സംസ്ഥാന സര്‍ക്കാരിന്റെ ആയിരം ദിനാഘോഷങ്ങളുടെ ഭാഗമായി വികസന കുതിപ്പുകളും നേട്ടങ്ങളും പ്രതിപാദിപ്പിക്കുന്ന ഫോട്ടോ പ്രദര്‍ശനം തേക്കിന്‍ക്കാട്‌ മൈതാനത്തെ ഉല്‍പ്പന്ന പ്രദര്‍ശന വിപണന നഗരിയില്‍ ആരംഭിച്ചു. ആഘോഷ ഉദ്‌ഘാടനത്തിന്റെ മുന്നോടിയായി സംഘടിപ്പിച്ച ഘോഷയാത്രയ്‌ക്ക്‌ ശേഷം നിബിഡമായ സദസ്സിനെ സാക്ഷിയാക്കി മേയര്‍ അജിത വിജയന്‍ പി ആര്‍ ഡി പ്രദര്‍ശന നഗരി ഉദ്‌ഘാടനം ചെയ്‌തു. കൃഷി മന്ത്രി അഡ്വ. വി എസ്‌ സുനില്‍കുമാര്‍, ജില്ലയിലെ എംഎല്‍എ മാര്‍, ജില്ലാ പഞ്ചായത്ത്‌ പ്രസിഡണ്ട്‌ മേരി തോമസ്‌, ജില്ലാ കളക്‌ടര്‍ ടി വി അനുപമ, മറ്റ്‌ ജനപ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ സംബന്ധിച്ചു.

സര്‍ക്കാരിന്റെ 1000 ദിനാഘോഷത്തിന്റെ ജില്ലാതല ഉദ്‌ഘാടനത്തോടനുബന്ധിച്ച്‌ നടന്ന ഘോഷയാത്ര നഗരത്തെ വര്‍ണ്ണാഭമാക്കി. ഇന്‍ഫര്‍മേഷന്‍ ആന്‍ഡ്‌ പബ്ലിക്‌ റിലേഷന്‍സ്‌ വകുപ്പ്‌, ജില്ലാ ഭരണകൂടം, തൃശൂര്‍ കോര്‍പ്പറേഷന്‍, ജില്ലാ പഞ്ചായത്ത്‌, ഇതര വകുപ്പുകള്‍ സംയുക്തമായി സംഘടിപ്പിച്ച ഘോഷയാത്ര കൃഷി വകുപ്പ്‌ മന്ത്രി അഡ്വ. വി എസ്‌ സുനില്‍കുമാര്‍ ഉദ്‌ഘാടനം ചെയ്‌തു. എംഎല്‍എ മാരായ ബി ഡി ദേവസ്സി, കെ വി അബ്‌ദുള്‍ ഖാദര്‍, മുരളി പെരുനെല്ലി, അഡ്വ. കെ രാജന്‍, അഡ്വ. വി ആര്‍ സുനില്‍കുമാര്‍,മേയര്‍ അജിത വിജയന്‍, ജില്ലാ പഞ്ചായത്ത്‌ പ്രസിഡണ്ട്‌ മേരി തോമസ്‌ എന്നിവര്‍ ഘോഷയാത്രയക്ക്‌ നേതൃത്വം നല്‍കി.

പ്രതിസന്ധികള്‍ക്കിടയിലും കുതിക്കുന്ന സര്‍ക്കാര്‍ എന്ന ആശയം ആയിരം ദിനങ്ങള്‍കൊണ്ട്‌ യാഥാര്‍ത്ഥ്യമാക്കാന്‍ കഴിഞ്ഞുവെന്നതാണ്‌ എല്‍ഡിഎഫ്‌ സര്‍ക്കാരിനെ വ്യത്യസ്‌തമാകുന്നതെന്ന്‌ പൊതുവിദ്യാഭ്യാസ വകുപ്പ്‌ മന്ത്രി പ്രൊഫ. സി രവീന്ദ്രനാഥ്‌ പറഞ്ഞു. വികസന രംഗത്ത്‌ ഇന്ത്യ രാജ്യത്തിന്‌ പ്രതീക്ഷയായി മാറാന്‍ കേരളത്തിന്‌ കഴിഞ്ഞത്‌ സമ്പത്തിന്റെ നീതിപൂര്‍വ്വമായ വിതരണത്തിലൂന്നിയ ബദല്‍ സാമ്പത്തികനയം മൂലമാണെന്നും അദ്ദേഹം അഭിപ്രായപ്പെട്ടു. തേക്കിന്‍കാട്‌ ലേബര്‍ കോര്‍ണറില്‍ സംസ്ഥാന സര്‍ക്കാരിന്റെ ആയിരം ദിനാഘോഷത്തിന്റെ ജില്ലാതല ഉദ്‌ഘാടനം നിര്‍വഹിച്ച്‌ സംസാരിക്കുകയായിരുന്നു മന്ത്രി പ്രൊഫ. സി രവീന്ദ്രനാഥ്‌. 

സംസ്ഥാന സര്‍ക്കാരിന്റെ ആയിരം ദിനാഘോഷങ്ങള്‍ക്ക് കാസര്‍കോട് ജില്ലയില്‍ പ്രൗഡഗംഭീര തുടക്കം. ഒരാഴ്ചക്കാലം നീളുന്ന ആഘോഷ പരിപാടികള്‍ക്ക് ആരംഭം കുറിച്ച് കാഞ്ഞങ്ങാട് ആയിരങ്ങള്‍ അണി നിരന്ന  സാംസ്‌കാരിക ഘോഷയാത്ര സംഘടിപ്പിച്ചു. സമീപകാലത്ത് ജില്ല ദര്‍ശിച്ച ഏറ്റവും ജനപങ്കാളിത്തത്തില്‍ പുതിയ കോട്ട മാന്തോപ്പ് മൈതാനത്ത് നിന്നും വര്‍ണക്കാഴ്ചകളുമായി ആരംഭിച്ച ഘോഷയാത്ര നോര്‍ത്ത് കോട്ടച്ചേരിയില്‍ സമാപിച്ചു. 

ആലപ്പുഴ: കുട്ടനാട് കാർഷിക മേഖലയിലെ  മോട്ടോർ തറകളിൽ ജോലിചെയ്യുന്ന തൊഴിലാളികളുടെ കൂലിയിൽ വർദ്ധനവ് വരുത്തി. ഒരു എച്ച്.പി മുതൽ 20 എച്ച്.പി വരെയുള്ള മോട്ടോർ പ്രവർത്തിപ്പിക്കുന്ന തൊഴിലാളികൾക്ക്  ലഭിച്ചു കൊണ്ടിരിക്കുന്ന ദിവസവേതനം 500 രൂപയിൽ നിന്നും 625 രൂപയായും 21 എച്ച്.പി-മുതൽ 30 എച്ച്.പി വരെയുള്ള മോട്ടോർ പ്രവർത്തിപ്പിക്കുന്ന തൊഴിലാളികളുടെ ദിവസവേതനം 525 രൂപയിൽ നിന്നും  655 രൂപയായും 30 എച്ച്.പി-ക്ക് മുകളിൽ പ്രവർത്തിപ്പിക്കുന്ന തൊഴിലാളികളുടെ ദിവസവേതനം 540 രൂപയിൽ നിന്നും 675 രൂപയായും വർദ്ധിപ്പിച്ചു. കൂലി വർദ്ധനവിന്റെ കാലാവധി അടുത്ത രണ്ട് പുഞ്ചകൃഷി വരെയായിരിക്കും.

ആലപ്പുഴ: ആയിരം മത്സ്യത്തൊഴിലാളി വനിതകളുടെ സംരംഭങ്ങളുടെ പ്രവർത്തനോദ്ഘാടനവും  2500 ഓളം ഗുണഭോക്താക്കളെ പങ്കെടുപ്പിച്ച് തീരമൈത്രി സംഗമവും ആലപ്പുഴ നഗരചത്വരത്തിൽ നടത്തും. ഫെബ്രുവരി 25ന് രാവിലെ 11ന്  സഫലം -2019 മുഖ്യമന്ത്രി പിണറായി വിജയൻ ഉദ്ഘാടനം നിർവഹിക്കും. ഫിഷറീസ്, ഹാർബർ എൻജിനീയറിങ് വകുപ്പ് മന്ത്രി ജെ.മേഴ്‌സിക്കുട്ടിയമ്മ അധ്യക്ഷത വഹിക്കും. തീരമൈത്രി സംരംഭകർക്കുള്ള അവാർഡ് വിതരണം ധനകാര്യ വകുപ്പ്  മന്ത്രി ഡോ. ടി.എം.

ആലപ്പുഴ:  വികസനത്തിന് കേരളത്തിന് മുന്നിൽ റോൾ മോഡലുകൾ ഇല്ല. ഇന്ത്യയിലെ സംസ്ഥാനങ്ങളിൽ  കേരളത്തിന് കേരളം തന്നെയാണ് റോൾ മോഡലെന്നും എം.സമ്പത്ത് എം.പി. സംസ്ഥാന മന്ത്രിസഭയുടെ 1000 ദിനാഘോഷം ജില്ലാതല പരിപാടികളുടെ ഉദ്ഘാടനച്ചടങ്ങിൽ കേന്ദ്ര സംസ്ഥാന ബജറ്റിലൂടെ കേരളം എന്ന വിഷയത്തിൽ മുഖ്യ പ്രഭാഷണം നടത്തുകയായിരുന്നു അദ്ദേഹം. കേരളത്തിലെ പ്രതീക്ഷിത പ്രായദൈർഘ്യം ദേശീയ ശരാശരിയെക്കാൾ 10 വർഷം കൂടുതലാണ്. നാല് വൈറോളജി ഇൻസ്‌ററിറ്റിയൂട്ടുകൾ നമുക്കുണ്ട്. ഊരാളുങ്കൽ പോലുള്ള സൊസൈറ്റികൾ നമുക്കുണ്ട്.

സര്‍ക്കാരിന്റെ 1000 ദിനാഘോഷ പരിപാടികളുടെ ഭാഗമായി ജില്ലയില്‍ നിര്‍മ്മിക്കുന്ന ഉടുമ്പന്‍ചോല, തൊടുപുഴ, തോപ്രാംകുടി എന്നീ മൂന്ന് സബ്‌രജിസ്ട്രാര്‍ കെട്ടിടങ്ങളുടെ നിര്‍മ്മാണോദ്ഘാടനം  മുഖ്യമന്ത്രി പിണറായി വിജയന്‍ ഇന്ന് (19.2.19) വൈകിട്ട് അഞ്ചിന് വീഡിയോ ലൈവ് മുഖേന നിര്‍ഹിക്കും. ഉടുമ്പന്‍ചോല സബ് രജിസ്ട്രാര്‍ ഓഫീസ് കെട്ടിട നിര്‍മ്മാണോദ്ഘാടനത്തില്‍ വൈദ്യുത വകുപ്പ് മന്ത്രി എം.എം മണി അധ്യക്ഷത വഹിക്കും.

ജില്ലയുടെ 39-ാമത്  കലക്ടറായി എച്ച്. ദിനേശന്‍ ചുമതലയേറ്റു. രാവിലെ കലക്ടറേറ്റില്‍ എത്തിയ അദ്ദേഹത്തെ എ.ഡി.എം പി.ജി. രാധാകൃഷ്ണന്റെ നേതൃത്വത്തില്‍ ജീവനക്കാര്‍ സ്വീകരിച്ചു. പൊതുവിദ്യാഭ്യാസ വകുപ്പ് ഡയറക്ടറായി സ്ഥലം മാറിപ്പോകുന്ന കലക്ടര്‍ ജീവന്‍ബാബുവില്‍ നിന്നും ചുമതല ഏറ്റെടുത്തശേഷം കലക്ടറേറ്റില്‍ സന്നിഹിതരായ മുതിര്‍ന്ന ഉദ്യോഗസ്ഥരുമായി അദ്ദേഹം ആശയവിനിമയം നടത്തി.