മഴക്കെടുതിമൂലം ദുരിതം അനുഭവിക്കുന്ന ജില്ലകള്‍ക്കുള്ള ദുരിതാശ്വാസ സഹായം എത്തിക്കാം. പായ, പുതപ്പ്‌, , ലുങ്കി, ബെഡ്‌ ഷീറ്റ്‌, നൈറ്റി, ടൗവല്‍, ഡെറ്റോള്‍, ബ്ലീച്ചിംഗ്‌ പൗഡര്‍, മസാല പൗഡര്‍, മെഴുകുതിരി, തീപ്പെട്ടി,കൊതുകുകടി നിവാരണ ക്രീമം, മുതിര്‍ന്നവര്‍ക്കുള്ള ഡയഫറുകള്‍, ഒ.ആര്‍.എസ്‌. ഗുളികകള്‍ തുടങ്ങിയവ നല്‍കാം. പുതിയ ഉല്‌പന്നങ്ങള്‍ മാത്രമേ സ്വീകരിക്കുകയുള്ളൂ. പച്ചക്കറികള്‍ ഒഴിവാക്കണം. കേടുകൂടാതെ സൂക്ഷിക്കാനാകുന്ന ടിന്‍ ഭക്ഷണപദാര്‍ഥങ്ങള്‍ സ്വീകരിക്കും. സഹായങ്ങള്‍ ഇന്ന്‌ (ഓഗസ്റ്റ്‌ 14) വൈകീട്ട്‌ 5 നകം തൃശൂര്‍ അയ്യന്തോള്‍ കളക്‌ട്രേറ്റില്‍ എത്തിക്കണമെന്ന്‌ ജില്ലാ കളക്‌ടര്‍ ടി വി അനുപമ അറിയിച്ചു.

    കേന്ദ്ര ടെക്‌സ്റ്റൈല്‍ മന്ത്രാലയത്തിന്റെ കീഴിലുള്ള അപ്പാരല്‍ ട്രെയിനിംഗ് ആന്റ് ഡിസൈന്‍ സെന്ററും രാജീവ് ഗാന്ധി നാഷണല്‍ ഇന്‍സ്റ്റിറ്റ്യൂട്ട് ഓഫ് യൂത്ത് ഡവലപ്‌മെന്റും സംയുക്തമായി നടത്തുന്ന മൂന്ന് വര്‍ഷത്തെ ബിവോക്ക് ഡിഗ്രി ഇന്‍ ഫാഷന്‍ ഡിസൈന്‍ ആന്റ് റീട്ടെയില്‍ കോഴ്‌സിന് സീറ്റ് ഒഴിവുണ്ട്.  പ്ലസ്ടു യോഗ്യതയുള്ള വിദ്യാര്‍ഥികള്‍ക്ക് ആഗസ്റ്റ് 20 വരെ അപേക്ഷിക്കാം.  ഫോണ്‍: 0460 2226110, 9746394616.

    പി എസ് സി അംഗീകരിച്ച ഹിന്ദി ഡിപ്ലോമ ഇന്‍ ലാംഗേ്വജ് എഡ്യുക്കേഷന്‍ ട്രെയിനിംഗിന് അപേക്ഷിക്കാനുള്ള തീയതി ആഗസ്ത് 21 ലേക്ക് നീട്ടി.  ഹിന്ദിയിലുള്ള ബിരുദം, എം എ, പ്രവീണ്‍, സാഹിത്യാചാര്യ ഇവയിലൊന്ന് ജയിച്ചവര്‍ക്ക് അപേക്ഷിക്കാം.   വിലാസം:  പ്രിന്‍സിപ്പല്‍,  ഇന്‍സ്റ്റിറ്റ്യൂട്ട് ഓഫ് ലാംഗേ്വജ് എഡ്യുക്കേഷന്‍, അടൂര്‍, പത്തനംതിട്ട.  ഫോണ്‍: 04734 226028, 8547126028.

    ജില്ലാ ടൂറിസം പ്രമോഷന്‍ കൗണ്‍സിലിന്റെ ആഭിമുഖ്യത്തില്‍ ആഗസ്റ്റ് 18 ന് പൊട്ടന്‍പ്ലാവ് ചര്‍ച്ച് മുതല്‍ പൈതല്‍മല ടൂറിസ്റ്റ് റിസോര്‍ട്ട് വരെ നടത്താനിരുന്ന വെര്‍ട്ടിക്കല്‍ മാരത്തോണ്‍ അഡീഷന്‍-2 സെപ്റ്റംബര്‍ എട്ടിലേക്ക് മാറ്റിയതായി സെക്രട്ടറി അറിയിച്ചു.

    കണ്ണൂര്‍ കോര്‍പ്പറേഷന്‍ ഓഫീസ് പരിസരത്ത് ആഗസ്റ്റ് 19 മുതല്‍ നടത്താന്‍ നിശ്ചയിച്ചിരുന്ന ഐ ആര്‍ ഡി പി/എസ് ജി എസ് വൈ/കുടുംബശ്രീ ഓണം-ബക്രീദ് വിപണന മേള പ്രതികൂല കാലാവസ്ഥ കാരണം ഒഴിവാക്കിയതായി സംഘാടക സമിതി അറിയിച്ചു.

പോലീസ്‌ സ്റ്റേഷനുകള്‍ സേവനകേന്ദ്രങ്ങളായി മാറണമെന്നും സുതാര്യമായ പ്രവര്‍ത്തനങ്ങളിലൂടെ ജനങ്ങളും പോലീസും തമ്മിലുള്ള ബന്ധം ദൃഢമാക്കണമെന്നും മുഖ്യമന്ത്രി പിണറായി വിജയന്‍ പറഞ്ഞു. കൈപ്പമംഗലം പോലീസ്‌ സ്റ്റേഷന്‍ വീഡിയോ കോണ്‍ഫറന്‍സിലൂടെ ഉദ്‌ഘാടനം ചെയ്‌തു സംസാരിക്കുകയായിരുന്നു അദ്ദേഹം. രാജ്യത്തെ ഏറ്റവും മികച്ച ക്രമസമാധാനപാലനം നടക്കുന്ന സംസ്ഥാനമാണ്‌ കേരളം. ക്രമസമാധാനപാലനത്തിനും കുറ്റാന്വേഷണത്തിനും ഒരേ പോലീസുകാര്‍ എന്ന രീതി മാറണം. ഇതിനായി പ്രത്യേകം പോലീസുകാരെ നിയമിക്കും.

    മത്സ്യത്തൊഴിലാളികള്‍ക്കായി തയ്യില്‍ മത്സ്യഗ്രാമം കേന്ദ്രീകരിച്ച് ഇന്ന്(ആഗസ്റ്റ് 14) രാവിലെ 10 മണി മുതല്‍ ബോധവത്ക്കരണ പരിപാടി സംഘടിപ്പിക്കുന്നു.  മത്സ്യത്തൊഴിലാളികളുടെ ഉപജിവന മാര്‍ഗം, കടല്‍ സുരക്ഷാ മത്സ്യവിപണനം, മത്സ്യസംസ്‌കരണം, ഫിഷറീസ് വകുപ്പ് മുഖേന നടപ്പിലാക്കുന്ന ക്ഷേമ പ്രവര്‍ത്തനങ്ങള്‍, മത്സ്യസമ്പത്ത് സംരക്ഷണം, മത്സ്യകുഞ്ഞുങ്ങളുടെ സംരക്ഷണം, മത്സ്യബന്ധനോപകരണങ്ങളുടെ ഇന്ധനക്ഷമത, തീര സംരക്ഷണം, മത്സ്യഫെഡ് പദ്ധതികള്‍, മത്സ്യ ബോര്‍ഡ് നടപ്പാക്കുന്ന പദ്ധതികള്‍ എന്നീ വിഷയങ്ങളെ സംബന്ധിച്ചാണ് ബോധവത്ക്കരണം.

    കേരള ഷോപ്‌സ് ആന്റ് കൊമേഴ്‌സ്യല്‍ എസ്റ്റാബ്ലിഷ്‌മെന്റ്‌സ് തൊഴിലാളി ക്ഷേമനിധി ബോര്‍ഡ് അംഗങ്ങള്‍ക്ക് സര്‍ക്കാര്‍ ഉത്തരവിന് വിധേയമായി ആനുകൂല്യങ്ങള്‍ വര്‍ധിപ്പിച്ചതായി ജില്ലാ എക്‌സിക്യുട്ടീവ് ഓഫീസര്‍ അറിയിച്ചു.  വനിതാ അംഗങ്ങള്‍ക്കും അംഗങ്ങളുടെ പ്രായപൂര്‍ത്തിയായ രണ്ട് പെണ്‍മക്കള്‍ക്കും വിവാഹ ചെലവിനായി നല്‍കിവരുന്ന ആനുകൂല്യം 5000 രൂപയില്‍ നിന്നും 7500 രൂപയായി വര്‍ധിപ്പിച്ചിട്ടുണ്ട്.  കുറഞ്ഞത് മൂന്ന് വര്‍ഷമെങ്കിലും നിധിയിലേക്ക് അംശദായം അടച്ച പ്രായപൂര്‍ത്തിയായ പുരുഷ അംഗങ്ങളുടെ വിവാഹ ചെലവിനായി 5000 രൂപയുടെ ആനുകൂല്യം പുതുതായി അനുവദിച്ചിട്ടുണ്ട്.

    മലബാര്‍ ദേവസ്വം ക്ഷേത്ര ജീവനക്കാരുടെയും എക്‌സിക്യുട്ടീവ് ഓഫീസര്‍മാരുടെയും ക്ഷേമനിധിയില്‍ അംഗങ്ങളായവര്‍ ക്ഷേമനിധി വിഹിതം കുടിശ്ശിക അടക്കേണ്ട അവസാന തീയതി സെപ്റ്റംബര്‍ 30 വരെ നീട്ടി.    കുടിശ്ശിക അടച്ചുതീര്‍ക്കാത്ത പക്ഷം ഇനി ഒരു അറിയിപ്പില്ലാതെ അംഗ്വം റദ്ദ് ചെയ്യുന്നതായിരിക്കുമെന്ന് സെക്രട്ടറി അറിയിച്ചു.  കുടിശ്ശിക അടക്കുമ്പോള്‍ ശമ്പളപട്ടികയുടെ പകര്‍പ്പ്, ഇപ്പോഴും ജോലിയില്‍ തുടരുന്നുണ്ടെന്ന ക്ഷേത്രഭാരവാഹിയുടെ സാക്ഷ്യപത്രം എന്നിവ ഹാജരാക്കേണ്ടതാണ്.

കണ്ണൂരും പരിസരത്തുമുള്ള  ഹോട്ടല്‍ - റസ്റ്റോറന്റ് മേഖലയില്‍ ജോലി ചെയ്യുന്ന തൊഴിലാളികളുടെ 2017 -18 വര്‍ഷത്തെ ബോണസ് സംബന്ധിച്ച തര്‍ക്കം ജില്ലാ ലേബര്‍ ഓഫീസര്‍ സുരേന്ദ്രന്‍ ടി വി യുടെ സാന്നിദ്ധ്യത്തില്‍ നടന്ന അനുരഞ്ജന ചര്‍ച്ചയില്‍ ഒത്തുതീര്‍ന്നു.  ഒത്തുതീര്‍പ്പ് വ്യവസ്ഥയനുസരിച്ച് മാസവരുമാനം 10,000 രൂപയായി നിജപ്പെടുത്തി 2017 -18 വര്‍ഷത്തേക്ക് 20 ശതമാനം ബോണസ് നല്‍കുന്നതിനും ധാരണയായി.  ബോണസ് തുക ആഗസ്റ്റ് 20നുള്ളില്‍ വിതരണം ചെയ്യും. ചര്‍ച്ചയില്‍ മാനേജ്‌മെന്റിനെ പ്രതിനിധീകരിച്ച് എന്‍. ദാമോദരന്‍, പി. സുമേഷ് എന്നിവരും യൂണിയനുകളെ പ്രതിനിധീകരിച്ച് പി.വി.