കാലിക്കറ്റ് സര്‍വകലാശാലയില്‍ ഏഴു കോടി രൂപ ചെലവഴിച്ച് അത്യാധുനിക സൗകര്യങ്ങളോടെ നിര്‍മ്മിച്ച ഗോള്‍ഡന്‍ ജൂബിലി അക്വാറ്റിക് കോംപ്ലക്‌സ് ഇന്ന് (ഫെബ്രുവരി 20) രാവിലെ 10ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.  അന്തര്‍ദേശീയ നിലവാരമുള്ള 50 മീറ്റര്‍ സ്വിമ്മിങ് പൂള്‍, 25 മീറ്റര്‍ പരിശീലന പൂള്‍, ചേഞ്ചിംഗ് റൂം, ജലശുചീകരണ പ്ലാന്റ് എന്നിവ അടങ്ങുന്നതാണ് അക്വാറ്റിക് കോംപ്ലകസ്. മികച്ച കായിക സര്‍വകലാശാലക്ക് യു.ജി.സി അനുവദിച്ച 233 ലക്ഷം രൂപയും, സ്റ്റേറ്റ് പ്ലാന്‍ ഫണ്ടില്‍ നിന്ന് 467 ലക്ഷം രൂപയും വിനിയോഗിച്ചാണ് മൂന്ന് വര്‍ഷം കൊണ്ട് നിര്‍മ്മാണം പൂര്‍ത്തിയാക്കിയത്.

ജനകീയ സര്‍ക്കാര്‍ വിജയകരമായ ആയിരം ദിനങ്ങള്‍ പൂര്‍ത്തിയാക്കുന്നതിന്റെ ഭാഗമായി മികവ്-ആയിരം ദിനങ്ങള്‍ എന്ന പേരില്‍ സംഘടിപ്പിക്കുന്ന ജില്ലാതല ആഘോഷങ്ങള്‍ക്ക് ഇന്ന്(ഫെബ്രുവരി 20) മുതല്‍ ഏഴ് ദിവസം വരെ തിരൂര്‍ വേദിയാകും. തിരൂര്‍ നഗരസഭ സാംസ്‌കാരിക സമുച്ചയത്തില്‍ ഏഴ് ദിവസം നീളുന്ന  പരിപാടിയ്ക്ക് വൈകീട്ട് മൂന്നിന് ആരംഭിക്കുന്ന സാംസ്‌കാരിക ഘോഷയാത്രയോടു കൂടി തുടക്കമാവും. താഴെപാലം  സ്റ്റേഡിയത്തില്‍ നിന്നും തുടങ്ങി സാംസ്‌കാരിക സമുച്ചയത്തില്‍ അവസാനിക്കുന്ന വിളംബര ഘോഷയാത്രയില്‍ ജില്ലയുടെ സാംസ്‌കാരിക കലാപൈതൃകം വിളിച്ചോതുന്ന കളരിപ്പയറ്റ്, നിശ്ചലദൃശ്യങ്ങള്‍ എന്നിവ ഉണ്ടാവും.

ആലപ്പുഴ: കോംപ്രിഹെൻസീവ് മെന്റൽ  ഹെൽത്ത് പ്രോഗ്രാമിന്റെ ഭാഗമായി ജില്ലയിൽ എഴുപുന്ന ഗ്രാമ പഞ്ചായത്തിൽ പ്രവർത്തിക്കുന്ന പകൽവീട് പദ്ധതിയിലേക്ക് 2019 ഏപ്രിൽ മുതൽ ഒരു വർഷത്തേക്ക് (പരമാവധി 60 രോഗികൾക്ക്) രാവിലെയും വൈകുന്നേരവും ചായയും ലഘു ഭക്ഷണവും നൽകുന്നതിന് താല്പര്യമുള്ള വ്യക്തികൾ, ഹോട്ടലുകൾ, കുടുംബശ്രീ എന്നിവരിൽനിന്ന് ടെൻഡറുകൾ ക്ഷണിച്ചു. ടെൻഡർ 23ന് വൈകുന്നേരം 4 മണിവരെ സ്വീകരിക്കും. 25ന് ഉച്ചയ്ക്ക് 12 മണിക്ക് തുറക്കും. നോഡൽ ഓഫീസർ, ജില്ലാ മാനസിക ആരോഗ്യപരിപാടി, ആലപ്പുഴ എന്ന വിലാസത്തിൽ ബന്ധപ്പെടണം. ഫോൺ: 04792344474.

ആലപ്പുഴ: ചെങ്ങന്നൂർ പാസ്പോർട്ട് സേവാകേന്ദ്രം ഫെബ്രുവരി 9, ഫെബ്രുവരി 16 എന്നീ ശനിയാഴ്ചകളിൽ തുറന്ന് പ്രവർത്തിക്കുമെന്ന് റീജ്യണൽ പാസ്പോർട്ട് ഓഫീസർ അറിയിച്ചു. അപേക്ഷാർത്ഥികളുടെ സൗകര്യാർത്ഥമാണിത്. ഈ ദിവസങ്ങളിലേക്കുള്ള അപ്പോയിന്റ്മെന്റ്www.passportindia.gov.inഎന്ന വെബ്സൈറ്റിലൂടെയും, mPassportSeva എന്ന മൊബൈൽ ആപ്ലിക്കേഷനിലൂടെയും ഓൺലൈനായി ബുക്ക് ചെയ്യാവുന്നതാണ്.പാസ്പോർട്ട്ഓഫീസ് എന്നയിടത്ത് RPO COCHIN എന്ന് സെലക്ട് ചെയ്താണ് ബുക്കിങ്ങ് നടത്തേണ്ടത്.

ആലപ്പുഴ: സർക്കാർസ്ഥാപനമായ കേൽട്രോണിന്റെ വഴുതക്കാടുള്ള നോളഡ്ജ്‌സെന്ററിൽ തൊഴിലധിഷ്ഠിത കോഴ്‌സുകളിലേക്കുളള അപേക്ഷ ക്ഷണിച്ചു. അഡ്വാൻസ്ഡ് ഡിപ്ലോമ ഇൻ മീഡിയാഡിസൈനിങ് ആന്റ് ഡിജിറ്റൽ ഫിലിംമെക്കിംഗ്, ഡിപ്ലോമ ഇൻ ഹാർഡ്‌വെയർ& നെറ്റ്‌വർക്ക്‌മെയ്‌ന്‌റനൻസ് വിത്ത് ഇഗാഡ്ജറ്റ് ടെക്‌നോളോജിസ് , വെബ് ഡിസൈൻ &ഡെവലപ്‌മെന്‌റസ്, മെഷീൻ ലേണിങ് ആർട്ടിഫിഷ്യൽ ഇന്റലിജൻസ്, ബ്ലോക്ക്‌ചെയിൻ, ഐ.ഓ.ടി,പൈത്തൺ, ജാവ, നെറ്റ്, പി.എച്ച്.പി എന്നിവയാണ്‌കോഴ്‌സുകൾ. വിദ്യാഭ്യാസയോഗ്യത: എസ്.എസ്.എൽ.സി, പ്ലസ്ടു/ ഡിപ്ലോമ/ ഡിഗ്രി. വിശദവിവരങ്ങൾക്ക് : 04712325154/4016555.

ആലപ്പുഴ  :  സംസ്ഥാന സർക്കാരിന്റെ 1000 ദിനാഘോഷ പരിപാടികൾ ആലപ്പുഴ  നിയമസഭാ മണ്ഡലത്തിൽ വിപുലമായി സംഘടിപ്പിക്കാൻ തീരുമാനിച്ചു. സബ് കളക്ടർ വി. ആർ. കൃഷ്ണ തേജയുടെ  അധ്യക്ഷതയിൽ ചേർന്ന യോഗത്തിൽ എ ഡി സി. ജനറൽ ഡി.  ഷിൻസ് വിഷയാവതരണം നടത്തി.   മൂന്നു ദിവസം നീണ്ടു നിൽക്കുന്ന പ്രദർശനം, സെമിനാർ, വിവിധ പദ്ധതികളുടെ ഉദ്ഘാടനം എന്നിവ ജനകീയ പങ്കാളിത്തത്തോടെ നടത്താൻ യോഗത്തിൽ തീരുമാനിച്ചു. 'വാഗ്ദാനങ്ങൾ പാലിച്ച  ആയിരം ദിനം, ആയിരം പദ്ധതികൾ,  പതിനായിരം കോടി രൂപയുടെ വികസനം' എന്നതാണ് പരിപാടിയുടെ സന്ദേശം. സംഘാടകസമിതി ചെയർമാനായി ധനകാര്യ,കയർ വകുപ്പ് മന്ത്രി ടി. എം.

ആലപ്പുഴ: കേരള പുനർനിർമാണത്തിന്റെ ഭാഗമായി റീ ബിൽഡ് കേരളയിൽ ഉൾപ്പെട്ട ഗുണഭോക്താക്കളുടെ ആനുകൂല്യ വിതരണം എത്രയും വേഗം പൂർത്തിയാക്കാൻ ജില്ലാ കളക്ടറുടെ കർശന നിർദ്ദേശം. കളക്ടർ എസ്.സുഹാസ് ചേർത്തല, കുട്ടനാട് താലൂക്കുകളിലെ പ്രളയാനന്തര ആനുകൂല്യ വിതരണം സംബന്ധിച്ച് വിളിച്ചുചേർത്ത തദ്ദേശ സ്വയഭരണ പ്രതിനിധികളുടെയും ഉദ്യോഗസ്ഥരുടെയും യോഗത്തിൽ സംസാരിക്കുകയായിരുന്നു അദ്ദേഹം.