തദ്ദേശസ്ഥാപനങ്ങളിലേക്കുള്ള തെരഞ്ഞെടുപ്പുമായി ബന്ധപ്പെട്ട് രാഷ്ട്രീയ കക്ഷികളും സ്ഥാനാര്‍ഥികളും നടത്തുന്ന പ്രചാരണ പരിപാടികള്‍ നിരീക്ഷിക്കുന്നതിനായി ആന്റി ഡീഫെയ്‌സ്‌മെന്റ് സ്‌ക്വാഡ് രൂപീകരിക്കാന്‍ തെരഞ്ഞെടുപ്പ് കമ്മീഷന്‍ ജില്ലാ കലക്ടര്‍മാര്‍ക്ക് നിര്‍ദേശം നല്‍കി. രാഷ്ട്രീയ കക്ഷികളും സ്ഥാനാര്‍ഥികളും നടത്തുന്ന പ്രചാരണ പരിപാടികള്‍ നിയമാനുസൃതമാണോയെന്ന് പരിശോധിക്കുകയാണ് സ്‌ക്വാഡിന്റെ ചുമതല.

2021 വര്‍ഷത്തെ സര്‍ക്കാര്‍ കലണ്ടര്‍ 30 രൂപ 30 പൈസയ്ക്ക് മേപ്പാടിയിലെ ജില്ലാ ഫോറം സ്റ്റോര്‍ ഓഫീസില്‍ ലഭിക്കുമെന്ന് സീനിയര്‍ സൂപ്രണ്ട് അറിയിച്ചു.

ഐ.എസ്.ആര്‍.ഒ. അഖിലേന്ത്യാ തലത്തില്‍ സ്‌കൂള്‍ വിദ്യാര്‍ത്ഥികള്‍ക്കായി നടത്തിയ  ഐ.എസ്.ആര്‍.ഒ.  സൈബര്‍ സ്പേസ് കോമ്പറ്റീഷനില്‍ (ഡ്രോയിംഗ്) അലോക് ഷാന്‍ മൂന്നാം സ്ഥാനം നേടി. ചീങ്ങേരി സെന്റ് മേരീസ് എ.യു.പി. സ്‌കൂളിലെ മൂന്നാം ക്ലാസ് വിദ്യാര്‍ത്ഥിയാണ് അലോക്.

തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതു തെരഞ്ഞെടുപ്പുമായി ബന്ധപ്പെട്ട് നിശ്ചയിക്കപ്പെട്ടിട്ടുള്ള ബൂത്തുകളില്‍ വെബ് കാസ്റ്റിംഗ് നടത്താന്‍ സൗകര്യമില്ലാത്ത ബൂത്തുകളില്‍ വീഡിയോഗ്രാഫി ചെയ്യുന്നതിന് വ്യക്തികളില്‍ നിന്നും സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു.  ഒരു ദിവസത്തേക്ക് രാവിലെ 6 മുതല്‍ വൈകീട്ട് 7 വരെ വീഡിയോഗ്രാഫി ചെയ്യുന്നതിനും സി.ഡി. തരുന്നതിനുമുള്ള തുക ജി.എസ്.ടി. ഉള്‍പ്പെടെ രേഖപ്പെടുത്തിയ ക്വട്ടേഷന്‍ നവംബര്‍ 23 ന് ഉച്ചയ്ക്ക് 2 നകം ഇലക്ഷന്‍ ഡെപ്യൂട്ടി കളക്ടര്‍ക്ക് നല്‍കണം.

ദേശീയ ബാലാവകാശ വാരാചരണത്തിന്റെ ഭാഗമായി നവംബര്‍ 20 ന് രാവിലെ 11 ന് എല്ലാ ഓഫീസുകളിലും സ്ഥാപനങ്ങളിലും വിവിധ കൂട്ടായ്മകളിലും കുട്ടികളുടെ സംരക്ഷണത്തിനായുള്ള പ്രതിജ്ഞ എടുക്കണമെന്ന് ജില്ലാ കളക്ടര്‍  നിര്‍ദേശിച്ചു. ദേശീയ തലത്തില്‍ ചൈല്‍ഡ് ലൈന്‍ കേന്ദ്രങ്ങളും  മറ്റ് സര്‍ക്കാര്‍ സര്‍ക്കാറിതര സ്ഥാപനങ്ങളുടെയും സഹകരണത്തോടെ ചൈല്‍ഡ് ലൈന്‍ സേ ദോസ്തി എന്ന പേരില്‍ വിവിധങ്ങളായ പ്രവര്‍ത്തനങ്ങളാണ് ഇക്കാലയളവില്‍ സംഘടിപ്പിക്കുന്നത്.
 

നവംബര്‍ 19 മുതല്‍ 25 വരെ കൗമി ഏകതാ വാരം (ദേശീയോദ്ഗ്രഥന വാരം) ആചരിക്കുന്നതിനോടനുബന്ധിച്ച് ജില്ലയിലെ എല്ലാ സര്‍ക്കാര്‍ ഓഫീസുകളിലും പൊതുമേഖലാ സ്ഥാപനങ്ങളിലും 19ന് രാവിലെ 11ന് ദേശീയോദ്ഗ്രഥന പ്രതിജ്ഞയെടുക്കും. കലക്ടറേറ്റ് കോണ്‍ഫ്രന്‍സ് ഹാളില്‍ ജില്ലാ കലക്ടര്‍ ഡോ. അദീല അബ്ദുള്ള പ്രതിജ്ഞ ചൊല്ലിക്കൊടുക്കും. കോവിഡ് 19 മാര്‍ഗ്ഗ നിര്‍ദ്ദേശം പാലിച്ചാണ് ദേശീയോദ്ഗ്രഥന വാരം ആചരിക്കുന്നത്.  

വയനാട് ജില്ലയില്‍ ഇന്ന് (17.11.20) 97 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 116 പേര്‍ രോഗമുക്തി നേടി. രണ്ട് ആരോഗ്യ പ്രവര്‍ത്തകര്‍ ഉള്‍പ്പെടെ 90 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ആറ് പേരുടെ സമ്പര്‍ക്കവിവരം  ലഭ്യമല്ല. ഇതര സംസ്ഥാനത്ത് നിന്നെത്തിയ ഏഴ് പേര്‍ക്കും രോഗം സ്ഥിരീകരിച്ചു.

ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 8908 ആയി. 7924 പേര്‍ ഇതുവരെ രോഗമുക്തരായി. ചികിത്സയിലിരിക്കെ 61 മരണം. നിലവില്‍ 923 പേരാണ് ചികിത്സയിലുള്ളത്. ഇവരില്‍ 540 പേര്‍ വീടുകളിലാണ് ഐസൊലേഷനില്‍ കഴിയുന്നത്.

വനിതാ ശിശു വികസന വകുപ്പിന്റെ പരവനടുക്കം  ഗവ. ചില്‍ഡ്രന്‍സ് ഹോമിലെ അടുക്കളയിലേക്ക് സാധനങ്ങള്‍ ലഭ്യമാക്കാന്‍ ക്വട്ടേഷന്‍ ക്ഷണിച്ചു. നവംബര്‍ 25 ന് വൈകീട്ട് 4.30 വരെ ക്വട്ടേഷന്‍ സ്വീകരിക്കും. ഫോണ്‍ 04994238490

മടിക്കൈ ഐ.എച്ച്.ആര്‍.ഡി.മോഡല്‍ കോളേജില്‍ ബി.കോംവിത്ത് കമ്പ്യൂട്ടര്‍ അപ്ലിക്കേഷന്‍, ബി.എ.ഇംഗ്ലീഷ്, ബി.എസ്.സി, ഇലക്‌ട്രോണിക്‌സ്, കോഴ്‌സുകളില്‍ ഒഴിവുളള സീറ്റിലേക്ക് നവംബര്‍ 20, 23 തിയ്യതികളില്‍ രാവിലെ 10 ന് സ്‌പോട്ട് അഡ്മിഷന്‍ നടക്കും.   ഫോണ്‍ 0467 2240911,  9447070714