മൃഗസംരക്ഷണ വകുപ്പിന്റെ  ആഭിമുഖ്യത്തില്‍  മലമ്പുഴ ഐ.റ്റി.ഐക്ക് സമീപമുള്ള മൃഗസംരക്ഷണ   പരിശീലനകേന്ദ്രത്തില്‍  നാളെ (26) കാട വളര്‍ത്തലില്‍ ഒരു ദിവസത്തെ സൗജന്യ പരിശീലനം സംഘടിപ്പിക്കുന്നു. പരിശീലനത്തില്‍ പങ്കെടുക്കുവാന്‍ താല്‍പര്യമുളളവര്‍ നേരിട്ടോ, ഫോണ്‍ മുഖേനയോ പേര്  മുന്‍കൂട്ടി രജിസ്റ്റര്‍ ചെയ്യണം. ഫോണ്‍   നമ്പര്‍   0491 - 2815454, 8281777080.  പേര് രജിസ്റ്റര്‍  ചെയ്തവര്‍ ആധാര്‍നമ്പറുമായി   നാളെ രാവിലെ  പത്തിനകം മലമ്പുഴ മൃഗസംരക്ഷണ  പരിശീലന കേന്ദ്രത്തില്‍ എത്തിച്ചേരണം. )

 കാസര്‍കോട് എല്‍ ബി എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജിയുടെ ഉപകേന്ദ്രത്തില്‍ മെയ്  മൂന്നിന് ആരംഭിക്കുന്ന നാല് മാസം ദൈര്‍ഘ്യമുളള ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍ വിത്ത് മലയാളം കംമ്പ്യൂട്ടിങ് കോഴ്‌സിന് അപേക്ഷ ക്ഷണിച്ചു.  യോഗ്യത, എസ്.എസ്.എല്‍.സി. കൂടുതല്‍ വിവരങ്ങള്‍ക്ക് - 04994 221011.
ഫാഷന്‍ ഡിസൈനിങില്‍ ഡിഗ്രി

 മടിക്കൈ ഐ.എച്ച്.ആര്‍.ഡി  മോഡല്‍ കോളേജില്‍ അടുത്ത അധ്യായന വര്‍ഷത്തിലേക്ക് താല്‍ക്കാലിക അധ്യാപകരെ നിയമിക്കുന്നു. ഇംഗ്ലീഷ്, കോമേഴ്‌സ്, മലയാളം, ഹിന്ദി, ജേര്‍ണലിസം (പാര്‍ട്ട് ടൈം), ഹിസ്റ്ററി(പാര്‍ട്ട് ടൈം)  തുടങ്ങിയ വിഷയങ്ങളില്‍ മെയ്  എട്ടിനും ഇലക്‌ട്രോണിക്‌സ്, മാത്തമാറ്റിക്‌സ് (പാര്‍ട്ട് ടൈം),  കമ്പ്യൂട്ടര്‍സയന്‍സ്, കമ്പ്യൂട്ടര്‍ പ്രോഗ്രാമര്‍, തുടങ്ങിയ വിഷയങ്ങളില്‍ മെയ് ഒന്‍പതിനും അഭിമുഖം നടത്തും. ബന്ധപ്പെട്ട വിഷയങ്ങളില്‍ 55 ശതമാനത്തില്‍ കുറയാതെ ബിരുദാനന്തര ബിരുദമാണ് അടിസ്ഥാന യോഗ്യത. റിട്ടയര്‍ ചെയ്തവരെയും പരിഗണിക്കും. യു.ജി.സി നെറ്റ്, പി.എച്ച്.ഡി, എംഫില്‍ അഭിലഷണീയം.

  സംസ്ഥാന  ബാലസാഹിത്യ ഇന്‍സ്റ്റിറ്റ്യൂട്ടിന്റെ ആഭിമുഖത്തില്‍ ഇന്നു(25) മുതല്‍ ഏപ്രില്‍ 27  വരെ പടന്നക്കാട് കാര്‍ഷിക കോളേജില്‍ കുട്ടികള്‍ക്കായി ത്രിദിന ചിത്രരചനാ ശില്പശാല സംഘടിപ്പിക്കും. പടന്നക്കാട് കാര്‍ഷിക കോളേജ്  അസോസിയേറ്റ് ഡീന്‍ ഡോ.പി.ആര്‍ സുരേഷ് ഇന്നു രാവിലെ 10.30 ന്  ചിത്രരചനാ ശില്പശാല ഉദ്ഘാടനം ചെയ്യും. സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട് ഡയറക്ടര്‍ പള്ളിയറ ശ്രീധരന്‍ അധ്യക്ഷത വഹിക്കും. ക്യാമ്പ് ഡയറക്ടര്‍ കാരയ്ക്കാ മണ്ഡപം വിജയകുമാര്‍ ക്യാമ്പ് അവലോകനം നടത്തും.

ലോക മലമ്പനി ദിനാചരണം ജില്ലാതല  പരിപാടി ഇന്ന്(25)രാവിലെ 10ന് എ.എല്‍.പി.സ്‌കൂള്‍ ബല്ലകടപ്പുറം ആവിക്കരയില്‍ നടത്തും. ജില്ലാ മെഡിക്കല്‍ ഓഫീസിന്റെ     ആഭിമുഖ്യത്തില്‍ നടത്തുന്ന പരിപാടി കാഞ്ഞങ്ങാട് നഗരസഭചെയര്‍മാന്‍ വി.വി രമേശന്‍ ഉദ്ഘാടനം ചെയ്യും. വാര്‍ഡ് കൗണ്‍സിലര്‍ എ.നാരായണന്‍ അധ്യക്ഷത വഹിക്കും. ജില്ലാ മെഡിക്കല്‍ ഓഫീസര്‍ ഡോ.എ.പിദിനേശ്കുമാര്‍ മുഖ്യപ്രഭാഷണം നടത്തും.

61.7 ശതമാനവുമായി രാമന്തളി സ്‌കൂളിലെ ബൂത്ത് ഏറ്റവും പിന്നില്‍

 കാസര്‍കോട് ലോക്‌സഭാ മണ്ഡലത്തിലെ തെരഞ്ഞടുപ്പിന് ഉപയോഗിച്ച വോട്ടിങ് യന്ത്രങ്ങളും വിവിപാറ്റും പടന്നക്കാട് നെഹ്‌റു കോളേജിലെ സ്‌ട്രോങ് റൂമില്‍ ഇന്നലെ(24) പുലര്‍ച്ചെ അഞ്ചു മണിയോടെ എത്തിച്ചു. ഏഴ് നിയോജക മണ്ഡലങ്ങളിലെ വോട്ടിങ് യന്ത്രസാമഗ്രികളാണ് 15 സ്‌ട്രോങ് റൂമുകളിലായി സൂക്ഷിച്ചിരിക്കുന്നത്. കാസര്‍കോട് ഗവണ്‍മെന്റ് കോളേജിലെയും പടന്നക്കാട് നെഹ്‌റു ആര്‍ട്‌സ് ആന്‍ഡ് സയന്‍സ് കോളേജിലെയും സ്വീകരണ കേന്ദ്രങ്ങള്‍ വഴി സ്വീകരിച്ച വോട്ടിങ് സാമഗ്രികളാണ് സ്‌ട്രോങ് റൂമിലേക്ക് മാറ്റിയത്. 

പോളിങില്‍ 2.08 ശതമാനം വര്‍ധന;  85.86 ശതമാനവുമായി  പയ്യന്നൂര്‍ നിയമസഭാ മണ്ഡലം മുന്നില്‍