മുട്ടില്‍ ഗ്രാമപഞ്ചായത്തിലെ കല്ലുപാടി, കാര്യമ്പാടി വാട്ടര്‍ ടാങ്കുകള്‍ വഴി നടത്തുന്ന ജലവിതരണം അറ്റകുറ്റ പ്രവര്‍ത്തനങ്ങളുടെ ഭാഗമായി വെള്ളിയാഴ്ച (മെയ് 8) തടസപ്പെടും. പൊതുജനങ്ങള്‍ ആവശ്യമായ മുന്‍കരുതലുകള്‍ സ്വീകരിക്കണമെന്ന് വാട്ടര്‍ അതോറിറ്റി അസിസ്റ്റന്റ് എഞ്ചിനീയര്‍ അറിയിച്ചു.

വയനാട് ജില്ലയില്‍ ആരോഗ്യ കേരളം മുഖേന വിവിധ തസ്തികകളിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നു. മെഡിക്കല്‍ ഓഫീസര്‍, ഡെവലപ്‌മെന്റല്‍ തെറാപ്പിസ്റ്റ്, ഫിസിയോതെറപ്പിസ്റ്റ്, ജെ.പി.എച്ച്.എന്‍ തസ്തികളിലേക്കാണ് നിയമനം. ഓണ്‍ലൈനായി മാത്രമാണ് അപേക്ഷിക്കാന്‍ അവസരം. താത്പര്യമുള്ളവര്‍ www.arogyakeralam.gov.in വെബ്‌സൈറ്റ് വഴി അപേക്ഷ സമര്‍പ്പിക്കാം. ഫോണ്‍: 04936 202771

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ മോണ്ടിസോറി, പ്രീ - പ്രൈമറി, നഴ്‌സറി ടീച്ചര്‍ ട്രെയിനിംഗ് കോഴ്‌സുകള്‍ക്ക് അപേക്ഷ ക്ഷണിച്ചു. മെയ് മാസം ആരംഭിക്കുന്ന കോഴ്‌സുകള്‍ക്ക് യഥാക്രമം രണ്ടു വര്‍ഷം, ഒരു വര്‍ഷം, ആറു മാസം എന്നിങ്ങനെയാണ് ദൈര്‍ഘ്യം. ബിരുദം, പ്ലസ് ടു, എസ്.എസ്.എല്‍.സി യോഗ്യതയുള്ള വനിതകള്‍ക്ക് അപേക്ഷിക്കാം. ഫോണ്‍: 7994449314

എടവക കുടുംബാരോഗ്യ കേന്ദ്രത്തില്‍ ഫാര്‍മസിസ്റ്റ് തസ്തികയിലേക്ക് ദിവസ വേതനാടിസ്ഥാനത്തില്‍ താത്കാലിക നിയമനം നടത്തുന്നു. പ്ലസ് ടു സയന്‍സ് അല്ലെങ്കില്‍ തത്തുല്യം, ഡി ഫാം എന്നിവയും ഫാര്‍മസി കൗണ്‍സില്‍ രജിസ്ട്രഷനുമാണ് യോഗ്യത. പ്രവൃത്തിപരിചയമുള്ളവര്‍ക്കും എടവക ഗ്രാമപഞ്ചായത്തില്‍ താമസിക്കുന്നവര്‍ക്കും മുന്‍ഗണന ലഭിക്കും. താത്പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളും പകര്‍പ്പുമായി മെയ് 11ന് ഉച്ചയ്ക്ക് രണ്ട് മണിക്ക് എടവക കുടുംബാരോഗ്യ കേന്ദ്രത്തില്‍ നേരിട്ട് ഹാജരാവണം. ഫോണ്‍: 04935 296906

പൂക്കോട് വെറ്ററിനറി ആന്റ് അനിമല്‍ സയന്‍സസ് സര്‍വകലാശാലയുടെ കോളേജ് ഓഫ് ഡയറി സയന്‍സ് ആന്റ് ടെക്‌നോളജിയുടെ ആഭിമുഖ്യത്തില്‍ മൂല്യ വര്‍ദ്ധിത പാല്‍ ഉല്‍പന്നങ്ങളുടെ നിര്‍മ്മാണ പ്രായോഗിക പരിശീലന പരിപാടി സംഘടിപ്പിക്കുന്നു. മെയ് 12, 13 തിയ്യതികളില്‍ നടക്കുന്ന പരിശീലനത്തില്‍ പേട, പനീര്‍, പനീര്‍ അച്ചാര്‍, തൈര്, ലസ്സി, ഫ്‌ലേവേഡ് മില്‍ക്ക്, കുക്കിസ്, നെയ്യ്, സിപ് അപ്പ് എന്നീ പാല്‍ ഉല്‍പന്നങ്ങള്‍ നിര്‍മ്മിക്കാന്‍ പരിശീലനം നല്‍കും. 1000 രൂപയാണ് രജിസ്‌ട്രേഷന്‍ ഫീസ്. കോഴ്‌സ് പൂര്‍ത്തിയാക്കുന്നവര്‍ക്ക് യൂണിവേഴ്‌സിറ്റിയുടെ സര്‍ട്ടിഫിക്കറ്റ് ലഭിക്കും. മെയ് 10 വരെ രജിസ്റ്റര്‍ ചെയ്യാം.

മൂലങ്കാവ് ഗവ. ഹയര്‍ സെക്കൻഡറി സ്‌കൂളിൽ ഹയര്‍ സെക്കൻഡറി വിഭാഗത്തില്‍ ഇംഗ്ലീഷ്, മലയാളം, ഹിന്ദി, ഹിസ്റ്ററി, പൊളിറ്റിക്കല്‍ സയന്‍സ്, ഇക്കണോമിക്‌സ്, സോഷ്യോളജി, മാത്തമാറ്റിക്‌സ് തസ്തികകളില്‍ താത്കാലിക നിയമനം നടത്തുന്നു. ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം മെയ് 22ന് രാവിലെ 10ന് സ്‌കൂള്‍ ഓഫീസില്‍ നടക്കുന്ന കൂടിക്കാഴ്ച്ചയില്‍ പങ്കെടുക്കണം.

കുടുംബ കോടതി ജഡ്ജ് കെ.ആര്‍ സുനില്‍ കുമാര്‍ മെയ് എട്ടിന് സുല്‍ത്താന്‍ ബത്തേരിയിലും മെയ് 16ന് മാനന്തവാടി കോടതിയിലും സിറ്റിങ് നടത്തും. രാവിലെ 11 മുതല്‍ വൈകിട്ട് അഞ്ച് വരെയാണ് സിറ്റിങ്.

മേപ്പാടി ഗവ. ആയുര്‍വേദ മൊബൈല്‍ ഡിസ്പെന്‍സറിയിലേക്ക് കരാര്‍ അടിസ്ഥാനത്തില്‍ ഡ്രൈവര്‍ നിയമനം നടത്തുന്നു. എസ്.എസ്.എല്‍.സി,ഡ്രൈവിങ് ലൈസെന്‍സ്, ആധാര്‍ കാര്‍ഡ്, മുന്‍ പരിചയം തെളിയിക്കുന്നതിനുള്ള സര്‍ട്ടിഫിക്കറ്റ് എന്നിവയുടെ അസല്‍, പകര്‍പ്പ് എന്നിവ സഹിതം മെയ് 16ന് രാവിലെ 11ന് മേപ്പാടി ഗവ. ആയുര്‍വേദ മൊബൈല്‍ ഡിസ്പെന്‍സറിയില്‍ കൂടിക്കാഴ്ചക്ക് എത്തണം.

ജില്ലയില്‍ മൃഗസംരക്ഷണ വകുപ്പിന് കീഴിലുള്ള വിവിധ പദ്ധതികളിലേക്ക് വെറ്ററിനറി ഡോക്ടര്‍, ഡ്രൈവര്‍ കം അറ്റന്റന്റ് തസ്തികകളിലേക്ക് താത്കാലിക നിയമനം നടത്തുന്നു. 89 ദിവസത്തേക്ക് കരാര്‍ അടിസ്ഥാനത്തിലായിരിക്കും നിയമനം. ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റുകളുടെ അസ്സലും പകര്‍പ്പും അംഗീകൃത തിരിച്ചറിയല്‍ രേഖയും സഹിതം മെയ് 13ന് രാവിലെ 10.30ന് കല്‍പറ്റയിലെ ജില്ലാ മൃഗസംരക്ഷണ ഓഫീസില്‍ അഭിമുഖത്തിന് ഹാജരാവണം. ഫോണ്‍: 04936 202292

സംസ്ഥാന പൊതു വിദ്യാഭ്യാസ വകുപ്പും സംസ്ഥാന സാക്ഷരതാ മിഷനും സംയുക്തമായി നടത്തുന്ന പത്താം തരം, ഹയര്‍ സെക്കൻഡറി തുല്യത പുതിയ ബാച്ചിലേക്കുള്ള രജിസ്‌ട്രേഷന്‍ ആരംഭിച്ചു. പത്താം തരത്തിന് രജിസ്റ്റര്‍ ചെയ്യാന്‍ 17 വയസ് പൂര്‍ത്തിയാവുകയും ഏഴാം ക്ലാസ് വിജയിക്കുകയും വേണം. ഹയര്‍ സെക്കൻഡറിക്ക് രജിസ്റ്റര്‍ ചെയ്യാന്‍ പത്താം ക്ലാസ് വിജയിക്കുയും 22 വയസ് പൂര്‍ത്തിയാവുകയും ചെയ്യണം. പി.എസ്.സി ജോലി, പ്രമോഷന്‍, തുടര്‍ പഠനം എന്നിവക്ക് സര്‍ട്ടിഫിക്കറ്റ് ഉപയോഗിക്കാം. പത്താം തരത്തിന് 1950 രൂപയും ഹയര്‍ സെക്കണ്ടറിക്ക് 2600 രൂപയുമാണ് കോഴ്‌സ് ഫീസ്.