തൃക്കലങ്ങോട് ഗ്രാമ പഞ്ചായത്തിലെ കുതിരാടം തച്ചാണിപ്പറമ്പിലും വേങ്ങര പോസ്റ്റാഫീസിലും പള്ളിക്കല്‍ ഗ്രാമ പഞ്ചായത്തിലെ വനിതാ വ്യവസായ എസ്റ്റേറ്റിലും  ചേലേമ്പ്ര ഗ്രാമ പഞ്ചായത്തിലെ കരങ്ങാട്ട് അങ്കണവാടിയിലും  കുഴല്‍ കിണര്‍ നിര്‍മ്മിക്കുന്നതിന് ദര്‍ഘാസ് ക്ഷണിച്ചു.  ദര്‍ഘാസ്  മാര്‍ച്ച് 14ന് വൈകുന്നേരം മൂന്നിനകം ജില്ലാ ഓഫീസ്,  ഭൂജല വകുപ്പ്, മലപ്പുറം എന്ന വിലാസത്തില്‍ ലഭിക്കണം.  ഫോണ്‍ 0483 2731450.

മേലാറ്റൂര്‍ 110 കെ.വി സബ്‌സ്റ്റേഷനില്‍ അറ്റകുറ്റപണി നടക്കുന്നതിനാല്‍ മാര്‍ച്ച് ഒമ്പത്, 10 തീയ്യതികളില്‍ രാവിലെ ഏഴ് മുതല്‍ വൈകുന്നേരം ആറ് വരെ സബ് സ്റ്റേഷനില്‍ നിന്നുള്ള വൈദ്യുതി വിതരണം തടസ്സപ്പെടും.

താഴെക്കോട് വനിതാ ഗവ. ഐ.ടി.ഐയില്‍ എംപ്ലോയബിലിറ്റി സ്‌കില്‍ ഗസ്റ്റ് ഇന്‍സ്ട്രക്ടറെ നിയമിക്കുന്നു.  രണ്ട് വര്‍ഷം പ്രവൃത്തി പരിചയമുള്ള എം.ബി.എ അല്ലെങ്കില്‍ ബി.ബി.എ/സോഷ്യോളജി, സോഷ്യല്‍ വെല്‍ഫയര്‍, എക്കണോമിക്‌സ് എന്നിവയിലുള്ള ബിരുദവും രണ്ട് വര്‍ഷത്തെ പ്രവൃത്തി പരിചയവും ഉള്ളവര്‍ക്ക് അപേക്ഷിക്കാം. താത്പര്യമുള്ളവര്‍ അസ്സല്‍ രേഖകള്‍ സഹിതം മാര്‍ച്ച് 14ന് രാവിലെ 10.30ന് ഐ.ടി.ഐയില്‍ കൂടിക്കാഴ്ചക്ക് എത്തണം.  ഫോണ്‍ 04933 250700.

പട്ടികജാതി വികസന വകുപ്പിന്റെ പോസ്റ്റ് മെട്രിക് വിദ്യാഭ്യാസ ആനുകൂല്യ പദ്ധതിയായ ഇ-ഗ്രാന്റ്‌സ,് 20182019 അധ്യയന വര്‍ഷം തന്നെ വിതരണം ചെയ്യുന്നതിനായി എല്ലാ ഹയര്‍ സെക്കന്‍ഡറി/വൊക്കേഷനല്‍ ഹയര്‍സെക്കന്‍ഡറി സ്‌കൂളുകള്‍, കോളജ്, പ്രൊഫഷനല്‍ കോളേജുകള്‍ എന്നിവിടങ്ങളിലെ  അര്‍ഹരായ മുഴുവന്‍ വിദ്യാര്‍ത്ഥികളുടെയും അപേക്ഷകള്‍ അനുബന്ധ രേഖകള്‍ സഹിതം സ്ഥാപന മേധാവികള്‍  മാര്‍ച്ച് 15നകം ജില്ലാ പട്ടികജാതി വികസന ഓഫീസില്‍ എത്തിക്കണം.  അനുമതി ഉത്തരവ് ലഭിച്ച എല്ലാ എസ്.സി, ഒ.ഇ.സി, ഒ.ബി.സി, ജനറല്‍ വിഭാഗം വിദ്യാര്‍ത്ഥികളുടെയും പ്രതിമാസ സ്‌റ്റൈപന്റ് സ്റ്റേറ്റ്‌മെന്‌റുകളും  ആനുകൂല്യ വിതരണത്തിനായി അയക്കണം.

ജില്ലയില്‍ പി.ഡബ്ല്യൂ.ഡി റോഡ്‌സ് വിഭാഗം പെരിന്തല്‍മണ്ണ, മഞ്ചേരി, തിരൂര്‍, പൊന്നാനി എന്നിവിടങ്ങളില്‍ 19 കി. മീറ്റര്‍ റോഡ് റീ ടാറിങിനായി 22874 കെ.ജി പ്ലാസ്റ്റിക് ഉപയോഗിച്ചിട്ടുണ്ടെന്ന് പി.ഡബ്ല്യു.ഡി എക്‌സിക്യൂട്ടീവ് എഞ്ചിനീയര്‍ അറിയിച്ചു.

താലൂക്ക് സപ്ലൈ ഓഫീസില്‍ അപേക്ഷ നല്‍കണം
പുതുതായി വിതരണം ചെയ്തതില്‍ പൊതുവിഭാഗം റേഷന്‍ കാര്‍ഡ് ലഭിച്ചവര്‍ മുന്‍ഗണനാ കാര്‍ഡ് ലഭിക്കുന്നതിനായി താലൂക്ക് സപ്ലൈ ഓഫീസില്‍ സര്‍ക്കാര്‍ നിശ്ചയിച്ചിട്ടുള്ള മാനദണ്ഡങ്ങള്‍ പ്രകാരമുള്ള രേഖകള്‍ സഹിതം അപേക്ഷ നല്‍കണം. ജില്ലാ സപ്ലൈ ഓഫീസിലൊ കലക്ടറേറ്റില്‍ അപേക്ഷ നല്‍കേണ്ടതില്ലെന്ന് ജില്ലാ സപ്ലൈ ഓഫീസര്‍ അറിയിച്ചു.

ജില്ലയിലെ പാതയോരങ്ങളിലും പൊതു ഇടങ്ങളിലും അനധികൃതമായി സ്ഥാപിച്ചിട്ടുള്ള പരസ്യ ബോര്‍ഡുകള്‍, ബാനറുകള്‍, കൊടികള്‍, ഹോള്‍ഡിങുകള്‍ മുതലായവ അടിയന്തിരമായി എടുത്തുമാറ്റുന്നതിന് ഹൈക്കോടതി ഉത്തരവായിട്ടുണ്ട്.  അല്ലാത്തപക്ഷം കോടതി വിധിയുടെ അടിസ്ഥാനത്തില്‍ അതത് തദ്ദേശ സ്വയംഭരണ സ്ഥാനങ്ങള്‍ കര്‍ശന നടപടികള്‍ സ്വീകരിക്കുമെന്ന് ജില്ലാതല നോഡല്‍ ഓഫീസറായ പഞ്ചായത്ത് ഡെപ്യൂട്ടി ഡയറക്ടര്‍ അറിയിച്ചു.   ഇതുമായി ബന്ധപ്പെട്ട പരാതികള്‍ക്കായി പൊതുജനങ്ങള്‍ക്ക് നോഡല്‍ ഓഫീസറുമായോ വിവിധ മേഖലകളിലെ സെക്ടല്‍ ഓഫീസര്‍മാരുമായോ ബന്ധപ്പെടാം. ഇ-മെയില്‍ ddpmlpmd9@gmail.com,  ഫോണ്‍ 9496047780.

മഞ്ചേരി പോസ്റ്റല്‍ ഡിവിഷന്‍ തപാല്‍ അദാലത്ത് മാര്‍ച്ച് 19 രാവിലെ 11ന് മഞ്ചേരിയിലെ പോസ്റ്റല്‍ സൂപ്രണ്ട് ഓഫീസില്‍ നടക്കും. കൗണ്ടര്‍ സര്‍വീസ്, സേവിങ്‌സ് ബാങ്ക്, മണി ഓര്‍ഡര്‍ തുടങ്ങിയ തപാല്‍ സേവനങ്ങളുമായി ബന്ധപ്പെട്ടുള്ള പരാതികള്‍ അദാലത്തില്‍ പരിഗണിക്കും. പരാതികള്‍ മാര്‍ച്ച് 15 നകം കെ.പി സുരേഷ്‌കുമാര്‍, സൂപ്രണ്ട് ഓഫ് പോസ്റ്റ് ഓഫീസ്, മഞ്ചേരി ഡിവിഷന്‍, മഞ്ചേരി-676121 എന്ന വിലാസത്തില്‍ ലഭിക്കണം. കവറിന് മുകളില്‍ ഡിവിഷനല്‍ പോസ്റ്റല്‍ അദാലത്ത്-മാര്‍ച്ച് 2019 എന്ന് നിര്‍ബന്ധമായും രേഖപ്പെടുത്തണം. ഫോണ്‍-0483-2766840

ആധാരത്തില്‍ യഥാര്‍ത്ഥ വില കാണിക്കാത്തതിന് നടപടികള്‍ക്ക് വിധേയമായ  കേസുകളില്‍ തിരൂരങ്ങാടി, മോങ്ങം സബ് രജിസ്ട്രാര്‍ ഓഫീസുകളില്‍ അദാലത്ത് സംഘടിപ്പിക്കുന്നു. തിരൂരങ്ങാടിയില്‍ മാര്‍ച്ച് 12 നും മോങ്ങം സബ് രജിസ്ട്രാര്‍ ഓഫീസില്‍  മാര്‍ച്ച് 21 നും  അദാലത്ത് നടക്കും. രജിസ്‌ട്രേഷന്‍ വകുപ്പ് നടപ്പിലാക്കുന്ന ഒറ്റത്തവണ പദ്ധതി പ്രകാരം കുറവ് ഫീസ് മുഴുവനായും ഒഴിവാക്കി കുറവ് മുദ്രയുടെ 30 ശതമാനം മാത്രം അടച്ച് ഫയല്‍ തീര്‍പ്പാക്കാനും ജപ്തി നടപടികളില്‍ നിന്ന് ഒഴിവാകാനുമുള്ള ഈ അവസരം പ്രയോജനപ്പെടുത്തണമെന്ന് തിരൂരങ്ങാടി, മോങ്ങം സബ് രജിസ്ട്രാര്‍മാര്‍ അറിയിച്ചു.