വിദ്യാഭ്യാസത്തിനായി തുക ചെലവഴിക്കുന്നത് വരും തലമുറക്കുള്ള നിക്ഷേപമാണെന്ന് പി കെ കുഞ്ഞാലിക്കുട്ടി എം.പി.. ജനകീയാസൂത്രണ പദ്ധതി പ്രകാരം മലപ്പുറം നഗരസഭ നടപ്പിലാക്കുന്ന സിവില്‍ സര്‍വീസ് അക്കാദമിയിലെ മൂന്നാം ബാച്ചിന്റെ പ്രവേശനോദ്ഘാടനം നിര്‍വഹിക്കുകയായിരുന്നു അദ്ദേഹം. റോഡും പാലവുമടക്കമുള്ള നിര്‍മാണ പ്രവര്‍ത്തനങ്ങള്‍ക്ക് അമിതമായി പണം മുടക്കുന്നതിന് പകരം ഇത്തരം വിദ്യാഭ്യാസ പദ്ധതികള്‍ക്കാണ് വിനിയോഗിക്കേണ്ടത്. സിവില്‍ സര്‍വീസ് പോലുള്ള മേഖല നമുക്കിന്ന് ബാലികേറാമലയല്ലെന്നും അദ്ദേഹം  പറഞ്ഞു.

ആലപ്പുഴ :  സംസ്ഥാന ക്ഷീരവികസന വകുപ്പും പാണ്ടനാട് സ്വാമി വിവേകാനന്ദ ഹയർ സെക്കൻഡറി സ്‌കൂളും ചെങ്ങന്നൂർ ബ്ലോക്കു പഞ്ചായത്തും ചേർന്ന് സ്‌കൂൾ ഡയറി ക്ലബ് തുടങ്ങി. സജി ചെറിയാൻ എം.എൽ.എ  ഉദ്ഘാടനം  ചെയ്തു. ചെങ്ങന്നൂർ ബ്ലോക്കു പഞ്ചായത്ത് പ്രസിഡന്റ് എൻ സുധാമണി അധ്യക്ഷത വഹിച്ചു. ചെങ്ങന്നൂർ ക്ഷീരവികസന ഓഫീസർ രഘുനാഥൻ നായർ പദ്ധതി വിശദീകരണം നടത്തി.

കേരളത്തില്‍ ഒന്നോ രണ്ടോ സ്ഥലങ്ങളില്‍  ഓ ഗസ്റ്റ് 12, 15 തിയതികളില്‍ ശക്തമായ മഴയ്ക്കും (24 മണിക്കൂറില്‍ 7 മുതല്‍ 11 സെ . മി വരെ ) ഓഗസ്റ്റ് 13, 14 തിയതികളില്‍ അതിശക്തമായ മഴയ്ക്കും (24 മണിക്കൂറില്‍ 12 മുതല്‍ 20 സെ . മി വരെ ) സാധ്യതയുണ്ടെന്ന് കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചു.

ദുരിതാശ്വാസ ക്യാംപുകളിലല്ലാതെ ബന്ധുവീടുകളില്‍ അഭയം തേടിയവ ദുരിതബാധിതര്‍ക്കും സൗജന്യ റേഷന്‍ നല്‍കുമെന്ന് മന്ത്രി കെടി ജലീല്‍ പറഞ്ഞു. ദുരന്ത മേഖലയില്‍ സന്ദര്‍ശനം നടത്തിയതിന് ശേഷം സംസാരിക്കുകകായിരുന്നു മന്ത്രി. വെള്ളപ്പൊക്കത്തില്‍ രേഖകള്‍ നഷ്ടപ്പെട്ടവര്‍ക്ക് തിരികെ നല്‍കുന്നതിനായി സെപ്റ്റംബര്‍ ഒന്ന് മുതല്‍ 10 വരെ പ്രത്യേക ക്യാംപ് നടത്തും. പാഠപുസ്തകം നഷ്ടപ്പെട്ട കുട്ടികള്‍ക്ക് അവ സ്‌കൂളില്‍ എത്തിച്ച് നല്‍കുമെന്നും ആവശ്യമെങ്കില്‍ സ്‌കൂളില്‍ പോകുന്നതിന് ദുരിതാശ്വാസ ക്യാംപുകളില്‍ നിന്നും വാഹന സൗകര്യം ഏര്‍പ്പെടുത്തുമെന്നും മന്ത്രി പറഞ്ഞു.

ആലപ്പുഴ: സമ്പൂർണ്ണ സാക്ഷരത എന്ന സ്വപ്നത്തിൽ നിന്ന്  പരിപൂർണ്ണ സാക്ഷരതയിലേക്കുള്ള ചുവടുവയ്പിലാണ് ജില്ലയെന്ന് ജില്ല പഞ്ചായത്ത് പ്രസിഡന്റ് ജി.വേണുഗോപാൽ. 2020ൽ മുഴുവനാളുകളേയും പത്താംതരം തുല്യത പാസാക്കാനും 22ൽ  പ്ലസ്ടൂ യോഗ്യത കൈവരിക്കുകയാണ് ജില്ല സാക്ഷരത മിഷൻ ലക്ഷ്യമെന്ന് ജില്ല  മിഷൻ അധ്യക്ഷനായ അദ്ദേഹം പറഞ്ഞു. 10-ാം  തരം, ഹയർ സെക്കൻഡറി തുല്യത ഓൺലൈൻ രജിസ്‌ട്രേഷൻ ഉദ്ഘാടനവും ചരിത്രരേഖ സർവെ റിപ്പോർട്ട് പ്രകാശനവും നിർവഹിക്കുകയായിരുന്നു വേണുഗോപാൽ.

ജീവിതശൈലീ രോഗങ്ങളില്‍നിന്നു മുക്തി നേടാനും ആരോഗ്യമുള്ള മനസും ശരീരവും വാര്‍ത്തെടുക്കാനും സ്ത്രീകള്‍ക്കായി കിളിമാനൂരില്‍ ബ്ലോക്ക് പഞ്ചായത്ത് ഹെല്‍ത്ത് ക്ലബ് ആരംഭിക്കുന്നു. ബ്ലോക്ക് ഓഫീസിന്റെ മുകളിലത്തെ നിലയില്‍ ആരംഭിക്കുന്ന ഹെല്‍ത്ത് ക്ലബില്‍ രണ്ടരലക്ഷം രൂപയുടെ ഫിറ്റ്‌നസ് ഉപകരണങ്ങള്‍ ഉണ്ടാകും.

ഉദ്യോഗസ്ഥരായ സ്ത്രീകള്‍ക്കും കുട്ടികള്‍ക്കും സൗകര്യപ്രദമായ രീതിയില്‍ രാവിലെയും വൈകുന്നേരവുമാണു ഹെല്‍ത്ത് ക്ലബിന്റെ പ്രവര്‍ത്തന സമയം ക്രമീകരിക്കുക. നിര്‍ദേശങ്ങള്‍ നല്‍കാനും പരിശീലിപ്പിക്കാനും വനിതാ ട്രെയിനറും ഒപ്പമുണ്ടാകും.

പട്ടികജാതി വിഭാഗത്തില്‍പ്പെട്ട ഭൂമിയില്ലാത്ത ഭവനരഹിതര്‍ക്കു ലൈഫ് പദ്ധതിയില്‍ ഉള്‍പ്പെടുത്തി ഭവന സമുച്ചയം നിര്‍മിക്കാന്‍ ഒരുങ്ങി കിളിമാനൂര്‍ ബ്ലോക്ക് പഞ്ചായത്ത്്. പഴയകുന്നുമ്മേല്‍ ഗ്രാമപഞ്ചായത്തില്‍ ഇതിനായി 80 സെന്റ് സ്ഥലം വാങ്ങി.

മുതിര്‍ന്ന പൗരന്മാര്‍ക്കു മാനസികോല്ലാസത്തിനു വയോജന ക്ലബ്ബുമായി  കിളിമാനൂര്‍ ബ്ലോക്ക് പഞ്ചായത്ത്. പള്ളിക്കല്‍ ഗ്രാമ പഞ്ചായത്തിലെ പകല്‍ വീട്ടിലും നഗരൂര്‍ ഗ്രാമ പഞ്ചായത്തിലെ അംഗന്‍വാടിയിലുമായി രണ്ടു ക്ലബ്ബുകള്‍ രൂപീകരിക്കാനാണു പദ്ധതി.

60 വയസിനു മുകളിലുള്ളവര്‍ക്ക് ഒഴിവുസമയങ്ങളില്‍ ഒത്തുകൂടാന്‍ ഇവിടെ സൗകര്യമൊരുക്കും. ചെസ്സ്, ക്യാരംസ് മുതലായ കളിയുപകരണങ്ങളും ടെലിവിഷനും ക്ലബ്ബില്‍ സജ്ജീകരിക്കും. ശരീരത്തിനും മനസിനും വ്യായാമം നല്‍കുന്ന കളികള്‍ക്കുള്ള സൗകര്യവുമുണ്ടാകും.

സാമൂഹ്യനീതി വകുപ്പിന്റെയും തിരുവനന്തപുരം മെഡിക്കല്‍ കോളേജ് മാനസികാരോഗ്യ വിഭാഗത്തിന്റെയും സഹായത്തോടെ ചിറയിന്‍കീഴ് ബ്ലോക്ക് പഞ്ചായത്തില്‍ സമഗ്ര മാനസികാരോഗ്യ പരിപാടി തുടങ്ങി. സുരക്ഷ എന്നു പേരിട്ടിരിക്കുന്ന പരിപാടി സംസ്ഥാനത്ത് ആദ്യം നടപ്പാക്കുന്ന ബ്ലോക്ക് പഞ്ചായത്താണു ചിറയിന്‍കീഴ്. 

മാനസിക വൈകല്യമുള്ളവര്‍ക്കു മാന്യമായ ജീവിതം, ചികിത്സ, സാമൂഹ്യ സുരക്ഷ എന്നിവ ലഭ്യമാക്കുന്ന പദ്ധതിയാണ് സുരക്ഷ. കുട്ടികളുടെ പഠന വൈകല്യങ്ങള്‍ മുതല്‍ വയോജനങ്ങളുടെ മറവിരോഗം വരെയുള്ള പ്രശ്‌നങ്ങള്‍ക്കു സൗജന്യ ചികിത്സയും കൗണ്‍സലിംഗ് സേവനങ്ങളും സൈക്കോ തെറാപ്പിയും സുരക്ഷ കേന്ദ്രങ്ങളിലൂടെ ലഭ്യമാക്കുന്നു.

ജില്ലാ ഭരണകൂടത്തിൻരെ അഭ്യർത്ഥന പ്രകാരം , കുട്ടനാടിന്റെ വിവിധ ഭാഗങ്ങളിൽ സ്ഥാപിച്ച ബയോടോയ്‌ലററിന്റെ മാലിന്യം ദിവസവും നീക്കം ചെയ്യുന്നതിന്റെ ചെലവ്  ആലപ്പുഴയിലെ  എൻ.സി.ജോൺ ആന്റ് കമ്പനി വഹിക്കും. ഇതിനായി 12 ലക്ഷത്തോളം രൂപയാണ് കമ്പനി നൽകുക.  

(പി.എൻ.എ. 2275/2018)