പ്ലസ് വണ്‍ ജില്ല/ജില്ലാന്തര സ്‌കൂള്‍/കോമ്പിനേഷന്‍ ട്രാന്‍സ്ഫറിനായുള്ള അപേക്ഷ സമര്‍പ്പണം, റീ അലോട്ട്‌മെന്റ് അഡ്മിഷന്‍ എന്നിവയ്ക്കുള്ള അവസാന തിയതി ദീര്‍ഘിപ്പിച്ചു. ഏകജാലക സംവിധാനത്തില്‍ മെരിറ്റ് ക്വാട്ടയിലോ, സ്‌പോര്‍ട്‌സ് ക്വാട്ടയിലോ പ്രവേശനം നേടിയ വിദ്യാര്‍ത്ഥികള്‍ക്ക് ഒന്നാം ഓപ്ഷനിലാണ് പ്രവേശനം നേടിയതെങ്കില്‍ ട്രാന്‍സ്ഫറിന് അപേക്ഷിക്കാം. അപേക്ഷ അഡ്മിഷന്‍ നേടിയ സ്‌കൂളില്‍ സമര്‍പ്പിക്കുവാനുള്ള തിയതി ആഗസ്റ്റ് 30ന് ഉച്ചയ്ക്ക് രണ്ട് വരെയാണ് ദീര്‍ഘിപ്പിച്ചത്. റീ അലോട്ട്‌മെന്റ് പ്രകാരം പ്രവേശനം നേടാനുള്ള സമയപരിധിയും ഇതേ തിയതികളില്‍ വൈകുന്നേരം നാല് വരെയാണ്.

സംസ്ഥാനത്ത് ഹയര്‍സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി ഉള്‍പ്പെടെ പൊതുവിദ്യാഭ്യാസ മേഖലയിലെ എല്ലാ സ്‌കൂളുകളുടെയും ഓണാവധി പുന:ക്രമീകരിച്ച തീരുമാനം സംസ്ഥാനത്ത് പ്രവര്‍ത്തിക്കുന്ന എല്ലാ സി.ബി.എസ്.ഇ/ഐ.സി.എസ്.ഇ സ്‌കൂളുകള്‍ക്കും ബാധകമാക്കി പൊതുവിദ്യാഭ്യാസ ഡയറക്ടര്‍ ഉത്തരവായി.

പി.എന്‍.എക്‌സ്.3650/18

തിരുവനന്തപുരം സര്‍ക്കാര്‍ വനിതാ പോളിടെക്‌നിക് കോളേജില്‍ 20, 21 തിയതികളില്‍ നടത്താന്‍ നിശ്ചയിച്ചിരുന്ന  ലക്ചറര്‍ തസ്തികകളുടെ അഭിമുഖം കനത്ത മഴ കാരണം മാറ്റി. പുതുക്കിയ തിയതി പിന്നീട് അറിയിക്കും.

പി.എന്‍.എക്‌സ്.3649/18

ജൂലൈ 11 ല്‍ കാറ്റഗറി നം.16/2018 അനുസരിച്ച് ദേവസ്വം റിക്രൂട്ട്‌മെന്റ് ബോര്‍ഡ് വിജ്ഞാപനം ചെയ്ത തിരുവിതാംകൂര്‍ ദേവസ്വം ബോര്‍ഡിലെ എല്‍.ഡി. ക്ലര്‍ക്ക്/സബ്ഗ്രൂപ്പ് ഓഫീസര്‍ ഗ്രേഡ് രണ്ട് തസ്തികയിലെ ഒഴിവിലേക്ക് അപേക്ഷ സ്വീകരിക്കുന്ന തിയതി കാലവര്‍ഷക്കെടുതി കാരണം 31 വരെ ദീര്‍ഘിപ്പിച്ചു.

പി.എന്‍.എക്‌സ്.3648/18

കൊച്ചിന്‍ ദേവസ്വം ബോര്‍ഡിലെ ഇലത്താളം, കുഴല്‍, സോപാനപ്പാട്ട് തസ്തികകളിലേക്ക് അപേക്ഷ സമര്‍പ്പിച്ചിരുന്ന ഉദ്യോഗാര്‍ത്ഥികള്‍ക്ക് വൈക്കം കലാപീഠത്തില്‍ നടത്തിയ പ്രാക്ടിക്കല്‍ ടെസ്റ്റ് കം ഇന്റര്‍വ്യൂവിന്റെ റാങ്ക് ലിസ്റ്റുകള്‍ പ്രസിദ്ധീകരിച്ചു. കേരള ദേവസ്വം റിക്രൂട്ട്‌മെന്റ് ബോര്‍ഡിന്റെ ഓഫീസിലും ഔദ്യോഗിക വെബ്‌സൈറ്റിലും (www.kdrb.kerala.gov.in) ലിസ്റ്റ് പരിശോധിക്കാം.

പി.എന്‍.എക്‌സ്.3647/18

യൂണിവേഴ്‌സിറ്റി & ഫുഡ്‌സേഫ്റ്റി അപ്പലേറ്റ് ട്രിബ്യൂണല്‍ 20ന് തൃശൂര്‍ പി.ഡബ്‌ളിയു.ഡി റസ്റ്റ് ഹൗസില്‍ നടത്താനിരുന്ന ക്യാമ്പ് കോര്‍ട്ട് മഴക്കെടുതി കാരണം സെപ്റ്റംബര്‍ ആറിലേക്ക് മാറ്റി.

ആ ദിവസത്തില്‍ പോസ്റ്റ് ചെയ്ത കേസുകളുടെ വാദം കേള്‍ക്കുന്നതോടൊപ്പം കാസര്‍കോഡ്, കണ്ണൂര്‍, വയനാട്, കോഴിക്കോട്, പാലക്കാട്, മലപ്പുറം, തൃശൂര്‍, ഇടുക്കി, എറണാകുളം ജില്ലകളിലെ ഫുഡ്‌സേഫ്റ്റി ആക്ട് 2006ന്റെ പരിധിയില്‍ വരുന്ന കേസുകളും യൂണിവേഴ്‌സിറ്റി കേസുകളും ഫയലില്‍ സ്വീകരിക്കും.

പി.എന്‍.എക്‌സ്.3646/18

തിരുവനന്തപുരം മണ്ണന്തലയില്‍ പ്രവര്‍ത്തിക്കുന്ന പട്ടികജാതി വികസന വകുപ്പിന്റെ ഗവ. പ്രീ എക്‌സാമിനേഷന്‍ ട്രെയിനിംഗ് സെന്ററില്‍ പിഎസ്‌സി പരീക്ഷാ പരിശീലനത്തിന് പരിശീലകരെ തെരഞ്ഞെടുക്കുന്നതിന് രാവിലെ 11ന് സെന്റര്‍ ഓഫീസില്‍ നടത്താനിരുന്ന ഇന്റര്‍വ്യൂ 30 ലേക്ക് മാറ്റി. സമയം, സ്ഥലം എന്നിവയില്‍ മാറ്റമില്ല. ഫോണ്‍: 0471 2543441

പി.എന്‍.എക്‌സ്.3645/18

വെള്ളക്കെട്ടില്‍ കുടുങ്ങിയവരെ രക്ഷിക്കാനുള്ള ശ്രമങ്ങള്‍ ഊര്‍ജിതമായി നടക്കുന്നുണ്ടെന്ന് ദുരന്തനിവാരണ കോഓര്‍ഡിനേഷന്‍ സെല്ലിന്റെ ചുമതലയുള്ള റവന്യു അഡീഷണല്‍ ചീഫ് സെക്രട്ടറി പി. എച്ച്. കുര്യന്‍ പറഞ്ഞു. സേനാവിഭാഗങ്ങളും മത്സ്യത്തൊഴിലാളികളും ദുരന്ത മേഖലയില്‍ രക്ഷാപ്രവര്‍ത്തനം നടത്തുകയാണ്. കുടുങ്ങിയിരിക്കുന്ന മുഴുവന്‍ പേരേയും ഇന്നുതന്നെ സുരക്ഷിത സ്ഥാനങ്ങളിലെത്തിക്കാനുള്ള ശ്രമമാണ് നടത്തുന്നത്. നിലവില്‍ വായുസേനയുടെ ഹെലികോപ്റ്ററുകളില്‍ ഭക്ഷണസാധനങ്ങള്‍ വീടുകളില്‍ കുടുങ്ങിക്കിടക്കുന്നവര്‍ക്ക് എത്തിക്കുന്നുണ്ട്. വള്ളങ്ങളിലും ബോട്ടുകളിലും ഭക്ഷണം എത്തിക്കുന്നത് പരിഗണനയിലാണ്.

ഓരോ സ്‌കൂളിനും ആഗസ്റ്റ് മാസത്തെ ഇനിയുള്ള പ്രവൃത്തി ദിനങ്ങള്‍ക്ക്  ആവശ്യമുള്ള അരി കഴിച്ച് നീക്കിയിരിപ്പുള്ള അരി സ്‌കൂളുകളില്‍ തന്നെ പ്രവര്‍ത്തിക്കുന്ന ദുരിതാശ്വാസ ക്യാമ്പുകളിലേക്കോ തൊട്ടടുത്ത മറ്റ് ക്യാമ്പുകളിലേക്കോ വിതരണം ചെയ്യുന്നതിന് ആവശ്യമായ നടപടികള്‍ ജില്ലാ ഭരണകൂടവുമായി കൂടിയാലോചിച്ച് അടിയന്തരമായി സ്വീകരിക്കാന്‍ വിദ്യാഭ്യാസ ഉപഡയറക്ടര്‍മാരെ  മന്ത്രി പ്രൊഫസര്‍ സി. രവീന്ദ്രനാഥ് ചുമതലപ്പെടുത്തി