കേരള സര്‍ക്കാര്‍ പൊതുമേഖലാ സ്ഥാപനമായ  കെല്‍ട്രോണിന്റെ അടൂരുളള നോളജ് സെന്ററില്‍  നടത്തി വരുന്ന വിവിധ തൊഴിലധിഷ്ഠിത കോഴ്‌സുകളുടെ  പുതിയ ബാച്ചിലേക്ക്  അപേക്ഷ ക്ഷണിച്ചു.

കോവിഡ് രോഗവ്യാപനം നിയന്ത്രണവിധേയമായതിനെത്തുടര്‍ന്ന് തിരുവനന്തപുരം കോര്‍പ്പറേഷനിലെ തൃക്കണ്ണാപുരം, മേലാംകോട്(കരിമണ്‍ പ്രദേശങ്ങള്‍ ഒഴികെ), കടകംപള്ളി, ആക്കുളം(അയിത്തികോണം, കോട്ടമുക്ക്, എയര്‍ഫോഴ്‌സ് സ്റ്റേഷന്‍, പ്രിയദര്‍ശിനി നഗര്‍ ഒഴികെ), പഴയകുന്നുമ്മേല്‍ ഗ്രാമപഞ്ചായത്തിലെ അടയമണ്‍, അണ്ടൂര്‍കോണം ഗ്രാമപഞ്ചായത്തിലെ കൊയ്തൂര്‍കോണം എന്നീ പ്രദേശങ്ങളെ കണ്ടെയിന്‍മെന്റ് സോണില്‍ നിന്നും ഒഴിവാക്കിയതായി ജില്ലാ കളക്ടര്‍ അറിയിച്ചു.

കോവിഡ് രോഗവ്യാപനം നിയന്ത്രിക്കുന്നതിന്റെ ഭാഗമായി അരുവിക്കര ഗ്രാമപഞ്ചായത്തിലെ അരുവിക്കര വാര്‍ഡിനെ മൈക്രോ കണ്ടെയ്ന്‍മെന്റ് സോണായി പ്രഖ്യാപിച്ചതായി ജില്ലാ കളക്ടര്‍ ഡോ. നവ്ജ്യോത് ഖോസ അറിയിച്ചു. ഇവിടെ കര്‍ശന ലോക്ഡൗണ്‍ നിയന്ത്രണങ്ങള്‍ ഏര്‍പ്പെടുത്തുമെന്നും കളക്ടര്‍ അറിയിച്ചു.
 

പള്ളിത്തുറ നിവാസികളുടെ കാലങ്ങൾ നീണ്ട സ്വപ്നം സാക്ഷത്കരിച്ച്  പള്ളിതുറ ഹയർ സെക്കന്ററി സ്കൂളിനും പള്ളിക്കും സ്വന്തം ഭൂമി ലഭ്യമായി. സ്കൂളും പള്ളിയും സ്ഥിതി ചെയുന്ന ഭൂമിയ്ക്കുള്ള പട്ടയം  സഹകരണ വകുപ്പ് മന്ത്രി   കടകംപള്ളി സുരേന്ദ്രൻ കൈമാറി.   പള്ളിയുടെ പട്ടയം  ഇടവക വികാരി ഫാ ലെനിൻ ഫെർണാണ്ടസും സ്കൂളിന്റെ പട്ടയം കോർപ്പറേറ്റ് മാനേജർ ഫാ  ഡെയ്സൺ  യേശുദാസും ഏറ്റുവാങ്ങി.  

തിരുവനന്തപുരം ജില്ലയില്‍ കോവിഡ് വ്യാപനം തടയുന്നതിന്റെ ഭാഗമായി ഏര്‍പ്പെടുത്തിയ നിയന്ത്രണങ്ങള്‍ ലംഘിച്ചതിന് ഇന്ന് (04 നവംബര്‍ 2020) 321 പേര്‍ക്കെതിരേ നടപടിയെടുത്തതായി ജില്ലാ കളക്ടര്‍ ഡോ. നവ്‌ജ്യോത് ഖോസ അറിയിച്ചു. സി.ആര്‍.പി.സി. 144 ന്റെ ഭാഗമായി ഏര്‍പ്പെടുത്തിയ നിയന്ത്രണങ്ങള്‍ കര്‍ശനമായി പാലിക്കുന്നുണ്ടെന്ന് ഉറപ്പാക്കാന്‍ നിയോഗിച്ച സെക്ടറല്‍ മജിസ്‌ട്രേറ്റുമാര്‍ ജില്ലയുടെ വിവിധ പ്രദേശങ്ങളില്‍ നടത്തിയ പരിശോധനയിലാണു നിയമ ലംഘനങ്ങള്‍ കണ്ടെത്തിയത്. നിയന്ത്രണങ്ങള്‍ ഈ മാസം 15 വരെ നീട്ടിയിട്ടുണ്ട്.

ട്രാവന്‍കൂര്‍ ടൈറ്റാനിയം പ്രോഡക്റ്റ്‌സ് ലിമിറ്റഡിന്റെ നേതൃത്വത്തില്‍ കമ്പനിയോട് ചേര്‍ന്നുള്ള പ്രദേശത്തെ വീടുകളില്‍ കുടിവെള്ള കണക്ഷന്‍ നല്‍കുന്നു. ആദ്യഘട്ടത്തില്‍ 52 കുടുംബങ്ങള്‍ക്ക് കണക്ഷന്‍ നല്‍കുന്നതിന്റെ ഉദ്ഘാടനം ഇന്ന്(05 നവംബര്‍) രാവിലെ 9 മണക്ക് സഹകരണ-ടൂറിസം മന്ത്രി കടകംപള്ളി സുരേന്ദ്രന്‍ നിര്‍വഹിക്കും. ജല അതോറിറ്റിയുമായി സഹകരിച്ചാണ് കണക്ഷന്‍ ലഭ്യമാക്കുന്നത്. പ്രതിവര്‍ഷം മൂന്നു ലക്ഷം രൂപയാണ് ടൈറ്റാനിയം ഇതിനായി വിനിയോഗിക്കുന്നത്. സാമൂഹിക ഉത്തരവാദിത്വത്തിന്റെ ഭാഗമായാണ് പ്രവര്‍ത്തനം.

അമ്പൂരി കുമ്പിച്ചല്‍ക്കടവ് പാലത്തിന്റെയും പ്ലാമ്പഴിഞ്ഞി പാലത്തിന്റെയും നിര്‍മ്മാണോദ്ഘാടനം പൊതുമരാമത്ത് വകുപ്പ് മന്ത്രി ജി. സുധാകരന്‍ നിര്‍വഹിച്ചു. സി.കെ ഹരീന്ദ്രന്‍ എം.എല്‍.എയുടെ നേതൃത്വത്തില്‍ പാറശ്ശാല മണ്ഡലത്തില്‍ കഴിഞ്ഞ അഞ്ചുവര്‍ഷത്തിനിടെ നടന്ന വികസനപ്രവര്‍ത്തനങ്ങള്‍ ഏറെ ജനശ്രദ്ധയാകര്‍ഷിച്ചതായി അദ്ദേഹം പറഞ്ഞു. മണ്ഡലത്തിലെ അടിസ്ഥാന സൗകര്യ വികസനം മെച്ചപ്പെടുത്തുന്നതിന്റെ ഭാഗമായി പൊതുമരാമത്ത് വകുപ്പുമായി ചേര്‍ന്ന് നിരവധി റോഡുകളും പാലങ്ങളും നിര്‍മിച്ചു. വികസനരംഗത്ത് പാറശ്ശാല മാതൃകയാണെന്നും അദ്ദേഹം പറഞ്ഞു.

മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു
**12 സ്‌കൂള്‍ കെട്ടിടങ്ങളുടെ ശിലാസ്ഥാപനവും നടത്തി

പി.ആര്‍.ഡി യുടെ വീഡിയോ സ്ട്രിംഗര്‍ പാനല്‍ രൂപീകരിക്കുന്നതിന് അപേക്ഷ ക്ഷണിച്ചു. കളക്ടറേറ്റ് ഒന്നാംനിലയിലുള്ള പത്തനംതിട്ട ജില്ലാ ഇന്‍ഫര്‍മേഷന്‍ ഓഫീസിലാണ് അപേക്ഷ സമര്‍പ്പിക്കേണ്ടത്.

യോഗ്യത: ദൃശ്യമാധ്യമ രംഗത്ത് വാര്‍ത്താ വിഭാഗത്തില്‍ കുറഞ്ഞത് ഒരു വര്‍ഷത്തെ പ്രവൃത്തി പരിചയം. അപേക്ഷിക്കുന്ന ജില്ലയില്‍ സ്ഥിര താമസക്കാരനാകണം.  പ്രീഡിഗ്രി/പ്ലസ്ടു അഭിലഷണീയം. സ്വന്തമായി ഫുള്‍ എച്ച്ഡി പ്രൊഫഷണല്‍ ക്യാമറ, ഡ്രൈവിംഗ് ലൈസന്‍സ് ഉണ്ടാകണം. ദൃശ്യങ്ങള്‍ വേഗത്തില്‍ അയയ്ക്കുന്നതിനുള്ള സംവിധാനവും പരിജ്ഞാനവും ഉണ്ടാകണം.