അഞ്ചുരുളി വിനോദ സഞ്ചാര കേന്ദ്രത്തിന് വികസന കുതിപ്പേകി സ്നാക്സ് സെന്ററിന്റെയും വിശ്രമകേന്ദ്രത്തിന്റെയും നിർമ്മാണം പൂർത്തിയാകുന്നു. ഗ്രാമപഞ്ചായത്ത് തനത് ഫണ്ട് 37 ലക്ഷത്തോളം രൂപ വിനിയോഗിച്ചാണ് 

പദ്ധതി നടപ്പാക്കുന്നത്.  അടിസ്ഥാന സൗകര്യ വികസനത്തിന്റെ ഭാഗമായി സ്ത്രീകൾക്കും പുരുഷൻമാർക്കും പ്രത്യേകം പ്രത്യേകമായി നാല് ടോയ്ലറ്റുകൾ വീതമുള്ള രണ്ട് ടോയ്ലറ്റ് ബ്ലോക്കുകൾ, സ്നാനാക്സ് സെൻറർ എന്നിവ ഉൾപ്പെടുന്ന കെട്ടിടത്തിന്റെ അവസാനഘട്ട നിർമ്മാണമാണ് ഇപ്പോൾ നടക്കുന്നത്.. 

വാഗ്ദാനങ്ങൾ പൂർണ്ണമായും നടപ്പാക്കി കൊണ്ട് മുന്നോട്ടു പോകുന്ന നയമാണ് സംസ്ഥാന സർക്കാരിന്റേതെന്ന് വൈദ്യുതി വകുപ്പ് മന്ത്രി എം.എം.മണി.

കാഞ്ചിയാർ ഗ്രാമപഞ്ചായത്തിൽ 2018-19 വർഷത്തിൽ ലൈഫ് ഭവനപദ്ധതി പ്രകാരം പൂർത്തീകരിച്ച വീടുകളുടെ താക്കോൽ ദാനം, അഞ്ചുരുളി സ്നാക്സ് സെന്റർ, വിശ്രമകേന്ദ്രം എന്നിവ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

പ്രളയത്തിൽ വീട് നഷ്ടപ്പെട്ടവരെ പുനരധിവസിപ്പിക്കുന്ന ഉത്തരവാദിത്വം ഏറ്റെടുത്ത് നവകേരള നിർമ്മാണമാണ് സർക്കാർ നടപ്പാക്കുന്നത്.  ജനോപകാരപ്രദമായ പദ്ധതികൾ ഉൾക്കൊള്ളിച്ചുള്ള നാലു മിഷനുകളാണ് സർക്കാർ വിജയകരമായി പ്രാവർത്തികമാക്കിയത്.

അടിമാലി ബ്ലോക്ക് പഞ്ചായത്തിനു കീഴില്‍ ഷീ ലോഡ്ജുകള്‍ വരുന്നു. ബ്ലോക്കിനു കീഴില്‍ നേരത്തെ പ്രവര്‍ത്തിച്ചു വന്നിരുന്ന വനിതാ കേന്ദ്രങ്ങളാണ് ഷീലോഡ്ജുകളായി പ്രവര്‍ത്തനം ആരംഭിക്കുക. 2019-20 തിലെ വാര്‍ഷിക പദ്ധതിയില്‍ ഉള്‍പ്പെടുത്തി 10 ലക്ഷം രൂപ ചിലവില്‍ ആദ്യഘട്ടത്തില്‍ കാഞ്ഞിരവേലി, കല്ലാര്‍ എന്നിവടങ്ങളിലാണ് ഷീ ലോഡ്ജുകള്‍ ഒരുങ്ങുക. വനിതകള്‍ക്ക് സുരക്ഷിതമായി താമസിക്കുന്നതിന് മെച്ചപ്പെട്ട അടിസ്ഥാന സൗകര്യങ്ങള്‍കൂടി ഒരുക്കിയാണ് രണ്ട് ഷീ ലോഡ്ജുകളും പ്രവര്‍ത്തനം തുടങ്ങുക.താമസത്തിനാവശ്യമായ ഗൃഹോപകരണങ്ങളും ഇവിടെ സജ്ജമാക്കും.

ചൈല്‍ഡ് വെല്‍ഫെയര്‍ കമ്മിറ്റിയുടെ സംരക്ഷണത്തില്‍ ശിശുസംരക്ഷണ സ്ഥാപനങ്ങളില്‍ കഴിയുന്ന കുട്ടികളെ വേനല്‍ അവധിക്കാലത്ത് സ്വന്തം ഭവനത്തില്‍ സംരക്ഷിച്ചു പോറ്റി വളര്‍ത്തുവാന്‍ താത്പര്യമുള്ളവരില്‍ നിന്നും വെക്കേഷന്‍ ഫോസ്റ്റര്‍ കെയര്‍ പദ്ധതി പ്രകാരം അപേക്ഷ ക്ഷണിക്കുന്നു. 

അന്തര്‍ദേശീയ വനിതാദിനം ആഘോഷമാക്കി കുടുംബശ്രീ ജില്ലാമിഷന്‍. കട്ടപ്പന ടൗണ്‍ഹാളില്‍ വച്ച് നടന്ന പരിപാടി ഭക്ഷ്യ സിവില്‍ സപ്ലൈസ് മന്ത്രി തിലോത്തമന്‍ ഉദ്ഘാടനം ചെയ്തു. കുടുംബശ്രീ നേതൃത്വം നല്‍കുന്ന സ്ത്രീ പദവി സ്വയം പഠന പ്രക്രിയയുടെ രണ്ടാം ഘട്ട ഉദ്ഘാടനം വേദിയില്‍ വച്ച് ജോയ്‌സ് ജോര്‍ജ് എം.പി. നിര്‍വ്വഹിച്ചു. ലിംഗപദവി സമത്വവും നീതിയും പുസ്തക പ്രകാശനം റോഷി അഗസ്റ്റിന്‍ എം.എല്‍.എ. നിര്‍വ്വഹിച്ചു.   

കാരിക്കോട് ജില്ലാ ആയുര്‍വേദ ആശുപത്രിയുടെ പുതിയ പേ വാര്‍ഡ് ബ്ലോക്കിന്റെ ഉദ്ഘാടനം തൊടുപുഴ എം എല്‍ എ പി ജെ ജോസഫിന്റെ അദ്ധ്യക്ഷതയില്‍ വൈദ്യുതി വകുപ്പ് മന്ത്രി എം.എം മണി  നിര്‍വഹിച്ചു.  അന്യ സംസ്ഥാനങ്ങളില്‍ നിന്നുപോലും രോഗികള്‍ ചികിത്സ തേടി ജില്ലാ ആയുര്‍വേദ ആശുപത്രിയില്‍ എത്തുന്നത് ഇവിടത്തെ ആയുര്‍വേദ ചികിത്സയുടെ  പ്രാധാന്യം ചൂണ്ടിക്കാണിക്കുന്നതാണെന്നും ചരിത്രത്തില്‍ ആദ്യമായിട്ടാണ് ഒരു സര്‍ക്കാര്‍ ആശുപത്രിയില്‍ രണ്ട് ഫാര്‍മസികള്‍ പ്രവര്‍ത്തിക്കുന്നതെന്നും അത് നമുക്ക് അഭിമാനിക്കാവുന്ന ഒന്നാണെന്നും അദ്ദേഹം പറഞ്ഞു.