*മറയൂരില്‍ സാന്റല്‍ മ്യൂസിയം തുടങ്ങും *വനസഹൃദസദസ്സിന് ജില്ലയില്‍ തുടക്കം ജനസഹൃദ വകുപ്പായി വനംവകുപ്പ് മാറണമെന്ന് വനം വന്യജീവി വകുപ്പ് മന്ത്രി എ കെ ശശീന്ദ്രന്‍. വനസൗഹൃദസദസ്സിന്റെ ജില്ലാതല ഉദ്ഘാടനം മൂന്നാര്‍ പഞ്ചായത്ത് കമ്മ്യൂണിറ്റിഹാളില്‍ നിര്‍വ്വഹിച്ചശേഷം സംസാരിക്കുകയായിരുന്നു മന്ത്രി. പരിപാടിയില്‍ ദേവികുളം ബ്ലോക്ക് പഞ്ചായത്ത് പ്രസിഡന്റ് ആനന്ദറാണി ദാസ് അധ്യക്ഷത വഹിച്ചു. ഉടുമ്പന്‍ചോല എംഎല്‍എ എംഎം മണി മുഖ്യാതിഥിയായി. വനവും ജനങ്ങളും തമ്മിലുള്ള ബന്ധം എന്താണ് എന്നത് ഇതുവരെ വിഷയമായിരുന്നില്ല. ഈ വിഷയം ഗൗരവതരമായി എടുക്കുന്നു. പതിറ്റാണ്ടുകളായി കൃഷി ചെയ്ത് ജീവിച്ചു വരുന്നവരാണ് ഇടുക്കിയിലെ ജനത.

അച്ചന്‍കോവില്‍ സര്‍ക്കാര്‍ ആയുര്‍വേദ ഡിസ്‌പെന്‍സറിയില്‍ മെഡിക്കല്‍ ഓഫീസറുടെ താത്ക്കാലിക ഒഴിവിലേക്ക് അപേക്ഷ ക്ഷണിച്ചു. സര്‍ക്കാര്‍ അംഗീകൃത ബി എ എം എസ് ഡിഗ്രിയും ട്രാവന്‍കൂര്‍ കൊച്ചിന്‍ മെഡിക്കല്‍ കൗണ്‍സിലിന്റെ എ ക്ലാസ് രജിസ്‌ട്രേഷനുമാണ് യോഗ്യത. പ്രായപരിധി: 18-38 വയസ്. സംവരണ വിഭാഗക്കാര്‍ക്ക് പ്രായപരിധിയില്‍ ഇളവുണ്ടാകും. ശമ്പളം: പ്രതിദിനം 1455 പ്രകാരം പ്രതിമാസം പരമാവധി 39285 രൂപ. താത്പര്യമുള്ളവര്‍ അസല്‍ രേഖകളും പകര്‍പ്പും സഹിതം ഏപ്രില്‍ 26ന് രാവിലെ 10.30ന് ആശ്രാമത്തുള്ള ഭാരതീയ ചികിത്സാവകുപ്പ് ജില്ലാ മെഡിക്കല്‍ ഓഫീസില്‍ നടത്തുന്ന വോക്ക് ഇന്‍ ഇന്റര്‍വ്യൂവിന് ഹാജരാകണം. ഫോണ്‍: 0474 2763044.

ഇത്തിക്കര ബ്ലോക്ക് പഞ്ചായത്ത് കോമ്പൗണ്ടിലെ മഹാഗണി മരം ഏപ്രില്‍ 27ന് രാവിലെ 11 ന് ലേലം ചെയ്യും. ഫോണ്‍: 0474 2593260, 8281040517, 9446757252.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ സര്‍വര്‍ തകരാര്‍ മൂലം ക്ഷേമനിധി വിഹിതം അടയ്ക്കാന്‍ കഴിയാത്തവര്‍ക്ക് അതാത് ജില്ലാ ഓഫീസുകളില്‍ കാര്‍ഡ് സൈ്വപ്പ് ചെയ്ത് ക്ഷേമനിധി വിഹിതം അടയ്ക്കാമെന്ന് ബോര്‍ഡ് ചെയര്‍മാന്‍ അറിയിച്ചു.

എല്‍ ബി എസ് സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജിയുടെ കൊല്ലം മേഖലാ കേന്ദ്രത്തില്‍ ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍ കോഴ്‌സിലേക്ക് ഏപ്രില്‍ 30 വരെ www.lbscentre.kerala.gov.in/services/courses മുഖേന അപേക്ഷ നല്‍കാം. എസ് എസ് എല്‍ സി പരീക്ഷാ ഫലം കാത്തിരിക്കുന്നവര്‍ക്കും അപേക്ഷിക്കാം. ഫോണ്‍ - 0474 2970780.

ജില്ലാ ശിശുസംരക്ഷണ യൂണിറ്റിലേക്ക് മൂന്ന് മാസത്തേക്ക് വാഹനം വാടകയ്ക്ക് നല്‍കുന്നതിന് ക്വട്ടേഷന്‍ ക്ഷണിച്ചു. ജില്ലാ ശിശുസംരക്ഷണ ഓഫീസ്, സിവില്‍ സ്റ്റേഷന്‍, കൊല്ലം വിലാസത്തില്‍ മെയ് രണ്ട് ഉച്ചയ്ക്ക് 12നകം സമര്‍പ്പിക്കണം. ഫോണ്‍- 0474 2791597.

കൊട്ടാരക്കര ശ്രീമഹാഗണപതി ക്ഷേത്രം മേടതിരുവാതിര മഹോത്സവത്തോടനുബന്ധിച്ച് ഏപ്രില്‍ 23 മുതല്‍ 25 വരെ ക്ഷേത്രത്തിന് അഞ്ച് കിലോമീറ്റര്‍ ചുറ്റളവിലുള്ള പ്രദേശങ്ങള്‍ ഉത്സവമേഖലയായി ജില്ലാ കലക്ടര്‍ അഫ്സാന പര്‍വീണ്‍ പ്രഖ്യാപിച്ചു. ഹരിതചട്ടം കര്‍ശനമായി പാലിക്കണം. ഭക്ഷ്യസുരക്ഷാ നിയമലംഘനം, ശബ്ദ മലിനീകരണം, മദ്യം, ലഹരി വസ്തുക്കളുടെ വില്പന എന്നിവയ്ക്കെതിരെ കര്‍ശന നടപടി സ്വീകരിക്കും. ക്രമസമാധാനപാലനം ഉറപ്പാക്കാനും നിര്‍ദേശിച്ചു.

അയത്തില്‍ ഇലക്ട്രിക്കല്‍ സെക്ഷന്‍ ഓഫീസില്‍ മെയ് ഒന്ന് മുതല്‍ ഇനിയൊരറിയിപ്പ് ഉണ്ടാകുന്നതുവരെ പണം സ്വീകരിക്കുന്നതിനുള്ള സമയം രാവിലെ ഒമ്പത് മുതല്‍ വൈകിട്ട് മൂന്ന് വരെ ആയിരിക്കുമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.

ജില്ലാ പഞ്ചായത്തിന്റെ മിനി വ്യവസായ എസ്റ്റേറ്റുകളില്‍ ഒഴിവുള്ള വ്യവസായ ഷെഡുകള്‍ അനുവദിക്കുന്നതിന് അപേക്ഷ ക്ഷണിച്ചു. പട്ടികജാതി വിഭാഗത്തിലുള്ള വനിതകള്‍ക്ക് അനുവദിക്കുന്നതിനുള്ള കരീപ്ര, പത്തനാപുരം മിനി വ്യവസായ എസ്റ്റേറ്റുകളിലെയും ജനറല്‍ വനിതാ വിഭാഗത്തിലുള്ള കരീപ്ര വ്യവസായ എസ്റ്റേറ്റി ലേയും ഷെഡുകളാണ് അനുവദിക്കുന്നത്. വെള്ള പേപ്പറില്‍ തയ്യാറാക്കിയ അപേക്ഷ പദ്ധതിരേഖ, തിരിച്ചറിയല്‍ രേഖകള്‍ സഹിതം ഏപ്രില്‍ 29നകം ജില്ലാ പഞ്ചായത്തിലോ ജില്ലാ വ്യവസായ കേന്ദ്രം മാനേജര്‍ക്കോ അപേക്ഷ സമര്‍പ്പിക്കണം. ഫോണ്‍- 0474 2748395.