ജില്ലാതല വൈദ്യുതി അപകട നിവാരണ സമിതി യോഗം ഒക്‌ടോബര്‍ 17ന് രാവിലെ 10.30ന് ജില്ലാ കലക്ടറുടെ ചേമ്പറില്‍ ചേരും.

തീരദേശ ദേശീയപാതയുടെ മണ്ഡലത്തിലെ ഭാഗമായ ഒട്ടുപുറം മുതല്‍ ഉണ്ണ്യാല്‍ വരെയുള്ള പ്രദേശത്ത് സര്‍വ്വേ നടപടികള്‍ക്ക് തുടക്കം. ആദ്യഘട്ടത്തില്‍ ഒട്ടുപുറം മുതല്‍ സി.എച്ച്.സി വരെയാണ് സര്‍വ്വെ. താനൂര്‍ വാഴക്കത്തെരുവിലെ പ്രത്യേക സാഹചര്യം കണക്കിലെടുത്ത് ഫ്‌ളൈ ഓവര്‍ നിര്‍മിക്കാനാണ് തീരുമാനം. ഫ്ളൈഓവര്‍ അങ്ങാടിപ്പാലവുമായി ബന്ധിപ്പിക്കും. മന്ത്രി ജി.സുധാകരന്‍ വിളിച്ചു ചേര്‍ത്ത യോഗത്തില്‍  വി.അബ്ദുറഹിമാന്‍ എം.എല്‍.എയുടെ പ്രത്യേക താല്‍പര്യപ്രകാരമാണ് ഫ്‌ളൈ ഓവര്‍ പണിയാന്‍ തീരുമാനിച്ചത്.  പ്രവര്‍ത്തനങ്ങള്‍ സമയ ബന്ധിതമായി പൂര്‍ത്തീകരിക്കുമെന്ന് എം.എല്‍.എ പറഞ്ഞു.

സിവില്‍സ്റ്റേഷനിലെ സൂപ്പര്‍ ചെക്ക് സെല്ലില്‍ (വിദ്യാഭ്യാസ വകുപ്പ്) വാടകയ്ക്ക് കാര്‍ ആവശ്യമുണ്ട്. ക്വട്ടേഷന്‍ സംബന്ധിച്ച വിവരങ്ങള്‍ ഓഫീസ് നോട്ടീസ് ബോര്‍ഡില്‍ ലഭ്യമാണ്, താല്‍പര്യമുളളവര്‍ ഈ മാസം 17 നകം ഓഫീസില്‍ ക്വട്ടേഷന്‍ എത്തിക്കണം. ഫോണ്‍ - 0495 2375924.

     കോഴിക്കോട് ബ്ലോക്ക് പഞ്ചായത്ത് ഓഡിറ്റോറിയത്തില്‍ മൈക്കും അനുബന്ധ ഉപകരണങ്ങളും വാങ്ങുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ഈ മാസം 22 ന് ഉച്ചയ്ക്ക് ഒരു മണിക്കകം സെക്രട്ടറിയുടെ വിലാസത്തില്‍ എത്തിക്കണം. ഫോണ്‍ - 0495 2430799.

ആരോഗ്യകേരളം പദ്ധതിയിലേക്ക് കരാര്‍ അടിസ്ഥാനത്തില്‍ ടാക്‌സി പെര്‍മിറ്റുളള എയര്‍ കണ്ടീഷന്‍ ചെയ്ത വാഹനങ്ങള്‍ ടെണ്ടര്‍ ക്ഷണിച്ചു. സിവില്‍ സ്റ്റേഷനിലെ ആരോഗ്യ കേരളം ഓഫീസുമായി ബന്ധപ്പെടുക. ഫോണ്‍ - 0495 2374990.

കൊയിലാണ്ടി അസിസ്റ്റന്റ് സെഷന്‍സ് കോടതിയുടെ എം.സി 11/08 നമ്പര്‍ കേസിലെ കുടിശ്ശികക്കാരില്‍ നിന്നും ജപ്തി ചെയ്ത ഉണ്ണിക്കുളം വില്ലേജില്‍ പൂനൂര്‍ ദേശത്ത് റീ,സ 116/2 എ യില്‍പ്പെട്ട അഞ്ച് സെന്റ് സ്ഥലം ലേലം ഈ മാസം 30 ന് രാവിലെ 11 മണിക്ക് വില്ലേജ് ഓഫീസില്‍ നടത്തും. 

തടവുകാരെ കോടതികളിലും ജയിലുകളിലും കൊണ്ടുപോകുന്ന വേളയില്‍ ഭക്ഷണാവശ്യത്തിനായുളള ദിനബത്ത 100 രൂപയില്‍ നിന്ന് 150 രൂപയായി വര്‍ദ്ധിപ്പിച്ച് സര്‍ക്കാര്‍ ഉത്തരവായി. പ്രാതലിന് 40 രൂപ, ഉച്ചഭക്ഷണത്തിന് 70 രൂപ, അത്താഴത്തിന് 40 രൂപ എന്നിങ്ങനെയാണ് നിശ്ചയിച്ചിരിക്കുന്നത്. പ്രാതല്‍, അത്താഴം എന്നിവ അനുവദിക്കുന്ന കേസുകളില്‍ തടവുകാരെ ജയിലില്‍ നിന്നും കൊണ്ടുപോകുന്നതും തിരികെ എത്തിക്കുന്നതുമായ സമയം രേഖപ്പെടുത്തി നടപടിക്രമം പുറപ്പെടുവിക്കണമെന്നും ഉത്തരവില്‍ നിര്‍ദ്ദേശിച്ചിട്ടുണ്ട്.

     പി.എന്‍.എക്‌സ്.4511/18