കേരളത്തില്‍ ഭവനനിര്‍മാണ മേഖലയുമായി ബന്ധപ്പെട്ട് നടക്കുന്ന വിഭവ ചൂഷണം നിയന്ത്രിക്കാനാവശ്യമായ നടപടികള്‍ സ്വീകരിക്കുമെന്ന് റവന്യൂ - ഭവന നിര്‍മാണ വകുപ്പ് മന്ത്രി ഇ ചന്ദ്രശേഖരന്‍ പറഞ്ഞു. സംസ്ഥാന ഭവന നിര്‍മാണ വകുപ്പ് ജില്ലാ നിര്‍മിതി കേന്ദ്രയുടെ സഹകരണത്തോടെ 'നവകേരളത്തിന് പുതിയ ഭവന സാക്ഷരത' എന്ന വിഷയത്തില്‍ സംഘടിപ്പിച്ച ഏകദിന ശില്പശാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പ്രളയാനന്തര നവകേരള സൃഷ്ടിയുടെ ഭാഗമായി നിര്‍മാണ മേഖലകളുമായി ബന്ധപ്പെട്ട് വിദഗ്ധ ചര്‍ച്ചകള്‍ നടന്നുകൊണ്ടിരിക്കുകയാണ്.

ദേശീയ ചുഴലിക്കാറ്റ് അപകട സാധ്യത ലഘൂകരണ പദ്ധതി (ചഇഞങജ) യുടെ ഭാഗമായി സംസ്ഥാനത്തെ വിവിധയിടങ്ങളിലായി നിര്‍മ്മിക്കാന്‍ ഉദ്ദേശിക്കുന്ന വിവിധോദ്ദേശ്യ ചുഴലിക്കാറ്റ് അഭയകേന്ദ്ര നിര്‍മാണങ്ങളുടെ  സംസ്ഥാനതല ഉദ്ഘാടനം റവന്യൂ- ഭവനനിര്‍മ്മാണ- ദുരന്തനിവാരണ വകുപ്പ് മന്ത്രി ഇ ചന്ദ്രശേഖരന്‍ നിര്‍വഹിച്ചു.

കാട്ടാമ്പള്ളിക്കടവ്-കൂവേരി-ചപ്പാരപ്പടവ്-മംഗര-ചാണോക്കുണ്ട്-തടിക്കടവ് റോഡിന്റെ പുനരുദ്ധാരണ പ്രവൃത്തി ഉദ്ഘാടനം നാളെ(മാര്‍ച്ച് 10) രാവിലെ 9 മണിക്ക് പൊതുമരാമത്ത് വകുപ്പ് മന്ത്രി ജി സുധാകരന്‍ നിര്‍വഹിക്കും. കൂവേരിക്കടവില്‍ നടക്കുന്ന ചടങ്ങില്‍ ജെയിംസ് മാത്യു എംഎല്‍എ അധ്യക്ഷത വഹിക്കും. പി കെ ശ്രീമതി ടീച്ചര്‍ എംപി പങ്കെടുക്കും.

ബാങ്ക് മുഖേന പെൻഷൻ വാങ്ങുന്ന അഞ്ച് ലക്ഷത്തിന് മേൽ വാർഷിക വരുമാനമുളള പെൻഷൻകാർ 2019-20 സാമ്പത്തിക വർഷത്തെ പ്രതീക്ഷിത ഇൻകം ടാക്‌സ് സ്റ്റേറ്റ്‌മെന്റ് ട്രഷറിയിൽ ഏപ്രിൽ 20നകം നൽകണം. പാനിന്റെ പകർപ്പും ട്രഷറിയിൽ ലഭ്യമാക്കണം. ട്രഷറികളിൽ നിന്നും പെൻഷൻ വാങ്ങുന്നവർക്ക് അതാതു ട്രഷറികളിലും ബാങ്ക് പെൻഷൻകാർ തൊട്ടടുത്തുളള ട്രഷറികളിലും സമർപ്പിക്കാം.

പി.എൻ.എക്സ്. 917/19

സംസ്ഥാനത്തിന്റെ വികസന പ്രവർത്തനങ്ങളുടെ ധനശേഖരണത്തിന്റെ ഭാഗമായി 500 കോടി രൂപ കടപ്പത്രം വഴി സമാഹരിക്കുന്നു. ഇതിനായുളള ലേലം മാർച്ച് 12ന് മുംബൈ ഫോർട്ടിലുളള റിസർവ് ബാങ്കിൽ നടക്കും. ഇ-കുബേർ സിസ്റ്റത്തിലൂടെയാണ് ഇടപാടുകൾ. ലേലം സംബന്ധിച്ച വിശദാംശം സംസ്ഥാന ധനവകുപ്പിന്റെ വെബ്സൈറ്റായ  www.finance.kerala.gov.in ൽ ലഭിക്കും. (വിജ്ഞാപന നമ്പർ എസ്.എസ്.1/91/2019 ധനവകുപ്പ് തീയതി 08.03.2019).

പി.എൻ.എക്സ്. 916/19

*പ്രകാശനം മന്ത്രി എ.കെ. ബാലൻ നിർവഹിച്ചു

കേരള ഭാഷാ ഇൻസ്റ്റിറ്റ്യൂട്ടും ടോക്കിയോ സർവകലാശാലയുടെ ഭാഷകളുടെ സംസ്‌ക്കാരങ്ങളുടെയും അന്താരാഷ്ട്ര ഗവേഷണ പഠനകേന്ദ്രത്തിന്റെയും സംയുക്താഭിമുഖ്യത്തിൽ പ്രസിദ്ധീകരിച്ച ജാപ്പനീസ്-മലയാളം നിഘണ്ടു സാംസ്‌കാരിക, പട്ടികജാതി-പട്ടികവർഗ പിന്നാക്കക്ഷേമ വകുപ്പ് മന്ത്രി എ.കെ. ബാലൻ പ്രകാശനം ചെയ്തു. 

* പാസുകൾ ടാഗോർ തിയറ്ററിൽ ലഭിക്കും

പ്രശസ്ത നർത്തകി സൊണാൽ മാൻസിംഗ് 'ഭാരതീയം' നൃത്ത-സംഗീത സമന്വയവുമായി തലസ്ഥാനത്തെത്തുന്നു. 11ന് വൈകിട്ട് ആറരയ്ക്കാണ് വഴുതക്കാട് ടാഗോർ തിയറ്ററിൽ ഇൻഫർമേഷൻ പബ്‌ളിക് റിലേഷൻസ് വകുപ്പിന്റെ ആഭിമുഖ്യത്തിൽ നൃത്ത-സംഗീത വിരുന്ന സംഘടിപ്പിക്കുന്നത്.