തൃക്കോട്ടൂർ വെസ്റ്റ് ​ഗവ. എൽ.പി സ്കൂളിലെ മാതൃകാ പ്രീപ്രെെമറി വർണ്ണകൂടാരം ഉദ്ഘാടനം ചെയ്തു

ചേളന്നൂർ ഗ്രാമപഞ്ചായത്ത് മത്സ്യ തൊഴിലാളികൾക്ക് ഇരുചക്ര വാഹനവും ഐസ് ബോക്സും വിതരണം ചെയ്തു. ഗ്രാമപഞ്ചായത്ത് പ്രസിഡന്റ് പി.പി.നൗഷീർ ഉദ്ഘാടനം നിർവഹിച്ചു. 2022 - 23 വാർഷിക പദ്ധതിയിൽ ഉൾപ്പെടുത്തിയാണ് പദ്ധതി നടപ്പിലാക്കുന്നത്.

ഗ്രാമപഞ്ചായത്ത് വൈസ് പ്രസിഡന്റ് ഗൗരി പുതിയോത്ത് അധ്യക്ഷത വഹിച്ചു.  സ്റ്റാൻഡിങ് കമ്മിറ്റി ചെയർമാൻമാരായ പി.സുരേഷ്കുമാർ, പി.കെ. കവിത, സി.പി.നൗഷീർ, സെക്രട്ടറി കെ. മനോജ് കുമാർ, മെമ്പർമാരായ എൻ. രമേശൻ ടി.വൽസല, ഷാനി. വി.എം, സത്യഭാമ, വി.പി.സിനി, സൈജൻ വെള്ളയിൽ, മത്സ്യഭവൻ ഫിഷറീസ് ഓഫീസർ സി. ബബിത തുടങ്ങിയവർ പങ്കെടുത്തു.

കൂടരഞ്ഞി ഗ്രാമ പഞ്ചായത്തും വനിതാ ശിശു വികസന വകുപ്പും സംയുക്തമായി വിളർച്ചയിൽ നിന്നും വളർച്ചയിലേക്ക് 'വിവ'പദ്ധതിയുടെ ഭാഗമായി ചെറു ധാന്യങ്ങളുടെ പ്രാധാന്യം പ്രദർശനവും ബോധവത്കരണ ക്ലാസും സംഘടിപ്പിച്ചു.
പോഷകാഹാര പ്രദർശനം ലിന്റോ ജോസഫ് എം എൽ എ ഉദ്ഘാടനം ചെയ്തു. കൂടരഞ്ഞി ഗ്രാമപഞ്ചായത്ത് പ്രസിഡന്റ് ആദർശ് ജോസഫ് അധ്യക്ഷത വഹിച്ചു.

കുറ്റ്യാടി നിയോജകമണ്ഡലത്തിലെ മണിയൂര്‍ ഗ്രാമപഞ്ചായത്ത് മുതല്‍ പുറമേരി ഗ്രാമപഞ്ചായത്ത് വരെയുള്ള വടകര-മാഹി കനാല്‍ നിര്‍മ്മാണ പ്രവൃത്തി സ്ഥലങ്ങള്‍ കെ പി കുഞ്ഞമ്മദ് കുട്ടി മാസ്റ്റർ എം എൽ എ യുടെ നേതൃത്വത്തിലുള്ള സംഘം സന്ദര്‍ശിച്ചു.

തദ്ദേശ സ്വയംഭരണ സ്ഥാപനങ്ങളുടെ പദ്ധതി തുക ചെലവഴിക്കുന്നതിൽ സംസ്ഥാന തലത്തിൽ മികച്ച പ്രകടനം കാഴ്ചവെച്ച് മേലടി ബ്ലോക്ക് പഞ്ചായത്ത്. 106.05 ശതമാനം തുക ചെലവഴിച്ചാണ്  സംസ്ഥാന തലത്തിൽ രണ്ടാംസ്ഥാനം നേടിയതെന്ന് ബ്ലോക്ക് പഞ്ചായത്ത് പ്രസിഡന്റ് സുരേഷ് ചങ്ങാടത്ത് പറഞ്ഞു. പട്ടികജാതി വിഭാഗത്തിനായി അനുവദിച്ച തുക നൂറ് ശതമാനവും ജനറൽ ഫണ്ടിൽ 97 ശതമാനവും വിനിയോ​ഗിക്കാൻ ബ്ലോക്ക് പഞ്ചായത്തിന് സാധിച്ചു. 

കുടിവെള്ളക്ഷാമം നേരിടുന്ന വില്യാപ്പള്ളി പഞ്ചായത്തിലെ വിവിധ പ്രദേശങ്ങളില്‍ ഗ്രാമപഞ്ചായത്ത് കുടിവെള്ള വിതരണം ആരംഭിച്ചു. കുടിവെള്ളം വിതരണത്തിന്റെ ഫ്ലാഗ് ഓഫ് പഞ്ചായത്ത് വൈസ് പ്രസിഡന്റ് പൂളക്കണ്ടി മുരളി നിര്‍വഹിച്ചു. സ്റ്റാന്‍ഡിങ് കമ്മിറ്റി ചെയര്‍മാന്‍ സുബിഷ കെ,  മെമ്പര്‍മാരായ കെ ഗോപാലന്‍, വിദ്യാധരന്‍ എം പി, രാഗിണി തച്ചോളി എന്നിവര്‍ പങ്കെടുത്തു. കുടിവെള്ളക്ഷാമം നേരിടുന്ന എല്ലാ വാര്‍ഡുകളിലും കുടിവെള്ളം എത്തിക്കാനുള്ള ശ്രമത്തിലാണ് പഞ്ചായത്ത്.

ഉദയം ഹോമുകളിലെ അന്തേവാസികൾക്ക് വസ്ത്രങ്ങൾ നൽകി. ജില്ലാ നിയമസഹായ അതോറിറ്റിയും അഡോറേ സന്നദ്ധ സംഘടനയും ചേർന്നാണ് വസ്ത്രങ്ങൾ നൽകിയത്. അഡീഷണൽ ജില്ലാ ജഡ്ജ് സാലിഹ് കെ.ഇ പരിപാടി ഉദ്ഘാടനം ചെയ്തു. 

ചേവായൂർ ഉദയം ഹോമിൽ നടന്ന ചടങ്ങിൽ ജില്ലാ നിയമസഹായ അതോറിറ്റി സബ്‌ ജഡ്‌ജ്‌ ആന്റ് സെക്രട്ടറി ഷൈജൽ എം.പി അധ്യക്ഷത വഹിച്ചു. അഡോറേ ഡയറക്ടർ നർഗീസ് ബീഗം മുഖ്യാതിഥിയായി. ഉദയം പ്രൊജക്റ്റ് സ്‌പെഷൽ ഓഫീസറും ഡെപ്യൂട്ടി കലക്ടറുമായ അനിതകുമാരി, ഉദയം പ്രൊജക്റ്റ് സ്‌പെഷൽ ഓഫീസർ ഡോ ജി രാഗേഷ്, പ്രൊജക്റ്റ് കോ ഓർഡിനേറ്റർ സജീർ, സഹീദ സാലിഹ്, ശശി എന്നിവർ സംസാരിച്ചു.

പ്രമുഖ സ്വാതന്ത്യസമര സേനാനിയും ഗാന്ധിയനും കമ്മ്യൂണിസ്റ്റ് നേതാവുമായിരുന്ന എ.ഗോപാലൻകുട്ടി മേനോന്റെ നിര്യാണത്തിൽ വിവിധ മേഖലകളിൽ ഉള്ളവർ അനുശോചനം രേഖപ്പെടുത്തി.

സർക്കാരിനു വേണ്ടി തോട്ടത്തിൽ രവീന്ദ്രൻ എംഎൽഎ, മുഖ്യമന്ത്രിക്കും റവന്യൂ മന്ത്രിക്കും വേണ്ടി എഡിഎം സി മുഹമ്മദ് റഫീക്ക്,  എന്നിവർ റീത്ത് സമർപ്പിച്ചു. സംസ്കാരം ഔദ്യോഗിക  ബഹുമതികളോടെ വെസ്റ്റ് ഹിൽ ശ്മശാനത്തിൽ നടന്നു.

ഹരിതം പദ്ധതി 2023 ന്റെ സംസ്ഥാന തല ഉദ്ഘാടനം കായണ്ണ ഗവ ഹയർ സെക്കൻഡറി സ്കൂളിൽ നിർവഹിച്ചു