ഗവ.മെഡിക്കല്‍ കോളജ് ആശുപത്രിയിലെ പ്രധാന ശുദ്ധജല സംഭരണിയും അനുബന്ധമായി സ്ഥാപിച്ചിട്ടുള്ള ഭൂഗര്‍ഭ ജലസംഭരണിയും വിതരണ ശൃഖലയില്‍ സ്ഥാപിച്ചിരിക്കുന്ന ഉപസംഭരണികളും ആര്‍.ഒ പ്ലാന്റുകളോടനുബന്ധിച്ചുള്ള ജലസംഭരണികളും  മാസത്തിലൊരിക്കല്‍
ഇലക്ട്രിക്കല്‍ പവര്‍ വാഷ് ഉപോഗിച്ച് വൃത്തിയാക്കി ക്ലോറിനേഷന്‍ ചെയ്യുന്നതിനും വര്‍ഷത്തില്‍ സൂപ്പര്‍ക്ലോറിനേഷന്‍ ചെയ്യുന്നതിനും ക്വട്ടേഷന്‍ ക്ഷണിച്ചു. ഏപ്രില്‍ 29-ന് ഉച്ചയ്ക്ക് 12 വരെ പ്രിന്‍സിപ്പല്‍, ഗവ. ടി.ഡി. മെഡിക്കല്‍ കോളജ്, ആലപ്പുഴ-688 005 എന്ന വിലാസത്തില്‍ ക്വട്ടേഷൻ നൽകാം.  ഫോണ്‍: 0477-2282015.

 സംസ്ഥാന സർക്കാരിന്റെ രണ്ടാം വാർഷികത്തോടനുബന്ധിച്ച് ആലപ്പുഴ ബീച്ചിൽ നടക്കുന്ന എന്റെ കേരളം പ്രദർശന വിപണന മേളയുടെ ആദ്യ ദിനം പുല്ലാങ്കുഴലിൽ നാദവിസ്മയം തീർത്ത് രാജേഷ് ചേർത്തലയും സംഘവും. ബീച്ചിൽ സജ്ജമാക്കിയ പ്രത്യേക വേദിയിലാണ് വൈകിട്ട് 6.30ന് കലാപരിപാടികൾ അരങ്ങേറിയത്. ഫ്യൂഷൻ സംഗീത മേഖലയിലെ നിറസാന്നിധ്യമായ രാജേഷ് ചേർത്തലയുടെ സംഗീത വിരുന്ന് ആസ്വദിക്കാനായി നൂറ്കണക്കിന് ആളുകളാണ് എത്തിയത്. 

സംസ്ഥാന സർക്കാരിന്റെ രണ്ടാം വാർഷികത്തിന്റെ ഭാഗമായി ആലപ്പുഴ ബീച്ചിൽ സംഘടിപ്പിക്കുന്ന എന്റെ കേരളം പ്രദർശന- വിപണന മേളയുടെ ആവേശം വാനോളമുയർത്തി സാംസ്‌കാരിക ഘോഷയാത്ര. മേളയുടെ ഉദ്ഘാടനത്തിന് മുന്നോടിയായി ആലപ്പുഴ കളക്ടറേറ്റിൽ നിന്നാണ് ഘോഷയാത്ര ആരംഭിച്ചത്. തദ്ദേശ സ്വയംഭരണ വകുപ്പിന്റെയും ജില്ല ഭരണകേന്ദ്രത്തിൻറെയും വിവിധ വകുപ്പുകളുടെയും ആഭിമുഖ്യത്തിൽ സംഘടിപ്പിച്ച ഘോഷയാത്രയ്ക്ക് കൃഷി വകുപ്പ് മന്ത്രി പി. പ്രസാദ് നേതൃത്വം നൽകി. സംസ്ഥാന സർക്കാരിന്റെ ഭരണമികവിന് ഐക്യദാർഢ്യം പ്രഖ്യാപിച്ച് ആയിരങ്ങളാണ് ഘോഷയാത്രയിൽ അണിനിരന്നത്.

കോട്ടയം: സംസ്ഥാന സർക്കാരിന്റെ രണ്ടാം വാർഷികാഘോഷത്തിന്റെ ഭാഗമായി മേയ് 16 മുതൽ 22 വരെ നാഗമ്പടം മൈതാനത്ത് നടക്കുന്ന എന്റെ കേരളം പ്രദർശനവിപണന മേളയുടെ പ്രചാരണാർത്ഥം ജില്ലയിലെ എല്ലാ നിയമസഭാ മണ്ഡലങ്ങളിലും വാഹനത്തിൽ(ഇന്ധനച്ചെലവടക്കം ) മൈക്ക് അനൗൺസ്‌മെന്റ് നടത്തുന്നതിന് വ്യക്തികൾ / സ്ഥാപനങ്ങളിൽ നിന്ന് ക്വട്ടേഷൻ ക്ഷണിച്ചു. ഏപ്രിൽ 24 ന് ഉച്ചകഴിഞ്ഞ് രണ്ടിനകം  ജില്ലാ ഇൻഫർമേഷൻ ഓഫീസിൽ നൽകണം. വിശദവിവരത്തിന് ഫോൺ: 0481 2562558

കോട്ടയം: ജില്ലാ എംപ്ലോയ്മെന്റ് എക്സ്ചേഞ്ചിലെ    എംപ്ലോയബിലിറ്റി  സെന്ററിന്റെ ആഭിമുഖ്യത്തിൽ പ്രമുഖ  കമ്പനികളുടെ ഇമിഗ്രേഷൻ കൺസൾട്ടന്റ്, കസ്റ്റമർ റിലേഷൻഷിപ്പ് ഓഫീസർ, ഏരിയ മാനേജർ, ബിസിനസ്സ് ഡെവലപ്മെന്റെ് എക്സിക്യൂട്ടീവ്, സ്‌റ്റോർ മാനേജർ, മാർക്കറ്റിംഗ് എക്സിക്യൂട്ടീവ്, അസ്സോസിയേറ്റ് സെയിൽസ്  എന്നീ തസ്തികയിലേക്ക്  നാളെ രാവിലെ 10 ന്  കോട്ടയം എംപ്ലോയബിലിറ്റി  സെന്ററിൽ അഭിമുഖം നടത്തുന്നു.   പ്ലസ് ടു, ഏതെങ്കിലും വിഷയത്തിൽ ബിരുദം,  എം.ബി.എ യോഗ്യതയുള്ളവർക്ക് പങ്കെടുക്കാം. പ്രായപരിധി 40 വയസ്. വിശദവിവരങ്ങൾ ''എംപ്ലോയബിലിറ്റി സെന്റർ കോട്ടയം''എന്ന ഫേസ്ബുക്ക് പേജിൽ ലഭിക്കും. ഫോൺ:0481-2563451/2565452.

കോട്ടയം: ഇടുക്കി ജില്ലാ റൈഫിൾ അസോസിയേഷൻ ഭാരവാഹികളെ തെരഞ്ഞെടുക്കുന്നതിനായി ഏപ്രിൽ 19 ന് മുട്ടത്തുള്ള ജില്ലാ റൈഫിൾ ഹാളിൽ വോട്ടെടുപ്പു നടക്കും. ഇടുക്കി ജില്ലയിൽ സ്ഥിരതാമസക്കാരല്ലാത്ത ജില്ലാ റൈഫിൾ അസോസിയേഷൻ അംഗങ്ങൾക്കും വോട്ടു രേഖപ്പെടുത്താം. ഡബ്ല്യു എ 773/2023,  ഡബ്ല്യു എ 745/2023 എന്നീ അപ്പീൽ പരാതികളിന്മേൽ കേരളാ ഹൈക്കോടതി  ഏപ്രിൽ12 ന്  പുറപ്പെടുവിച്ച ഉത്തരവ് പ്രകാരമാണിത്.

കോട്ടയം: പൊതുപണം ദുരുപയോഗപ്പെടുത്തിയതുമായി ബന്ധപ്പെട്ടു കുടിശികയിനത്തിൽ 34.06 ലക്ഷം രൂപയും പന്ത്രണ്ടരശതമാനം പലിശയും കളക്ഷൻ ചാർജും നോട്ടീസ് പടിയും ഈടാക്കുന്നതിനായി ജപ്തി ചെയ്തിട്ടുള്ള എലിക്കുളം വില്ലേജിലെ ബ്ലോക്ക് നമ്പർ 49 റിസർവേ നമ്പർ 55/4 ൽ 514-ാം നമ്പർ തണ്ടപ്പേരിലുള്ള 70.80 ആർ വസ്തു ഏപ്രിൽ 20 ന് രാവിലെ 11 ന് എലിക്കുളം വില്ലേജോഫീസിൽ പരസ്യ ലേലം ചെയ്യും. വിശദവിവരത്തിന് ഫോൺ: 04828 202331

കോട്ടയം:  കേരള സർക്കാർ ഹോമിയോപ്പതി  വകുപ്പിന്റെയും നാഷണൽ ആയുഷ്മിഷന്റെയും നേതൃത്വത്തിൽ നീണ്ടൂർ ഗ്രാമപഞ്ചായത്തിൽ സൗജന്യ യോഗ പരിശീലനം ആരംഭിക്കുന്നു. നീണ്ടൂർ മുഴികുളങ്ങര ഗവൺമെന്റ് ഹോമിയോ ഡിസ്പെൻസറിയിൽ നീണ്ടൂർ ഗ്രാമപഞ്ചായത്ത് പ്രസിഡന്റ് വി. കെ പ്രദീപ് കുമാർ ഇന്ന് (ഏപ്രിൽ 18) 11ന് ഉദ്ഘാടനം നിർവഹിക്കും. ഫോൺ :9645127339