ജന്‍ ശിക്ഷന്‍ സന്‍സ്ഥാന്‍ നടത്തുന്ന കൗണ്‍സലിങ് കോഴ്‌സിന് അപേക്ഷ ക്ഷണിച്ചു. ഞായറാഴ്ചകളില്‍ നിലമ്പൂര്‍ ജെ.എസ്.എസ് ഓഫീസിലാണ് കോഴ്‌സ്.  വ്യക്തിത്വ വളര്‍ച്ചക്കും കുടംബ സാമൂഹികതൊഴില്‍ മേഖലകളിലെ മാനസിക- ആരോഗ്യ പ്രശ്‌നങ്ങളില്‍ ശാസ്ത്രീയമായി ഇടപെടാന്‍ പ്രാപ്തമാക്കുന്നതുമാണ് സര്‍ട്ടിഫിക്കറ്റ് പ്രോഗ്രാം ഇന്‍ ബേസിക്ക് കൗണ്‍സിലിംഗ് സ്‌കില്‍സ് കോഴ്‌സ.് അപേക്ഷാ ഫോമും, പ്രോസ്‌പെക്ടസും നിലമ്പൂരിലെ ജെ.എസ്.എസ് ജില്ലാ ഓഫീസില്‍ ലഭിക്കും. അവസാന തീയതി ജുലൈ 24. ഫോണ്‍ 8943614744.

തിരുവമ്പാടി, ചാത്തമംഗലം ഐ.ടി.ഐകളില്‍ യഥാക്രമം ഈ മാസം 23, 25 തിയ്യതികളില്‍ രണ്ടാംഘട്ട പ്രവേശന കൗണ്‍സിലിംഗ് നടത്തും. ഹാജരാകേണ്ടവരുടെ ലിസ്റ്റ് ഐ.ടി.ഐകളില്‍ പ്രദര്‍ശിപ്പിക്കും.  തിരുവമ്പാടി ഐ ടി ഐ വെബ് സൈറ്റിലും ലിസ്റ്റ് ലഭ്യമാണ്. ണലയശെലേ : ംംം.ശശേവേശൃൗ്മായമറശ.സലൃമഹമ.ഴീ്.ശി. ഫോണ്‍ : 0495 2254070.
 

ബേപ്പൂര്‍, നടുവട്ടത്തുളള സര്‍ക്കാര്‍ ക്ഷീര പരിശീലന കേന്ദ്രത്തില്‍ പാലിന്റെ ഗുണനിലവാരം, മെച്ചപ്പെട്ട പാല്‍വില ലഭ്യമാക്കല്‍, ശാസ്ത്രീയ കറവരീതി, അനുബന്ധ നിയമങ്ങള്‍ തുടങ്ങിയ വിഷയങ്ങളില്‍ 24,25 തീയതികളിലായി പരിശീലനം നടത്തും. മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലുള്ള ക്ഷീര കര്‍ഷകര്‍ക്കാണ് പരിശീലനം. താല്‍പര്യമുളളവര്‍ 24 ന് രാവിലെ 10 മണിക്ക് മുമ്പായി, ബാങ്ക് പാസ്സ് ബുക്കിന്റെ ഫോട്ടോസ്റ്റാറ്റ്  കോപ്പി,  ഫോട്ടോ പതിച്ച തിരിച്ചറിയല്‍ കാര്‍ഡിന്റെ പകര്‍പ്പ്, 15 രൂപ രജിസ്‌ട്രേഷന്‍ ഫീസ് സഹിതം പരിശീലന കേന്ദ്രത്തില്‍ എത്തണം. ഫോണ്‍ : 0495 2414579. 
 

കെല്‍ട്രോണിന്റെ വഴുതക്കാടുളള നോളജ് സെന്ററില്‍ തൊഴിലധിഷ്ഠിത അനിമേഷന്‍ കോഴ്‌സുകളിലേക്ക് അപേക്ഷ ക്ഷണിച്ചു. അഡ്വാന്‍സ്ഡ് ഡിപ്ലോമ ഇന്‍ മിഡീയാ ഡിസൈനിങ് ആന്റ് ഡിജിറ്റല്‍ ഫിലിംമേക്കിംഗ് (12 മാസം), ഡിപ്ലോമ ഇന്‍ ഡിജിറ്റല്‍ ഫിലിംമേക്കിംഗ് (6 മാസം), സര്‍ട്ടിഫിക്കറ്റ് കോഴ്‌സ് ഇന്‍ അഡ്വാന്‍സ്ഡ് വെബ്ഡിസൈനിംഗ്, സര്‍ട്ടിഫിക്കറ്റ് കോഴ്‌സ് ഇന്‍ അഡ്വാന്‍സ്ഡ് ഗ്രാഫിക് ഡിസൈ നിംഗ്, സര്‍ട്ടിഫിക്കറ്റ് കോഴ്‌സ് ഇന്‍ ഗ്രാഫിക്‌സ് ആന്റ് വിഷ്വല്‍ ഇഫക്ട്‌സ് (3 മാസം) എന്നിവയാണ് കോഴ്‌സുകള്‍. യോഗ്യത - എസ്.എസ്.എല്‍.സി, പ്ലസ്ടു, ഡിപ്ലോമ, ഡിഗ്രി. ഫോണ്‍ :0471 2325154/4016555.

വ്യാജമദ്യ ഉത്്പാദനം, വിതരണം, വില്‍പന എന്നിവ പൊതുജന പങ്കാളിത്ത ത്തോടെ തടയുന്നതിനുവേണ്ടിയുളള ജില്ലാതല കമ്മിറ്റിയുടെ യോഗം ഈ മാസം 23 ന് ഉച്ചയ്ക്ക് ശേഷം നാല് മണിക്ക് കലക്ടറേറ്റ് കോണ്‍ഫറന്‍സ് ഹാളില്‍ ചേരും.
 

ജില്ലാ സര്‍വ്വേ സൂപ്രണ്ടിന്റെ ഔദ്യോഗിക കൃത്യനിര്‍വ്വഹണം തടസ്സപ്പെ ടുത്തിയതിന് ഫസ്റ്റ് ഗ്രേഡ് സര്‍വ്വയര്‍ എന്‍.ജെ പത്മരാജനെ 1960 ലെ കെ.സി.എസ് സി.സി.എ ചട്ടം 10 പ്രകാരം സര്‍വ്വീസില്‍ നിന്നും ജില്ലാ കലക്ടര്‍ സസ്‌പെന്റ് ചെയ്തു. 
 

ജില്ലയില്‍ കനത്ത മഴ തുടരുകയാണ്. ഇന്ന് ലഭിച്ച മഴ 29 മില്ലിമീറ്റര്‍. താലൂക്കുകളില്‍ 24 മണിക്കൂര്‍ കണ്‍ട്രോള്‍ റൂമുകള്‍ പ്രവര്‍ത്തിക്കുന്നുണ്ട്. കലക്ട്രേറ്റ്: 0495-2371002,താമരശ്ശേരി: 0495-2223088, കോഴിക്കോട്: 0495-2372966,കൊയിലാണ്‍ി: 04962620235, വടകര: 0496 2522361. 
 

സാമൂഹ്യനീതി വകുപ്പ് മുഖേന ട്രാന്‍സ്‌ജെന്‍ഡര്‍ വിഭാഗത്തില്‍പ്പെട്ടവര്‍ക്ക് തിരിച്ചറിയല്‍ കാര്‍ഡ് അനുവദിക്കുന്ന പദ്ധതി പ്രകാരം ജില്ലയിലെ ട്രാന്‍സ്‌ജെന്‍ ഡേഴ്‌സില്‍ നിന്നും തിരിച്ചറിയല്‍ കാര്‍ഡിനുളള അപേക്ഷ ക്ഷണിച്ചു. അപേക്ഷാ ഫോമിനും വിവരങ്ങള്‍ക്കും കോഴിക്കോട് സിവില്‍സ്റ്റേഷനിലെ ജില്ലാ സാമൂഹ്യനീതി ഓഫീസുമായി ബന്ധപ്പെടാം. ഫോണ്‍ : 0495-2371911. 
 

മത്സ്യബന്ധനത്തിനിടയില്‍ കടലില്‍ വീണ് മരിച്ച കടലൂര്‍ ചേമ്പില വളപ്പില്‍ മൊയ്തീന്റെ ആശ്രിതര്‍ക്ക് കേരള മത്സ്യതൊഴിലാളി ക്ഷേമനിധി ബോര്‍ഡിന്റെ അപകട ഇന്‍ഷുറന്‍സ് പദ്ധതിപ്രകാരം 5 ലക്ഷം രൂപ  അനുവദിച്ചു.  തുകയുടെ ചെക്ക് മൊയ്തീന്റെ ഭാര്യ മറിയത്തിന് കെ.ദാസന്‍ എം.എല്‍.എ വീട്ടിലെത്തി വിതരണം ചെയ്തു. മത്സ്യബോര്‍ഡ് ജൂനിയര്‍ എക്‌സിക്യൂട്ടീവ് സി. ആദര്‍ശ്, തിക്കോടി ഫിഷറീസ് ഓഫീസര്‍ ദില്‍ന.ഡി.എസ്, കൊല്ലം മൂടാടി ഇരിങ്ങല്‍ മത്സ്യതൊഴിലാളി സഹകരണ സംഘം ഭരണസമിതിയംഗം പുതിയോട്ടില്‍ നാരായണന്‍, വാര്‍ഡ് മെമ്പര്‍ പി.ഗംഗാധരന്‍, മത്സ്യതൊഴിലാളി പ്രവര്‍ത്തകരായ പി.വി.പവിത്രന്‍, എ.വി.ശശി എന്നിവരും സംബന്ധിച്ചു.