കോട്ടയം നവോദയ വിദ്യാലയത്തില്‍ 2019-20 അദ്ധ്യയന വര്‍ഷത്തില്‍ ഒന്‍പതാം ക്ലാസിലെ ഒഴിവുകളിലേക്ക് അപേക്ഷ ക്ഷണിച്ചു. സര്‍ക്കാര്‍ എയ്ഡഡ്/സര്‍ക്കാര്‍ അംഗീകൃത വിദ്യാലയങ്ങളില്‍ ഇപ്പോള്‍ എട്ടാം ക്ലാസില്‍ പഠിക്കുന്ന വിദ്യാര്‍ത്ഥികള്‍ക്ക് അപേക്ഷിക്കാം. നവംബര്‍ 30നകം ംംം.ിമ്ീറമ്യമ.ഴീ്.ശി എന്ന വെബ്‌സൈറ്റ് മുഖേന അപേക്ഷ നല്‍കണം. 

പെരുമ്പാവൂര്‍ ടിംബര്‍ സെയില്‍സ് ഡിവിഷനു കീഴിലുളള വീട്ടൂര്‍ തടി ഡിപ്പോയില്‍ ചന്ദനത്തിന്റെ ചില്ലറ വില്‍പന ആരംഭിച്ചു. തിരിച്ചറിയല്‍ കാര്‍ഡിന്റെ പകര്‍പ്പ്, പാന്‍കാര്‍ഡിന്റെ പകര്‍പ്പ് എന്നിവ സഹിതം ഓഫീസ് പ്രവര്‍ത്തി സമയത്ത് എത്തിയാല്‍ വില അടച്ച് ചന്ദനം വാങ്ങാവുന്നതാണ്. ക്ഷേത്രങ്ങളിലെ ഉപയോഗത്തിനായുളള ചന്ദനതടികളും ലഭ്യമാണ്. ഫോണ്‍: 0484 2768640 

തൊഴിലിടങ്ങളില്‍ ഉള്‍പ്പെടെ സ്ത്രീകള്‍ നേരിടുന്ന എല്ലാത്തരം അതിക്രമങ്ങള്‍ക്കുമെതിരെ ശക്തമായ നടപടി സ്വീകരിക്കുമെന്ന് ആരോഗ്യ, സാമൂഹ്യനീതി, ശിശു വികസന വകുപ്പ് മന്ത്രി കെ.കെ.ശൈലജ ടീച്ചര്‍ വാര്‍ത്താ സമ്മേളനത്തില്‍ പറഞ്ഞു. തൊഴിലിടങ്ങളിലാണ് സ്ത്രീകള്‍ പല തരത്തിലുള്ള പീഡനങ്ങള്‍ക്ക് ഇരയാകുന്നത്. പലപ്പോഴും പരാതി നല്‍കാനുള്ള സംവിധാനങ്ങള്‍ ഇല്ലാത്തതിനാല്‍ സ്ത്രീകള്‍ പല സംഭവങ്ങളും പുറത്തു പറയാറില്ല. അതിനാല്‍ സ്ത്രീകള്‍ ജോലി ചെയ്യുന്ന എല്ലായിടങ്ങളിലും ഇന്റേണല്‍ പരാതി സെല്ലുകള്‍ രൂപീകരിച്ച് പ്രവര്‍ത്തനം ശക്തമാക്കും. സര്‍ക്കാര്‍ ഇതു സംബന്ധിച്ച് നിയമം ഉടന്‍ നടപ്പാക്കും. 

ആരോഗ്യസംരക്ഷണത്തിനായി 'ഹെല്‍ത്തി ഫുഡ് ചലഞ്ച്' ഏറ്റെടുക്കാന്‍ സമൂഹം തയാറാകണമെന്ന് ആരോഗ്യവകുപ്പ് മന്ത്രി കെ.കെ. ശൈലജ ടീച്ചര്‍ അഭിപ്രായപ്പെട്ടു. സുരക്ഷിതവും ആരോഗ്യകരവും പോഷകനിലവാരമുള്ളതുമായ ഭക്ഷണം എന്ന ആശയം മുന്‍നിര്‍ത്തി സംഘടിപ്പിക്കുന്ന 'സ്വസ്ത് ഭാരത്' അഖിലേന്ത്യാ സൈക്ലത്തോണിനോടനുബന്ധിച്ചുള്ള ഉദ്ഘാടനസമ്മേളനത്തില്‍ സംസാരിക്കുകയായിരുന്നു മന്ത്രി.

സംസ്ഥാന ശിശുക്ഷേമ സമിതി ശിശുദിനത്തിന് പുറത്തിറക്കുന്ന ശിശുദിനസ്റ്റാമ്പ് 2018 ന് ചിത്രരചന ക്ഷണിച്ചു. 'നവകേരള സൃഷ്ടിക്കായി നമുക്കൊരുമിക്കാം' എന്ന ആശയത്തെ ആസ്പദമാക്കി നാലു മുതല്‍ പ്ലസ്ടുവരെ ക്ലാസ്സുകളില്‍ ( 9 മുതല്‍ 17 വയസ്സുവരെ) പഠിക്കുന്ന വിദ്യാര്‍ത്ഥികള്‍ക്ക് ചിത്രരചനാ മത്സരത്തില്‍ പങ്കെടുക്കാം.

 ചിത്രങ്ങള്‍ക്ക് ജലഛായം, പോസ്റ്റര്‍ കളര്‍, ക്രയോണ്‍സ്, ഓയില്‍ പെയിന്റ് എന്നിവയിലൊന്ന് ഉപയോഗിക്കാം. 15 x 12 സെന്റീമീറ്റര്‍ അനുപാതത്തിലായിരിക്കണം ചിത്രങ്ങള്‍.