അര ഏക്കറിൽ ജെെവ പച്ചക്കറി വിളയിച്ച് കായണ്ണ ഗവ. ഹയർ സെക്കൻഡറി സ്കൂളിലെ വിദ്യാർത്ഥികൾ. സ്കൂളിലെ നാഷണൽ സർവീസ് സ്കീമിന്റെ ആഭിമുഖ്യത്തിലാണ് ഹരിതം പദ്ധതിയിൽ ഉൾപ്പെടുത്തി പച്ചക്കറി കൃഷി ചെയ്തത്. വെള്ളരി, കയ്പ, ചീര, പയർ തുടങ്ങി പത്തിനം പച്ചക്കറികളാണ് നട്ടത്. നിലമൊരുക്കൽ, നനയ്ക്കൽ, വളമിടൽ തുടങ്ങിയ എല്ലാ ജോലികളും വിദ്യാർത്ഥികൾ തന്നെയാണ് ചെയ്തത്. പരീക്ഷക്കാലത്ത് വിദ്യാർത്ഥികളെ സഹായിക്കാൻ അധ്യാപകരും രക്ഷിതാക്കളും രംഗത്തിറങ്ങി. ഒപ്പം നാട്ടുകാരും അണിചേർന്നതോടെ കൃഷി ജനകീയോത്സവമായി. 

സംസ്ഥാന മന്ത്രിസഭയുടെ രണ്ടാം വാര്‍ഷികാഘോഷത്തോടനുബന്ധിച്ച് പോസ്റ്ററുകൾ ലെറ്റർ ഹെഡുകൾ തുടങ്ങിയവ തയ്യാറാക്കുന്നതിന് ഈ മേഖലയിൽ അഞ്ചുവർഷമെങ്കിലും പ്രവർത്തിപരിചയമുള്ള സ്ഥാപനങ്ങളിൽ നിന്നും ക്വട്ടേഷനുകൾ ക്ഷണിച്ചു . സ്പെസിഫിക്കേഷനുകൾ ഇനി പറയുന്നു.

1. ഡബിൾ ഡമ്മി പോസ്റ്റർ 
വലിപ്പം :  (57 സെ മി വീതി 88 സെ മി നീളം,) 
120 gsm ആർട്ട് പേപ്പർ, 5000 കോപ്പികൾ, മൾട്ടി കളർ)

2. വലുപ്പം  (44 സെ മി വീതി 58 സെ മി നീളം,) 
 100 gsm ആർട്ട് പേപ്പർ, 5000 കോപ്പികൾ, മൾട്ടി കളർ)

3. ലെറ്റർ ഹെഡ് ( A4 സൈസ്, 100 gsm, ബോണ്ട് പേപ്പർ, 500 കോപ്പികൾ, മൾട്ടി കളർ ) 

നാദാപുരം ഗ്രാമ പഞ്ചായത്ത് മൂന്നാം വാർഡിൽ  തൈവെച്ച പറമ്പത്ത്-കൊപ്രക്കളമുള്ളതിൽ റോഡിന്റെ  ഉദ്‌ഘാടനം ഗ്രാമ പഞ്ചായത്ത് പ്രസിഡന്റ് വി.വി മുഹമ്മദലി നിർവഹിച്ചു. മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തിയാണ് റോഡ് പണി പൂർത്തീകരിച്ചത്. വാർഡ് മെമ്പർ മസ്ബൂബ ഇബ്രാഹിം വി.എ.സി അധ്യക്ഷത വഹിച്ചു.

സംസ്ഥാന മന്ത്രിസഭയുടെ രണ്ടാം വാർഷികാഘോഷ പരിപാടികളുടെ ഭാഗമായി മെയ് 12 മുതൽ 18 വരെ ജില്ലയിൽ നടക്കുന്ന എന്റെ കേരളം പ്രദർശന വിപണന മേളയുടെ പ്രചരണാർത്ഥം കോഴിക്കോട് ബീച്ചിൽ 
മണൽ ശില്പമൊരുങ്ങുന്നു.

പബ്ലിസിറ്റി കമ്മിറ്റിയുടെ ആഭിമുഖ്യത്തിൽ ബേപ്പൂർ ഉരു മോഡലാണ് മണൽശില്പമായി നിർമ്മിക്കുന്നത്. ഏപ്രിൽ 18 ന് രാവിലെ 11 മണിക്ക് പൊതുമരാമത്ത്  ടൂറിസം വകുപ്പ് മന്ത്രി പി.എ. മുഹമ്മദ് റിയാസ് മണൽശില്പം അനാഛാദനം ചെയ്യും.

നഗരത്തിലെ സ്വന്തമായി സ്ഥലവും വീടും ഇല്ലാത്ത നിർധനർക്ക് ബഹുജന  പങ്കാളിത്തത്തോടെ പാർപ്പിടം ഒരുക്കുന്ന കോർപറേഷൻ്റെ ബൃഹത് പദ്ധതിക്ക് തുടക്കമാവുന്നു. ഭൂരഹിത ഭവന രഹിതർക്കുള്ള പാർപ്പിട പദ്ധതിയെ കുറിച്ച് ആലോചിക്കുവാനും വിശദമായ രൂപരേഖ തയ്യാറാക്കാനും കോർപറേഷന്റെ ആഭിമുഖ്യത്തിൽ ഏപ്രിൽ 17ന് തിങ്കളാഴ്ച പ്രമുഖ വ്യക്തികളുടെയും സ്ഥാപനമേധാവികളുടെയും യോഗം മലബാർ പാലസിൽ ചേരും. വൈകിട്ട് 4 30ന് ചേരുന്ന യോഗത്തിൽ പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ് പങ്കെടുക്കും. 

* പൊതുജനങ്ങള്‍ പകൽ 11 am മുതല്‍ 3 pm വരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം എല്‍ക്കുന്നത് ഒഴിവാക്കുക.

* ജലം പാഴാക്കാതെ ഉപയോഗിക്കാനും വേനൽ മഴ ലഭിക്കുമ്പോൾ പരമാവധി ജലം സംഭരിക്കാനുമുള്ള നടപടികൾ സ്വീകരിക്കണം. നിര്‍ജലീകരണം തടയാന്‍ കുടിവെള്ളം എപ്പോഴും ഒരു ചെറിയ കുപ്പിയില്‍ കയ്യില്‍ കരുതുക.

* പരമാവധി ശുദ്ധജലം കുടിക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക.
നിർജ്ജലീകരണമുണ്ടാക്കുന്ന മദ്യം, കാപ്പി, ചായ, കാർബണേറ്റഡ് സോഫ്റ്റ് ഡ്രിങ്കുകൾ തുടങ്ങിയ പാനീയങ്ങള്‍ പകല്‍ സമയത്ത് ഒഴിവാക്കുക.