കേരള - കർണാടക - ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസമില്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.

ഉയർന്ന തിരമാല ജാഗ്രതാ  നിർദേശം

കേരള തീരത്ത് 19-04-2023 ന് രാത്രി 11.30 വരെ 0.5 മുതൽ 1.0 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്നും ആയതിന്റെ വേഗത 05 - 25 cm/sec വരെ മാറിവരുവാൻ സാധ്യതയുണ്ടെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു.

മത്സ്യത്തൊഴിലാളികളും തീരദേശവാസികളും ജാഗ്രത പാലിക്കുക

എന്റെ കേരളം മെഗാ എക്സിബിഷനിലെ പൊതു വിദ്യാഭ്യാസ വകുപ്പിന്റെ സ്റ്റാളിൽ തിരക്കേറുന്നു.
മേളയുടെ തുടക്കം മുതൽ ജില്ലയിലെ വിവിധ ബി ആർ സി കളിൽ നിന്നും വിവിധ മേഖലകളിൽ കഴിവ് തെളിയിച്ച വിദ്യാർത്ഥികളുടെ കലാപരമായ കഴിവുകളുടെ പ്രദർശനങ്ങളും വിപണനങ്ങളും നടത്തി മേളയിലെ ശ്രദ്ധാകേന്ദ്രമായി മാറുകയാണ് പൊതു വിദ്യാഭ്യാസ വകുപ്പിന്റെ സ്റ്റാൾ. സമഗ്ര ശിക്ഷാ കേരളം കണ്ണൂർ, ഡയറ്റ് കണ്ണൂർ, കൈറ്റ് എന്നിവയുടെ സഹകരണത്തോടെയാണ് പരിപാടികൾ നടത്തുന്നത്. ഓരോ ദിവസവും രണ്ട് ബി ആർ സി കളിൽ നിന്നായി 15 ഓളം പ്രതിഭകളാണ് പ്രദർശന വിപണനത്തിൽ എത്തുന്നത്.

ജില്ലാ നൈപുണ്യ സമിതി യോഗം ജില്ലാ വികസന കമ്മീഷണർ എം.എസ് മാധവിക്കുട്ടിയുടെ അധ്യക്ഷതയിൽ കലക്ടറേറ്റ് കോൺഫറൻസ് ഹാളിൽ 
ചേർന്നു. കോഴിക്കോട് ജില്ലാ മഹാത്മാ ഗാന്ധി നാഷനൽ ഫെല്ലോ അതുൽ മുരളീധരൻ ജില്ലക്ക് അനുവദിക്കപ്പെട്ട പദ്ധതികളുടെ വിശദീകരണം നടത്തി. സംസ്ഥാനത്ത് ഏറ്റവും കൂടുതൽ പദ്ധതികൾ അനുവദിക്കപ്പെട്ട ജില്ലാ സ്കിൽ കമ്മിറ്റിയെ യോഗത്തിൽ അനുമോദിച്ചു. ജില്ലാ സ്കിൽ കോഡിനേറ്ററുടെ നേതൃത്വത്തിൽ സമയബന്ധിതമായി പദ്ധതികൾ നടപ്പിലാക്കാനുള്ള ഉപസമിതിയും രൂപീകരിച്ചു.

'എന്റെ കേരളം' മെഗാ എക്സിബിഷനിൽ വ്യത്യസ്തമായ കലാസൃഷ്ടികളാൽ വേറിട്ട് നിൽക്കുകയാണ്  സുനിൽ ശ്രീകണ്ഠാപുരം. ചിരട്ടയിലും മറ്റ് പാഴ് വസ്തുക്കളിലും നിർമ്മിച്ച കരകൗശല വസ്തുക്കാണ് കാഴ്ചക്കാർക്കായി ഒരുക്കിയിരിക്കുന്നത്. മഞ്ഞ, പച്ച, ചുവപ്പ് നിറങ്ങളിൽ സുനിൽ തീർത്ത വാഴക്കുലകളാണ് സ്റ്റാളിന്റെ മുഖ്യ ആകർഷണം.  വിൽപനയ്ക്കായി വച്ചിരിക്കുന്ന ഈ വാഴക്കുലകൾ നിർമ്മിക്കുന്നത് ഉപയോഗശൂന്യമായ ഫ്രിഡ്ജുകളിൽ നിന്നെടുത്ത സ്പോഞ്ചുകൾ ഉപയോഗിച്ചാണ്. വിവിധ വലുപ്പത്തിൽ തീർത്ത കുലകൾക്ക് ഓയിൽ പെയിന്റുകൾ വച്ചാണ് നിറം നൽകുന്നത്.

ഇടവും വലവുമായി കറുത്ത വസ്ത്രം അണിഞ്ഞു നിൽക്കുന്ന പ്രതിമ ആരിലും കൗതുകമുണർത്തും. 'എന്റെ കേരളം' മെഗാ എക്‌സിബിഷനിൽ ഫയർ ആൻഡ് റെസ്‌ക്യൂ ഒരുക്കിയ സ്റ്റാളിൽ എത്തുന്നവരുടെ ശ്രദ്ധ ആദ്യം പതിക്കുന്നതും മുൻവശത്ത് സജ്ജീകരിച്ചിട്ടുള്ള ഫയർ സ്യൂട്ടിലും സ്‌കൂബാ സെറ്റിലും തന്നെ. പിന്നെ സംശയങ്ങളായി ചോദ്യങ്ങളായി. ഇനി സ്റ്റാളിന് അകത്തേക്ക് നോക്കിയാലോ കുറച്ച് നേരം അവിടെ ചെലവഴിച്ചേ പോകൂ.

കരാർ നിയമനം 

ഗവ. മെഡിക്കൽ കോളേജ് എച്ച്ഡിഎസിനു കീഴിൽ അനസ്‌തേഷ്യോളജിസ്റ്റിനെ കരാർ അടിസ്ഥാനത്തിൽ നിയമിക്കുന്നു. ഒരു വർഷത്തേക്കാണ് നിയമനം. യോഗ്യത; അനസ്‌തേഷ്യോളജിയിലുള്ള എം.ഡി/ഡി.എൻ.ബി ഒരു വർഷത്തെ പ്രവർത്തിപരിചയത്തോടു കൂടിയ ഡിപ്ലോമ ഇൻ അനസ്തേഷ്യ. താല്പര്യമുള്ളവർ ഏപ്രിൽ 24 ന് ഉച്ചയ്ക്ക് 12 മണിക്ക് അസ്സൽ സർട്ടിഫിക്കറ്റുകൾ സഹിതം മെഡിക്കൽ കോളേജ് സൂപ്രണ്ടിന്റെ ചേംബറിൽ എത്തിച്ചേരണമെന്ന് ആശുപത്രി വികസന സൊസൈറ്റി സെക്രട്ടറി അറിയിച്ചു. പ്രതിഫലം പ്രതിമാസം 1,00000 രൂപ. കൂടുതൽ വിവരങ്ങൾക്ക്: 0495-2355900.

കരാർ നിയമനം 

പെൻഷൻ മസ്റ്ററിങ് ചെയ്യാനും ആധാറുമായി ബന്ധപ്പെട്ട സേവനങ്ങൾക്കും നീണ്ട ക്യൂ നിന്ന് വലയേണ്ട. എന്റെ കേരളം പവലിയനിൽ കേരള സ്‌റ്റേറ്റ് ഐടി മിഷന്റെ അക്ഷയ കേന്ദ്രം സ്റ്റാളിലെത്തിയാൽ ഈ സേവനങ്ങൾ സൗജന്യമായി ചെയ്യാം. പൊതുജനങ്ങൾ ഇപ്പോൾ പ്രധാനമായും അക്ഷയ കേന്ദ്രങ്ങളെ ആശ്രയിക്കുന്ന രണ്ട് കാര്യങ്ങളാണ് പെൻഷൻ മസ്റ്ററിങ്ങും ആധാർ എൻറോൾമെന്റും പുതുക്കലും. ഇവ രണ്ടുമാണ് സ്റ്റാളിൽ ഇപ്പോൾ നൽകുന്ന സേവനങ്ങൾ. മൊബൈൽ നമ്പർ ആധാറുമായി ലിങ്ക് ചെയ്യാനുള്ള സൗകര്യവും സ്റ്റാളിൽ ലഭ്യമാണ്. അക്ഷയ കേന്ദ്രങ്ങളിലെ മറ്റു സേവനങ്ങളെ പറ്റിയുള്ള വിവരങ്ങളും നിർദേശങ്ങളും ഇവിടെ നിന്നും ലഭിക്കും.

ക്വട്ടേഷൻ ക്ഷണിച്ചു 

'പൊടിമീശയൽപ്പം കിളിർത്തു വന്നു, കൂടെയെൻ ബാല്യവും പോയിമറഞ്ഞു'-ബാല്യകാലത്തിന്റെ നഷ്ടബോധത്തിൽ നിന്നും കാടാച്ചിറ കണ്ണാടിച്ചാൽ സ്വദേശി അദ്വൈത് എസ് പവിത്രൻ കുറിച്ചിട്ട വരികളാണിത്. ചങ്ങാതിമാർ ബാല്യം ആഘോഷമാക്കിയപ്പോൾ അദ്വൈതിനെ സെറിബ്രൽ പാൾസിയെന്ന വില്ലൻ ചക്ര കസേരയിലിരുത്തി. എന്നാൽ വേദനകളെ അക്ഷരങ്ങളാക്കാൻ പഠിച്ച് രണ്ട് കവിതാ സമാഹാരങ്ങൾ പുറത്തിറക്കി. അങ്ങനെ ചക്ര കസേരക്ക് ചിറക് നൽകി സ്വപ്നത്തിലേക്ക് പറന്നുയരുകയാണ് വലിയ ചിന്തകളുള്ള ഈ കുഞ്ഞു കവി.