കാലവര്‍ഷം ശക്തമായി തുടരുതിനാല്‍ കാഞ്ഞിരപ്പുഴ അണക്കെ'ിലേക്കുള്ള നീരൊഴുക്ക് വര്‍ദ്ധിച്ചിരിക്കുകയാണ്. അതിനാല്‍ റിവര്‍ സ്ല്യൂയിസിലൂടെ ഒഴുക്കിവിടുന്ന ജലത്തിന്റെ തോത് ഉയര്‍ത്താന്‍ സാധ്യതയുണ്ടെന്നും കാഞ്ഞിരപ്പുഴ, കരിമ്പുഴ, തൂതപ്പുഴ എന്നിവയുടെ തീരത്ത് താമസിക്കുന്നവര്‍ ജാഗ്രത പാലിക്കണമെന്നും എക്‌സിക്യുട്ടീവ് എന്‍ജിനീയര്‍ അറിയിച്ചു. കാഞ്ഞിരപ്പുഴ ഡാമിന്റെ പരമാവധി ജലനിരപ്പ് 92.95 മീറ്ററാണ്. നിലവിലെ ജലനിരപ്പ് 90.4 മീറ്ററാണ്.

കഞ്ചിക്കോട് അപ്‌നാ ഘര്‍ ക്യാമ്പില്‍ ഇന്ന് രാവിലെ 9.30 മുതല്‍ അഹല്യ ആശുപത്രി മെഡിക്കല്‍ ക്യാമ്പ് നടത്തുമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) കെ. പി. റീത്ത അറിയിച്ചു. 

ജില്ലയില്‍ മൊത്തം 51 ദുരിതാശ്വാസ ക്യാമ്പുകളിലായി 4451 പേരുണ്ട്. പാലക്കാട് താലൂക്കില്‍ ഒന്‍പത് ക്യാമ്പുകളിലായി 1672 പേരും , മണ്ണാര്‍ക്കാട് 12 ക്യാമ്പുകളിലായി  903 പേരും ചിറ്റൂറില്‍ മൂന്ന്് ക്യാമ്പുകളിലായി 41 പേരും പട്ടാമ്പി താലൂക്കില്‍ ആറ് ക്യാമ്പുകളിലായി 196 പേരും ആലത്തൂരില്‍ 20 ക്യാമ്പുകളിലായി 1611 പേരും ഒറ്റപ്പാലത്ത്് ഒരു ക്യാമ്പില്‍ 28 പേരുമാണ് ഉളളത്.

ഇഞ്ചിക്കുന്ന് ചെക്ക് പോസ്റ്റ് ഭാഗത്തും ശിരുവാണി ഡാം ഭാഗത്തും മണ്ണിടിച്ചില്‍ ഉണ്ടായതിനെ തുടര്‍ന്ന് റോഡ് തടസപ്പെട്ടുളളതായി കാഞ്ഞിരപ്പുഴ ഇറിഗേഷന്‍ വിഭാഗം എക്‌സിക്യൂട്ടീവ് എഞ്ചിനീയര്‍ അറിയിച്ചു.

പാലക്കാട് ജില്ലയില്‍  ഇന്ന്  (ഓഗസ്റ്റ് 17) ഒറ്റപ്പെട്ട ഇടങ്ങളില്‍ കനത്ത മഴയ്ക്കും 18 ന് താരതമ്യേന കുറഞ്ഞ തോതിലുളള മഴയ്ക്കും സാധ്യതയുണ്ടെന്ന് കേന്ദ്രകാലാവസ്ഥ നിരീക്ഷണകേന്ദ്രം അറിയിച്ചു. ഉരുള്‍പൊട്ടല്‍ സാധ്യതയുളള മേഖലകളില്‍ പ്രത്യേകിച്ച് അയിലൂര്‍, നെല്ലിയാമ്പതി, നെന്മാറ മേഖലയിലുളളവര്‍ മഴ സാധ്യതയുളള ദിവസങ്ങളില്‍ പ്രദേശത്ത് നിന്ന് മാറി നില്‍കണമെന്ന് ജില്ലാ കലക്ടര്‍ പ്രത്യേക മുന്നറിയിപ്പ് നല്‍കിട്ടുണ്ട്. 
 

പാലക്കാട് ജില്ലയില്‍  ഇന്ന്  (ഓഗസ്റ്റ് 17) ഒറ്റപ്പെട്ട ഇടങ്ങളില്‍ കനത്ത മഴയ്ക്ക് സാധ്യതയുണ്ടെന്ന് കേന്ദ്രകാലാവസ്ഥ നിരീക്ഷണകേന്ദ്രം അറിയിച്ചു. ഉരുള്‍പൊട്ടല്‍ സാധ്യതയുളള മേഖലകളില്‍ പ്രത്യേകിച്ച് അയിലൂര്‍, നെല്ലിയാമ്പതി, നെന്മാറ , മലമ്പുഴ, അട്ടപ്പാടി, മംഗലം, അയിലൂര്‍ മേഖലയിലുളളവര്‍ മഴ സാധ്യതയുളള ദിവസങ്ങളില്‍ പ്രദേശത്ത് നിന്ന് മാറി നില്‍കണമെന്ന് ജില്ലാ കലക്ടര്‍ പ്രത്യേക മുന്നറിയിപ്പ് നല്‍കിട്ടുണ്ട്.