അപേക്ഷ ക്ഷണിച്ചു 

ഗവ. ഐ.ടി.ഐ ഐ.എം.സി സൊസൈറ്റിയുടെ ആഭിമുഖ്യത്തിൽ നടത്തുന്ന ഓയിൽ ആൻഡ് ഗ്യാസ് ടെക്നോളജി കോഴ്‌സിലേക്ക് അപേക്ഷ ക്ഷണിച്ചു. യോഗ്യത: പ്ലസ്ടു, ഐ.ടി.ഐ, ഡിപ്ലോമ, ബി.ടെക്. കൂടുതൽ വിവരങ്ങൾക്ക് : 8590539062,9526415698.

ഇന്റർവ്യൂ

ജൽ ജീവൻ മിഷൻ പദ്ധതിയുമായി ബന്ധപ്പെട്ട പ്രവർത്തനങ്ങൾ വിലയിരുത്താൻ കലക്ട്രേറ്റിൽ ജില്ലാ ജല ശുചിത്വ മിഷൻ യോഗം (ഡി.ഡബ്യു.എസ്.എം) ചേർന്നു. 

ജില്ലാ കലക്ടർ എ.ഗീത, ജില്ലാ വികസന കമ്മിഷണർ എം.എസ് മാധവിക്കുട്ടി എന്നിവരുടെ നേതൃത്വത്തിൽ ചേർന്ന യോഗത്തിൽ കോഴിക്കോട് വാട്ടർ അതോറിറ്റി എക്സിക്യൂട്ടീവ് എഞ്ചിനീയർമാർ പങ്കെടുത്തു.

പെരുവയൽ ഗ്രാമപഞ്ചായത്ത് 12-ാം വാർഡ് മായിങ്കോട്ട്താഴം റോഡിന്റെ  ഉദ്‌ഘാടനം ഗ്രാമപഞ്ചായത്ത് പ്രസിഡന്റ് എം.കെ സുഹറാബി  നിർവഹിച്ചു. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി 3 ലക്ഷം രൂപ  ചെലവഴിച്ചാണ് റോഡിന്റെ പണി പൂർത്തീകരിച്ചത്. പഞ്ചായത്ത് വൈസ് പ്രസിഡന്റ് അനീഷ് പാലാട്ട് അധ്യക്ഷത വഹിച്ചു.

സംസ്ഥാന സർക്കാരിന്റെ രണ്ടാം വാർഷികത്തോടനുബന്ധിച്ച് മേയ് രണ്ട് മുതൽ എട്ട് വരെ ജില്ലയിൽ സംഘടിപ്പിക്കുന്ന‘കരുതലും കൈത്താങ്ങും' താലൂക്ക്തല അദാലത്തിലേക്ക് ലഭിച്ചത്‌ 4207 പരാതികൾ.

കോഴിക്കോട് താലൂക്കിലാണ് കൂടുതൽ പരാതികൾ ലഭിച്ചത്: 1451. കൊയിലാണ്ടി -1117, വടകര - 1039, താമരശ്ശേരി - 600 എന്നിങ്ങനെയാണ് മറ്റിടങ്ങളിൽ ലഭിച്ച പരാതികൾ. സാമൂഹികക്ഷേമ പെൻഷൻ കുടിശ്ശിക, തെരുവുനായ ശല്യം ഉൾപ്പെടെ തദ്ദേശ സ്വയം ഭരണവകുപ്പുമായി ബന്ധപ്പെട്ട പരാതികളാണ് ലഭിച്ചവയിൽ ഏറെയും. 

കല്ലുത്താൻകടവ്-പുതിയപാലം-ചാലപ്പുറം റോഡിൽ കല്ലുത്താൻ കടവിനും പുതിയപാലത്തിനും ഇടയിൽ കേടുപാട് സംഭവിച്ച രണ്ടു കൾവർട്ടുകളുടെ പുനരുദ്ധാരണ പ്രവൃത്തി ആരംഭിക്കുന്നതിന്റെ ഭാഗമായി  ഏപ്രിൽ 18 മുതൽ പ്രവൃത്തി തീരുന്നതുവരെ ഈ വഴിയുള്ള വാഹന ഗതാഗതം ഭാഗികമായി നിയന്ത്രിച്ചതായി  എക്സിക്യൂട്ടീവ് എഞ്ചിനീയർ അറിയിച്ചു. കല്ലുത്താൻ കടവിൽ നിന്നും പുതിയപാലത്തേക്ക്  പോകേണ്ട വലിയ വാഹനങ്ങൾ ജയിൽ റോഡ്-സെഡ് ജി നോർത്ത് റോഡ്-തളി റോഡ് വഴി പുതിയപാലത്തേക്കും തിരിച്ചും പോകേണ്ടതാണ്.

അപേക്ഷ ക്ഷണിച്ചു 

ലോക പൈതൃക ദിനാഘോഷത്തിന്റെ ഭാഗമായി സംഘടിപ്പിക്കുന്ന എർത്ത്ലോർ ഗോത്ര പൈതൃക ശിൽപ്പശാല നാളെ (ഏപ്രിൽ 18 ) രാവിലെ 10 മണി മുതൽ ആറ് മണി വരെ ഈസ്റ്റ്ഹിൽ പഴശ്ശിരാജ പുരാവസ്തു മ്യൂസിയത്തിൽ നടക്കും. 

കാട്ടുനായ്ക്ക ഗോത്രത്തിന്റെ ഭാഷ, പാട്ടുകൾ, കഥകൾ, ഭക്ഷണരീതികൾ എന്നിവ ശില്പശാലയിലൂടെ പരിചയപ്പെടാനാകും. സംഗീത-നൃത്ത അവതരണങ്ങളും ശിൽപശാലയുടെ ഭാഗമായി നടക്കും.

സംസ്ഥാന സർക്കാരിന്റെ രണ്ടാം വാർഷികത്തോടനുബന്ധിച്ച് സംഘടിപ്പിക്കുന്ന ‘കരുതലും കൈത്താങ്ങും' താലൂക്ക്തല അദാലത്തുകളുടെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയൻ ഏപ്രിൽ 30ന് രാവിലെ 11 മണിക്ക് കോഴിക്കോട് മലബാർ ക്രിസ്ത്യൻ കോളേജിൽ നിർവഹിക്കും. മന്ത്രിമാർ, എംഎൽഎ മാർ, ജനപ്രതിനിധികൾ, രാഷ്ട്രീയപാർട്ടി പ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും. 

റീബിൽഡ് കേരള ഇനീഷ്യേറ്റീവിൽ ഉൾപ്പെടുത്തി നിർമ്മിച്ച ജില്ലയിലെ മൂന്ന് സ്മാർട്ട് വില്ലേജ് ഓഫീസുകളുടെ ഉദ്ഘാടനം നാളെ (ഏപ്രിൽ 18) നടക്കും. റവന്യൂ- ഭവന നിർമ്മാണ വകുപ്പ് മന്ത്രി കെ രാജൻ ഉദ്ഘാടനം നിർവഹിക്കും. ബേപ്പൂർ, ഏറാമല, വില്ല്യാപ്പള്ളി എന്നിവിടങ്ങളിലെ സ്മാർട്ട് വില്ലേജ് ഓഫീസുകളാണ് നാളെ ഉദ്‌ഘാടനം ചെയ്യുന്നത്.  

ആരോഗ്യ മേഖലയിലെ പദ്ധതികൾ ഏറ്റവും മികച്ച രീതിയിൽ നടപ്പിലാക്കിയ ഗ്രാമപഞ്ചായത്തുകൾക്കുള്ള ജില്ലാതല ആർദ്ര കേരളം പുരസ്കാരം പനങ്ങാട് ഗ്രാമപഞ്ചായത്ത് ഏറ്റുവാങ്ങി. ജില്ലയിൽ ഒന്നാം സ്ഥാനമാണ് പഞ്ചായത്ത് നേടിയത്. പ്രശംസാപത്രവും അഞ്ച് ലക്ഷം രൂപയും ശില്പവും ആരോഗ്യ വകുപ്പ് മന്ത്രി വീണാ ജോർജ്ജിൽ നിന്ന്  ഗ്രാമപഞ്ചായത്ത് പ്രസിഡന്റ് വി.എം. കുട്ടികൃഷ്ണൻ ഏറ്റുവാങ്ങി.