ജില്ലയില്‍ സമാധാനപരവും നീതിപൂര്‍വ്വകവുമായ രീതിയില്‍ തിരഞ്ഞെടുപ്പ് നടത്താനുള്ള ഒരുക്കങ്ങള്‍ വിവിധ തലങ്ങളില്‍ നടന്നുവരികയാണെന്ന് ജില്ലാതിരഞ്ഞെടുപ്പ് ഉദ്യോഗസ്ഥനും ജില്ലാ കളക്ടറുമായ മുഹമ്മദ് വൈ സഫീറുള്ള പറഞ്ഞു. തിരഞ്ഞെടുപ്പ് നടത്താനുള്ള കണ്‍ട്രോള്‍ യൂണിറ്റുകള്‍, ബാലറ്റ് യൂണിറ്റ്, വിവിപാറ്റ് എന്നിവ ആവശ്യമുള്ളതിലും 35 ശതമാനം എണ്ണം കൂടുതല്‍ പ്രവര്‍ത്തനം പരിശോധിച്ച് സജ്ജമാക്കിയിട്ടുണ്ട് എന്ന് അദ്ദേഹം വ്യക്തമാക്കി. തിരഞ്ഞെടുപ്പിന്റെ ഇതേവരെയുള്ള ഒരുക്കങ്ങള്‍ മാധ്യമപ്രവര്‍ത്തകരോട് വിശദീകരിക്കുകയായിരുന്നു അദ്ദേഹം.

കാക്കനാട്: തെരഞ്ഞെടുപ്പ് പ്രചരണത്തിന്റെ ഭാഗമായി ഹോര്‍ഡിങ്ങുകള്‍ സ്ഥാപിക്കുന്നതിന് ബന്ധപ്പെട്ട തദ്ദേശസ്വയംഭരണ സ്ഥാപനത്തിന്റെ അനുമതി നിര്‍ബന്ധമാണെന്ന് ജില്ലാ കളക്ടര്‍ അറിയിച്ചു.  തെരഞ്ഞെടുപ്പ് പെരുമാറ്റച്ചട്ടം സംബന്ധിച്ച് ജില്ലയിലെ അസി.റിട്ടേണിങ് ഓഫീസര്‍മാര്‍ക്കും വിവിധ രാഷ്ട്രീയ പാര്‍ട്ടി പ്രതിനിധികള്‍ക്കും ബോധവല്‍കരണം നല്‍കുകയായിരുന്നു അദ്ദേഹം.  സ്വകാര്യവ്യക്തിയുടെ വസ്തുവില്‍ സ്ഥാപിക്കുന്നതിനും ആ  വ്യക്തിയുടെ സമ്മതത്തിനു പുറമേ  ബന്ധപ്പെട്ട തദ്ദേശസ്വയംഭരണസ്ഥാപത്തില്‍നിന്നും അനുമതി നേടണം.  

പത്തനംതിട്ട ജനറല്‍ ആശുപത്രിയില്‍ ഡയാലിസിസ് ടെക്‌നീഷ്യന്റെ ഒഴിവിലേക്ക് താത്ക്കാലിക നിയമനം നടത്തുന്നു. അംഗീകൃത സ്ഥാപനത്തില്‍ നിന്നും ലഭിച്ച ഡയാലിസിസ് ടെക്‌നീഷ്യന്‍ ഡിപ്ലോമ/ബിരുദമാണ് യോഗ്യത. ഡയാലിസിസ് യൂണിറ്റില്‍ ഒരു വര്‍ഷത്തെ പരിചയം ഉണ്ടായിരിക്കണം. പ്രായം 20നും 40നും മധേ്യ. ദിവസം 645 രൂപ വേതനം ലഭിക്കും. താത്പര്യമുള്ളവര്‍ ഈ മാസം 22ന് രാവിലെ 11ന് ആശുപത്രിയില്‍ ഇന്റര്‍വ്യൂവിന് ഹാജരാകണം. ഫോണ്‍: 0468 2222364.                                                (പിഎന്‍പി 899/19)

പത്തനംതിട്ട ജനറല്‍ ആശുപത്രിയില്‍ 2019 ഏപ്രില്‍ ഒന്ന് മുതല്‍ 2020 മാര്‍ച്ച് 31 വരെ വിവിധ സാധനസാമഗ്രികള്‍, സേവനങ്ങള്‍ വിതരണം ചെയ്യുന്നതിന് ക്വട്ടേഷന്‍/ ടെന്‍ഡര്‍ ക്ഷണിച്ചു. ഫോണ്‍: 0468 2222364.                             (പിഎന്‍പി 898/19)

ജില്ലാ ഭാഗ്യക്കുറി ക്ഷേമനിധിയില്‍ നിന്നും പെന്‍ഷന്‍ വാങ്ങുന്നവര്‍ ഈ മാസം 31ന് മുമ്പ് ലൈഫ് സര്‍ട്ടിഫിക്കറ്റ് ഹാജരാക്കണമെന്നും ഒന്നാം ഘട്ടത്തില്‍ ബീച്ച് അംബ്രല്ലയ്ക്ക് അര്‍ഹരായവര്‍ ആയത് കൈപ്പറ്റിയിട്ടില്ലെങ്കില്‍ ഉടന്‍ തന്നെ കൈപ്പറ്റണമെന്നും ക്ഷേമനിധി ഓഫീസര്‍ അറിയിച്ചു. ഫോണ്‍: 0468 2222709.                            (പിഎന്‍പി 897/19)

ലോക്‌സഭാ തെരഞ്ഞെടുപ്പുമായി ബന്ധപ്പെട്ട് വീഡിയോ സര്‍വൈലന്‍സ്, വിവിധ സ്‌ക്വാഡുകള്‍, സെന്‍സിറ്റീവ് ബൂത്തുകള്‍ ഉള്‍പ്പെടെ വിവിധ ആവശ്യങ്ങള്‍ക്ക് വീഡിയോഗ്രാഫി എടുക്കുന്നതിന് നിയമസഭാ മണ്ഡലാടിസ്ഥാനത്തില്‍ അംഗീകൃത വീഡിയോഗ്രാഫര്‍മാര്‍ക്ക് സീല്‍ ചെയ്ത ക്വട്ടേഷന്‍ നല്‍കാം. ക്വട്ടേഷനുകള്‍ ഇന്ന് (12) ഉച്ചയ്ക്ക് ശേഷം മൂന്നിന് മുമ്പ് കളക്ടറേറ്റിലെ തെരഞ്ഞെടുപ്പ് വിഭാഗത്തില്‍ ലഭിക്കണം. ഇന്ന് 3.30ന് ക്വട്ടേഷനുകള്‍ തുറക്കും. കൂടുതല്‍ വിവരം ഇലക്ഷന്‍ വിഭാഗത്തില്‍ ലഭിക്കും.                                                                                       (ഇലക്ഷന്‍ 2/19)

ലോക്‌സഭാ തെരഞ്ഞെടുപ്പിന്റെ ഭാഗമായി ജില്ലയിലെ വോട്ടര്‍മാരെ ഇലക്ട്രോണിക് വോട്ടിംഗ് മെഷീനും, വി വി പാറ്റും പരിചയപ്പെടുത്തുന്നതിനായുളള ബോധവത്ക്കരണ പരിപാടിക്ക് തുടക്കം. മിനി സിവില്‍ സ്റ്റേഷനില്‍ സംഘടിപ്പിച്ച ചടങ്ങില്‍ ജില്ലാ കളക്ടര്‍ പി.ബി നൂഹ് പ്രചാരണത്തിന്റെ ജില്ലാതല ഉദ്ഘാടനം നിര്‍വഹിച്ചു. 18 റവന്യു ഉദ്യോഗസ്ഥര്‍, ആറ് പോലീസ് ഉദ്യോഗസ്ഥര്‍ എന്നിവരടങ്ങിയ ആറംഗ സംഘം ഇനിയുളള ദിവസങ്ങളില്‍ ജില്ലയിലെ അഞ്ച് നിയമസഭാ മണ്ഡലങ്ങളിലും ബോധവത്കരണം നടത്തും. 

വടശേരിക്കര ഗ്രാമപഞ്ചായത്ത് പ്രദേശത്ത് റോഡുകള്‍, ഇലക്ട്രിക് പോസ്റ്റുകള്‍, ടെലഫോണ്‍ പോസ്റ്റ് തുടങ്ങിയ പൊതുയിടങ്ങളില്‍ സ്ഥാപിച്ചിട്ടുള്ള പരസ്യബോര്‍ഡുകളും ബാനറുകളും പോസ്റ്ററുകളും മറ്റ് പരസ്യങ്ങളും ഉടന്‍ നീക്കം ചെയ്യണമെന്ന് സെക്രട്ടറി അറിയിച്ചു. 

                   (പിഎന്‍പി 896/19)

അടൂര്‍ കെല്‍ട്രോണ്‍ നോളജ് സെന്ററില്‍ ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍, വേഡ് പ്രോസസിംഗ് ആന്‍ഡ് ഡാറ്റ എന്‍ട്രി, ഡിപ്ലോമ ഇന്‍ കംപ്യൂട്ടര്‍ ഹാര്‍ഡ്‌വെയര്‍ ആന്‍ഡ് നെറ്റ് വര്‍ക്ക് മെയിന്റനന്‍സ് വിത്ത് ലാപ്‌ടോപ്പ് ടെക്‌നോളജീസ് എന്നീ അഡ്വാന്‍സ്ഡ് കോഴ്‌സുകളിലേക്ക് അപേക്ഷ ക്ഷണിച്ചു. കംപ്യൂട്ടര്‍ ഹാര്‍ഡ് വെയര്‍ കോഴ്‌സിന് ഫീസ് ഇളവുണ്ട്. അപേക്ഷ സ്വീകരിക്കുന്ന അവസാന തീയതി മാര്‍ച്ച് 20. ഫോണ്‍: 9526229998, 04734 229998.            (പിഎന്‍പി 895/19)

തെരഞ്ഞെടുപ്പ് പെരുമാറ്റച്ചട്ടം നിലവില്‍ വന്നതിനാല്‍ ഇന്ന് (12) ഉച്ചയ്ക്ക് ശേഷം രണ്ടിന് കളക്ടറേറ്റില്‍ കോണ്‍ഫറന്‍സ് ഹാളില്‍ ചേരാനിരുന്ന ഔദേ്യാഗിക ഭാഷാ ജില്ലാതല ഏകോപന സമിതിയോഗം മാറ്റിവച്ചതായി ജില്ലാ കളക്ടര്‍ അറിയിച്ചു. 

                            (പിഎന്‍പി 894/19)