കേരള സ്റ്റേറ്റ് ലൈബ്രറി കൗൺസിലിൽ കാസർഗോഡ്, തിരുവനന്തപുരം ജില്ലകളിലേക്ക് പേഴ്‌സണൽ അസിസ്റ്റന്റ് തസ്തികയിലെ ഓരോ ഒഴിവുകളിലേക്ക് ഒരു വർഷത്തെ കരാർ നിയമനത്തിന് അപേക്ഷ ക്ഷണിച്ചു. എസ്.എസ്.എൽ.സി.യാണ് യോഗ്യത. ടൈപ്പ് റൈറ്റിംഗിൽ ഇംഗ്ലീഷ് ഹയറും മലയാളം ലോവറും വേർഡ് പ്രോസസിംഗ്, ഇംഗ്ലീഷും മലയാളം ഷോർട്ട് ഹാൻഡും അറിഞ്ഞിരിക്കണം. പ്രതിമാസ വേതനം 21,000 രൂപ. പ്രായപരിധി 18-36 വയസ്സ്. അപേക്ഷകൾ സെക്രട്ടറി, കേരള സ്റ്റേറ്റ് ലൈബ്രറി കൗൺസിൽ, കെ.അനിരുദ്ധൻ റോഡ്, വഴുതക്കാട്, തൈക്കാട് പി.ഒ., തിരുവനന്തപുരം-14 എന്ന വിലാസത്തിൽ മാർച്ച് 25നകം ലഭിക്കണം.

തിരുവനന്തപുരം, കോഴിക്കോട്, സർക്കാർ ഹോമിയോപ്പതി മെഡിക്കൽ കോളേജുകളിൽ ഈ മാസം 11 ന് ആരംഭിക്കാനിരുന്ന സി.സി.പി. (ഹോമിയോ)കോഴ്‌സിന്റെ ക്ലാസ്സുകൾ ഏപ്രിൽ ഒന്നിലേക്ക് മാറ്റി. രാവിലെ പത്തിന് വിദ്യാർത്ഥികൾ രക്ഷകർത്താക്കളോടൊപ്പം ഹാജരാകണം.

പി.എൻ.എക്സ്. 912/19

പാലക്കാട് വ്യാവസായിക ട്രൈബ്യൂണൽ സാബു സെബാസ്റ്റ്യൻ മാർച്ച് 11, 12, 18, 19, 25, 26 തിയതികളിൽ പാലക്കാട് പി.ഡബ്ല്യു.ഡി. റസ്റ്റ് ഹൗസ് ഹാളിലും ഏഴിന് പെരിന്തൽമണ്ണ സബ്ബ് ഡിവിഷണൽ മജിസ്‌ട്രേറ്റ് കോടതി ഹാളിലും 15 നും 22 നും 29 നും മഞ്ചേരി ഇന്ദിരാഗാന്ധി ബസ് ടെർമിനൽ ബിൽഡിംഗിലെ ഒന്നാം നിലയിലെ കോടതി ഹാളിലും തൊഴിൽ തർക്ക കേസ്സുകളും, ഇൻഷ്വറൻസ് കേസ്സുകളും എംപ്ലോയീസ് കോമ്പൻസേഷൻ കേസ്സുകളും വിചാരണ ചെയ്യും.

പി.എൻ.എക്സ്. 910/19

കേരള സർക്കാരിന്റെ നിയന്ത്രണത്തിലുള്ള എൽ.ബി.എസ്. സെന്റർ ഫോർ സയൻസ് ആന്റ് ടെക്‌നോളജിയുടെ തിരുവനന്തപുരം കേന്ദ്രത്തിലും മേഖലാ കേന്ദ്രങ്ങളിലുമായി ഉടൻ ആരംഭിക്കുന്ന അവധിക്കാല കോഴ്‌സുകളായ ഡി.ഇ. ആന്റ് ഒ.എ. (പത്താംക്ലാസും മുകളിലും സി.പ്ലസ്.പ്ലസ്, ജാവ (എട്ടാം ക്ലാസും മുകളിലും), ടാലി വിത്ത് ജി.എസ്.ടി. (പ്ലസ്ടു കൊമേഴ്‌സ്/ബി.കോമും മുകളിലും) കോഴ്‌സുകളിലേക്ക് അപേക്ഷ ക്ഷണിച്ചു.

കൂടുതൽ വിവരങ്ങൾക്ക് തിരുവനന്തപുരം(8547141406, 0471-2560332), കൊല്ലം (8289844899), കളമശ്ശേരി (9446745291), തൃശ്ശൂർ (9074335626), കോഴിക്കോട് (9895488303), കണ്ണൂർ (9495794003)

പി.എൻ.എക്സ്. 909/19

      2008 ഡിസംബർ 31 വരെ മത്സ്യത്തൊഴിലാളികൾ വിവിധ ആവശ്യങ്ങൾക്കായി  എടുത്ത വായ്പകൾക്കും, 2007 ഡിസംബർ 31 വരെ എടുത്ത വായ്പകളിൽ കടാശ്വാസത്തിന് നിശ്ചിത തിയതിക്കകം അപേക്ഷ സമർപ്പിക്കാൻ കഴിയാത്തവർക്കും കടാശ്വാസത്തിനുള്ള പുതിയ അപേക്ഷ സമർപ്പിക്കുന്നതിന് സർക്കാർ ഉത്തരവായി. ചട്ട പ്രകാരമുള്ള ലഘൂകരിച്ച അപേക്ഷ ഫോമിന്റെ മാതൃകയും സർക്കാർ അംഗീകരിച്ചു.

അന്താരാഷ്ട്ര വനിതാദിനം സമാപന സമ്മേളനത്തിന്റെ ഉദ്ഘാടനവും ഐ. സി. ഡി. എസ് പുരസ്‌കാരവിതരണവും മുഖ്യമന്ത്രി പിണറായി വിജയൻ നിർവഹിച്ചു. 

നവോത്ഥാനത്തിന്റെ ഭാഗമായി ജനുവരി ഒന്നിന് സംഘടിപ്പിച്ച വനിതാ മതിലിനുള്ള ബഹുമതി പത്രം മുഖ്യമന്ത്രി നൽകി. ഏറ്റവും അധികം വനിതകൾ അണിനിരന്ന മതിലിനുള്ള ബഹുമതി പത്രം പുന്നലശ്രീകുമാർ, അഡ്വ. സതീദേവി എന്നിവരുടെ നേതൃത്വത്തിലുള്ള സംഘാടകർ ഏറ്റുവാങ്ങി. ഐ. സി. ഡി. എസിന് മികച്ച പിന്തുണ നൽകിയ മികച്ച ജില്ലാ കളക്ടർക്കുള്ള പുരസ്‌കാരം എറണാകുളം കളക്ടർ മുഹമ്മദ് വൈ സഫിറുള്ളയ്ക്ക് മുഖ്യമന്ത്രി നൽകി. 

ഒറ്റത്തവണ തീര്‍പ്പാക്കല്‍ പദ്ധതി

മാടായി ചൂട്ടാട് ബീച്ചില്‍ സാഹസിക ടൂറിസം പദ്ധതിക്ക് അംഗീകാരം. ചൂട്ടാട് ബീച്ചില്‍ അഡ്വഞ്ചര്‍ പാര്‍ക്ക് നിര്‍മ്മിക്കുന്നതിന് സംസ്ഥാന സര്‍ക്കാര്‍ 1.65 കോടി രൂപ അനുവദിച്ചതായി ടി വി രാജേഷ് എംഎല്‍എ അറിയിച്ചു. ടൂറിസം വകുപ്പ് മുഖേന സമര്‍പ്പിച്ച പദ്ധതിക്കാണ് അംഗീകാരം ലഭിച്ചത്. നിലവില്‍ നിരവധി സഞ്ചാരികളാണ് ചൂട്ടാട് ബീച്ചില്‍ എത്തുന്നത്.

പരീക്ഷാക്കാലം വിദ്യാര്‍ഥികള്‍ക്കെന്നും ആവലാതികളുടെയും പിരിമുറുക്കത്തിന്റെയും കാലഘട്ടം കൂടിയാണ്. പരീക്ഷാ കാലത്തെ കുട്ടികളുടെ മാനസിക പിരിമുറുക്കം ഇല്ലാതാക്കുകയും പരീക്ഷയെ ധൈര്യപൂര്‍വ്വം നേരിടുന്നതിന് പിന്തുണ നല്‍കുകയും ചെയ്യുന്നതിന് സധൈര്യം പദ്ധതിയുമായി രംഗത്തെത്തിയിരിക്കുകയാണ് കണ്ണൂര്‍ ജില്ലാ പഞ്ചായത്തും സയന്‍സ് പാര്‍ക്കും.  ഹയര്‍ സെക്കന്ററി പരീക്ഷ മാര്‍ച്ച് ആറിന് ആരംഭിച്ച സാഹചര്യത്തിലാണ് ഒരു ഫോണ്‍ കോളില്‍ കുട്ടികളുടെ മാനസിക സമ്മര്‍ദ്ദം ഇല്ലാതാക്കുന്ന പദ്ധതിക്ക് തുടക്കം കുറിച്ചത്.