പാലക്കാട് ഇന്ദിരാഗാന്ധി മുന്‍സിപ്പല്‍ സ്റ്റേഡിയം ഗ്രൗണ്ടില്‍ ഏപ്രില്‍ ഒന്‍പത് മുതല്‍ 15 വരെ ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തില്‍ നടന്ന എന്റെ കേരളം പ്രദര്‍ശന വിപണമേളയില്‍ കുടുംബശ്രീ ഒരുക്കിയ സ്റ്റാളുകളില്‍ നിന്ന് 38,61,728 രൂപയുടെ വിറ്റുവരവ് നേടിയതായി കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ അറിയിച്ചു. കുടുംബശ്രീ സംരംഭക യൂണിറ്റുകളുടെ 35 കൊമേഴ്‌സ്യല്‍ സ്റ്റാളുകളില്‍ നിന്ന് 26,31,318 രൂപയും കുടുംബശ്രീയുടെ ഫുഡ് കോര്‍ട്ടുകളില്‍ നിന്നായി 12,30,410 രൂപയും ലഭിച്ചു.

ജില്ലാതല പട്ടയമേളയില്‍ 15,886 പട്ടയങ്ങള്‍ വിതരണത്തിന് തയ്യാറായി. ഇതില്‍ 14,906 എണ്ണം ലാന്‍ഡ് ട്രൈബ്യൂണല്‍ പട്ടയങ്ങളാണ്. 11 കെ.എസ്.ടി പട്ടയം, 392 ലാന്‍ഡ് അസൈന്‍മെന്റ് പട്ടയം, 300 മിച്ചഭൂമി പട്ടയം, 277 ആര്‍.ഒ.ആര്‍ പട്ടയം എന്നിങ്ങനെ വിവിധ തരത്തിലുള്ള പട്ടയങ്ങളാണ് വിതരണത്തിന് തയ്യാറാക്കിയിട്ടുള്ളത്. സംസ്ഥാനത്ത് ഏറ്റവും കൂടുതല്‍ പട്ടയം വിതരണം ചെയ്യുന്നത് പാലക്കാട് ജില്ലയിലാണ്. ജില്ലാതല പട്ടയമേളയുടെ ഉദ്ഘാടനം മെയ് 15 ന് വൈകിട്ട് 3.30ന് മുഖ്യമന്ത്രി പിണറായി വിജയന്‍ നിര്‍വഹിക്കും.

താലൂക്ക് അടിസ്ഥാനത്തില്‍ നല്‍കുന്ന പട്ടയങ്ങളുടെ വിവരങ്ങള്‍

മാലിന്യ ശേഖരണ രീതികള്‍ മികച്ച രീതിയില്‍ നടപ്പാക്കി ഹരിത കര്‍മ്മ സേനയ്ക്കുള്ള സംസ്ഥാന പുരസ്‌ക്കാരം കരസ്ഥമാക്കി മാതൃകയാവുകയാണ് പല്ലശ്ശന ഗ്രാമപഞ്ചായത്തിലെ ഹരിത കര്‍മ്മ സേന. 2019 ലാണ് പഞ്ചായത്തില്‍ ഹരിതകര്‍മ്മ സേന പ്രവര്‍ത്തനം ആരംഭിക്കുന്നത്. തുടക്കത്തില്‍ 16 വാര്‍ഡുകളിലായി 32 സേനാംഗങ്ങള്‍ ഉണ്ടായിരുന്നെങ്കിലും നിലവില്‍ 22 പേരായാണ് പ്രവര്‍ത്തനം. ആദ്യഘട്ടങ്ങളില്‍ വീടുകളില്‍ നിന്ന് മാലിന്യം കൊടുക്കാന്‍ തയ്യാറാവാതിരുന്നത് പ്രതിസന്ധി സൃഷ്ടിച്ചെങ്കിലും പിന്നീട് പഞ്ചായത്തില്‍ ഉടനീളം നടത്തിയ കൃത്യമായ ബോധവത്ക്കരണത്തിലൂടെ അതില്ലാതാക്കിയതായി ഗ്രാമപഞ്ചായത്ത് പ്രസിഡന്റ് സായ് രാധ പറഞ്ഞു.

പൊതു ഇടങ്ങൾ ഇല്ലാതാകുന്ന പുതിയ ഡിജിറ്റൽ കാലഘട്ടത്തിൽ അവധിക്കാല ക്യാമ്പുകൾ വിദ്യാർഥികളുടെ സർഗ്ഗാത്മക വേദികളായി മാറിയതായി വനിതാ ശിശുക്ഷേമ മന്ത്രി വീണാ ജോർജ്. സംസ്ഥാന ശിശുക്ഷേമ സമിതി തൈക്കാട് സംഘടിപ്പിച്ച കിളിക്കൂട്ടം അവധിക്കാല ക്യാമ്പിൽ വിദ്യാർഥികളുമായി സംവദിക്കുകയായിരുന്നു മന്ത്രി. മാധ്യമപ്രവർത്തക എന്ന രീതിയിൽ ജനങ്ങൾക്ക് വേണ്ടി വാദിക്കാൻ കഴിഞ്ഞു.

സമൂഹത്തിന്റെ സ്‌നേഹവും കരുതലും പ്രത്യേക പരിഗണനയും അമ്മത്തൊട്ടിലിലെ കുഞ്ഞുങ്ങൾക്ക് ആവശ്യമാണെന്ന് ആരോഗ്യ വനിതാ ശിശുക്ഷേമ മന്ത്രി വീണാ ജോർജ് അഭിപ്രായപ്പെട്ടു.

മാംസ ഉത്പാദനത്തിൽ സ്വയം പര്യാപ്തത കൈവരിക്കാൻ സർക്കാർ ലക്ഷ്യമിടുന്നതായി മൃഗസംരക്ഷണ ക്ഷീര വികസന മന്ത്രി ജെ ചിഞ്ചുറാണി. കൂടുതൽ മാംസം കേരളത്തിൽ ഉത്പാദിപ്പിക്കാൻ സർക്കാർ ശ്രമിക്കുന്നതായും മന്ത്രി പറഞ്ഞു. മീറ്റ് പ്രോഡക്റ്റ് ഓഫ് ഇന്ത്യയുടെ മൂല്യവർദ്ധിത ഉത്പന്നങ്ങൾ പുറത്തിറക്കുന്ന ചടങ്ങിൽ സംസാരിക്കുകയായിരുന്നു മന്ത്രി. കേരളത്തിന് ആവശ്യമായ മാംസം സംസ്ഥാനത്ത് തന്നെ ഉത്പാദിപ്പിക്കാനാണ് സർക്കാർ ശ്രമിക്കുന്നത്.

നീലേശ്വരം ബ്ലോക്ക് പഞ്ചായത്തിന്റെ കീഴിലുള്ള തൃക്കരിപ്പൂര്‍ താലൂക്ക് ആശുപത്രിയില്‍ താത്ക്കാലികാടിസ്ഥാനത്തില്‍ ഡയാലിസിസ് ടെക്‌നീഷ്യന്റെ ഒഴിവ്. യോഗ്യത പ്ലസ്ടുവും ഗവ.അംഗീകൃത ഡിപ്ലോമ ഇന്‍ റെന്റല്‍ ഡയാലിസിസ് ടെക്‌നോളജി അല്ലെങ്കില്‍ പ്ലസ്ടുവും ഗവ.അംഗീകൃത ബി.എസ്.സി റെന്റല്‍ ഡയാലിസിസ് ടെക്‌നോളജിയും. അഭിമുഖം ഏപ്രില്‍ 25ന് ചൊവ്വാഴ്ച്ച ഉച്ചയ്ക്ക് രണ്ടിന് തൃക്കരിപ്പൂര്‍ താലൂക്ക് ആശുപത്രി ഓഫീസില്‍. അപേക്ഷകര്‍ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍ സഹിതം എത്തണം. ഫോണ്‍ 9447217625.

കാസര്‍കോട് ബ്ലോക്ക് പഞ്ചായത്തിലെ സി.എച്ച്.സി ബദിയഡുക്കയില്‍ സായാഹ്ന ഒ.പിയിലേക്ക് താത്ക്കാലികാടിസ്ഥാനത്തില്‍ ഡോക്ടര്‍ (2 ഒഴിവ്, യോഗ്യത എം.ബി.ബി.എസ്, മെഡിക്കല്‍ കൗണ്‍സില്‍ രജിസ്‌ട്രേഷന്‍ ഉണ്ടായിരിക്കണം), സ്റ്റാഫ് നഴ്‌സ് (ഒരു ഒഴിവ്, യോഗ്യത ജനറല്‍ നഴ്‌സിംഗ്, മിഡ്‌വൈഫറി നഴ്‌സിംഗ് കൗണ്‍സില്‍ രജിസ്‌ട്രേഷന്‍ ഉണ്ടായിരിക്കണം), ഫാര്‍മസിസ്റ്റ് (ഒരു ഒഴിവ്, ഫാര്‍മസിയില്‍ ബിരുദം/ ഡിപ്ലോമ, ഫാര്‍മസി കൗണ്‍സിലില്‍ രജിസ്‌ട്രേഷന്‍ ഉണ്ടായിരിക്കണം). മേഖലയില്‍ പ്രവൃത്തി പരിചയമുള്ളവര്‍ക്കും പ്രദേശവാസികള്‍ക്കും മുന്‍ഗണന. വാക്ക് ഇന്‍ ഇന്റര്‍വ്യൂ ഏപ്രില്‍ 25ന് രാവിലെ 11ന് സി.എച്ച്.സി ബദിയഡുക്കയില്‍.

സംസ്ഥാന സര്‍ക്കാര്‍ ഫിഷറീസ് വകുപ്പിന്റെ ആഭിമുഖ്യത്തില്‍ നടത്തുന്ന തീരസദസ്സ് പരിപാടിയുടെ തൃക്കരിപ്പൂര്‍ നിയോജക മണ്ഡലം സംഘാടകസമിതി രൂപീകരണയോഗം ചെറുവത്തൂര്‍ പഞ്ചായത്ത് ഹാളില്‍ നടന്നു. എം.രാജഗോപാലന്‍ എം.എല്‍.എ ഉദ്ഘാടനം ചെയ്തു. ചെറുവത്തൂര്‍ പഞ്ചായത്ത് പ്രസിഡന്റ് സി.വി.പ്രമീള അധ്യക്ഷയായി. എം.രാജഗോപാലന്‍ എം.എല്‍.എ ചെയര്‍മാനും വലിയപറമ്പ പഞ്ചായത്ത് പ്രസിഡന്റ് വി.വി.സജീവന്‍ കണ്‍വീനറുമായുള്ള സംഘാടക സമിതി രൂപീകരിച്ചു.