* ഒന്നര ലക്ഷത്തിലേറെ ഗുണഭോക്താക്കൾക്ക് പദ്ധതിയുടെ പ്രയോജനം

* തദ്ദേശ സ്ഥാപനങ്ങളുടെ പിന്തുണയോടെ കുടുംബശ്രീ നടപ്പാക്കുന്ന പദ്ധതി

സമൂഹത്തിലെ അശരണരും നിരാലംബരുമായവർക്ക് സാമൂഹ്യാധിഷ്ഠിത സംവിധാനത്തിലൂടെ സേവനങ്ങൾ ലഭ്യമാക്കി അവരെ സമൂഹത്തിന്റെ മുഖ്യധാരയിലേക്ക് കൊണ്ടു വരുന്നതിനായി ആവിഷ്‌ക്കരിച്ച അഗതിരഹിത കേരളം പദ്ധതി പ്രവർത്തനങ്ങൾക്ക് തുടക്കം കുറിക്കുന്നു.  സംസ്ഥാന സർക്കാർ കുടുംബശ്രീ മുഖേന ആവിഷ്‌ക്കരിച്ച് തദ്ദേശ സ്വയംഭരണ സ്ഥാപനങ്ങളുടെ സഹകരണത്തോടെ നടപ്പാക്കി വരുന്ന പദ്ധതിയാണിത്. 

പുനരുദ്ധരിച്ച കാസര്‍കോട്- കാഞ്ഞങ്ങാട് റോഡ് നാളെ(22) രാവിലെ 11ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. ലോക ബാങ്കിന്റെ സഹായത്തോടെ കെ.എസ്.ടി.പിയുടെ രണ്ടാം ഘട്ടത്തില്‍ ഉള്‍പ്പെടുത്തി പ്രവൃത്തി പൂര്‍ത്തികരിച്ച കാസര്‍കോട്, ഉദുമം കാഞ്ഞങ്ങാട് നിയോജക മണ്ഡലങ്ങളിലൂടെ കടന്നുപോകുന്ന റോഡാണ് ഇത്.
പൊതുമരാമത്ത് വകുപ്പ് മന്ത്രി ജി.സുധാകരന്‍ അധ്യക്ഷതവഹിക്കും.  റവന്യുമന്ത്രി ഇ.ചന്ദ്രശേഖരന്‍, പി.കരുണാകരന്‍ എം.പി, എംഎല്‍എമാരായ എന്‍.എ നെല്ലിക്കുന്ന്, കെ.കുഞ്ഞിരാമന്‍, എം.രാജഗോപാലന്‍ എന്നിവര്‍ വിശിഷ്ടാതിഥികളായിരിക്കും. 

 ജില്ലാതല ഉദ്ഘാടനം  പുലിക്കുന്നില്‍ 
 കെ.എസ്.ടി.പി റോഡും കാഞ്ഞങ്ങാട് ബസ് സ്റ്റാന്‍ഡും 
 മുഖ്യമന്ത്രി ഉദ്ഘാടനം ചെയ്യും

ജില്ലയില്‍ ഗവ.പ്രൈമറി വിദ്യാലയങ്ങളിലെ പ്രധാന അധ്യാപകരായി സ്ഥാനക്കയറ്റം ലഭിക്കുന്നതിന് അര്‍ഹരായ പ്രൈമറി അധ്യാപകരില്‍ നിന്നും അപേക്ഷ ക്ഷണിച്ചു.  1987 ഡിസംബര്‍ 31 മുതല്‍ 1997 ഡിസംബര്‍ 31 വരെയുള്ള സീനിയോറിറ്റി ലിസ്റ്റില്‍ റാങ്ക് നമ്പര്‍ 210 വരെയുള്ളവര്‍ക്ക് അപേക്ഷിക്കാം.  അവസാന തീയതി മാര്‍ച്ച് 15.

ജില്ലയില്‍ മൃഗസംരക്ഷണ വകുപ്പിന് കീഴില്‍ അറ്റന്റര്‍ നിയമനത്തിനുള്ള കൂടിക്കാഴ്ച ഫെബ്രുവരി 22 ന് രാവിലെ 10.30 ന് കല്‍പ്പറ്റ ജില്ലാ മൃഗസംരക്ഷണ ഓഫീസില്‍ നടക്കും. യോഗ്യത ഏഴാംതരം. 40 വയസ് കവിയരുത്. താല്‍പര്യമുള്ളവര്‍ ആധാര്‍, ഇലക്ഷന്‍ ഐ.ഡി, പാന്‍കാര്‍ഡ് എന്നിവയും ബയോഡാറ്റ, അസ്സല്‍ സര്‍ട്ടിഫിക്കറ്റുകളും പകര്‍പ്പുമായി ഹാജരാകണം.  ഫോണ്‍ 04936 202292.

എത്രത്തോളം കുഴിക്കുന്നുവോ അത്രത്തോളം കിട്ടുന്ന അക്ഷയ ഖനിയാണ് പൊന്നാനിയെന്നും പൊന്നാനിയുടെ മൂന്നാം വികസന ഘട്ടമാണ് ടൂറിസമെന്നും സ്പീക്കര്‍ പി. ശ്രീരാമകൃഷ്ണന്‍. കേരള സര്‍ക്കാരിന്റെ 1000 ദിന പൂര്‍ത്തീകരണ ആഘോഷങ്ങളുടെ ഭാഗമായി കര്‍മ്മ റിംഗ് റോഡ് ഉദ്ഘാടനം, കര്‍മ്മ റോഡ് സൗന്ദര്യവത്കരണ പ്രവൃത്തി ഉദ്ഘാടനം, നിള ഹെറിറ്റേജ് മ്യൂസിയം ക്യൂറേഷന്‍ പ്രവൃത്തികളുടെ ഉദ്ഘാടനം,  പൊന്നാനി സംഗീത ക്ലബുകളുടെ കൂട്ടായ്മയായ മെഹ്ഫില്‍ ഉദ്ഘാടനം, എന്നിവ  നിര്‍വഹിച്ച് സംസാരിക്കുകയായിരുന്നു അദ്ദേഹം.