ശാക്തീകരണത്തിന്റെ ശബ്ദവുമായി ജില്ലയില്‍ നഴ്സസ് വാരാചാരണത്തിന് തുടക്കം. കല്‍പറ്റ കാര്‍ഷിക ബാങ്ക് ഓഡിറ്റോറിയത്തില്‍ ജില്ലാ നഴ്സിംഗ് ഓഫീസര്‍ ബിനിമോള്‍ തോമസ് പതാക ഉയര്‍ത്തി. കല്‍പറ്റ ബ്ലേക്ക് പഞ്ചായത്ത് പ്രസിഡന്റ് കെ.കെ ഹനീഫ പൊതു സമ്മേളനം ഉദ്ഘാടനം ചെയ്തു. ഡെപ്യൂട്ടി ജില്ലാ മെഡിക്കല്‍ ഓഫീസര്‍ ഡോ. പി ദിനീഷ് അധ്യക്ഷനായ പരിപാടിയില്‍ പൊരുന്നന്നൂര്‍ പബ്ലിക് ഹെല്‍ത്ത് സൂപ്പര്‍വൈസര്‍ ടി.ജി പ്രീത പ്രതിജ്ഞ ചൊല്ലിക്കൊടുത്തു. പനമരം സ്‌കൂള്‍ ഓഫ് നഴ്സിംഗ് ട്യൂട്ടര്‍ സുമതി വാരാചരണ സന്ദേശ പ്രഭാഷണം നടത്തി.

നാളികേര വികസന ബോർഡും കഞ്ഞിക്കുഴി പഞ്ചായത്ത് കൃഷിഭവനും സംയുക്തമായി നടപ്പിലാക്കുന്ന നാളികേര കർഷകർക്കുള്ള സൗജന്യ വളം വിതരണ പദ്ധതിക്ക് തുടക്കമായി. പഞ്ചായത്ത് 14 -ാം വാർഡിൽ നടന്ന ചടങ്ങിൽ പദ്ധതിയുടെ ഉദ്ഘാടനം ജില്ലാ പഞ്ചായത്ത് ആരോഗ്യ, വിദ്യാഭ്യാസ സ്ഥിരംസമിതി അധ്യക്ഷൻ എസ് രാധാകൃഷ്ണൻ നിർവഹിച്ചു. എല്ലുപൊടി, വേപ്പിൻ പിണാക്ക്, കുമ്മായം എന്നിവയാണ് കർഷകർക്ക് പദ്ധതിയിലൂടെ നൽകുന്നത്. ആദ്യ ഘട്ടത്തിൽ പഞ്ചായത്തിൽ തെങ്ങ് കൃഷി ചെയ്യുന്ന മുഴുവൻ പട്ടികജാതി കുടുംബങ്ങൾക്കും വളം നൽകും. രണ്ടാം ഘട്ടത്തിൽ പഞ്ചായത്തിലെ മറ്റ് കർഷകർക്കും പദ്ധതിയുടെ ആനുകൂല്യം ലഭ്യമാക്കും.

ചേർത്തല ഫയർ ആന്റ് റെസ്ക്യൂ സ്റ്റേഷൻ കോമ്പൌണ്ടിൽ നിൽക്കുന്ന രണ്ട് മഴമരം, ഒരു ആഞ്ഞിലി എന്നിവ മെയ് 15 ന് പകൽ 11.30 ന് ചേർത്തല ഫയർ സ്റ്റേഷൻ പരിസരത്ത് വെച്ച് ലേലം ചെയ്തു കൊടുക്കുമെന്ന് ജില്ലാ ഫയർ ഓഫീസർ അറിയിച്ചു. ലേലത്തിൽ പങ്കെടുക്കാൻ ആഗ്രഹിക്കുന്നവർ നിരതദ്രവ്യമായി 500 രൂപ ലേലം ആരംഭിക്കുന്നതിന് മുമ്പ് അടക്കണം. കൂടുതൽ വിവരങ്ങൾക്ക് ഫോൺ: 0477 2251211.

ആലപ്പുഴ-അമ്പലപ്പുഴ റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 91 (എഎംപിഎ നോർത്ത് ഗേറ്റ്) അടിയന്തര അറ്റകുറ്റപ്പണികള്‍ക്കായി മേയ് 08 ന് വൈകിട്ട് ആറ് മണി മുതല്‍ മേയ് 13ന് വൈകിട്ട് ആറ് മണി വരെ അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസ് നമ്പര്‍ 92 (കോമന ഗേറ്റ്) വഴി പോകണം.

ആലപ്പുഴ-അമ്പലപ്പുഴ റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 71 (ഇ എസ് ഐ ഗേറ്റ്) അടിയന്തര അറ്റകുറ്റപ്പണികള്‍ക്കായി മേയ് 11ന് രാവിലെ എട്ട് മണി മുതല്‍ മേയ് 18ന് വൈകിട്ട് ആറ് മണി വരെ അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസ് നമ്പര്‍ 70 (ഹോസ്പിറ്റൽ ഗേറ്റ്) വഴി പോകണം.

ജീവിതസ്വപ്നങ്ങളും ആ സ്വപ്നങ്ങളിലേക്കുള്ള യാത്രയിലെ തടസങ്ങളും വെള്ളപേപ്പറില്‍ അക്ഷരങ്ങളായി കുറിക്കുമ്പോള്‍ ജി വി രാജ സ്പോര്‍ട്സ് സ്‌കൂളിലെ വിദ്യാര്‍ഥിനി പതിനഞ്ചുകാരി അനശ്വര രതീഷിന്റെ മനസ്സില്‍ ചോദ്യങ്ങള്‍ പലതായിരുന്നു. തന്റെ കത്ത് ജില്ലാ കളക്ടര്‍ അര്‍ജുന്‍ പാണ്ഡ്യന്‍ കാണുമോ? എങ്കിലും അവള്‍ എഴുതി, 'ഹോക്കി പ്ലേയറായ എന്നെ ടൂള്‍കിറ്റ് വാങ്ങാന്‍ സഹായിക്കാമോ,' അങ്ങനെ തന്റെ പ്രശ്നങ്ങളും കുടുംബത്തിന്റെ ബുദ്ധിമുട്ടുകളുമായി നീണ്ടു പോകുന്നു ആ കത്ത്. കത്ത് ശ്രദ്ധയില്‍ വന്നയുടന്‍ ജില്ലാ കളക്ടര്‍ എസ്.ബി.ഐ കളക്ടറേറ്റ് ബ്രാഞ്ച്

രജിസ്ട്രേഷന്‍ വകുപ്പില്‍ കാസര്‍കോട് ജില്ലയിലെ രജിസ്ട്രാര്‍ ഓഫീസുകളലേക്ക് കമ്പ്യൂട്ടര്‍ പ്രിന്റര്‍ കാട്രിജുകള്‍, ടോണര്‍ റീഫില്‍ ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ നേരിട്ടോ തപാല്‍ വഴിയോ കാസര്‍കോട് ജില്ലാ രജിസ്ട്രാരുടെ കാര്യാലയം, സിവില്‍സ്റ്റേഷന്‍, വിദ്യാനഗര്‍. പി.ഒ,  കാസര്‍കോട് -671123. എന്ന വിലാസത്തില്‍ സമര്‍പ്പിക്കണം. അവസാന തീയതി 28 വൈകുന്നേരം അഞ്ച്. ഫോണ്‍- 04994 255405, 8547020757. ഇമെയില്‍- regkas.ker@nic.in.

ഗവ. ആര്‍ട്സ് ആന്‍ഡ് സയന്‍സ് കോളേജ് ഉദുമയില്‍ ഒഴിവുള്ള അധ്യാപക തസ്തികകളിലേക്ക് നിയമനത്തിന് കൂടിക്കാഴ്ച്ച നടക്കുന്നു. കോളേജ് വിദ്യാഭ്യാസ ഉപ ഡയറക്ടറുടെ മേഖല കാര്യാലയത്തില്‍ രജിസ്റ്റര്‍ ചെയ്ത നിശ്ചിത യോഗ്യത നേടിയ ഉദ്യോഗാര്‍ത്ഥികള്‍ക്കും, നെറ്റ്, പി.എച്ച്.ഡി യോഗ്യത നേടിയിട്ടില്ലാത്ത ബന്ധപ്പെട്ട വിഷയത്തലല്‍ 55 ശതമാനം മാര്‍ക്കോടുകൂടി ബിരുദാനന്തര ബിരുദം ഉള്ള ഉദ്യോഗാര്‍ത്ഥികള്‍ക്കും കൂടിക്കാഴ്ച്ചയില്‍ പങ്കെടുക്കാം.

ഇരിയണ്ണി ഗവ. വി.എച്ച്.എസ്.എസില്‍ ഹയര്‍ സെക്കണ്ടറി വിഭാഗത്തില്‍ അധ്യാപക ഒഴിവിലേക്ക് നിയമനത്തിനുള്ള കൂടിക്കാഴ്ച്ച 29ന് രാവിലെ പത്തിന് ഹയര്‍ സെക്കണ്ടറി ഓഫീസില്‍ നടക്കും. എച്ച്.എസ്.എസ്.ടി- ഇംഗ്ലീഷ്, ഹിന്ദി, സ്റ്റാറ്റിസ്റ്റിക്സ്, കമ്പ്യൂട്ടര്‍ സയന്‍സ്, കൊമേഴ്സ്, സുവോളജി, ഇക്കണോമിക്സ്, ഫിസിക്സ് വിഷയങ്ങളിലാണ് ഒഴിവ്. ഫോണ്‍ - 9446128661.
 

ഇടനീര്‍ ജി.എച്ച്.എസ്.എസ് ഹയര്‍ സെക്കണ്ടറി വിഭാഗത്തില്‍ കൊമേഴ്സ്, ഇംഗ്ലീഷ്, ജിയോളജി -സീനിയര്‍, അറബിക്, സ്റ്റാറ്റിസ്റ്റിക്സ്, ഇക്കണോമിക്സ്, കൊമേഴ്സ് ജൂനിയര്‍ വിഭാഗത്തിലേക്ക് അധ്യാപക നിയമനത്തിനുള്ള കൂടിക്കാഴ്ച്ച 28ന് രാവിലെ പത്തിന് സ്‌കൂള്‍ ഓഫീസില്‍ നടക്കും. ഫോണ്‍- 9446369095.