കൊടകര അഡീഷണൽ ഐ സി ഡി എസ് പ്രോജക്ടിൽ വരുന്ന മറ്റത്തൂർ പഞ്ചായത്തിലെ അങ്കണവാടി വർക്കർ, ഹെൽപ്പർ തസ്തികകളിലേക്ക് സ്ഥിര - താത്കാലിക നിയമനത്തിന് അപേക്ഷ ക്ഷണിച്ചു.  അപേക്ഷിക്കേണ്ട അവസാന തിയ്യതി മേയ് 8 . ഫോൺ: 0480 2727990

ഒല്ലുക്കര ബ്ലോക്കിൽ കുടുംബശ്രീ എം ഇ ആർ സിയിൽ അക്കൗണ്ടന്റ് നിയമനത്തിന് അപേക്ഷ ക്ഷണിച്ചു. ഏപ്രിൽ 29ന് മുൻപായി കുടുംബശ്രീ ജില്ലാ മിഷൻ കോർഡിനേറ്റർക്ക്‌ അപേക്ഷ നൽകേണ്ടതാണ്. ഫോൺ: 0487 2362517

ആയുര്‍വേദത്തിന്റെ പ്രാധാന്യം ജനങ്ങളിലേക്ക് എത്തിക്കുക എന്ന ലക്ഷ്യത്തോടെ എരുമപ്പെട്ടി ഗ്രാമപഞ്ചായത്ത് ആയുര്‍വേദ മെഡിക്കല്‍ ക്യാമ്പ് സംഘടിപ്പിച്ചു. ചിറ്റണ്ട തൃക്കണപതിയാരത്തുള്ള പത്താം വാര്‍ഡ് അംഗന്‍വാടിയില്‍ നടന്ന പരിപാടി ഗ്രാമപഞ്ചായത്ത് പ്രസിഡന്റ് എസ് ബസന്ത് ലാല്‍ ഉദ്ഘാടനം ചെയ്തു.

പ്രാതിനിധ്യമാണ് ജനാധിപഥ്യത്തിന്റെ അടിസ്ഥാനമെന്ന് ഭരണഘടനയും പാർശ്വവത്ക്കരിക്കപ്പെട്ടവരുടെ സാമൂഹ്യ നീതിയും എന്ന വിഷയത്തിൽ സംഘടിപ്പിച്ച സെമിനാർ. സാമൂഹ്യ നീതി വകുപ്പിന്റെ ആഭിമുഖ്യത്തിൽ  ആലപ്പുഴ ബീച്ചിൽ എൻറെ കേരളം പ്രദർശന വിപണന മേളയിൽ സംഘടിപ്പിച്ച സെമിനാർ പി.പി ചിത്തരഞ്ജൻ എം.എൽ.എ. ഉദ്ഘാടനം ചെയ്തു. 

 റോഡ് സുരക്ഷ നിയമങ്ങൾ കൃത്യമായി പാലിച്ചാണോ നിങ്ങൾ വാഹനം ഓടിക്കുന്നത്? എങ്കിൽ മോട്ടോർ വാഹന വകുപ്പിന്റെ സ്റ്റാളിൽ വന്ന് സമ്മാനമടിച്ച് വീട്ടിൽ പോകാം. സംസ്ഥാന സർക്കാരിന്റെ രണ്ടാം വാർഷികത്തോടനുബന്ധിച്ച് ആലപ്പുഴ ബീച്ചിൽ നടക്കുന്ന എന്റെ കേരളം പ്രദർശന വിപണന മേളയിലാണ് മോട്ടോർ വാഹന വകുപ്പിന്റെ വ്യത്യസ്തമായ സ്റ്റാൾ ഒരുക്കിയിരിക്കുന്നത്. ഹെൽമെറ്റ്, തവ തുടങ്ങിയവയാണ് സമ്മാനമായി നൽകുന്നത്. 

ചക്ക പായസം, ചക്ക അട, ചക്ക കട്ട്ലെറ്റ്, ചക്ക ചില്ലി, ചക്ക ഉണ്ണിയപ്പം...... രുചിയേറും ചക്ക വിഭവങ്ങൾ തേടി ആയിരങ്ങളാണ് ആലപ്പുഴ ബീച്ചിൽ ഒരുക്കിയ എന്റെ കേരളം പ്രദർശന -വിപണന മേളയിലെ കുടുംബശ്രീ ഫുഡ് കോർട്ടിൽ എത്തുന്നത്. പാലട, പരിപ്പ്, ചോക്ലേറ്റ്, അടപ്രഥമൻ, മുളയരി തുടങ്ങിയ പായസങ്ങൾക്കും ഇവിടെ വൻ ഡിമാൻഡാണ്. റമദാൻ മാസം ഉദ്ദേശിച്ച്  ഒരുക്കിയ പ്രത്യേക ടേക്ക്എവേ കൗണ്ടറുകളും സജീവമാണ്.

കോട്ടയം: കുമരകത്തുനടന്ന രണ്ടാമത് ജി20 ഷെർപ്പ സമ്മേളനവും വികസന പ്രവർത്തകസമിതി യോഗവും കുറ്റമറ്റ രീതിയിൽ നടത്തിയതിന് ജില്ലയിലെ ഉദ്യോസ്ഥരെയും വകുപ്പുകളെയും ബന്ധപ്പെട്ട തദ്ദേശസ്ഥാപനങ്ങളെയും ജില്ലാ കളക്ടർ ഡോ. പി.കെ. ജയശ്രീയുടെ അധ്യക്ഷതയിൽ ചേർന്ന യോഗം അഭിനന്ദിച്ചു. മുപ്പതോളം വകുപ്പുകളുടെ കൈകോർത്തുള്ള പ്രവർത്തനമാണ് കുമരകത്തെ ജി20 സമ്മേളനങ്ങൾ പരാതിരഹിതമായി പൂർത്തിയാക്കാൻ സാധിച്ചതിനു പിന്നിലെന്നു ജില്ലാ കളക്ടർ ഡോ. പി.കെ. ജയശ്രീ ചൂണ്ടിക്കാട്ടി.

പാണാവള്ളി ഗ്രാമപഞ്ചായത്തിലെ കുഴിക്കര- ആന്നലത്തോട്, നാൽപ്പത്തെണ്ണീശ്വരം- കരിപ്പായിത്തോട് എന്നിവയുടെ നവീകരണോദ്ഘാടനം ഫിഷറീസ് സാംസ്കാരിക മന്ത്രി സജി ചെറിയാൻ നിർവഹിച്ചു. സംസ്ഥാന സർക്കാരിന്റെ രണ്ടാം വാർഷികത്തോടനുബന്ധിച്ചുള്ള 100 ദിന കർമ്മപരിപാടിയുടെ ഭാഗമായാണ് തോടുകളുടെ നവീകരണം നടത്തുന്നത്. ഫിഷറീസ് വകുപ്പ് മുഖേന 32.55 ലക്ഷം രൂപ മുടക്കിയാണ് തോടുകൾ നവീകരിക്കുന്നത്. വേമ്പനാട്ട് കായലിനാൽ ചുറ്റപ്പെട്ടു കിടക്കുന്ന പാണാവള്ളി ഗ്രാമപഞ്ചായത്തിന്റെ തീരപ്രദേശങ്ങളിലെ വെള്ളക്കെട്ടു പരിഹരിക്കാൻ ഇതുവഴി സാധിക്കും. 

കടുവ ഭീഷണി നേരിടുന്ന പെരുനാട്ടിൽ കടുവയെ കണ്ടെത്തുന്നതിന് ഡ്രോൺ നിരീക്ഷണം നടത്തുവാൻ തീരുമാനമായി. അഡ്വ.  പ്രമോദ് നാരായണൻ എംഎൽഎ നൽകിയ നിർദേശത്തെ തുടർന്നാണ് നടപടി. പെരുനാട് കൂനങ്കര, കോളാമല, ബഥനി പുതുവേൽ എന്നീ സ്ഥലങ്ങളിലാണ് കഴിഞ്ഞ ദിവങ്ങളിൽ  കടുവയുടെ  സാന്നിധ്യം ഉണ്ടായത്. അധികൃതർ നടത്തിയ പരിശോധനയിൽ കടുവ ആണെന്ന് തെളിഞ്ഞതിനെ തുടർന്ന് പിടിക്കാൻ കൂടു വച്ചെങ്കിലും കടുവയെ കിട്ടിയില്ല. ഇതിനിടയ്ക്ക് പല ഭാഗങ്ങളിലും കടുവ സാമീപ്യം ഉള്ളതായി പരാതി ഉയർന്നതോടെ ജനങ്ങൾ പരിഭ്രാന്തരായി. തുടർന്നാണ് ഡ്രാേൺ ഉപയോഗിച്ച് വിശദമായ പരിശോധന നടത്താൻ എംഎൽഎ നിർദേശിച്ചത്. ബുധനാഴ്ച മുതൽ പരിശോധന ആരംഭിക്കും.