ഷ ക്ഷണിച്ചു. 

    കതിരൂര്‍ ഇലക്ട്രിക്കല്‍ സെക്ഷന്‍ പരിധിയിലെ ചുണ്ടങ്ങാപ്പൊയില്‍, പഞ്ചാരമുക്ക്, കക്കറ, ഉക്കാസ്‌മൊട്ട ഹെല്‍ത്ത് സെന്റര്‍ ഭാഗങ്ങളില്‍ ഇന്ന്(ഒക്‌ടോബര്‍ 9) രാവിലെ ഒമ്പത് മണി മുതല്‍ വൈകിട്ട് അഞ്ച് മണി വരെ വൈദ്യുതി മുടങ്ങും.
    മട്ടന്നൂര്‍ ഇലക്ട്രിക്കല്‍ സെക്ഷന്‍ പരിധിയിലെ മരുതായി, കിളിയങ്ങാട്, മണ്ണൂര്‍, ചോലത്തോട്, മുള്ള്യം ഭാഗങ്ങളില്‍ ഇന്ന്(ഒക്‌ടോബര്‍ 9) രാവിലെ എട്ട് മണി മുതല്‍ വൈകിട്ട് അഞ്ച് മണി വരെ വൈദ്യുതി മുടങ്ങും.