പകര്‍ച്ചവ്യാധികള്‍ക്കെതിരെ ജാഗ്രത പുലര്‍ത്തണമെന്ന് ജില്ലാ കലക്ടര്‍ അഫ്‌സാന പര്‍വീണ്‍. പകര്‍ച്ചവ്യാധി നിയന്ത്രണം, ആരോഗ്യ ജാഗ്രത, ഏകാരോഗ്യം എന്നിവയുമായി ബന്ധപ്പെട്ട് ചേമ്പറില്‍ കലക്ടടറുടെ അധ്യക്ഷതയില്‍ യോഗം ചേര്‍ന്നു. മഴക്കാലത്തിന് മുന്‍പ് ഡെങ്കിപ്പനി, മലേറിയ പോലുള്ള കൊതുക് ജന്യരോഗങ്ങള്‍ക്കെതിരെ മുന്‍കരുതലുകള്‍ സ്വീകരിക്കണം. തുറസായ സ്ഥലങ്ങളില്‍ വെള്ളം കെട്ടിനില്‍ക്കുന്നത് ഒഴിവാക്കണം. ഞായറാഴ്ചകളില്‍ വീടുകളിലും ശനിയാഴ്ചകളില്‍ ഓഫീസുകളിലും വെള്ളിയാഴ്ചകളില്‍ വിദ്യാഭ്യാസ സ്ഥാപനങ്ങളിലും കൊതുക് ഉറവിട നശീകരണ പ്രവര്‍ത്തനങ്ങള്‍ നടത്തണം.  

സാംസ്‌ക്കാരിക വകുപ്പിന്റെ നേതൃത്വത്തില്‍ ആശ്രാമം മൈതാനത്തിന് സമീപം നിര്‍മിച്ച ശ്രീനാരായണ ഗുരു സാംസ്‌ക്കാരിക സമുച്ചയം ഉദ്ഘാടനത്തോടനുബന്ധിച്ച സ്വാഗതസംഘം രൂപീകരണ യോഗം നാളെ (ഏപ്രില്‍ 20) ആശ്രാമം എ വൈ കെ ഓഡിറ്റോറിയത്തില്‍ വൈകിട്ട് അഞ്ചിന് നടക്കും. മെയ് നാലിന് മുഖ്യമന്ത്രി പിണറായി വിജയനാണ് ഉദ്ഘാടനം നിര്‍വഹിക്കുന്നത്.

സംസ്ഥാന കൃഷിവകുപ്പിൻ്റെ നേതൃത്വത്തിൽ കേരളത്തിലെ കാർഷിക ഉൽപന്നങ്ങൾ കേരൾഅഗ്രോ എന്ന ബ്രാൻഡിൽ ഓൺലൈൻ പ്ലാറ്റ്ഫോമിലൂടെ വിപണനം നടത്തുന്ന പരിപാടിക്ക് ഏപ്രിൽ 24 ന് എറണാകുളത്ത് തുടക്കംകുറിക്കുകയാണ്. സംസ്ഥാന കൃഷിവകുപ്പ് മന്ത്രി പി. പ്രസാദ് ഉദ്ഘാടനം നിർവ്വഹിക്കുന്ന പരിപാടിയുടെ പ്രചരണാർത്ഥം ജില്ലാ കൃഷിഓഫീസിൻ്റെ ആഭിമുഖ്യത്തിൽ ചിത്രരചന മത്സരം സംഘടിപ്പിച്ചു.

മുളവുകാട് കുടുംബാരോഗ്യ കേന്ദ്രത്തിൽ നിർമ്മിച്ച കമ്മ്യൂണിറ്റി ഹെൽത്ത് അവയർനെസ് ആൻഡ് ട്രെയിനിംഗ് സെൻ്ററിൻ്റെ ഉൽഘാടനം കെ എൻ ഉണ്ണിക്കൃഷ്ണൻ എംഎൽഎ നിർവ്വഹിച്ചു. കമ്മ്യൂണിറ്റി ഡവലപ്പ്മെന്റിന്റെ ഭാഗമായി ഡിപി വേൾഡിന്റെ സാമ്പത്തിക സഹായത്തോടെയാണ് പദ്ധതി നടപ്പാക്കിയത്. 

കാൽ നൂറ്റാണ്ടിലേറേയായി കുടിവെള്ളം മൂലം ബുദ്ധിമുട്ടിയിരുന്ന രണ്ടാർകരയിലെ നിവാസികളിപ്പോൾ ആശ്വാസത്തിലാണ്. കിഴക്കേക്കര കുടിവെള്ള പദ്ധതി യാഥാർത്ഥ്യമായപ്പോൾ 150 ഓളം കുടുബങ്ങളിൽ കുടിവെള്ളം എത്തി. വേനൽ കടുത്തിട്ടും രണ്ടാർകരയിലെ  പ്രദേശവാസികൾക്ക് കുടിവെള്ളത്തിനു  ബുദ്ധിമുട്ടില്ല.

തീരദേശത്തെ ചേർത്തുപിടിക്കാൻ സംസ്ഥാന സർക്കാർ തീരസദസ് സംഘടിപ്പിക്കുന്നു. പരിപാടിയിലേക്ക് ഏപ്രിൽ 20 വരെ അപേക്ഷ സമർപ്പിക്കാം. മത്സ്യത്തൊഴിലാളികളുടെ പരാതികളും അപേക്ഷകളും www.fisheries.kerala.gov.in വെബ്സൈറ്റിൽ നേരിട്ടും മത്സ്യ ഭവനുകൾ, അക്ഷയ കേന്ദ്രങ്ങൾ എന്നിവ വഴി ഓൺലൈനായും സമർപ്പിക്കാവുന്നതാണ്.

തീരസദസ് സംഘടിപ്പിക്കുന്നതിന്റെ ഭാഗമായി ജില്ലാ പഞ്ചായത്ത് പ്രസിഡൻ്റ് ഉല്ലാസ് തോമസ്, ജില്ലാ കളക്ടർ എൻ എസ് കെ ഉമേഷ് എന്നിവരുടെ അധ്യക്ഷതയിൽ ഏകോപന സമിതി യോഗം ചേർന്നു. പരിപാടി വിജയകരമായി നടത്തുന്നതിന് വിവിധ വകുപ്പുകളുടെ സേവനം ഉറപ്പാക്കണമെന്ന് യോഗത്തിൽ കളക്ടർ ഉദ്യോഗസ്ഥർക്ക് നിർദ്ദേശം നൽകി.

കാർഷിക വിപണന രംഗത്ത് പുത്തൻ ഉണർവേകുവാനും കേരളത്തിലെ കാർഷിക വിളകൾ ഒരേ ബ്രാൻഡോടുകൂടി ഒരു കുടക്കീഴിൽ വിപണിയിലെത്തിക്കുവാനും ഓൺലൈൻ വിപണന സംവിധാനം പരമാവധി പ്രയോജനപ്പെടുത്തുവാനും കാർഷിക വികസന കർഷക ക്ഷേമ വകുപ്പ് നടപ്പിലാക്കുന്ന "കേരൾ അഗ്രോ - ഓൺലൈൻ വിപണനത്തിന്റെ" പ്രചരാണാർത്ഥം ജില്ലയിൽ ഫോട്ടോഗ്രാഫി മത്സരം സംഘടിപ്പിക്കുന്നു. പൊതുജനങ്ങളുടെ ശ്രദ്ധ ആകർഷിക്കുന്നതിലേക്കായി സംഘടിപ്പിക്കുന്ന ഈ മത്സരത്തിൽ 15 വയസ്സ് മുതൽ 40 വയസ്സ് വരെയുള്ളവർക്ക് പങ്കെടുക്കാം. താത്പര്യമുളളവർ ഇനിപ്പറയുന്ന മാനദണ്ഡങ്ങൾ പാലിച്ച് നിശ്ചിത സമയപരിധിക്കുള്ളിൽ ഫോട്ടോ ലഭ്യമാക്കേണ്ടതാണ്.

സാമൂഹ്യ സുരക്ഷ   ക്ഷേമ പെന്‍ഷന്‍ ഗുണഭോക്താക്കള്‍ക്കുള്ള മസ്റ്ററിംങ്ങ്  ഏപ്രില്‍ 1 മുതല്‍ സംസ്ഥാനത്ത് ആരംഭിച്ചിട്ടുള്ളതും അക്ഷയ കേന്ദ്രങ്ങളിലൂടെ മസ്റ്ററിംങ്ങ് നടന്നു വരുന്നതുമാണ്.  ഏതെങ്കിലും അക്ഷയ കേന്ദ്രങ്ങളില്‍ നേരിട്ട് പോയി വിരലടയാളം രേഖപ്പെടുത്തി മസ്റ്ററിംങ്ങ് പൂര്‍ത്തീകരിക്കാവുന്നതാണ്. കേരളത്തിലെ തദ്ദേശ ഭരണ സ്ഥാപനങ്ങള്‍ മുഖേന നല്കുന്ന സാമൂഹ്യ സുരക്ഷ പെന്‍ഷനുകളും ക്ഷേമ നിധി ബോര്‍ഡില്‍ നിന്നും പെന്‍ഷന്‍ വാങ്ങുന്നവരും മസ്റ്ററിംങ്ങ് നടത്തണം.      പെന്‍ഷന്‍ മസ്റ്ററിംങ്ങ് പൂര്‍ത്തീകരിക്കുന്നതിന് അക്ഷയ കേന്ദ്രങ്ങളെ മാത്രമാണ് സംസ്ഥാന സര്‍ക്കാര്‍ ചുമതലപ്പെടുത്തിയിരിക്കുന്നത്.

നോർത്ത് പറവൂർ ഐ.സി.ഡി.എസ്. പ്രോജക്ടിന്റെ പരിധിയിലുള്ള ചിറ്റാറ്റുകര പഞ്ചായത്തിലെ അങ്കണവാടി വർക്കർമാരുടേയും, ഹെൽപ്പർമാരുടേയും നിലവിലുള്ളതും ഭാവിയിൽ ഉണ്ടാകാവുന്ന ഒഴിവുകളിലേക്കും നിയമനം (നിലവിലുള്ള സർക്കാർ ഉത്തരവുകൾ പ്രകാരം) നടത്തുന്നതിനായി ചിറ്റാറ്റുകര പഞ്ചായത്തിലെ സ്ഥിരതാമസക്കാരും സേവന തത്പരരുമായ വനിതകളിൽ നിന്നും അപേക്ഷ ക്ഷണിച്ചു അപേക്ഷകരുടെ പ്രായം 01.01.2023 ൽ 18 വയസ്സ് പൂർത്തിയാകേണ്ടതും, 46 വയസ്സ് കവിയാൻ പാടില്ലാത്തതുമാണ്. അപേക്ഷകൾ ഏപ്രില്‍ 19 മുതൽ മെയ് 10 ന് വൈകീട്ട് അഞ്ചുവരെ നോർത്ത് പറവൂർ ഐ.സി.ഡി.എസ് പ്രോജക്ടിൽ സ്വീകരിക്കും.

ജില്ലയിലെ ഒരു സർക്കാർ സ്ഥാപനത്തിലെ പ്രോജക്ടിന്റെ ഭാഗമായുള്ള മൃഗപരിപാലകൻ തസ്തികയിൽ 08 ഒഴിവ് നിലവിലുണ്ട് .നിശ്ചിത യോഗ്യതകൾ ഉള്ള ഉദ്യോഗാർത്ഥികൾ എല്ലാ അസ്സൽ സർട്ടിഫിക്കറ്റുകളും സഹിതം മെയ് നാലിന്  മുമ്പ് അതത് എംപ്ലോയ്മെന്‍റ് എക്സ്ചേഞ്ചിൽ രജിസ്റ്റർ ചെയ്യണം. പ്രായ പരിധി 18 -41. ഭിന്നശേഷിക്കാർ അർഹരല്ല. വിദ്യാഭ്യാസ യോഗ്യത സാക്ഷരത,  ഡോഗ് ക്യാച്ചിംഗിൽ പരിശീലന സർട്ടിഫിക്കറ്റ്/ നായയെ പിടിക്കുന്നതുമായി ബന്ധപ്പെട്ട എല്‍.എസ്.ജി.ഡി വകുപ്പില്‍ നിന്നുളള സർട്ടിഫിക്കറ്റ്,  നല്ല ശരീരഘടന