തീയതി പ്രഖ്യാപിച്ചതോടെ ലോക്‌സഭാ തിരഞ്ഞെടുപ്പിന്റെ സുഗമമായ നടത്തിപ്പിനുള്ള പ്രവര്‍ത്തനങ്ങള്‍ ജില്ലയില്‍ വിവിധ തലങ്ങളില്‍ സജീവമായി. തിരഞ്ഞെടുപ്പില്‍ പരമാവധി ആളുകളുടെ പങ്കാളിത്തം ഉറപ്പാക്കുന്നതിനും സ്വതന്ത്രമായും നിര്‍ഭയമായും വോട്ടു ചെയ്യുന്നതിന് സാഹചര്യമൊരുക്കുന്നതിനുമുള്ള നടപടികളാണ് പുരോഗമിക്കുന്നതെന്ന് ജില്ലാ തിരഞ്ഞെടുപ്പ് ഓഫീസര്‍കൂടിയായ ജില്ലാ കളക്ടര്‍ പി.കെ. സുധീര്‍ ബാബു പറഞ്ഞു.

കഴിഞ്ഞ മൂന്നുവര്‍ഷത്തിനിടെജില്ലയില്‍കാര്‍ഷികമേഖലയിലുണ്ടായത് വന്‍ മുന്നേറ്റം. 188.59 കോടിരൂപയാണ് ഈ കാലയളവില്‍ജില്ലയില്‍വിവിധ കാര്‍ഷിക പദ്ധതികള്‍ക്കായി ചെലവഴിച്ചത്.  2019 ജനുവരി 31 വരെയുള്ളകണക്കാണിത്. 2016 -17 ല്‍ 37. 6 കോടിരൂപയുടെയും 2017 -18 ല്‍ 77.79 കോടിരൂപയുടെയും 2018-19 ല്‍ 73.2 കോടിരൂപയുടെയും പദ്ധതികള്‍ നടപ്പാക്കി.  

തവനൂര്‍,തിരൂര്‍,താനൂര്‍ മണ്ഡലങ്ങളില്‍ ഉള്‍പ്പെടുന്ന പടിഞ്ഞാറേക്കര മുതല്‍ ഉണ്യാല്‍ വരെയുള്ള തീരദേശ പാതയുടെ പ്രവൃത്തി ഉദ്ഘാടനം ഇന്ന് (മാര്‍ച്ച് 10)രാവിലെ ഒന്‍പതിന് പൊതുമരാമത്ത്-രജിസ്‌ട്രേഷന്‍ വകുപ്പ് മന്ത്രി ജി.സുധാകരന്‍ നിര്‍വഹിക്കും. കൂട്ടായി എസ്.എച്ച്.എം.യു.പിസ്‌കൂളില്‍ നടക്കുന്ന ചടങ്ങില്‍ ഉന്നത വിദ്യാഭ്യാസ വകുപ്പ് മന്ത്രി ഡോ.കെ.ടി ജലീല്‍ അധ്യക്ഷനാവും.ഇ.ടി മുഹമ്മദ് ബഷീര്‍എം.പിമുഖ്യാതിഥിയാവും. എം.എല്‍.എമാരായ വി.അബ്ദുറഹിമാന്‍,സി.മമ്മുട്ടി തുടങ്ങിയവര്‍വിശിഷ്ടാതിഥികളാവും.ചടങ്ങില്‍മറ്റ് ജനപ്രതിനിധികളും ഉദ്യോഗസ്ഥരും പങ്കെടുക്കും.

ജല സ്രോതസ്സുകള്‍ മലിനമാക്കുന്നവര്‍ക്കെതിരെ കര്‍ശന നടപടിയെടുക്കാന്‍ തദ്ദേശ സ്ഥാപന സെക്രട്ടറിമാര്‍ക്ക് ജില്ലാ കലക്ടര്‍ അമിത് മീണ നിര്‍ദേശം നല്‍കി.  ആരോഗ്യ ജാഗ്രതാ പ്രവര്‍ത്തനങ്ങള്‍ വിലയിരുത്താന്‍ ജില്ലാ കലക്ടറുടെ അധ്യക്ഷതയില്‍ ചേര്‍ന്ന യോഗത്തിലാണ് നിര്‍ദേശം നല്‍കിയത്. ജലസ്രോതസ്സ് മലിനപ്പെടുത്തുന്നത് ശ്രദ്ധയില്‍പ്പെട്ടാല്‍ നോട്ടീസ് നല്‍കാനും മൂന്ന് ദിവസത്തിനകം നടപടിയെടുക്കാനും കലക്ടര്‍ നിര്‍ദേശം നല്‍കി.

ജില്ലയില്‍ മുനിസിപ്പല്‍ കോമ്മണ്‍ സെര്‍വീസസ് വകുപ്പില്‍ ജൂനിയര്‍ ഹെല്‍ത്ത് ഇന്‍സ്‌പെക്ടര്‍ ഗ്രേഡ് 2 കാറ്റഗറി 137/15 തസ്തികയിക്ക് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ടവര്‍ക്കുള്ള അഭിമുഖം മാര്‍ച്ച് 13, 14, 15 തിയ്യതികളില്‍ മലപ്പുറം ജില്ലാ പി.എസ്.സി ഓഫീസില്‍ നടത്തും.
ജില്ലയില്‍ ആരോഗ്യ വകുപ്പില്‍ ജൂനിയര്‍ ഹെല്‍ത്ത് ഇന്‍സ്‌പെക്ടര്‍ ഗ്രേഡ് 2 എന്‍.സി.എ - ഒ.എക്‌സ് (കാറ്റഗറി 459/17) തസ്തികയിലേക്ക് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ടവരുടെ അഭിമുഖം മാര്‍ച്ച് 13ന് പാലക്കാട് ജില്ലാ പി.എസ്.സി ഓഫീസില്‍ നടക്കും.

രാഷ്ട്രീയ പാര്‍ട്ടികള്‍ പൊതുസ്ഥലങ്ങളില്‍ സ്ഥാപിച്ച മുഴുവന്‍ കൊടി, തോരണങ്ങളും, ബോര്‍ഡുകളും ഉടന്‍ നീക്കം ചെയ്യണമെന്ന് ജില്ലാകലക്ടര്‍ അറിയിച്ചു. ഇന്നു മുതല്‍(മാര്‍ച്ച് 12) നീക്കം ചെയ്യാത്തവ കണ്ടെത്തി നീക്കുന്നതിന് ആന്റി ഡിഫന്‍സ്‌മെന്റ് സ്‌ക്വാഡ് രംഗത്തിറങ്ങും. ഇതിനായി ഒരു നിയോജകമണ്ഡലത്തില്‍ റവന്യു, പൊലീസ്, ആറുപേരു അടങ്ങുന്ന സ്‌ക്വാഡ് പ്രവര്‍ത്തനം തുടങ്ങും. നീക്കം ചെയ്യുന്നതിന്റെ ചെലവ് രാഷ്ട്രീയ പാര്‍ട്ടികളില്‍ നിന്ന് ഈടാക്കും.

 ആലപ്പുഴ: ഇതര സംസ്ഥാനങ്ങളിൽ  നിന്നും വന്ന് ഇവിടെ താമസിക്കുന്നതും സന്ദർശനത്തിന് എത്തിയവരും ആയ അഞ്ചു വയസ്സിൽ താഴെയുളള കുട്ടികൾക്കായി  നടത്തിയ പൾസ് പോളിയോ പരിപാടിയിൽ ജില്ലയുടെ വിവിധ സ്ഥലങ്ങളിലായി 867 കുട്ടികൾക്ക് പോളിയോ തുള്ളി മരുന്ന് നൽകി. പ്രധാനപ്പെട്ട റെയിൽവേ സ്റ്റേഷനുകൾ, ബസ് സ്റ്റാൻഡുകൾ (ട്രാൻസിറ്റ് ബൂത്തുകൾ) എന്നിവിടങ്ങളിൽ സജ്ജീകരിച്ച ബൂത്തുകളിലൂടെയും, മൊബൈൽ ബൂത്തുകളിലൂടെയുമാണ് കുട്ടികൾക്ക് മരുന്ന് നൽകിയത്. ട്രാൻസിറ്റ് ബൂത്തുകൾ നാളെയും പ്രവർത്തിക്കും.

വാഹനങ്ങളുടെ രജിസ്‌ട്രേഷൻ: പരിശീലന പരിപാടി 14ന്