ലോകസഭാ തെരഞ്ഞെടുപ്പില്‍ ജനകീയ സംവിധാനത്തിലൂടെ വോട്ട്‌ ചെയ്യുന്നതിന്‌ കൂടുതല്‍ വോട്ടര്‍മാരെ ആകര്‍ഷിക്കുന്നതിനായി സ്വീപ്പ്‌ പ്രവര്‍ത്തനങ്ങള്‍ക്കായി ലോഗോ മത്സരം സംഘടിപ്പിക്കുന്നു. മികച്ച ലോഗോയ്‌ക്ക്‌ സമ്മാനം നല്‍കും. ജില്ലയിലെ സ്വീപ്പ്‌ ലോഗോ ആയി തിരഞ്ഞെടുക്കുകയും ചെയ്യും. താല്‍പര്യമുളളവര്‍ മാര്‍ച്ച്‌ 12 വൈകീട്ട്‌ 5 നകം dscothrissur@gmail.com. എന്ന ഇ-മെയില്‍ വിലാസത്തില്‍ അയ്‌ക്കണം. കൂടുതല്‍ വിവരങ്ങള്‍ക്ക്‌ ഫോണ്‍ : 9446461648.

ജില്ലയിലെ ഗ്രാമപഞ്ചായത്തുകളില്‍ കുടിവെളളം വിതരണം നടത്തുന്നതിന്‌ ടാങ്കര്‍ ലോറികളില്‍ / മറ്റു വാഹനങ്ങളില്‍ ജിപിഎസ്‌ സംവിധാനം ഘടിപ്പിക്കുന്നതിന്‌ ക്വട്ടേഷന്‍ ക്ഷണിച്ചു. കൂടുതല്‍ വിവരങ്ങള്‍ക്ക്‌ വെബ്‌ സൈറ്റ്‌ www.dop.lsgkerala.gov.in. . ഫോണ്‍ : 0487-2360616.

പ്രളയക്കെടുതിയില്‍ വീടുകള്‍ക്ക്‌ സംഭവിച്ച നാശനഷ്‌ടത്തിന്റെ തോത്‌ കണക്കാക്കിയതില്‍ ആക്ഷേപമുളളവരും നാശനഷ്‌ടം സംഭവിച്ച വീടുകളുടെ വിവരങ്ങള്‍ ശേഖരിച്ച്‌ അപ്പീല്‍ അപേക്ഷകളില്‍ പരിശോധന നടത്തുന്നതിന്‌ കേന്ദ്ര / സംസ്ഥാന / അര്‍ദ്ധ സര്‍ക്കാര്‍ സര്‍വീസില്‍ നിന്നും വിരമിച്ച സിവില്‍ എഞ്ചിനീയര്‍മാരെ കരാര്‍ വ്യവസ്ഥയില്‍ നിയമിക്കുന്നു. പ്രതിദിനം 1500 രൂപ വേതനം ലഭിക്കും. താല്‍പര്യമുളളവര്‍ വിരമിച്ച സമയത്തെ ഔദ്യോഗിക മേല്‍വിലാസം, മൊബൈല്‍ നമ്പര്‍ സഹിതം അപേക്ഷ മാര്‍ച്ച്‌ 11 കം ജില്ലാ കളക്‌ടറേറ്റില്‍ നേരിട്ടോ jsdmtsr.ker@nic.in. എന്ന ഇ-മെയില്‍ വിലാസത്തിലോ നല്‍കണം.

കര്‍ഷകര്‍ അതതുസമയങ്ങളില്‍ കൃഷിയിറക്കിയില്ലെങ്കില്‍ സര്‍ക്കാര്‍ ആനുകൂല്യങ്ങള്‍ ലഭിക്കില്ലെന്ന്‌ കൃഷി വകുപ്പ്‌ മന്ത്രി അഡ്വ. വി എസ്‌ സുനില്‍കുമാര്‍ പറഞ്ഞു. അനുയോജ്യമല്ലാത്ത സമയങ്ങളില്‍ കൃഷി ചെയ്യുന്നത്‌ വിളകളെയും ഉല്‍പ്പാദനത്തെയും ബാധിക്കുമെന്നും അദ്ദേഹം കൂട്ടിച്ചേര്‍ത്തു. മണ്ണുപര്യവേക്ഷണ മണ്ണുസംരക്ഷണ വകുപ്പിന്റെ കീഴില്‍ അന്തിക്കാട്‌ ബ്ലോക്കിലെ താന്ന്യം, അന്തിക്കാട്‌ പഞ്ചായത്തുകളില്‍ ഉള്‍പ്പെടുന്ന മാത്തുതോട്‌ സംരക്ഷണപദ്ധതി ഉദ്‌ഘാടനംചെയ്‌തു സംസാരിക്കുകയായിരുന്നു അദ്ദേഹം.

വേനല്‍ കടുത്തതോടെ കുടിവെള്ള വിതരണ സംരക്ഷണത്തിനും കാര്യക്ഷമമായ വിതരണത്തിനും തൃശൂര്‍ വാട്ടര്‍ അതോറിറ്റി നടപടികള്‍ ആരംഭിച്ചു. ശുദ്ധജലം അനധികൃതമായി ഉപയോഗിക്കുന്നവര്‍ക്കെതിരെ പിഴ ചുമത്തിയും കര്‍ശന നടപടികളാണ്‌ വാട്ടര്‍ അതോറിറ്റി കൈക്കൊണ്ടിട്ടുള്ളത്‌. ജലസ്രോതസ്സുകള്‍ മാലിന്യമുക്തമായി സംരക്ഷിക്കുക, പദ്ധതികളുടെ അനുബന്ധ ഘടകങ്ങള്‍ പ്രവര്‍ത്തന സജ്ജമാക്കുക, പകരം സംവിധാനങ്ങളില്‍ അറ്റകുറ്റപ്പണികള്‍ പൂര്‍ത്തിയാക്കുക എന്നിങ്ങനെയാണ്‌ കരുതല്‍ നടപടി ക്രമങ്ങള്‍.

വോര്‍ക്കാടി ഗ്രാമ പഞ്ചായത്തിലെ ഹരിതകര്‍മസേനയുടെ ഉദ്ഘാടനവും യൂണിഫോം വിതരണവും  നാളെ(10) രാവിലെ പത്തിന് റവന്യൂ  വകുപ്പ് മന്ത്രി ഇ .ചന്ദ്രശേഖരന്‍ നിര്‍വഹിക്കും .വോര്‍ക്കാടി ഗ്രാമ പഞ്ചായത്ത് പ്രസിഡണ്ട് വി.അബ്ദുല്‍ മജീദ് അധ്യക്ഷത വഹിക്കും . ഉദ്ഘടനത്തോടനുബന്ധിച്ചു രാവിലെ  ഒന്‍പതിന് വിളംബരജാഥ നടക്കും. 

ജില്ലാ എംപ്ലോയ്‌മെന്റ് എക്‌സ്‌ചേഞ്ചിനു കീഴിലുള്ള എംപ്ലോയബിലിറ്റി സെന്ററില്‍   മാര്‍ച്ച് 11 ന് രാവിലെ പത്തിന് വനിതകള്‍ക്ക് ഷോറൂം ഹോസ്റ്റസ,് കസ്റ്റമര്‍ റിലേഷന്‍ എക്‌സിക്യൂട്ടീവ്  എന്നീ തസ്തികകളിലേക്കും  പുരുഷന്‍മാര്‍ക്ക് ടീം ലീഡര്‍, സെയില്‍സ്ഓഫീസര്‍ എന്നീ തസ്തികകളിലേക്കും അഭിമുഖം നടത്തുന്നു.

നീലേശ്വരം നഗരസഭയിലെ 2017 നവംബര്‍ മുതല്‍ 2018 ജൂണ്‍ വരെയുള്ള എട്ട് മാസത്തെ തൊഴില്‍ രഹിത വേതനം മാര്‍ച്ച് 12,13 തീയ്യതികളില്‍ രാവിലെ 10 മുതല്‍ വൈകീട്ട് 3.30  വരെ നഗരസഭാ ഓഫീസില്‍ നിന്ന്് വിതരണം ചെയ്യും.ഗുണഭോക്താക്കള്‍ വരുമാന സര്‍ട്ടിഫിക്കറ്റ് (12000- രൂപ വരെയുള്ളവര്‍ക്ക് മാത്രം), എംപ്ലോയ്‌മെന്റ് രജിസ്‌ട്രേഷന്‍ കാര്‍ഡ് എസ്.എസ്.എല്‍.സി ബുക്ക്, തൊഴില്‍ രഹിത വേതന വിതരണ കാര്‍ഡ്, റേഷന്‍കാര്‍ഡ് എന്നിവയുടെ അസല്‍ സഹിതം നേരിട്ട് ഹാജരായി വേതനം കൈപ്പറ്റണമെന്ന് നഗരസഭാ സെക്രട്ടറി അറിയിച്ചു.

ജില്ലാ സൈനിക ക്ഷേമ വകുപ്പിന്റെ ആഭിമുഖ്യത്തില്‍ അടുത്ത സാമ്പത്തിക വര്‍ഷത്തില്‍ കെല്‍ട്രോണ്‍ മുഖേന കാസര്‍കോട് നടത്തുന്ന  മൂന്നു മാസം മുതല്‍   ആറു  മാസം വരെയുള്ള ഡിസിഎ, ഡിടിപി, വേഡ് പ്രോസസിംഗ് ആന്റ് ഡാറ്റാ എന്‍ട്രി, ഹാര്‍ഡ് വേയര്‍ ആന്റ് നെറ്റ് വര്‍ക്കിംഗ് മെയിന്റേനന്‍സ്, ടാലി ആന്റ് എം എസ് ഓഫീസ്, ഫയര്‍ സെഫ്റ്റി, ഹെല്‍ത്ത് കെയര്‍ ആന്റ് ഡാറ്റാ മാനേജ്‌മെന്റ് എന്നീ  സൗജന്യ കോഴ്‌സുകളിലേക്ക് വിമുക്ത ഭടന്മാര്‍, വിധവകള്‍, ആശ്രിതര്‍ എന്നിവരില്‍ നിന്നും അപേക്ഷ ക്ഷണിച്ചു. താല്പര്യമുള്ളവര്‍ മാര്‍ച്ച് 15 നകം ബന്ധപെട്ട രേഖകളുമായി ജില്ലാ സൈനിക ക്ഷേമ ഓഫീസര്‍ക്ക് അപേക്ഷ സമര്‍പ്പിക്കണം.

മാലിന്യം പൊതുസ്ഥലങ്ങളിലും ജലാശയങ്ങളിലും നിക്ഷേപിക്കുന്നതിനും കത്തിക്കുന്നതിനും എതിരെ പൊതുജനങ്ങള്‍ക്ക് പരാതി നല്‍കുന്നതിനുള്ള 'വാട്‌സാപ്പ്' പരാതി പരിഹാര സംവിധാനം പ്രകാരം ലഭിച്ച 59 പരാതികള്‍ 28 എണ്ണം ബന്ധപ്പെട്ട തദ്ദേശസ്വയംഭരണ സ്ഥാപനങ്ങള്‍ മുഖേന പരിഹാരം കണ്ടെത്തി. മറ്റുള്ള പരാതികള്‍ അടിയന്തരമായി പരിശോധിച്ച് നടപടി എടുക്കുന്നതിന് ബന്ധപ്പെട്ട തദ്ദേശസ്വയംഭരണ സെക്രട്ടറിമാര്‍ക്ക് ജില്ലാ കളക്ടര്‍ ഡോ.ഡി സജിത്ത് ബാബു നിര്‍ദേശം നല്‍കി. 2018 ഒക്‌ടോബര്‍ 12  ന് ആണ് ജില്ലാഭരണകൂടം 'വാട്‌സാപ്പ്'  പരാതി പരിഹാര സംവിധാനം ആരംഭിച്ചത്.