ഓണം, ബക്രീദ് വിപണികളില്‍ നിന്നും ഉപഭോക്താക്കള്‍ വാങ്ങുന്ന ഉത്പന്നങ്ങളുടെ അളവ്-തൂക്ക കൃത്യത ഉറപ്പാക്കുന്നതിന് അവ സൗജന്യമായി അളന്ന് തൂക്കി നല്‍കുന്നതിന് ഇന്ന് മുതല്‍ പത്തനംതിട്ട റോസ് മൗണ്ട് ഓഡിറ്റോറിയത്തില്‍ ഉപഭോക്തൃസേവന കേന്ദ്രം പ്രവ ര്‍ത്തിക്കും. ഉപഭോക്താക്കള്‍ വാങ്ങുന്ന ഉത്പന്നങ്ങളുടെ കൃത്യത ബോധ്യപ്പെടുത്തുന്നതിന് പുറമേ അളവ് തൂക്ക സംബന്ധമായ പരാതികള്‍ സമര്‍പ്പിക്കാന്‍ പരാതിപ്പെട്ടിയും പരാതി രജിസ്റ്ററും ലഭിക്കും. ഉപഭോക്തൃ ബോധവത്ക്കരണത്തിനുള്ള സംവിധാനവും ക്രമീകരിച്ചിട്ടുണ്ട്. 

റാന്നി ആര്‍.എ.ഐ.സി കെട്ടിടത്തിന് മുകളില്‍ വീണ തേക്ക് മരത്തില്‍ നിന്നും ശേഖരിച്ച ഏഴ് കഷണം തേക്ക് തടിയും വിറകും ഈ മാസം 30ന് രാവിലെ 11ന് റാന്നി വെറ്ററിനറി പോളിക്ലിനിക്കില്‍ ലേലം  െചയ്യും          (പിഎന്‍പി 2332/18)

പട്ടികജാതി വിഭാഗത്തില്‍പ്പെട്ട നിയമബിരുദധാരികള്‍ക്ക് സബോര്‍ഡിനേറ്റ് ജുഡ്യഷ്യറിയില്‍ മുന്‍സിഫ് മജിസ്‌ട്രേറ്റ് തസ്തികയില്‍ നിയമനം ലഭിക്കുന്നതിന് കേരള ഹൈക്കോടതി നടത്തുന്ന മുന്‍സിഫ് മജിസ്‌ട്രേറ്റ് പ്രവേശന പരീക്ഷയ്ക്ക് തിരുവനന്തപുരം ഗവണ്‍മെന്റ് ലോ കോളേജ് മുഖേന പരിശീലനം നല്‍കുന്നതിന് പട്ടികജാതി വികസന വകുപ്പ് അപേക്ഷ ക്ഷണിച്ചു. അപേക്ഷകര്‍ ജാതി, വരുമാനം, വിദ്യാഭ്യാസ യോഗ്യത, മാര്‍ക്ക്, തൊഴില്‍ പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകള്‍ സഹിതം ജില്ലാ പട്ടികജാതി വികസന ഓഫീസില്‍ ഈ മാസം 15നകം അപേക്ഷിക്കണം. ഫോണ്‍: 0468 2322712. 

       (പിഎന്‍പി 2333/18)

കോന്നി സിഎഫ്ആര്‍ഡിയുടെ അധീനതയിലുള്ള കോളേജ് ഓഫ് ഇന്‍ഡിജനസ് ഫുഡ് ടെക്‌നോളജിയില്‍ ഇംഗ്ലീഷ് വിഭാഗത്തില്‍ ഗസ്റ്റ് അധ്യാപക ഒഴിവിലേക്ക് അപേക്ഷിക്കാം. ബന്ധപ്പെട്ട വിഷയത്തില്‍ 55 ശതമാനം മാര്‍ക്കില്‍ കുറയാതെയുള്ള ബിരുദാനന്തര ബിരുമാണ് യോഗ്യത. നെറ്റ് അഭികാമ്യം. താത്പര്യുമുള്ളവര്‍ 18ന് രാവിലെ 10.30ന് സിഎഫ്ആര്‍ഡിയില്‍ നടക്കുന്ന ഇന്റര്‍വ്യൂവിന് അസല്‍ സര്‍ട്ടിഫിക്കറ്റുകളും പകര്‍പ്പും തിരിച്ചറിയല്‍ രേഖയും സഹിതം പങ്കെടുക്കണം.                   (പിഎന്‍പി 2334/18)

സംസ്ഥാന ആര്‍ക്കൈവ്‌സ് വകുപ്പ് വട്ടിയൂര്‍ക്കാവില്‍ പണികഴിപ്പിച്ച വട്ടിയൂര്‍ക്കാവ് സ്വാതന്ത്ര്യസമര സ്മാരകത്തില്‍ സ്വാതന്ത്ര്യ ദിനം ആഘോഷിക്കും. 15 നു രാവിലെ എട്ടു മുതല്‍ വട്ടിയൂര്‍ക്കാവ് ഗുരുഗോപിനാഥ് നടന ഗ്രാമത്തിലെ വിദ്യാര്‍ഥികളും അധ്യാപകരും ചേര്‍ന്നു ദേശഭക്തി ഗാനം അവതരിപ്പിക്കും. ഒമ്പതിന് ആര്‍ക്കൈവ്‌സ് വകുപ്പ് ഡയറക്ടര്‍ പി. ബിജു ദേശീയ പതാക ഉയര്‍ത്തും.  വിനോദ് വൈശാഖി മുഖ്യ പ്രഭാഷണം നടത്തും. റെസിഡന്‍സ് അസോസിയേഷന്‍ അംഗങ്ങള്‍, വിദ്യാര്‍ഥികള്‍, സാംസ്‌കാരിക സ്ഥാപനങ്ങള്‍, ചിത്രകാരന്മാര്‍ തുടങ്ങിയവര്‍ പങ്കെടുക്കുമെന്നു ഡയറക്ടര്‍ അറിയിച്ചു.
 

     നാഷണല്‍ ആയുഷ് മിഷന്‍ ഫണ്ട് മുഖേന തിരുവനന്തപുരം ജില്ലാ ഹോമിയോ ആശുപത്രിയില്‍ അനുവദിച്ച ഹോമിയോ മെഡിക്കല്‍ ഓഫീസര്‍ (പോസ്റ്റ് ഗ്രാജ്വേറ്റ്) തസ്തികയിലെ ഒഴിവിലേക്കു കരാര്‍ അടിസ്ഥാനത്തില്‍ നിയമനം നടത്തുന്നതിന് ഓഗസ്റ്റ് 16 നു നടത്താനിരുന്ന കൂടിക്കാഴ്ച ചില സാങ്കേതിക കാരണങ്ങളാല്‍ ഓഗസ്റ്റ് 30 ലേക്കു മാറ്റിയതായി ജില്ലാ മെഡിക്കല്‍ ഓഫീസര്‍ (ഹോമിയോ) അറിയിച്ചു. ഉദ്യോഗാര്‍ഥികള്‍ 30 ന് അസല്‍ സര്‍ട്ടിഫിക്കറ്റുകളുമായി ഹോമിയോപ്പതി ജില്ലാ മെഡിക്കല്‍ ഓഫീസില്‍ എത്തണം.