നാഷണല്‍ ലീഗല്‍ സര്‍വ്വീസസ് അതോറിറ്റി, കേരള സ്റ്റേറ്റ് ലീഗല്‍ സര്‍വ്വീസസ് അതോറിറ്റിയുടെയും ആഭിമുഖ്യത്തില്‍ മാര്‍ച്ച് ഒമ്പതിന് അതത് കോടതികളില്‍ നാഷണല്‍ ലോക് അദാലത്ത് നടക്കുന്നു. നിലവില്‍ കോടതികളില്‍ തീര്‍പ്പാക്കാത കിടക്കുന്ന സിവില്‍ കേസുകളും നിയമപരമായി തീരാവുന്ന ക്രിമിനല്‍ കേസുകളാണ് അദാലത്തില്‍ പരിഗണിക്കുക. കേസുകള്‍ നിലവിലുള്ള കോടതികളില്‍ അപേക്ഷിക്കുന്ന പക്ഷം അദാലത്തില്‍ പങ്കെടുക്കുന്നതാണ്. അദാലത്തില്‍ കേസുകള്‍ തീര്‍പ്പാകുന്ന പക്ഷം മുഴുവന്‍ കോര്‍ട്ട് ഫീസും തിരികെ ലഭിക്കും. അദാലത്തിലെ അവാര്‍ഡുകള്‍ അന്തിമസ്വഭാവമുള്ളതും സിവില്‍ കോടതികളിലൂടെ നടത്തിയെടുക്കാനും കഴിയും.

  
    
    പാലക്കാട് വ്യാവസായിക ട്രൈബൂണലും ഇന്‍ഷൂറന്‍സ് കോടതി ജഡ്ജിയും എംപ്ലോയീസ് കോമ്പന്‍സേഷന്‍ കമ്മീഷണറുമായ സാബു സെബാസ്റ്റന്‍ മാര്‍ച്ച് 11,12,18,19,25,26 തിയതികളില്‍ പാലക്കാട് പി.ഡബ്ല്യൂ.ഡി. റസ്റ്റ് ഹൗസില്‍ വിവിധ കേസുകള്‍ വിചാരണ ചെയ്യും. മാര്‍ച്ച് 15, 22, 29 തിയതികളില്‍ മഞ്ചേരി ഇന്ദിരാഗാന്ധി ബസ് ടെര്‍മിനല്‍ ബില്‍ഡിംങിലെ ഒന്നാം നിലില്‍ പ്രവര്‍ത്തിക്കുന്ന കോടതി ഹാളിലും തൊഴില്‍ തര്‍ക്ക കേസ്, ഇന്‍ഷൂറന്‍സ് കേസ്, എംപ്ലോയിസ് കോമ്പന്‍സേഷന്‍ കേസുകളും വിചാരണ ചെയ്യുമെന്ന് വ്യാനസായിക ട്രൈബ്യൂണല്‍ സെക്രട്ടറി അറിയിച്ചു. 

    ജില്ലയില്‍ പാരാലീഗല്‍ വളണ്ടിയേഴ്സിനായി അഗ്നിശമന സേനാ വിഭാഗത്തിന്‍റെ നേതൃത്വത്തില്‍ മൂന്നാംഘട്ട പരിശീലനം  മാര്‍ച്ച് 11 ന് രാവിലെ 10 ന് നടക്കും. അഗ്നിശമന സേനാ കാര്യാലയത്തില്‍ നടക്കുന്ന പരിശീലനത്തില്‍ ഒന്ന്-രണ്ട് ഘട്ടങ്ങളില്‍  പങ്കെടുത്തവരാണ് പങ്കെടുക്കുക.

    മെഡികെയേഴ്സ്, നെഹ്റു യുവകേന്ദ്ര, സേവക് സൊസൈറ്റി എന്നിവയുടെ ആഭിമുഖ്യത്തില്‍ കൊടുക്കപ്പാറ കുടുംബാരോഗ്യ കേന്ദ്രത്തില്‍ നടന്ന സൗജന്യ മെഡിക്കല്‍  ക്യാമ്പ്  കൊല്ലങ്കോട് ഗ്രാമപഞ്ചായത്ത് പ്രസിഡന്‍റ് ശാലിനി കരുപ്പേഷ് ഉദ്ഘാടനം ചെയ്തു.  കൊല്ലങ്കോട് ഗ്രാമപഞ്ചായത്ത് വൈസ് പ്രസിഡന്‍റ് കെ.കൃഷ്ണന്‍കുട്ടി അധ്യക്ഷനായി. ആരോഗ്യ സ്റ്റാന്‍റിങ് കമ്മിറ്റി ചെയര്‍പേഴ്സന്‍ രാജേശ്വരി, വാര്‍ഡ് അംഗം കെ.ഷണ്‍മുഖന്‍, നെഹ്റു യുവകേന്ദ്ര ജില്ലാ കോഡിനേറ്റര്‍ എം.അനില്‍കുമാര്‍, ഡോ.ലീന റാണി, ഹെല്‍ത്ത് ഇന്‍സ്പെക്ടര്‍ പി.വി.സാജന്‍, സേവക് പ്രൊജക്ട് മാനേജര്‍ എം.സജിന എന്നിവര്‍ സംസാരിച്ചു. 
 

    മലമ്പുഴ വനിതാ ഐ.ടി.ഐയില്‍ അരിതമറ്റിക്ക്-കം-ഡ്രോയിങ് ട്രേഡില്‍ ഗസ്റ്റ് ഇന്‍സ്ട്രക്ടര്‍ ഒഴിവുണ്ട്. ഏതെങ്കിലും ബ്രാഞ്ചില്‍ എഞ്ചിനീയറിങ് ഡിപ്ലോമ അഥവാ എഞ്ചിനീയറിങ് ഡിഗ്രിയാണ് യോഗ്യത. താല്‍പര്യമുള്ളവര്‍ മാര്‍ച്ച് 11 ന് രാവിലെ 11 ന് അസല്‍ സര്‍ട്ടിഫിക്കറ്റുകളുമായി അഭിമുഖത്തിന് എത്തണമെന്ന് പ്രിന്‍സിപ്പല്‍ അറിയിച്ചു. ഫോണ്‍: 0491- 2815181