സംസ്ഥാന ഭരണത്തിന്റെ ഏറ്റവും അടിസ്ഥാനപരമായ ഘടകമാണ് വില്ലേജ് ഓഫീസുകളെന്ന് അഡ്വ. മാത്യു ടി തോമസ് എംഎല്‍എ പറഞ്ഞു. നിരണം സ്മാര്‍ട്ട് വില്ലേജ് ഓഫീസിന്റെ നിര്‍മാണ ഉദ്ഘാടനം നിര്‍വഹിച്ച ശേഷം സംസാരിക്കുകയായിരുന്നു എംഎല്‍എ.

തിരൂര്‍ താലൂക്കിലെ തീരദേശ വില്ലേജായ നിറമരുതൂര്‍, കോട്ടക്കല്‍ നിയമസഭാ മണ്ഡലത്തിലെ വളാഞ്ചേരി ഉള്‍ക്കൊള്ളുന്ന കാട്ടിപ്പരുത്തി, ഇരിമ്പിളിയം വില്ലേജ് ഓഫീസ് എന്നിവയാണ് സ്മാര്‍ട്ട് ഓഫീസ് സംവിധാനത്തിലേക്ക് മാറുന്നത്. കാട്ടിപ്പരുത്തി, ഇരിമ്പിളിയം വില്ലേജ് ഓഫീസുകളുടെ ശിലാസ്ഥാപനവും പട്ടയവിതരണവും ആബിദ് ഹുസൈന്‍ തങ്ങള്‍ എം.എല്‍.എ നിര്‍വഹിച്ചു. വളാഞ്ചേരി വൈക്കത്തൂര്‍ സ്‌കൂളില്‍ നടന്ന ചടങ്ങില്‍ കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ്കുട്ടി അധ്യക്ഷനായി.

ജില്ലയിലെ ഒന്‍പത് വില്ലേജ് ഓഫീസുകളുടെ നിര്‍മാണോദ്ഘാടനവും 

1200 പേര്‍ക്കുള്ള പട്ടയ വിതരണവും  മുഖ്യമന്ത്രി നിര്‍വഹിച്ചു

കുറ്റൂര്‍ പഞ്ചായത്തില്‍ സ്ഥിതി ചെയ്യുന്ന പനച്ചമൂട്ടില്‍ കടവ് പാലത്തിന്റെ നിര്‍മ്മാണം പൂര്‍ത്തിയായതോടെ തെങ്ങേലി, വെണ്‍പാല നിവാസികളുടെ ദീര്‍ഘകാലത്തെ സ്വപ്നമാണ് യാഥാര്‍ഥ്യമായതെന്ന് പൊതുമരാമത്ത് രജിസ്‌ട്രേഷന്‍ വകുപ്പ് മന്ത്രി ജി.സുധാകരന്‍ പറഞ്ഞു. തിരുവല്ല നിയോജക മണ്ഡലത്തില്‍ മണിമലയാറിനുകുറുകെ നിര്‍മ്മിച്ചിരിക്കുന്ന പനച്ചമൂട്ടില്‍കടവ് പാലത്തിന്റെ ഉദ്ഘാടനം തെങ്ങേലി ഈരാടിച്ചിറ സാംസ്‌കാരിക നിലയത്തില്‍ ഓണ്‍ലൈനായി നിര്‍വഹിച്ച് സംസാരിക്കുകയായിരുന്നു മന്ത്രി. 

ഏഴംകുളം ഗ്രാമപഞ്ചായത്തിലെ നവീകരിച്ച കുടുംബശ്രീ ഓഫീസ് ചിറ്റയം ഗോപകുമാര്‍ എം എല്‍ എ ഉദ്ഘാടനം ചെയ്തു. കുടുംബശ്രീ ജില്ലാമിഷന്റെ ഫണ്ട് രണ്ട് ലക്ഷം രൂപ ഉപയോഗിച്ച് ആധുനിക രീതിയിലാണ് ഓഫീസ് നവീകരിച്ചത്. ഉദ്ഘാടന ചടങ്ങില്‍ ഗ്രാമപഞ്ചായത്ത് പ്രസിഡന്റ് ബി.ലത അധ്യക്ഷത വഹിച്ചു. സ്ഥിരം സമിതി അധ്യക്ഷന്മാരായ സി.മോഹനന്‍ നായര്‍, മഞ്ചു ബിജു, സരസ്വതി ഗോപി ഗ്രാമപഞ്ചായത്ത് അംഗങ്ങളായ ജോബോയ്, ഓലികുളങ്ങര സുരേ ന്ദ്രന്‍, രേഖാ ബാബു, സി.ഡി.എസ്.അധ്യക്ഷ ലളിതമ്മാള്‍, സെക്രട്ടറി ബിന്ദുലേഖ, അസി.സെക്രട്ടറി ശ്രീലത, ഡി.പി.എം മുകേഷ് എന്നിവര്‍ സംസാരിച്ചു.

എല്ലാ തൊഴില്‍ മേഖലയിലുമുളള  വിദഗ്ദ്ധ- അവിദഗ്ദ്ധ തൊഴിലാളികള്‍ക്ക്   മെച്ചപ്പെട്ട തൊഴിലവസരങ്ങള്‍ കണ്ടെത്തി നല്‍കുന്നതിനുളള ഒരു നൂതന സംരംഭം വ്യവസായ വകുപ്പ് നടപ്പിലാക്കി  വരുന്നു. ഓരോ പ്രദേശത്തെയും തൊഴിലാളികള്‍ക്ക് പ്രയോജനം സിദ്ധിക്കുന്ന വിധത്തില്‍ വ്യവസായ സഹകരണ സംഘങ്ങള്‍ മുഖേന പ്രാവര്‍ത്തികമാക്കുന്ന  പ്രക്രിയയുടെ ഗുണഭോക്താക്കളാകാന്‍ താത്പര്യമുളളവര്‍ ജില്ലാ വ്യവസായ കേന്ദ്രവുമായോ , താലൂക്ക് വ്യവസായ ഓഫീസുമായോ,  ബ്ലോക്കിലെ വ്യവസായ വികസന ഓഫീസുമായോ  അല്ലെങ്കില്‍ 0468 2214639, 9446593790 എന്നീ ഫോണ്‍ നമ്പരുകളിലോ ബന്ധപ്പെടാം.

ജില്ലാ പഞ്ചായത്തിന്റെ അധികാര പരിധിയില്‍ വരുന്ന  അടൂര്‍ ഗവ. ഗേള്‍സ്  ഹയര്‍ സെക്കന്‍ഡറി  സ്‌കൂളിന്റെ കോമ്പൗണ്ടിലുളള ആഞ്ഞിലി, പ്ലാവ്, മാവ്,പന, ഉണങ്ങിയ വയണ എന്നീ മരങ്ങള്‍ ഈ മാസം 10 ന് രാവിലെ 11 ന് അടൂര്‍  ഗവ. ഗേള്‍സ് ഹയര്‍ സെക്കന്‍ഡറി  സ്‌കൂള്‍ പ്രിന്‍സിപ്പലിന്റ ഓഫീസില്‍ പുനര്‍ പരസ്യലേലം നടക്കും. പുനര്‍ ക്വട്ടേഷനില്‍ പങ്കെടുക്കാന്‍ ആഗ്രഹിക്കുന്നവര്‍ സീല്‍ ചെയ്ത കവറില്‍  ഈ മാസം 10 ന് രാവിലെ 10.30 ന് മുമ്പായി ക്വട്ടേഷന്‍ ഓഫീസില്‍ എത്തിക്കേണ്ടതും  നിരതദ്രവ്യമായി 2800 രൂപയുടെ ഡി.ഡി  പ്രിന്‍സിപ്പലിന്റെ പേരില്‍ എടുത്തത് ഒപ്പം വെക്കണം.