പൊതു ഇടങ്ങളില്‍ മാലിന്യം വലിച്ചെറിയുന്ന ശീലം മാറ്റിയെടുക്കുക എന്ന ലക്ഷ്യത്തോടെ ജില്ലാ ശുചിത്വ മിഷനും കോഴിക്കോട് കോര്‍പ്പറേഷനും കാലിക്കറ്റ് യൂണിവേഴ്‌സിറ്റി നാഷണല്‍ സര്‍വീസ് സ്‌കീമും ചേര്‍ന്ന് മലബാര്‍ ഗോള്‍ഡിന്റെ സഹകരണത്തോടെ സംഘടിപ്പിക്കുന്ന 'വലിച്ചെറിയരുത് എന്ന തിരിച്ചറിവാണ് മാറ്റം' ബോധവത്കരണ ക്യാമ്പയിന് തുടക്കമായി. കോര്‍പ്പറേഷന്‍ ഓഡിറ്റോറിയത്തില്‍ നടന്ന ചടങ്ങില്‍ മേയര്‍ ഒ സദാശിവന്‍ ഉദ്ഘാടനം നിര്‍വഹിച്ചു. അഡ്വ. ഫൈസല്‍ ബാബു എം.എല്‍.എ മുഖ്യാതിഥിയായി. ആരോഗ്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ കെ രാജീവ് അധ്യക്ഷനായി. 

സ്റ്റേറ്റ് റിസോഴ്സ് സെന്ററിന്റെ നേതൃത്തിൽ പ്രവർത്തിക്കുന്ന എസ്.ആർ.സി കമ്മ്യൂണിറ്റി കോളേജിൽ ജൂലൈ സെഷനിൽ ആരംഭിക്കുന്ന ഡിപ്ലോമ ഇൻ എയർലൈൻ ആന്റ് എയർപോർട്ട് മാജനജ്മെൻ്റിന് പ്രോഗ്രാമിലേക്ക് പ്ലസ് ടൂ അഥവാ തത്തുല്യയോഗ്യതയോ ഉള്ളവർക്ക് അപേക്ഷിക്കാം.

ജില്ലാ ദുരന്തനിവാരണ അതോറിറ്റിയുടെ നേതൃത്വത്തില്‍ ജില്ലയിലെ തദ്ദേശ സ്വയംഭരണ സ്ഥാപനങ്ങളിലെ ഉദ്യോഗസ്ഥര്‍ക്കായി ഹീറ്റ് ആക്ഷന്‍ പ്ലാന്‍, മഴക്കാല മുന്നൊരുക്കം എന്നിവയില്‍ പരിശീലനം സംഘടിപ്പിച്ചു. കാലാവസ്ഥാ വ്യതിയാനത്തിന്റെ പശ്ചാത്തലത്തില്‍ ഉയരുന്ന ചൂട് തരംഗങ്ങളും മഴക്കാല ദുരന്ത സാധ്യതകളും നേരിടുന്നതിനുള്ള തയാറെടുപ്പുകള്‍ ശക്തിപ്പെടുത്തുന്നതിന്റെ ഭാഗമായായിരുന്നു പരിശീലനം.

കേരള സർക്കാർ സ്ഥാപനമായ ഐ.എച്ച്.ആർ.ഡിയുടെ കീഴിലുള്ള കരുനാഗപ്പള്ളി, മറ്റക്കര, പൈനാവ്, കല്ലേറ്റുംകര, കുഴൽമന്നം, വടകര, കല്യാശ്ശേരി എന്നീ മോഡൽ പോളിടെക്ന‌ിക് കോളേജുകളിലേക്കും പൂഞ്ഞാർ എഞ്ചിനിയറിംഗ് കോളേജുകളിലെയും ത്രിവത്സര ഡിപ്ലോമ കോഴ്‌സിലേക്ക് അപേക്ഷകൾ ക്ഷണിച്ചു. ഡിപ്ലോമ പഠനത്തിന് താല്പര്യമുള്ള എസ്.എസ്.എൽ.സി അല്ലെങ്കിൽ പ്ലസ് ടൂ പാസ്സായ വിദ്യാർത്ഥികൾക്ക് മോഡൽ പോളിടെക്‌നിക് കോളേജുകളിൽ നേരിട്ട് എത്തിയോ ഫോൺ വഴി ബന്ധപ്പെട്ടോ കോഴ്‌സ് സംബന്ധമായ സംശയങ്ങൾ അന്വേഷിക്കാവുന്നതാണ്. കൂടുതൽ വിവരങ്ങൾക്ക് അതാത് കോളേജുകളുമായി ബന്ധപ്പെടേണ്ടതാണ്.
ഫോൺ : 8547005000

വിവരാവകാശ കമീഷന്‍ സിറ്റിങ് ഇന്ന്

സംസ്ഥാന വിവരാവകാശ കമീഷന്‍ ഇന്ന് (മെയ് 26) രാവിലെ 10.30ന് കലക്ടറേറ്റ് കോണ്‍ഫറന്‍സ് ഹാളില്‍ സിറ്റിങ് നടത്തും. സംസ്ഥാന വിവരാവകാശ കമീഷണര്‍ അഡ്വ. ടി.കെ രാമകൃഷ്ണന്‍ പരാതികള്‍ പരിഗണിക്കും.

അധ്യാപക നിയമനം

സർക്കാർ സ്ഥാപനമായ ഐ.എച്ച്.ആർ.ഡിയുടെ വരടിയം ടെക്നിക്കൽ ഹയർ സെക്കണ്ടറി സ്കൂളിൽ സയൻസ് ഗ്രൂപ്പിലേക്ക് പ്ലസ് വൺ പ്രവേശനത്തിന്  അപേക്ഷ ക്ഷണിച്ചു. അപേക്ഷാഫോറവും പ്രോസ്പെക്ടസും www.ihrd.ac.in എന്ന വെബ്സൈറ്റിൽ നിന്ന് പ്രിൻ്റ് ചെയ്തെടുക്കുകയോ അല്ലെങ്കിൽ വരടിയം ടെക്നിക്കൽ ഹയർ സെക്കണ്ടറി സ്കൂളിൻ്റെ ഓഫീസിൽ നിന്ന് നേരിട്ടു വാങ്ങുകയോ ചെയ്യാം.

തൃത്താല സർക്കാർ ആർട്സ് ആൻഡ് സയൻസ് കോളേജിൽ ജേർണലിസം, പൊളിറ്റിക്കൽ സയൻസ് വിഷയങ്ങളിൽ ഗസ്റ്റ് ലക്ചറർമാരെ നിയമിക്കുന്നതിനായി അഭിമുഖം നടത്തും. യു.ജി.സി നിർദേശിക്കുന്ന യോഗ്യതയുള്ളതും കോളേജ് വിദ്യാഭ്യാസ ഡയറക്ടറേറ്റിന്റെ വെബ്സൈറ്റിൽ പേര് രജിസ്റ്റർ ചെയ്തിട്ടുള്ളതുമായ ഉദ്യോഗാർത്ഥികൾ അസൽ സർട്ടിഫിക്കറ്റുകളും പകർപ്പുകളും സഹിതം അഭിമുഖത്തിന് നേരിട്ട് ഹാജരാകണം.

ജൂൺ നാലിന് രാവിലെ 10.30ന് ജേർണലിസം വിഷയത്തിനും ഉച്ചയ്ക്ക് 1.30ന് പൊളിറ്റിക്കൽ സയൻസ് വിഷയത്തിനുമായാണ് അഭിമുഖം. കൂടുതൽ വിവരങ്ങൾക്ക്: 0466 2270335

 തൃശ്ശൂർ ജില്ലയിൽ ഭൂജലവകുപ്പിന്റെ വിവിധ പ്രവർത്തനങ്ങൾക്കും ഭൂജല പര്യവേഷണ ഉപകരണങ്ങൾ പര്യവേഷണസ്ഥലങ്ങളിൽ എത്തിക്കുന്നതിനും 1500 സിസിക്ക് താഴെയുള്ള ടാക്സി പെർമിറ്റുള്ള വാഹനം വാടകക്ക് ലഭ്യമാക്കുന്നതിന് വ്യക്തികൾ, വാഹന ഉടമകൾ, ബന്ധപ്പെട്ട സ്ഥാപനങ്ങൾ  എന്നിവരിൽ നിന്ന് മത്സരാധിഷ്ഠിത ക്വട്ടേഷനുകൾ ക്ഷണിച്ചു.

കേരള സർക്കാർ സ്ഥാപനമായ എൽ.ബി.എസ് സെൻ്റർ ഫോർ സയൻസ് ആൻഡ് ടെക്നോളജിയുടെ തൃശൂർ മേഖലാ കാര്യാലയത്തിലേക്കും,  കുന്നംകുളം, ചാലക്കുടി ഉപ കാര്യാലയങ്ങളിലേക്കും ഡിസിഎഫ്എ, ടാലി, കോഴ്സുകൾ പഠിപ്പിക്കാൻ ഗസ്റ്റ് ലക്ചറർമാരെ നിയമിക്കുന്നു.
ഡി.സി.എഫ്.എ, ടാലി യോടുകൂടി ഒന്നാം ക്ലാസ് എം കോം അല്ലെങ്കിൽ ഡി.സി.എഫ്.എ യോടുകൂടി ഒന്നാം ക്ലാസ് ബി.കോം. ഒരു വർഷം പ്രവൃത്തിപരിചയം എന്നിവയാണ് യോഗ്യത.

  ഇന്ത്യൻ നേവിലെ വിമുക്തഭടന്മാർക്കും അവരുടെ ആശ്രിതർക്കുമായി പ്രശ്നപരിഹാര അദാലത്തും   ബോധവത്കരണ ക്ലാസും സംഘടിപ്പിക്കും. മെയ് 29 ന് രാവിലെ 11 മണി മുതൽ തൃശ്ശൂർ ജില്ലാ സൈനിക ക്ഷേമ ഓഫീസ് കോൺഫറൻസ് ഹാളിലാണ് അദാലത്ത് സംഘടിപ്പിക്കുന്നത്. ഐ എൻ എസ് വെണ്ടുരുത്തിയിൽ നിന്നുള്ള ഉദ്യോഗസ്ഥരാണ് ബോധവത്കരണ ക്ലാസ് നയിക്കുക. ഇന്ത്യൻ നേവിയിലെ എല്ലാ വിമുക്തഭടന്മാരും അവരുടെ ആശ്രിതരും പങ്കെടുക്കണമെന്ന് സൈനിക ക്ഷേമ ഓഫീസർ അറിയിച്ചു.