കുറുവ ഗ്രാമ പഞ്ചായത്തിലെ പാറല്‍ കോളനി റോഡിനും മരുതമല - വാലിക്കാട് റോഡിനും 3.5 ലക്ഷം രൂപ വീതവും അനുവദിച്ചു. തൃക്കലങ്ങോട് ഗ്രാമ പഞ്ചായത്തിലെ മരത്താണി - കിടങ്ങഴി റോഡ്, വെട്ടിക്കുത്തിയാല്‍ - പുതുക്കണ്ണം എന്നീ റോഡുകള്‍ക്ക് നാല് ലക്ഷം രൂപ വീതവും കോഡൂര്‍ ഗ്രാമ പഞ്ചായത്തിലെ ചെമ്മങ്കടവ് - ചോലക്കല്‍ - വലിയപറമ്പ് റോഡ്, ചെമ്മങ്കടവ് - ചോലക്കല്‍ - വലിയപറമ്പ് റോഡ്, ഈസ്റ്റ് കോഡൂര്‍ - എടാട്ട്പാറ റോഡ് എന്നിവയ്ക്ക് മൂന്നു ലക്ഷം രൂപ വീതവും അനുവദിച്ചു.

ആധാരത്തില്‍ യഥാര്‍ത്ഥ വില കാണിക്കാത്തതിന് നടപടികള്‍ക്ക് വിധേയമായ  കേസുകളില്‍ തിരൂരങ്ങാടി മാര്‍ച്ച് 12 ന് അദാലത്ത് സംഘടിപ്പിക്കുന്നു. രജിസ്‌ട്രേഷന്‍ വകുപ്പ് നടപ്പിലാക്കുന്ന ഒറ്റത്തവണ പദ്ധതി പ്രകാരം കുറവ് ഫീസ് മുഴുവനായും ഒഴിവാക്കി കുറവ് മുദ്രയുടെ 30 ശതമാനം മാത്രം അടച്ച് ഫയല്‍ തീര്‍പ്പാക്കാനും ജപ്തി നടപടികളില്‍ നിന്ന് ഒഴിവാകാനുമുള്ള ഈ അവസരം പ്രയോജനപ്പെടുത്തണമെന്ന് തിരൂരങ്ങാടി സബ് രജിസ്ട്രാര്‍ അറിയിച്ചു.

     
അരീക്കോട് ഗവ. ഐ.ടി.ഐ.യിലെ ടെക്‌നീഷ്യന്‍ പവര്‍ ഇലക്ടോണിക്‌സ് സിസ്റ്റം  ട്രേഡില്‍ ഗസ്റ്റ് ഇന്‍സ്ട്രക്ടറെ നിയമിക്കുന്നു. ബന്ധപ്പെട്ട ട്രേഡില്‍ എന്‍.ടി.സി./എന്‍.എ.സി.യും മൂന്നു വര്‍ഷത്തെ പ്രവൃത്തി പരിചയം അല്ലെങ്കില്‍ ഇലക്ട്രോണിക്‌സ്/ ഇലക്ട്രോണിക്‌സ് ആന്‍ഡ് ടെലികമ്മ്യൂണിക്കേഷന്‍/ ഇലക്ട്രോണിക്‌സ് & കമ്മ്യൂണി ക്കേഷന്‍ ഡിപ്ലോമയും രണ്ടു വര്‍ഷത്തെ പ്രവൃത്തി പരിചയം അല്ലെങ്കില്‍ ബി. ടെക്     ബിരുദവും ഒരു വര്‍ഷത്തെ പ്രവൃത്തിപരിചയവുമാണ് യോഗ്യത.

ഭക്ഷ്യ സുരക്ഷാ വകുപ്പില്‍ കോഴിക്കോട് മൊബൈല്‍ വിജിലന്‍സ് സ്‌ക്വാഡില്‍ ഡെപ്യൂട്ടി കമ്മീഷണറായി കെ. സുഗുണന്‍ ചാര്‍ജ്ജെടുത്തു.  പൂക്കോട്ടൂര്‍ സ്വദേശിയാണ്.

മലപ്പുറം അഡീഷനല്‍ ഡിസ്ട്രിറ്റ് മജിസ്‌ട്രേറ്റായി  ടി. വിജയന്‍ ചുമതലയേറ്റു.  പാലക്കാട് എ.ഡി.എമ്മായിരുന്നു. നേരത്തെ മലപ്പുറം എ.ഡി.എമായി ജോലി ചെയ്തിട്ടുണ്ട്.  പാലക്കാട്  ചിറ്റൂര്‍ സ്വദേശിയാണ്.  

സംസ്ഥാന  സര്‍ക്കാരിന്റെ വിജയകരമായ ആയിരം ദിനത്തിനിടയില്‍ ജില്ലയില്‍ വനം വകുപ്പിനു കീഴില്‍  നടപ്പാക്കിയത്  6,63,51,186 കോടി രൂപയുടെ പദ്ധതികള്‍. നിലമ്പൂര്‍ സൗത്ത് ഡിവിഷനില്‍ 2,39,82,472 രൂപയുടെയും നിലമ്പൂര്‍ നോര്‍ത്ത് ഡിവിഷനില്‍  4,23,68,718  രൂപയുടെയും പദ്ധതികളാണ് നടപ്പാക്കിയത്.

സംസ്ഥാന സര്‍ക്കാര്‍ ആയിരം ദിനം പൂര്‍ത്തിയാക്കുമ്പോള്‍ റവന്യൂ വകുപ്പ് ജില്ലയില്‍ നല്‍കിയത് 91.83 കോടി രൂപയുടെ ധനസഹായം. പ്രളയ ദുരിതാശ്വാസ ധനസഹായം മാത്രമായി   91.36 കോടി രൂപയാണ് സര്‍ക്കാര്‍ നല്‍കിയത്.

എടക്കര ഉച്ചകുളം ഫുട്‌ബോള്‍ മൈതാനിയില്‍ മാര്‍ച്ച് ഒമ്പത് മുതല്‍ ഗോത്ര വര്‍ഗ്ഗ ടീമുകളെ പങ്കെടുപ്പിച്ചു നടക്കുന്ന കാടകം ഫുട്‌ബോള്‍ മത്സരത്തിലെ കളിക്കാര്‍ക്കുള്ള ജേഴ്‌സിയും ബൂട്ടും ജില്ലാ കലക്ടര്‍ അമിത് മീണ കൈമാറി. നിലമ്പൂര്‍ വെട്ടേക്കുംപൊയില്‍ ആദിയവാസി കോളനിയിലെ ഫുട്‌ബോള്‍ ക്ലബ് ടീമാണ് ജെഴ്‌സികള്‍ ഏറ്റുവാങ്ങിയത്. കോട്ടക്കല്‍ നാമ്ക്ക് ഫൗണ്ടേഷനാണ് ജേഴ്‌സികളും ബൂട്ടും സ്‌പോണ്‍സര്‍ ചെയ്തത്.  വിമുക്തി മിഷന്റെ നേതൃത്വത്തിലാണ് ഫുട്‌ബോള്‍ മത്സരം സംഘടിപ്പിക്കുന്നത്. ഒന്നാമത്  ജനമൈത്രി എവര്‍റോളിങ് ട്രോഫിക്ക് വേണ്ടിയുള്ള മത്സരത്തില്‍ 16 ഗോത്ര വര്‍ഗ്ഗ ടീമുകള്‍ പങ്കെടുക്കും.