മഹാത്മാഗാന്ധിയുടെ നൂറ്റി അമ്പതാം വാര്‍ഷികാഘോഷങ്ങളുടെയും ഖാദി പ്രസ്ഥാനത്തിന്റെ നൂറാം വാര്‍ഷികാഘോഷത്തിന്റെയും ഭാഗമായി കേരള ഖാദി ഗ്രാമവ്യവസായ ബോര്‍ഡ്, കേരളത്തിലെ ഹൈസ്‌ക്കൂള്‍/കോളേജ് വിദ്യാര്‍ത്ഥികള്‍ക്കായി മഹാത്മാഗാന്ധിയും ഖാദിയും സ്വാതന്ത്ര്യസമരവും എന്ന വിഷയത്തില്‍ സംസ്ഥാനതല ക്വിസ് മല്‍സരം നടത്തും. 

2018-19 വര്‍ഷത്തെ ഒ.ബി.സി പ്രീമെട്രിക് സ്‌കോളര്‍ഷിപ്പിന് വിദ്യാര്‍ത്ഥികളില്‍ നിന്നും അപേക്ഷകള്‍ സ്വീകരിക്കുന്നതിനുള്ള തിയതി നവംബര്‍ അഞ്ച് വരെയും ഡാറ്റാ എന്‍ട്രി നടത്തുന്നതിനുള്ള അവസാന തിയതി നവംബര്‍ പത്ത് വൈകുന്നേരം അഞ്ച് വരെയും നീട്ടി.  ഐ.റ്റി @ സ്‌കൂളിന്റെ സ്‌കോളര്‍ഷിപ്പ് പോര്‍ട്ടലിലൂടെ സ്‌കൂള്‍ അധികൃതര്‍ക്ക് വിദ്യാര്‍ത്ഥികളുടെ വിവരങ്ങള്‍ ഡാറ്റാ എന്‍ട്രി നടത്താം.  അര്‍ഹരായ വിദ്യാര്‍ത്ഥികളുടെ വിവരങ്ങള്‍ പോര്‍ട്ടലില്‍ ഉള്‍ക്കൊള്ളിക്കുന്നതിന് സ്‌കൂള്‍ പ്രധാനാധ്യാപകര്‍ ശ്രദ്ധിക്കണം.  

പി.എന്‍.എക്‌സ്.4717/18

പ്രളയബാധിത പ്രദേശത്തെ സ്‌കൂള്‍ വിദ്യാര്‍ത്ഥികള്‍ക്ക് നല്‍കാനുള്ള നോട്ട്ബുക്കുകള്‍ കൈമാറി.  ശ്രീകാര്യം ടെക്‌നിക്കല്‍ ഹൈസ്‌കൂളില്‍ പ്രവര്‍ത്തിക്കുന്ന ഗവ. പോസ്റ്റ് പ്രസ് ഓപ്പറേഷന്‍ ആന്റ് ഫിനിഷിംഗ് എന്ന സ്ഥാപനത്തിലെ വിദ്യാര്‍ത്ഥികള്‍ നിര്‍മ്മിച്ച നോട്ടുബുക്കുകളാണ് ഇന്‍സ്ട്രക്ടര്‍ ഷീജ അഡീഷണല്‍ ഡിസ്ട്രിക്ട് മജിസ്‌ട്രേറ്റ് വിനോദ് വി.ആറിന് കൈമാറിയത്.  22 ഓളം വിദ്യാര്‍ത്ഥികള്‍ ചേര്‍ന്നാണ് നോട്ടുബുക്കുകള്‍ നിര്‍മ്മിച്ചത്.

പി.എന്‍.എക്‌സ്.4716/18

നിയമസഭാ മാധ്യമ അവാര്‍ഡുകള്‍ വിതരണം ചെയ്തു

നവോത്ഥാനമെന്നാല്‍ പഴയകാല ഓര്‍മകള്‍ അയവിറക്കല്‍ മാത്രമല്ലെന്നും ഇന്നു നമ്മുടെ മുന്നിലുള്ള പ്രശ്‌നങ്ങളെ എങ്ങനെ നേരിടണമെന്നു തിരിച്ചറിഞ്ഞു പ്രവര്‍ത്തിക്കല്‍ കൂടിയാണെന്നും സ്പീക്കര്‍ പി. ശ്രീരാമകൃഷ്ണന്‍ പറഞ്ഞു. നിയമസഭാ മാധ്യമ അവാര്‍ഡ് വിതരണം, സര്‍ട്ടിഫിക്കറ്റ് കോഴ്‌സ് ഇന്‍ പാര്‍ലമെന്ററി പ്രാക്ടീസ് ആന്റ് പ്രൊസീജിയര്‍ അഞ്ചാമത് ബാച്ചിന്റെ ഉദ്ഘാടനം, ഉപന്യാസ മത്സര വിജയികള്‍ക്ക് സമ്മാനദാനം എന്നിവ നിര്‍വഹിച്ച് സംസാരിക്കുകയായിരുന്നു അദ്ദേഹം.

* എയ്ഡഡ് കോളേജുകളില്‍ ഇനി സ്വാശ്രയ കോഴ്‌സുകള്‍ അനുവദിക്കില്ല

അടുത്ത അധ്യയന വര്‍ഷം ഓപ്പണ്‍ യൂണിവേഴ്‌സിറ്റി യാഥാര്‍ഥ്യമാകുമെന്ന് ഉന്നതവിദ്യാഭ്യാസ മന്ത്രി ഡോ. കെ.ടി. ജലീല്‍ പറഞ്ഞു. എയ്ഡഡ് കോളേജുകളിലെ മാനേജര്‍മാരുമായും പ്രിന്‍സിപ്പല്‍മാരുമായും യോഗത്തില്‍ അധ്യക്ഷത വഹിക്കുകയായിരുന്നു. എയ്ഡഡ് കോളേജുകളില്‍ ഇനി പുതിയ സ്വാശ്രയ കോഴ്‌സുകള്‍ അനുവദിക്കില്ലെന്നും മന്ത്രി പറഞ്ഞു.

ഓപ്പണ്‍ യൂണിവേഴ്‌സിറ്റി യാഥാര്‍ഥ്യമാകുന്നതോടെ വിദൂര വിദ്യാഭ്യാസം, പ്രൈവറ്റ് രജിസ്‌ട്രേഷന്‍ എന്നിവ ഇതിനു കീഴിലാകും. ഇതോടെ കോളേജുകളിലും യൂണിവേഴ്‌സിറ്റികളിലും നിലവിലെ തിരക്ക് കുറയും.

2018 ഡിസംബറില്‍ മാനവിക വിഷയങ്ങളില്‍ നടത്തുന്ന യു ജി സി നെറ്റ് പരീക്ഷയുടെ ജനറല്‍ പേപ്പറിന് (പേപ്പര്‍ 1) കണ്ണൂര്‍ സര്‍വകലാശാല എംപ്ലോയ്‌മെന്റ് ഇന്‍ഫര്‍മേഷന്‍ ആന്റ് ഗൈഡന്‍സ് ബ്യൂറോയുടെ ആഭിമുഖ്യത്തില്‍ നവംബര്‍ 15 മുതല്‍ 24 വരെ താവക്കര ആസ്ഥാന മന്ദിരത്തില്‍ പരിശീലനം നല്‍കുന്നു. കോഴ്‌സ് ഫീസ് 1500 രൂപ (എസ് സി/ എസ് ടി/ അംഗപരിമിതര്‍ 750 രൂപ).

കഴക്കൂട്ടം സൈനിക് സ്‌കൂളില്‍ ആറ്, ഒമ്പത് ക്ലാസുകളിലേക്ക് 2019-20 അധ്യയന വര്‍ഷം ആണ്‍കുട്ടികള്‍ക്ക്  പ്രവേശന പരീക്ഷക്ക് അപേക്ഷിക്കാം. അപേക്ഷാഫോമും വിശദ വിവരങ്ങളും https://www.sainikschooltvm.nic.in/ എന്ന വെബ്‌സൈറ്റില്‍ നവംബര്‍ 26 വരെ ലഭിക്കും. 2019 ജനുവരി ആറിനാണ് എഴുത്തു പരീക്ഷ.

 പി കരുണാകരന്‍ എം പിയുടെ പ്രാദേശിക വികസനനിധിയില്‍നിന്ന് 12 ലക്ഷം രൂപ വിനിയോഗിച്ച് ചെറുപുഴ ഗ്രാമപഞ്ചായത്തിലെ തിരുമേനി ജി എച്ച് എസ് എസില്‍ ഓപണ്‍ ഓഡിറ്റോറിയം നിര്‍മ്മിക്കുന്നതിന് ജില്ലാ കലക്ടര്‍ ഭരണാനുമതി നല്‍കി.

കേരള ഫിനാന്‍ഷ്യല്‍ കോര്‍പ്പറേഷന്‍ ജില്ല ഓഫീസിന്റെ ആഭിമുഖ്യത്തില്‍ വായ്പ ഇടപാടുകാരുടെ സംഗമം സംഘടിപ്പിച്ചു. ജനറല്‍ മാനേജര്‍ ഇ ആര്‍ രഞ്ജിത്ത് കുമാര്‍ ഉദ്ഘാടനം ചെയ്തു. വളരെ എളുപ്പത്തില്‍ കുറഞ്ഞ പലിശ നിരക്കില്‍ വ്യവസായങ്ങള്‍, നിര്‍മ്മാണ പ്രവര്‍ത്തനങ്ങള്‍,  ഹോസ്പിറ്റല്‍, സിനിമ തിയേറ്റര്‍ നവീകരണം, ഷോപ്പിങ്ങ് കോപ്ലക്‌സ്, വില്ല നിര്‍മാണം തുടങ്ങിയവയ്ക്കും കെഎഫ്‌സി വായ്പ നല്‍കുന്നതായി യോഗത്തില്‍ അറിയിച്ചു. കോഴിക്കോട് സോണല്‍ മാനേജര്‍ ഡോ കെ എസ് രാജീവ് അധ്യക്ഷത വഹിച്ചു. എ ജി എം അബ്ദുല്‍ മനാഫ്, ചീഫ് മാനേജര്‍ സി പി രവികുമാര്‍, മാനേജര്‍മാരായ സി വി. വേണുഗോപാലന്‍, പി സിനു, കേരള ഗവ.

 മലബാര്‍ ദേവസ്വം ബോര്‍ഡിനു കീഴിലുളള കാസര്‍കോട് താലൂക്കിലുളള കാറഡുക്ക ഗ്രാമത്തിലെ മുണ്ടോള്‍ ശ്രീ ദുര്‍ഗ്ഗാ പരമേശ്വരി ക്ഷേത്രത്തില്‍ നിലവിലുളള പാരമ്പര്യേതര ട്രസ്റ്റിമാരുടെ ഒഴിവുകളിലേക്ക് ക്ഷേത്ര പരിസരവാസികളായ ഹിന്ദുമതവിശ്വാസികളില്‍ നിന്നും അപേക്ഷ ക്ഷണിച്ചു.  അപേക്ഷകള്‍ മലബാര്‍ ദേവസ്വം ബോര്‍ഡ്, കാസര്‍കോട് ഡിവിഷന്‍  നീലേശ്വരത്തുളള അസിസ്റ്റന്റ് കമ്മീഷണറുടെ ഓഫീസില്‍ നവംബര്‍ 16 ന് വൈകുന്നേരം അഞ്ചിന് മുമ്പായി ലഭിക്കണം.