മഴക്കെടുതിയുടെ പശ്ചാത്തലത്തില്‍ ഞായറാഴ്‌ച പ്രവൃത്തിദിവസമാക്കി മാറ്റിയപ്പോള്‍ ജില്ലാ കളക്‌ടറേറ്റില്‍ ഹാജരായത്‌ 278 ജീവനക്കാര്‍. ദുരന്തനിവാരണ പ്രവര്‍ത്തനങ്ങള്‍ ഏകോപിപ്പിക്കാന്‍ മുഴുവന്‍ ജീവനക്കാരും ഹാജരാകണമെന്നാവശ്യപ്പെട്ട്‌ ജില്ലാ കളക്‌ടര്‍ ശനിയാഴ്‌ച വൈകീട്ടാണ്‌ ഉത്തരവിട്ടത്‌. മറ്റ്‌ ഓഫീസുകളിലെ 127 ജീവനക്കാരും റവന്യൂ വകുപ്പിന്‌ കീഴിലെ 151 ജീവനക്കാരും ഹാജരായി. ഇതിന്‌ പുറമേ ദുരിതാശ്വാസ ക്യാമ്പുകള്‍, ഹെലിപാഡ്‌ തുടങ്ങിയ ഇടങ്ങളിലും താലൂക്ക്‌, വില്ലേജ്‌ ഓഫീസുകളിലും ജീവനക്കാര്‍ ദുരന്തനിവാരണ പ്രവര്‍ത്തനങ്ങളില്‍ ഏര്‍പ്പെട്ടു.

കനത്ത മഴയിലും മണ്ണിടിച്ചിലും എറണാകുളം-ഷൊര്‍ണ്ണൂര്‍ റെയില്‍പാതയില്‍ വിവിധ ഭാഗങ്ങളില്‍ തകരാറിലായ ട്രക്കുകള്‍ പുന:സ്ഥാപിക്കുന്നതിനുളള പ്രവൃത്തികള്‍ യുദ്ധകാലാടിസ്ഥാനത്തില്‍ നടക്കുകയാണെന്നും എറണാകുളത്തും നിന്നും തൃശൂര്‍ വഴി ഷൊര്‍ണ്ണൂര്‍ വരെ ട്രെയിന്‍ ഗതാഗതത്തിനുളള താല്‍ക്കാലിക നിരോധനം തുടരുമെന്ന്‌ സതേണ്‍ റെയില്‍വേ അറിയിച്ചു.

പ്രളയക്കെടുതിയെ തുടര്‍ന്നുളള ദുരിതാശ്വാസ പ്രവര്‍ത്തനങ്ങള്‍ ഏകോപിപ്പിക്കുന്നതിനായി ഭക്ഷ്യവകുപ്പ്‌ ഉത്തരമേഖലാ റേഷനിങ്‌ ഡെപ്യൂട്ടി കണ്‍ട്രോളര്‍ കാര്യാലയത്തില്‍ കണ്‍ട്രോള്‍ റൂം തുറന്നു. ഫോണ്‍ : 0495-2374798, 9188527314. 

ജില്ലയില്‍ നിന്ന്‌ വിവിധ ഭാഗങ്ങളിലേക്കുള്ള കെ.എസ്‌.ആര്‍.ടി.സി ബസ്‌ സര്‍വ്വീസുകള്‍ പുന:സ്ഥാപിച്ചു. തെക്കോട്ടുള്ള കോട്ടയം (എം.സി. റോഡ്‌വരെ), എരുമേലി, പാല, ആലപ്പുഴ, തിരുവനന്തപുരം, എറണാകുളം ഭാഗത്തേക്കും വടക്കോട്ട്‌ കോഴിക്കോട്‌ ഭാഗത്തേക്കുമുള്ള ബസ്‌ സര്‍വ്വീസുകളാണ്‌ പുന:സ്ഥാപിച്ചത്‌. എന്നാല്‍ അടൂര്‍, കൊട്ടാരക്കര ഭാഗത്തേക്കുള്ള ബസ്‌ സര്‍വ്വീസുകള്‍ പുനരാരംഭിച്ചിട്ടില്ലെന്നും അധികൃതര്‍ വ്യക്തമാക്കി.

ജില്ലയില്‍ പച്ചക്കറി, പലവ്യഞ്‌ജനങ്ങല്‍ എന്നിവയ്‌ക്ക്‌ അമിത വില ഈടാക്കുന്നതും ആവശ്യസാധനങ്ങള്‍ വില്‍ക്കുന്ന വ്യാപാര സ്ഥാപനങ്ങള്‍ തുറന്ന്‌ പ്രവര്‍ത്തിക്കുന്നില്ല എന്ന വിവരവും ലഭിക്കുന്നുണ്ട്‌. പ്രകൃതിദുരന്തം നേരിടുന്ന ഈ വേളയില്‍ അമിതവില ഈടാക്കുന്നതും കൃത്രിമക്ഷാമം സൃഷ്‌ടിച്ച്‌ വിലക്കയറ്റം സൃഷ്‌ടിക്കാനുളള ശ്രമം കണ്ടെത്തിയാല്‍ 1955 ലെ ആവശ്യസാധനനിയമപ്രകാരം അറസ്റ്റ്‌ ഉള്‍പ്പെടെ കര്‍ശന നടപടി സ്വീകരിക്കുമെന്ന്‌ ജില്ലാ സപ്ലൈ ഓഫീസര്‍ അറിയിച്ചു.

ജില്ലയിലെ ദുരിതാശ്വാസ ക്യാമ്പുകളിലേക്ക്‌ അവശ്യവസ്‌തുക്കള്‍ ശേഖരിക്കുന്നു. ഗ്ലൗസുകള്‍, ശുചീകരണ ഉപകരണങ്ങള്‍, മാലിന്യം ശേഖരിക്കാനുളള ചാക്കുകള്‍, വാഷിങ്ങ്‌ പൗഡര്‍, അലക്കു സോപ്പ്‌, കുളി സോപ്പ്‌, പേസ്റ്റ്‌, ബ്ലീച്ചിങ്ങ്‌ പൗഡര്‍, ഡെറ്റോള്‍, ഹാര്‍പ്പിക്ക്‌, ആന്റി സെപ്‌റ്റിക്ക്‌ ഓയിന്‍മെന്റുകള്‍, പ്രാഥമിക ശുശ്രൂഷക്കുളള മരുന്നുകള്‍, ബാന്‍ഡേജുകള്‍, ബക്കറ്റ്‌, ലുങ്കി, ടീഷര്‍ട്ട്‌, നൈറ്റികള്‍, അടിവസ്‌ത്രങ്ങള്‍, ഫൈബര്‍ പ്ലേറ്റുകള്‍ എന്നിവയാണ്‌ ശേഖരിക്കുന്നത്‌. ഇതിനായി കളക്‌ടറേറ്റില്‍ പ്രത്യേക വിഭാഗം സജ്ജീകരിച്ചിട്ടുണ്ട്‌. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2361020, 9745253754, 9447082938.

ജില്ലയില്‍ ദുരിതാശ്വാസ പ്രവര്‍ത്തനങ്ങള്‍ ത്വരിതഗതിയില്‍ മുന്നേറുന്നു. ചാലക്കുടി, ചാവക്കാട്‌, കൊടുങ്ങല്ലൂര്‍ ഭാഗങ്ങളില്‍ കുടുങ്ങി കിടക്കുന്നവരെ രക്ഷപ്പെടുത്തുന്നതിനുള്ള ഊര്‍ജ്ജിത ശ്രമങ്ങള്‍ ഇപ്പോഴും നടന്നുവരികയാണ്‌. മഴ ഈ മേഖലയില്‍ ഒഴിഞ്ഞു നില്‍ക്കുന്നതിനാല്‍ രക്ഷാദൗത്യങ്ങള്‍ക്ക്‌ തടസം നേരിടുന്നില്ല. ദുരിതാശ്വാസ പ്രവര്‍ത്തനങ്ങള്‍ ഊര്‍ജ്ജിതമാക്കുന്നതിന്റെ ഭാഗമായി കളക്ടറേറ്റില്‍ ഇന്ന്‌ (ഓഗസ്‌റ്റ്‌ 19) രാവിലെ മന്ത്രിതല അവലോകന യോഗം ചേര്‍ന്നു. തദ്ദേശ സ്വയംഭരണവകുപ്പ്‌ മന്ത്രി എ.സി. മൊയ്‌തീന്‍, കൃഷിവകുപ്പ്‌ മന്ത്രി അഡ്വ. വി.എസ്‌.

ആരോഗ്യവകുപ്പ് ജീവനക്കാര്‍ക്ക് അവധി അനുവദിക്കില്ല 

ആംബുലന്‍സുകള്‍ സജ്ജമാക്കി

ഇടുക്കി ജില്ലയില്‍ അരിയും ഗോതമ്പുമുള്‍പ്പെടെ ഭക്ഷ്യധാന്യത്തിന് ക്ഷാമമുണ്ടായാല്‍ തേനിയിലെ എഫ്. സി. ഐ ഗോഡൗണുകളില്‍ നിന്ന് എത്തിക്കാന്‍ ബദല്‍ സംവിധാനം ഒരുക്കി. ഭക്ഷ്യപൊതുവിതരണ സെക്രട്ടറി തേനി ജില്ലാ കളക്ടറുമായി സംസാരിച്ച് ഇതിനുള്ള ക്രമീകരണം ഏര്‍പ്പെടുത്തിയിട്ടുണ്ട്. റെയില്‍, റോഡ് ഗതാഗതത്തില്‍ തടസമുള്ളതിനാല്‍ കേരളത്തിലെ എഫ്. സി. ഐ ഗോഡൗണുകളില്‍ നിന്ന് ഭക്ഷ്യധാന്യം എത്തിക്കുന്നതിന് തടസമുണ്ടായേക്കാവുന്ന സ്ഥിതി മുന്നില്‍ കണ്ടാണ് നടപടി. ക്ഷാമമുണ്ടായാല്‍ തേനി ജില്ലാ കളക്ടറെ ബന്ധപ്പെടണമെന്ന് ഭക്ഷ്യപൊതുവിതരണ സെക്രട്ടറി ഇടുക്കി ജില്ലാ കളക്ടറോട് നിര്‍ദ്ദേശിച്ചു. 

പ്രകൃതിക്ഷോഭത്താല്‍ മണ്ണിടിഞ്ഞും ഉരുള്‍ പൊട്ടിയും പാലങ്ങള്‍ തകര്‍ന്നും തടസ്സപ്പെട്ട  കെ.എസ്.ആര്‍.ടി സി ബസ് സര്‍വീസുകള്‍ പുന:സ്ഥാപിച്ചതായി ജില്ലാ ട്രാന്‍സ്‌പോര്‍ട്ട് ഓഫീസര്‍ അറിയിച്ചു.  ജില്ലാ കലക്ടര്‍ ഡി. ബാലമുരളിയുടെ  നിര്‍ദേശ പ്രകാരം പാലക്കാട് നിന്നും കോയമ്പത്തൂര്‍ വഴി അട്ടപ്പാടി മേഖലയിലെ  ആനക്കട്ടി, അഗളി വഴി മുക്കാലി വരെ  ബസുകള്‍ ആരംഭിച്ചൂ. തൃശ്ശൂര്‍, മലപ്പുറം ജില്ലകളിലേക്ക് കൃത്യമായി കെ.എസ്.ആര്‍.ടി.സി സര്‍വീസുകള്‍ നടത്തുന്നുണ്ട്.