*ചാലക്കുടി, ചെങ്ങന്നൂര്‍ ഭാഗത്ത് രക്ഷാപ്രവര്‍ത്തനത്തിന് കരസേനയുടെ വലിയ ബോട്ടുകളെത്തും

സംസ്ഥാനത്തെ സ്ഥിതിവിശേഷം ഗൗരവമായി തുടരുന്നതായും സമാനതകളില്ലാത്ത രക്ഷാപ്രവര്‍ത്തനമാണ് നടക്കുന്നതെന്നും മുഖ്യമന്ത്രി പിണറായി വിജയന്‍ വാര്‍ത്താസമ്മേളനത്തില്‍ പറഞ്ഞു. കേന്ദ്രസേനാവിഭാഗങ്ങളും പോലീസും ഫയര്‍ഫോഴ്സും മത്സ്യത്തൊഴിലാളികളും മറ്റു സന്നദ്ധ പ്രവര്‍ത്തകരും സംയുക്തമായാണ് രക്ഷാപ്രവര്‍ത്തനം നടത്തുന്നത്. 

എറണാകളും ആലങ്ങാട് പഞ്ചായത്തിലെ നീരിക്കോട് സ്വദേശിയായ നീതു മാര്‍ട്ടിന് (29) പ്രസവിക്കാനുള്ള എല്ലാവിധ സൗകര്യങ്ങളും വീട്ടിലൊരുക്കി പ്രസവമെടുത്ത് ആരോഗ്യ വകുപ്പ് ജീവനക്കാര്‍. മഴക്കെടുതിമൂലം നീതുവിനെ ഒരു തരത്തിലും ആശുപത്രിയിലെത്തിക്കാന്‍ കഴിയാതെ വന്നതിനെ തുടര്‍ന്നാണ് ആരോഗ്യ വകുപ്പിലെ സംഘം വഞ്ചിയിലെത്തി പ്രസവമെടുത്തത്. 

കുട്ടനാട് മേഖലയിൽ ചമ്പക്കുളം ഭാഗത്തുള്ള പ്രളയത്തിൽപ്പെട്ട മുഴുവൻ ആൾക്കാരെയും ജില്ലാഭരണകൂടത്തിന്റെ നേതൃത്വത്തിൽ ഒഴിപ്പിച്ചു. മറ്റിടങ്ങളിലെ ഒഴിപ്പിക്കൽ നടപടികൾ അതിവേഗം തുടർന്നുകൊിരിക്കുകയാണ്. ശനിയാഴ്ച വൈകുന്നേരത്തോടെ കുട്ടനാട്ടിലെ പ്രളയക്കെടുതിയിൽപ്പെട്ട മുഴുവൻ ആൾക്കാരെയും ഒഴിപ്പിക്കാൻ കഴിയുമെന്നാണ് പ്രതീക്ഷ. ഒഴിപ്പിക്കുന്ന ആളുകളിൽ അയ്യായിരത്തോളം പേർ  ആലപ്പുഴ ടൗണിന് സമീപമുള്ള വിവിധ സ്‌കൂളുകളിലും രക്ഷാ കേന്ദ്രങ്ങളിലും എത്തിയിട്ടു്. ചെങ്ങന്നൂരിൽ  നൂറ്റി ഇരുപതോളം ബോട്ടുകൾ രക്ഷാപ്രവർത്തനത്തിനായി നിയോഗിച്ചിട്ടു്. ഇതിൽ വലിയൊരു ഭാഗം മത്സ്യത്തൊഴിലാളികളുടെ വള്ളങ്ങളാണ്.

ആലപ്പുഴ: വെള്ളപ്പൊക്കത്തെത്തുടർന്ന് ചെങ്ങന്നൂർ, എടത്വ സബ് ട്രഷറികളുടെ പ്രവർത്തനം ക്രമീകരിച്ചു. ചെങ്ങന്നൂർ സബ് ട്രഷറിയുടെ പ്രവർത്തനം നൂറനാട് സബ് ട്രഷറിയിലേക്ക് മാറ്റി (ഫോൺ: 9496000079) എടത്വ സബ് ട്രഷറിയുടെ പ്രവർത്തനം അമ്പലപ്പുഴ സബ് ട്രഷറിലേക്ക് മാറ്റി(ഫോൺ: 9496000082). ഓണവുമായി ബന്ധപ്പെട്ട ബില്ലുകൾ പ്രസ്തുത ട്രഷറികളിൽ നിന്നും മാറാവുന്നതാണെന്ന് ജില്ല ട്രഷറി ഓഫീസർ അറിയിച്ചു.

വ്യാജ വാർത്ത പ്രചരിപ്പിക്കുന്നവർക്കെതിരെ ശക്തമായ നടപടി സ്വീകരിക്കും

എല്ലാ വകുപ്പുജീവനക്കാരെയും നിയോഗിക്കണമെന്ന് ധനമന്ത്രി

ആലപ്പുഴ: എല്ലാ വകുപ്പു ജീവനക്കാരേയും വിവിധ ക്യാമ്പുകളിലേക്ക് നിയമിക്കാനും എല്ലാ പഞ്ചായത്തുകളിൽ നിന്നും ജനങ്ങളെ ക്യാമ്പുകളിൽ എത്തിക്കാൻ പഞ്ചായത്ത് അധികൃതർക്ക് ബാധ്യതയുണ്ടെന്നും ധനമന്ത്രി തുടർന്ന് ജില്ലാകളക്ടർക്ക് നിർദ്ദേശം നൽകി. വി.കെ.എൽ.ഗ്രൂപ്പ് രക്ഷാപ്രവർത്തനത്തിനായി ഒരു ബാർജ് ജില്ല ഭരണകൂടത്തിന് നൽകി.പുളിങ്കുന്നിൽ നിന്ന് ചങ്ങനാശേരിയിലേക്ക് കൂടുതൽ ബോട്ടുവഴി ആളുകളെ ക്യാമ്പിലെത്തിക്കാനും നിർദേശിച്ചു.

പൊതുമരാമത്ത് മന്ത്രി കളക്ട്രേറ്റിൽ ജില്ല ഭരണകൂടവുമായി ചർച്ച നടത്തി

കൈനകരി ഭാഗത്ത് വെള്ളക്കെട്ടിലായവരെ ഇന്നും നാളെയുമായി സുരക്ഷാ കേന്ദ്രങ്ങളിലാക്കും

ആലപ്പുഴ: കുട്ടനാടിന്റെ വിവിധ ഭാഗങ്ങളിലെ രാക്ഷാപ്രവർത്തനത്തിൽ നേരിട്ട് പങ്കാളിയായി ധനമന്ത്രി തോമസ് ഐസക്. കുട്ടനാടിന്റെ വിവിധ ഭാഗങ്ങളിൽ സ്ഥിതിഗതികൾ വിലയിരുത്തിയ അദ്ദേഹം ബോട്ടുജട്ടിയിലും ക്യാമ്പിലുമുള്ളവരെ സുരക്ഷിതമായി ബോട്ടുകളിലും വള്ളങ്ങളിലും എത്തിക്കുന്നതിന് സഹായിക്കുന്നു. ശനിയാഴ്ചയോടെ എല്ലാവരെയും സുരക്ഷിത കേന്ദ്രങ്ങളിലേക്ക് മാറ്റാൻ കഴിയുമെന്ന് മന്ത്രി വ്യക്തമാക്കി.

ചെങ്ങന്നൂരിൽ അതിരാവിലെ തുടങ്ങിയ രക്ഷാപ്രവർത്തനം

ആലപ്പുഴ:പ്രതികൂല കാലാവസ്ഥയും ആറ്റിലെ ഒഴുക്കും മഴയും മൂലം പ്രതിസന്ധി നേരിട്ട ചെങ്ങന്നൂരിലെ രക്ഷാപ്രവർത്തനം വെള്ളിയാഴ്ച  നേരം പുലർന്നതോടെ ഊർജ്ജിതമായി. കൊടിക്കുന്നിൽ സുരേഷ് എം.പി., സജി ചെറിയാൻ  എം.എൽ.എ,  അഡിഷണൽ ജില്ലാ മജിസ്ട്രേറ്ര്, ദുരന്തനിവാരണ ഡെപ്യൂട്ടികളക്ടർ എന്നിവരുടെ നേതൃത്വത്തിൽ ചെങ്ങന്നൂർ താലൂക്ക് ഓഫീസിൽ കൺട്രോൾ റൂം സജ്ജമാക്കിയാണ് പ്രവർത്തനങ്ങൾ ഏകോപിപ്പിക്കുന്നത്. 

ആലപ്പുഴ: ദ്വീപുകളിലും ചെങ്ങന്നൂരും ഇനിയും രക്ഷിക്കാനുള്ളവരുടെ പട്ടിക അടിയന്തരമായി തയ്യാറാക്കൻ പൊതുമരാമത്ത് മന്ത്രി ജി.സുധാകരൻ ജില്ല ഭരണകൂടത്തിന് നിർദ്ദേശം നൽകി. രക്ഷാപ്രവർത്തനത്തിന് ചെങ്ങന്നൂരും കുട്ടനാട്ടിലും പ്രത്യേകം ഉദ്യോഗസ്ഥരെ ചുമതലപ്പെടുത്തണം. കുട്ടനാട് രക്ഷപ്രവർത്തനം നിയന്ത്രണവിധേയമായതോടെ ചെങ്ങന്നൂരിൽ കൂടുതൽ ശ്രദ്ധിക്കാനും മന്ത്രി ജില്ല കളക്ടറോട് ആവശ്യപ്പെട്ടു.

സംസ്ഥാനത്ത് പ്രളയ ദുരിതത്തില്‍ കഷ്ടപ്പെടുന്നവര്‍ക്ക് സഹായമേകാന്‍ മത്സ്യത്തൊഴിലാളികളും മത്സ്യഫെഡും രംഗത്ത്. 15 മുതല്‍ എല്ലാ ജില്ലകളിലും 24 മണിക്കൂറും പ്രവര്‍ത്തിക്കുന്ന ദുരിതനിവാരണസെല്‍ മത്സ്യഫെഡിന്റെ ആഭിമുഖ്യത്തില്‍ പ്രവര്‍ത്തിക്കുകയാണ്.

കൊല്ലം വാടി, നീണ്ടകര കടപ്പുറങ്ങളില്‍ നിന്ന് 15 മത്സ്യബന്ധനയാനങ്ങളും അവ പ്രവര്‍ത്തിപ്പിക്കുന്നതിന് ആവശ്യമായ തൊഴിലാളികളും പത്തനംതിട്ട ജില്ലയില്‍ പ്രവര്‍ത്തിച്ചു വരുന്നു. മത്സ്യഫെഡിന്റെ അംഗ സംഘങ്ങളില്‍പ്പെട്ട വലുതും ചെറുതുമായ 435 യാനങ്ങളും ഔട്ട്‌ബോര്‍ഡ് എന്‍ജിനുകളും 1804 മത്സ്യത്തൊഴിലാളികളും ദുരിതമേഖലയില്‍ പ്രവര്‍ത്തിക്കുന്നു.