കോഴിക്കോട് ജില്ല കളക്ടറായി എം എസ് മാധവിക്കുട്ടി ചുമതലയേറ്റു

തൃശ്ശൂർ ജില്ലയുടെ പുതിയ അസിസ്റ്റന്റ് കളക്ടറായി പ്രീതി എ.സി ചുമതലയേറ്റു. കേരള കേഡറിലെ 2025 ബാച്ച് ഇന്ത്യൻ അഡ്മിനിസ്ട്രേറ്റീവ് സർവീസ് (ഐ.എ.എസ്) ഉദ്യോഗസ്ഥയാണ് പ്രീതി എ.സി. കർണാടകയിലെ മൈസൂർ ജില്ലയിലെ അങ്കനഹള്ളി സ്വദേശിനിയാണ്.

അന്തരിച്ച മുന്‍ കേരള നിയമസഭാംഗം ബാബു എം. പാലിശ്ശേരിക്ക് കേരള നിയമസഭ അര്‍പ്പിച്ച ചരമോപചാരത്തിന്റെ പകര്‍പ്പ് ബന്ധുക്കള്‍ക്ക് കൈമാറി. ബാബു എം. പാലിശ്ശേരിയുടെ കുന്നംകുളം കടവല്ലൂരിലെ വസതിയില്‍ നടന്ന ചടങ്ങില്‍ എ.ഡി.എം ആര്‍. മനോജില്‍ നിന്നും ബാബു എം. പാലിശ്ശേരിയുടെ ഭാര്യ ഇന്ദിര, മകന്‍ അഖില്‍ എന്നിവര്‍ ചേര്‍ന്ന് ചരമോപചാരപത്രിക ഏറ്റുവാങ്ങി. ഹുസൂർ ശിരസ്തദാർ ലിഷ സി.വി, കുന്നംകുളം തഹസില്‍ദാര്‍ കെ. അബ്ദുള്‍ നാസര്‍, വില്ലേജ് ഓഫീസര്‍ എ. സന്തോഷ്, ജെ.എസ് കെ. രമാദേവി തുടങ്ങിയവര്‍ സന്നിഹിതരായിരുന്നു.

നിയമസഭാ തെരഞ്ഞെടുപ്പില്‍ ജില്ലയില്‍ മത്സരിച്ച  സ്ഥാനാര്‍ത്ഥികളുടെ തെരഞ്ഞെടുപ്പ് വരവ് ചെലവ് സംബന്ധിച്ച അന്തിമ പത്രികകള്‍ തയ്യാറാക്കുന്നതിനുള്ള ഫെസിലിറ്റേഷന്‍ പരിശീലനം സംഘടിപ്പിച്ചു. ജില്ലാ പ്ലാനിങ് സമ്മേളന ഹാളില്‍ നടന്ന പരിശീലനത്തില്‍ സ്ഥാനാര്‍ഥികളുടെ ഏജന്റുമാര്‍ പങ്കെടുത്തു. സ്ഥാനാര്‍ത്ഥികള്‍ രജിസ്റ്ററില്‍ രേഖപ്പെടുത്തിയ ദൈനംദിന വരവ് ചെലവ് കണക്കുകളും, അസിസ്റ്റന്റ് എക്‌സ്പെന്‍ഡിച്ചര്‍ ഒബ്‌സര്‍വര്‍മാര്‍ കണ്ടെത്തി ഷാഡോ ഒബ്‌സര്‍വ്വേഷന്‍ രജിസ്റ്ററില്‍ രേഖപ്പെടുത്തിയ കണക്കുകളും തമ്മിലുള്ള വൈരുധ്യം പരിഹരിക്കുന്നതിനായുള്ള റിക്കണ്‍സിലേഷന്‍ യോഗം മെയ് 30 ന് രാവിലെ 10 ന് നടക്കും.

കാലവര്‍ഷം എത്തുന്നതിന് മുന്നോടിയായി താലൂക്കിലെ മഴക്കാല മുന്നൊരുക്കങ്ങള്‍ വിലയിരുത്തുന്നതിനായുള്ള താലൂക്ക് തല ഉദ്യോഗസ്ഥ യോഗം തിരൂര്‍ മുന്‍സിപ്പല്‍ സാംസ്‌കാരിക സമുച്ചയത്തില്‍ നടന്നു. തിരൂര്‍ തഹസില്‍ദാറുടെ അധ്യക്ഷതയിലായിരുന്നു യോഗം. ദുരന്ത നിവാരണ പ്രവര്‍ത്തനങ്ങളിലും മുന്നൊരുക്കങ്ങളിലും എല്ലാ വകുപ്പുകള്‍ തമ്മിലുമുള്ള കൃത്യമായ ഏകോപനം അത്യാവശ്യമാണെന്ന് തഹസില്‍ദാര്‍ വി. ദിലീപ്  യോഗത്തില്‍ ഓര്‍മ്മിപ്പിച്ചു. ഡെപ്യൂട്ടി തഹസില്‍ദാര്‍ വി. വിനോദ് കുമാര്‍  മഴക്കാല മുന്നൊരുക്കങ്ങള്‍ സംബന്ധിച്ച വിശദീകരണം നടത്തി.

തൃത്താല സര്‍ക്കാര്‍ ആര്‍ട്സ് & സയന്‍സ് കോളേജില്‍ ജേര്‍ണലിസം, പൊളിറ്റിക്കല്‍ സയന്‍സ്, എന്നീ വിഷയങ്ങളില്‍ അതിഥി അധ്യാപകരെ നിയമിക്കുന്നതിനുള്ള അഭിമുഖം ജൂണ്‍ നാലിന് നടക്കും. രാവിലെ 10.30ന് ജേര്‍ണലിസം,  1.30 ന് പൊളിറ്റിക്കല്‍ സയന്‍സ് എന്നിങ്ങനെയാണ്  അഭിമുഖം ക്രമീകരിച്ചിരിക്കുന്നത്. യു.ജി .സി നിഷ്‌കര്‍ഷിക്കുന്ന യോഗ്യത ഉള്ളവരും കോളേജ് വിദ്യാഭ്യാസ ഡയറക്ടറേറ്റിന്റെ വെബ്‌സൈറ്റില്‍ പേര് രജിസ്റ്റര്‍ ചെയ്തിട്ടുവരുമായ ഉദ്യോഗാര്‍ഥികള്‍ അസല്‍ സര്‍ട്ടിഫിക്കറ്റുകളും പകര്‍പ്പുകളുമായി അഭിമുഖത്തിന് ഹാജരാകണം. ഫോണ്‍- 0466 2270335.

2025-26 അധ്യയന വര്‍ഷത്തെ എസ്.എസ്.എല്‍.സി/പ്ലസ്ടു/വി.എച്ച്.എസ്.സി/സി.ബി.എസ്.സി-10, 12 എന്നീ പരീക്ഷകളില്‍  എല്ലാ വിഷയങ്ങളിലും എ പ്ലസ്, എ വണ്‍  കരസ്ഥമാക്കിയ മത്സ്യഫെഡില്‍ അഫിലിയേറ്റ് ചെയ്തിട്ടുളള   മത്സ്യത്തൊഴിലാളി വികസന ക്ഷേമസഹകരണ സംഘങ്ങളില്‍  അംഗങ്ങളായ മത്സ്യത്തൊഴിലാളികളുടെ മക്കള്‍ക്ക് വിദ്യാഭ്യാസ അവാര്‍ഡ് നല്‍കുന്നതിന് അപേക്ഷ ക്ഷണിച്ചു. ബന്ധപ്പെട്ട എല്ലാ രേഖകളും സഹിതം രക്ഷിതാവിന്റെ അപേക്ഷ ജൂണ്‍ ഒന്നിന് മുന്‍പായി ലഭ്യമാക്കണം. വിശദ വിവരങ്ങള്‍ മത്സ്യഫെഡ് ക്‌ളസ്റ്റര്‍ ഓഫീസുകളിലോ ജില്ലാ ഓഫീസിലോ ലഭ്യമാണ്.  ഫോണ്‍: 9526041231.

മലപ്പുറം - പരപ്പനങ്ങാടി റോഡില്‍ വേങ്ങര പത്ത്മുച്ചി ഭാഗത്ത് നവീകരണ പ്രവൃത്തികള്‍ നടക്കുന്നതിനാല്‍ മേയ് 25  മുതല്‍ പ്രവൃത്തി പൂര്‍ത്തിയാകുന്നത് വരെ വേങ്ങര - കച്ചേരിപ്പടി  -  കൂരിയാടിന് ഇടയില്‍ ഗതാഗതം നിരോധിച്ചു. വാഹനങ്ങള്‍  വേങ്ങര - കച്ചേരിപ്പടി - പുത്തനങ്ങാടി  റോഡ് വഴി വേങ്ങര - കൂരിയാട് റോഡിലേക്ക് പ്രവേശിച്ച് കൂരിയാട്ടേക്ക് തിരിഞ്ഞു പോകണം.

മൃഗസംരക്ഷണവകുപ്പ് മുഖേന മലപ്പുറം ജില്ലയില്‍ നടപ്പിലാക്കി വരുന്ന രാത്രികാല അടിയന്തിര മൃഗചികിത്സാ സേവനപദ്ധതിയുടെ ഭാഗമായ നൈറ്റ് വെറ്റ് /മൊബൈല്‍ വെറ്ററിനറി യൂണിറ്റ് നിലവിലുള്ളതും വാരാനിരിക്കുന്നതുമായ ഒഴിവിലേക്ക് വെറ്ററിനറി സര്‍ജന്‍മാരെ നിയമിക്കുന്നതിനുള്ള അഭിമുഖം മേയ് 29ന് രാവിലെ 11ന് നടക്കും.  89 ദിവസത്തേക്ക് കരാര്‍ അടിസ്ഥാനത്തിലാണ് നിയമനം.  വെറ്ററിനറി സര്‍ജന്‍മാര്‍ ബി.വി.എസ്.സി (എ.എച്ച് ) യോഗ്യതയും വെറ്ററിനറി കൗണ്‍സില്‍ രജിസ്‌ട്രേഷനും ഉള്ളവരായിരിക്കണം.

സ്റ്റേറ്റ് റിസോഴ്സ് സെന്ററിന്റെ കീഴിലെ എസ്.ആര്‍.സി കമ്മ്യൂണിറ്റി കോളേജില്‍ ജൂലൈ സെഷനില്‍ ആരംഭിക്കുന്ന ഡിപ്ലോമ ഇന്‍ എയര്‍ലൈന്‍&എയര്‍പോര്‍ട്ട് മാനേജ്‌മെന്റിന് (ഡി.എ.എം) പ്രോഗ്രാമിലേക്ക് പ്ലസ്ടു/ തത്തുല്യ യോഗ്യതയുള്ളവര്‍ക്ക് അപേക്ഷിക്കാം. അപേക്ഷാ ഫോമും പ്രോസ്‌പെക്ടസും തിരുവനന്തപുരത്ത് നന്ദാവനം പോലീസ് ക്യാമ്പിനു സമീപത്തെ എസ്.ആര്‍.സി ഓഫീസില്‍ ലഭിക്കും. വിലാസം: ഡയറക്ടര്‍, സ്റ്റേറ്റ് റിസോഴ്സ് സെന്റര്‍, നന്ദാവനം, വികാസ് ഭവന്‍ പി.ഒ., തിരുവനന്തപുരം-33. താത്പര്യമുള്ളവര്‍ https://app.srccc.in/register എന്ന ലിങ്കില്‍ അപേക്ഷിക്കാം.