വിദ്യാര്‍ത്ഥികള്‍ക്ക് ഇന്റേണ്‍ഷിപ്പിലേക്ക് അപേക്ഷിക്കാം
കിന്‍ഫ്ര നിയോ സ്‌പെയിസ് ഐ.ടി ഹബ്ബില്‍ ഇന്‍ഡസ്ട്രിയല്‍ സര്‍ട്ടിഫിക്കറ്റോടു കൂടി ഇന്റേണ്‍ഷിപ്പ് പ്രോഗ്രാമിലെക്ക് അപേക്ഷിക്കാം. ബി.ഇ/ ബി.ടെക് ഇലക്‌ട്രോണിക്‌സ്, കംപ്യൂട്ടര്‍ സയന്‍സ്,  ഐ.ടി, ഇലക്ടിക്കല്‍ എന്നിവ പഠിച്ചവര്‍ക്ക് അപേക്ഷിക്കാം, ഫോണ്‍ : 9745517898.

മലമ്പുഴ മൃഗസംരക്ഷണ പരിശീലനകേന്ദ്രത്തില്‍ ജൂലൈ 19 മുതല്‍ 21 വരെ  ഇറച്ചിക്കോഴി വളര്‍ത്തലില്‍  സൗജന്യ പരിശീലനം നല്‍കുന്നു. താത്പര്യമുളളവര്‍ രജിസ്റ്റര്‍ ചെയ്യണം. ഫോണ്‍ 0491 - 2815454, 8281777080

കാലവര്‍ഷക്കെടുതി നേരിടുന്നതില്‍ ജില്ലാ ഭരണകൂടങ്ങള്‍ ജാഗ്രതയോടെ  ഇടപെടണമെന്ന് മുഖ്യമന്ത്രി പിണറായി വിജയന്‍. ജില്ലാ കലക്ടര്‍മാരുമായി നടത്തിയ ടെലി കോണ്‍ഫറന്‍സിങില്‍ സംസാരിക്കുകയായിരുന്നു അദ്ദേഹം.

യുവജനങ്ങളെ ഇടപാടുകളിലേക്ക്ആകര്‍ഷിക്കാനും പ്രവാസി നിക്ഷേപം സ്വീകരിക്കാനുംസഹകരണ ബാങ്കുകളില്‍ ആധുനിക സാങ്കേതിക സൗകര്യങ്ങള്‍ ഒരുക്കുന്നത് സജീവ പരിഗണനയിലാണെന്ന് സഹകരണവകുപ്പ് മന്ത്രി കടകംപള്ളി സുരേന്ദ്രന്‍. തിരൂര്‍ അര്‍ബന്‍ കോഓപ്പറേറ്റീവ് ബാങ്കിന്റെ ശതവാര്‍ഷിത്തോടനുബന്ധിച്ച് നിര്‍മ്മിച്ച പുതിയകെട്ടിടത്തിന്റെഉദ്ഘാടനം നിര്‍വഹിച്ചുസംസാരിക്കുകയായിരുന്നുമന്ത്രി.

ഫുഡ് പ്രൊഡക്ഷന്‍ ട്രെയിനിംഗ് പ്രോഗ്രാമില്‍ ഗസ്റ്റ് ഇന്‍സ്ട്രക്ടറെ തെരഞ്ഞെടുക്കുന്നതിനായി ഈ മാസം 24 ന് രാവിലെ 11 മണിക്ക് സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് ഹോസ്പിറ്റാലിറ്റി മാനേജ്‌മെന്റില്‍ ഇന്റര്‍വ്യൂ നടത്തും. ഹോട്ടല്‍ മാനേജ്‌മെന്റ് ബിരുദവും ഫുഡ് പ്രൊഡക്ഷന്‍ പരിചയവും ഉളളവര്‍ക്ക് പങ്കെടുക്കാം. താല്‍പര്യമുളളവര്‍ വിദ്യാഭ്യാസം, പ്രവൃത്തിപരിചയം എന്നിവയുടെ അസ്സല്‍ രേഖകളും പകര്‍പ്പും സഹിതം രാവിലെ 10 മണിക്ക് വെസ്റ്റ്ഹില്‍ വരക്കല്‍ ബീച്ചിന് സമീപമുളള ഓഫീസില്‍ ഹാജരാകണം.
 

മലപ്പുറം ജില്ലാ സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍ മഞ്ചേരി പയ്യനാട് പ്രവര്‍ത്തിക്കുന്ന ഫുട്‌ബോള്‍ ട്രെയിനിംഗ് അക്കാദമിയിലേക്കുള്ള സെലക്ഷന്‍ ട്രയല്‍സ് ജൂലൈ 21 ന് നടക്കും. 2009 ജനുവരി ഒന്നിനും 2010 ഡിസംബര്‍ 31 നും ഇടക്ക് ജനിച്ച ആണ്‍കുട്ടികള്‍ക്ക് ട്രയല്‍സില്‍ പങ്കെടുക്കാം. വയസ്സ് തെളിയിക്കുന്ന അസ്സല്‍ സര്‍ട്ടിഫിക്കറ്റ്, പാസ്‌പോര്‍ട്ട് സൈസ് ഫോട്ടോ, കളിക്കാനുള്ള കിറ്റ് എന്നിവ സഹിതം ജൂലൈ 21 ന് രാവിലെ എട്ടു മണിക്ക് മഞ്ചേരി ഗവ. ബോയ്‌സ് ഹയര്‍സെക്കന്ററി സ്‌കൂളില്‍ എത്തണമെന്ന് ജില്ലാ സ്‌പോര്‍ട്‌സ് കൗണ്‍സില്‍ സെക്രട്ടറി അറിയിച്ചു.

ഫിഷറീസ് വകുപ്പിന്റെ ആഭിമുഖ്യത്തില്‍ കടലില്‍ മത്സ്യ ബന്ധനം നടത്തുന്ന, ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത മത്സ്യത്തൊഴിലാളികള്‍ക്കായി സിഫ്‌നെറ്റ് കൊച്ചിയില്‍  കടല്‍ സുരക്ഷയെ സംബന്ധിച്ച് ആറു ദിവസത്തെ പരിശീലന പരിപാടി സംഘടിപ്പിക്കും. സ്റ്റൈപ്പന്റ് - പ്രതിദിനം 500 രൂപ. യാത്രാബത്ത, താമസസൗകര്യം, ഭക്ഷണം എന്നിവ നല്‍കും.  മുന്‍പ് പരിശീലനം നേടിയവര്‍ അപേക്ഷിക്കേണ്ടതില്ല. അപേക്ഷകര്‍ ഈ മാസം 28 നകം വെസ്റ്റ്ഹില്ലുള്ള ഫിഷറീസ് ഡെപ്യൂട്ടി ഡയറ്കടര്‍ ഓഫീസുമായി ബന്ധപ്പെടണം. ഫോണ്‍: 0495 2383780, 0484-2604176.
 

കേരള സംസ്ഥാന ഭാഗ്യക്കുറി ഏജന്റുമാരുടേയും വില്പനക്കാരുടേയും ക്ഷേമനിധി അംഗങ്ങളുടെ മക്കള്‍ക്കുള്ള 2018 ലെ വിദ്യാഭ്യാസ പ്രോത്സാഹന അവാര്‍ഡിനും ഉപരിപഠനത്തിനുള്ള ഒറ്റത്തവണ സ്‌കോളര്‍ഷിപ്പിനും അപേക്ഷ ക്ഷണിച്ചു. വിദ്യാഭ്യാസ അവാര്‍ഡിന് എസ്.എസ്.എല്‍.സി, ടി.എച്ച്. എസ്.എസ്.എല്‍.സി, എച്.എസ്.സി, വിഎച്.എസ്.സി വിഭാഗങ്ങളിലായി ഉയര്‍ന്ന മാര്‍ക്ക് നേടിയവര്‍ക്ക് അപേക്ഷിക്കാം. സ്റ്റേറ്റ് സിലബസിനും സി.ബി.എസ്.ഇ സിലബസിനും പ്രത്യേക അവാര്‍ഡ് നല്‍കും.

സംസ്ഥാന ഭാഗ്യക്കുറിയുടെ തിരുവോണം ബംബര്‍ ടിക്കറ്റിന്റെ ജില്ലാതല വിതരണോല്‍ഘാടനം ഇന്ന് (ജൂലൈ 18) ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ഉദ്ഘാടനം ചെയ്യും. കലക്ടര്‍ അമിത് മീണ അധ്യക്ഷത വഹിക്കും. ഉച്ചക്ക് ഒരുമണിക്ക് ജില്ലാ പഞ്ചായത്ത് കോണ്‍ഫറന്‍സ് ഹാളിലാണ് പരിപാടി.

 ജില്ലയില്‍ ഈവനിംഗ് ഒ.പി നടക്കുന്ന വിവിധ ആരോഗ്യ സ്ഥാപനങ്ങളില്‍ തദ്ദേശ സ്വയംഭരണ സ്ഥാപനങ്ങളിലൂടെ നിയമിതരായി ജോലി ചെയ്യുന്ന ഡോക്ടര്‍മാര്‍ അവരുടെ വിദ്യാഭ്യാസ യോഗ്യത തെളിയിക്കുന്നതിനുള്ള അസ്സല്‍ സര്‍ട്ടിഫിക്കറ്റുകള്‍ (ങആആട ഡിഗ്രിയും, ട്രാവന്‍കൂര്‍ കൊച്ചിന്‍ മെഡിക്കല്‍ കൗണ്‍സില്‍ രജിസ്‌ട്രേഷനും) സഹിതം ഇന്ന് (2018 ജൂലൈ 18) രാവിലെ 11 ന് മലപ്പുറം സിവില്‍ സ്റ്റേഷന്‍ ബി-3 ബ്ലോക്കിലെ ജില്ലാ മെഡിക്കല്‍ ഓഫീസില്‍ എത്തണം.