തിരുവനന്തപുരത്ത് ഇന്ന് (04 നവംബര്‍ 2020) 651 പേര്‍ക്കു കൂടി കോവിഡ് 19 സ്ഥിരീകരിച്ചു. 881 പേര്‍ രോഗമുക്തരായി. നിലവില്‍ 8,217 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ജില്ലയില്‍ ആറു പേരുടെ മരണം കോവിഡ് മൂലമാണെന്നു സ്ഥിരീകരിച്ചു.

 ലോക ബാങ്ക് ധനസഹായത്തോടെ കെ.എസ്.ടി.പി(കേരള സംസ്ഥാന ഗതാഗത പദ്ധതി) രണ്ടാംഘട്ട പദ്ധതിയില്‍ ഉള്‍പ്പെടുത്തി നടപ്പിലാക്കിയ പ്രധാനപ്പെട്ട പ്രവൃത്തിയാണ് സേഫ് കോറിഡോര്‍ ഡമോണ്‍സ്ട്രേഷന്‍ പ്രോജക്ട്. റോഡ് വികസനത്തോടൊപ്പം റോഡ്സുരക്ഷാ പ്രവൃത്തികള്‍ക്ക് പ്രാധാന്യം നല്‍കി കഴക്കൂട്ടം മുതല്‍ തൈക്കോട് ലിങ്ക്-72 ബൈപ്പാസ്റോഡും തൈക്കോട് മുതല്‍ അടൂര്‍ വരെയുള്ള എം.സി റോഡിന്റെ 78.65 കിലോമീറ്റര്‍ ഭാഗം അന്തര്‍ദേശീയ നിലവാരത്തിലുള്ള മാതൃകാ സുരക്ഷാറോഡായി വികസിപ്പിക്കുക എന്നതാണു പദ്ധതിയുടെ ലക്ഷ്യം.

നാഷണല്‍ ഹെല്‍ത്ത് മിഷന്‍ സംസ്ഥാന സര്‍ക്കാരുമായി ചേര്‍ന്ന് ആരോഗ്യമേഖലയില്‍ കഴിഞ്ഞ നാലര വര്‍ഷത്തില്‍ നിയോജക മണ്ഡലാടിസ്ഥാനത്തില്‍ പത്തനംതിട്ട ജില്ലയില്‍ നിരവധി വികസന പ്രവര്‍ത്തനങ്ങളാണു നടത്തിയത്. ആരോഗ്യമേഖലയെ ശക്തമാക്കുവാന്‍ സംസ്ഥാന സര്‍ക്കാര്‍ ആവിഷ്‌ക്കരിച്ച് നടപ്പിലാക്കിയ ആര്‍ദ്രം മിഷനിലൂടെ മികച്ച പ്രവര്‍ത്തനങ്ങളാണ് ജില്ലയില്‍ നടക്കുന്നത്. നിയോജക മണ്ഡലാടിസ്ഥാനത്തില്‍ നടത്തിയ വികസന പ്രവര്‍ത്തനങ്ങള്‍ ചുവടെ.  

ആറന്മുള നിയോജക മണ്ഡലം

കോവിഡ് നിയന്ത്രണങ്ങളാൽ ബുദ്ധിമുട്ട് അനുഭവിക്കുന്നതും ഇതുവരെ മറ്റു ധനസഹായങ്ങൾ ലഭിച്ചിട്ടില്ലാത്തതുമായ,  കലാകാരന്മാരും കലാകാരികളുമായ 30000 പേർക്കു കൂടി ആശ്വാസധനമായി 1,000 രൂപ വീതം മുഖ്യമന്ത്രിയുടെ ദുരിതാശ്വാസനിധിയിൽ നിന്നും വിതരണം ചെയ്യാൻ മന്ത്രിസഭാ യോഗം തീരുമാനിച്ചു. 

എയ്ഡഡ് സ്‌കൂളുകളിൽ നിയമാനുസൃതം നിയമിക്കപ്പെട്ടവരും എന്നാൽ ഇതുവരെ നിയമനാംഗീകാരം ലഭിക്കാത്തതുമായ അദ്ധ്യാപകരുടെ നിയമനങ്ങൾക്ക് അംഗീകാരം നൽകാൻ ധാരണയായി. നിലവിലുള്ള സംരക്ഷിതാദ്ധ്യാപകരെ പൂർണ്ണമായും മാനേജ്‌മെന്റ് ഒഴിവുകളിലേയ്ക്ക് നിയമിക്കാമെന്ന ഉറപ്പിേന്മൽ നിലവിൽ നിയമനാംഗീകാരം ലഭിക്കാത്ത നിയമപ്രകാരം അർഹമായ തസ്തികകളിൽ നിയമിക്കപ്പെട്ട, മുഴുവൻ അദ്ധ്യാപകർക്കും നിയമനാംഗീകാരം നൽകും. 1:1 പ്രകാരം നിയമനം നടത്തുന്ന വിഷയം നിലവിൽ കോടതികളിൽ നിലനിൽക്കുന്ന കേസുകളിലെ അന്തിമവിധി പാലിച്ചുകൊണ്ടായിരിക്കും നടപ്പാക്കുകയെന്നും തീരുമാനിച്ചു.

സംസ്ഥാനത്തെ എ.ഐ.സി.റ്റി.ഇ അംഗീകാരമുള്ള വിദ്യാഭ്യാസ സ്ഥാപനങ്ങളിലെ 2020-21 അധ്യയന വർഷത്തെ മാസ്റ്റർ ഓഫ് കമ്പ്യൂട്ടർ ആപ്ലിക്കേഷൻസ് (എം.സി.എ) റെഗുലർ കോഴ്‌സുകളിലെ ഒഴിവുള്ള സീറ്റിലേക്ക് ഓൺലൈൻ സ്‌പോട്ട് രജിസ്‌ട്രേഷനും അലോട്ട്‌മെന്റും നടത്തുന്നു. എസ്.സി/എസ്.ടി വിഭാഗക്കാർക്ക് ഏഴിനും ജനറൽ വിഭാഗക്കാർക്ക് (എല്ലാ വിഭാഗക്കാർക്കും) 11നുമാണ് അലോട്ട്‌മെന്റ്. റാങ്ക് ലിസ്റ്റിൽ ഉൾപ്പെട്ടിട്ടുള്ളവർ അതത് ദിവസം www.lbscentre.kerala.gov.in ൽ രാവിലെ 10 മുതൽ മുന്ന് വരെ സ്‌പോട്ട് രജിസ്‌ട്രേഷൻ നടത്തി കോളേജ് ഓപ്ഷൻ നൽകണം.

കേരളത്തിൽ 8516 പേർക്ക് കൂടി കോവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചർ അറിയിച്ചു. എറണാകുളം 1197, തൃശൂർ 1114, കോഴിക്കോട് 951, കൊല്ലം 937, മലപ്പുറം 784, ആലപ്പുഴ 765, തിരുവനന്തപുരം 651, കോട്ടയം 571, പാലക്കാട് 453, കണ്ണൂർ 370, ഇടുക്കി 204, പത്തനംതിട്ട 186, കാസർഗോഡ് 182, വയനാട് 151 എന്നിങ്ങനെയാണ് ജില്ലകളിൽ രോഗ ബാധ സ്ഥിരീകരിച്ചത്.

യുവജനക്ഷേമ ബോർഡ് വൈസ് ചെയർമാൻ പി. ബിജുവിന്റെ നിര്യാണത്തിൽ മത്സ്യബന്ധന-ഹാർബർ എൻജിനിയറിങ്-കശുവണ്ടി വ്യവസായ വകുപ്പ് മന്ത്രി ജെ. മേഴ്‌സിക്കുട്ടി അമ്മ അനുശോചിച്ചു. നാടിന്റെ നൻമയ്ക്കായി പ്രവർത്തിച്ചിരുന്ന ഊർജ്ജസ്വലനായ നേതാവും മികച്ച സംഘാടകനും ആയിരുന്ന യുവനേതാവിന്റെ വിയോഗം നാടിനും പ്രത്യേകിച്ച് യുവജനങ്ങൾക്കും തീരാനഷ്ടമാണെന്ന് മന്ത്രി പറഞ്ഞു.
പി.എൻ.എക്‌സ്. 3896/2020

സംസ്ഥാന ജൈവവൈവിധ്യ ബോർഡിൽ ആലപ്പുഴ, പത്തനംതിട്ട, ഇടുക്കി, വയനാട് ജില്ലകളിലെ അസിസ്റ്റന്റ് പ്രോഗ്രാം കോർഡിനേറ്റർ തസ്തികയിലെ താൽകാലിക ഒഴിവുകളിലേക്ക് അതത് ജില്ലകളിൽ താമസിക്കുന്നവരിൽ നിന്നും ഓൺലൈനായി അപേക്ഷ ക്ഷണിച്ചു. ഈ മാസം ഒൻപതുവരെ അപേക്ഷിക്കാം. വിശദവിവരങ്ങൾ www.keralabiodiversity.org യിൽ ലഭിക്കും. ഫോൺ: 04712724740.
പി.എൻ.എക്‌സ്. 3895/2020

തിരുവനന്തപുരം റീജിയണൽ ക്യാൻസർ സെന്ററിൽ കരാർ ആടിസ്ഥാനത്തിൽ ബയോമെഡിക്കൽ എൻജിനിയർ തസ്തികയിൽ അപേക്ഷ ക്ഷണിച്ചു. നവംബർ 14ന് വൈകിട്ട് 3.30 വരെ അപേക്ഷിക്കാം. വിശദവിവരങ്ങൾ www.rcctvm.gov.in ൽ ലഭിക്കും.
പി.എൻ.എക്‌സ്. 3894/2020