ഇടുക്കി ജില്ലയില്‍ ഒഴിവുളള അക്ഷയ കേന്ദ്രങ്ങളിലേക്ക് സംരംഭകരെ തിരഞ്ഞെടുക്കുന്നതിനുളള ഒ എം ആര്‍ പരീക്ഷ മെയ് 17 നു നടക്കും. ആദ്യഘട്ട പരിശോധനയ്ക്ക് ശേഷം യോഗ്യത നേടിയ അപേക്ഷകര്‍ക്കാണ് പരീക്ഷ എഴുതുവാന്‍ അവസരം. ഒ എം ആര്‍ പരീക്ഷയില്‍ യോഗ്യത നേടുന്നവരില്‍ നിന്ന് ഇന്റര്‍വ്യൂ വഴിയാണ് സംരംഭകരെ തെരഞ്ഞെടുക്കുന്നത്.
യോഗ്യരായ അപേക്ഷകര്‍ക്ക് അവരവരുടെ അഡ്മിറ്റ് കാര്‍ഡ് എല്‍ ബി എസിന്റെ പോര്‍ട്ടലില്‍ നിന്ന് ഡൗണ്‍ലോഡ് ചെയ്യാം.
കൂടുതല്‍ വിവരങ്ങള്‍ക്ക് എല്‍ ബി എസ് ഫോണ്‍:0471 2560311,2560312
അക്ഷയ ജില്ലാ പ്രോജക്ട് ഓഫീസ് - 04862 215232

പൂപ്പാറ ടൗണില്‍ സര്‍ക്കാര്‍ സ്ഥലം കൈയേറി പന്നിയാര്‍ പുഴയുടെ ഒഴുക്കിന് തടസം സൃഷ്ടിച്ച് നിര്‍മ്മിച്ച അനധികൃത കെട്ടിടങ്ങള്‍ ജില്ലാ ഭരണകൂടം പൊളിച്ചു നീക്കി.  ജില്ലാ കളക്ടര്‍ ഡോ. ദിനേശന്‍ ചെറുവാട്ടിന്റെ നേതൃത്വത്തിലായിരുന്നു നടപടി. സ്ഥലത്തെ സംഘര്‍ഷ സാധ്യത കണക്കിലെടുത്ത് പോലീസ് സേനയെയും വിന്യസിച്ചിരുന്നു. അനധികൃതമായി നിര്‍മ്മിച്ച 88 കെട്ടിടങ്ങളാണ് ദുരന്തനിവാരണ നിയമപ്രകാരം പൊളിച്ചുനീക്കിയത്. വ്യാപാര സ്ഥാപനങ്ങളും വീടുകളും ഇതിലുള്‍പ്പെടുന്നു.

സംസ്ഥാന സഹകരണ യൂണിയന് കീഴിൽ കരണിയിൽ പ്രവർത്തിക്കുന്ന വയനാട് സഹകരണ പരിശീലന കേന്ദ്രത്തിൽ ജെ.ഡി.സി കോഴ്സിന്റെ പുതിയ ബാച്ചിലേക്ക് അപേക്ഷ ക്ഷണിച്ചു. ജനറൽ വിഭാഗത്തിന് 80 സീറ്റും പാലക്കാട്, തൃശ്ശൂർ, മലപ്പുറം, വയനാട് ജില്ലകളിലെ പട്ടികജാതി, പട്ടികവർഗ വിഭാഗങ്ങൾക്കായി 80 സീറ്റുകളുമാണുള്ളത്. 10 മാസം ദൈർഘ്യമുള്ള കോഴ്സിന്റെ യോഗ്യത എസ്.എസ്.എൽ.സിയാണ്. സഹകരണ സംഘം ജീവനക്കാർ ഉൾപ്പെടെയുള്ള എല്ലാ വിഭാഗങ്ങളിലേക്കും www.scu.kerala.gov.in വെബ്‍സൈറ്റ് വഴി മെയ് 10 വരെ അപക്ഷ നൽകാം. ഫോൺ: 04936 293775, 9744737513

വേനല്‍ മഴയുടെ സാഹചര്യത്തില്‍ കല്‍പറ്റ ടൗണിലും പരിസര പ്രദേശങ്ങളിലും ഉണ്ടായേക്കാവുന്ന വെള്ളക്കെട്ട് ഭീഷണി ഒഴിവാക്കുന്നതിനായി ജില്ലാ കളക്ടറുടെ അധ്യക്ഷതയില്‍ ഉദ്യോഗസ്ഥരുടെയും ജനപ്രതിനിധികളുടേയും അടിയന്തര യോഗം ചേര്‍ന്നു. ടൗണ്‍ഷിപ്പിന് സമീപത്തെ പ്രദേശങ്ങളില്‍ വെള്ളക്കെട്ട് ഒഴിവാക്കുന്നതിനും സുരക്ഷ ഉറപ്പാക്കുന്നതിനുമുള്ള കര്‍മ്മപദ്ധതികള്‍ യോഗം ചര്‍ച്ച ചെയ്തു. പലയിടങ്ങളിലും മണ്ണ് കൂട്ടിയിട്ടിരിക്കുന്നത് വെള്ളക്കെട്ട് ഭീഷണി ഉണ്ടാക്കുന്നതായി യോഗം വിലയിരുത്തി.

സുല്‍ത്താന്‍ ബത്തേരി ഇലക്ട്രിക്കല്‍ സെക്ഷന്‍ പരിധിയില്‍ ഉള്‍പ്പെടുന്ന സുല്‍ത്താന്‍ ബത്തേരി ടൗണ്‍ ഭാഗങ്ങളില്‍ ഇന്ന് (മെയ് 7) രാവിലെ ഒന്‍പത് മുതല്‍ വൈകുന്നേരം അഞ്ച് വരെ വൈദ്യുതി മുടങ്ങും.

മീനങ്ങാടി ഇലക്ട്രിക്കല്‍ സെക്ഷന്‍ പരിധിയില്‍ അറ്റകുറ്റ പ്രവൃത്തികള്‍ നടക്കുന്നതിനാല്‍ വെള്ളിത്തോട്, കോലമ്പറ്റ, കൊങ്ങിയമ്പം ട്രാന്‍സ്‌ഫോര്‍മര്‍ പരിധികളില്‍ ഇന്ന് (മെയ് 7) രാവിലെ ഒന്‍പത് മുതല്‍ വൈകിട്ട് അഞ്ച് വരെ വൈദ്യുതി വിതരണം ഭാഗികമായി മുടങ്ങും.

പട്ടികവര്‍ഗ വകുപ്പിന്റെ കല്‍പറ്റ മോഡല്‍ റസിഡന്‍ഷ്യല്‍ സ്‌കൂളിലെ പാഴ് വസ്തുക്കള്‍ വിപണി വിലയ്ക്ക് ഏറ്റെടുക്കാന്‍ തയ്യാറുള്ളവരില്‍ നിന്ന് ക്വട്ടേഷന്‍ ക്ഷണിച്ചു. താത്പര്യമുള്ളവര്‍ മെയ് 13ന് ഉച്ചയ്ക്ക് രണ്ട് മണിക്ക് മുമ്പ് ക്വട്ടേഷനുകള്‍ സമര്‍പ്പിക്കണം. ഫോണ്‍: 04936 248818

പട്ടികവര്‍ഗ വകുപ്പിന്റെ കല്‍പറ്റ മോഡല്‍ റസിഡന്‍ഷ്യല്‍ സ്‌കൂളില്‍ അഞ്ച് മുതല്‍ പ്ലസ് ടു വരെയുള്ള ക്ലാസുകളില്‍ പഠിക്കുന്ന 410 വിദ്യാര്‍ത്ഥിനികളുടെ യൂണിഫോം, നൈറ്റ് ഡ്രസ്, കമ്പിളി, ബെഡ് ഷീറ്റ് എന്നിവ അലക്കി, ഉണക്കി, ഇസ്തിരിയിട്ട് നല്‍കാന്‍ ക്വട്ടേഷനുകള്‍ ക്ഷണിച്ചു. താത്പര്യമുള്ള പട്ടിക വിഭാഗക്കാരായ കുടുംബശ്രീ അംഗങ്ങള്‍, പട്ടികവര്‍ഗ കുടുംബശ്രീ അയല്‍ക്കൂട്ടങ്ങള്‍ എന്നിവര്‍ മെയ് 14നകം ക്വട്ടേഷനുകള്‍ സമര്‍പ്പിക്കണം. ഫോണ്‍: 04936 248818

കല്ലൂര്‍ രാജീവ് ഗാന്ധി സ്മാരക ആശ്രമം ഹയര്‍ സെക്കൻഡറി സ്‌കൂളിലെ സെപ്റ്റിക് ടാങ്കുകളും സ്വീവേജ് ടാങ്കുകളും വൃത്തിയാക്കുന്നതിന് ക്വട്ടേഷന്‍ ക്ഷണിച്ചു. മെയ് 12നകം ക്വട്ടേഷനുകള്‍ സ്‌കൂളില്‍ ലഭിക്കണം. ഫോണ്‍: 04936 270139

എന്‍ ഊര് ഗോത്ര പൈതൃക ഗ്രാമത്തില്‍ ഇന്‍ഡസ്ട്രിയല്‍ ഗ്രില്‍ ചെയ്ത് പോളികാര്‍ബണ്‍ ഷീറ്റ് സ്ഥാപിക്കുന്നതിനും ഇന്‍ഡസ്ട്രിയല്‍ സണ്‍ ഷേഡ് നിര്‍മിക്കുന്നതിനും ലൈറ്റുകള്‍ സ്ഥാപിക്കുന്നതിനും വി ബോര്‍ഡ്, ഓട്, ഡോര്‍ ഗ്ലാസുകള്‍ എന്നിവ മാറ്റി സ്ഥാപിക്കുന്നതിനും ക്വട്ടേഷന്‍ ക്ഷണിച്ചു. മെയ് 13 വരെ ക്വട്ടേഷന്‍ സമര്‍പ്പിക്കാം. സൈറ്റ് പരിശോധിച്ച ശേഷം നേരിട്ടോ തപാലിലോ ദര്‍ഘാസ് സമര്‍പ്പിക്കണം. ഫോണ്‍: 6238071371

ജില്ലാ ശുചിത്വ മിഷന്‍ ഓഫീസ് ആവശ്യത്തിലേക്ക് ഓഫ്‌ലൈന്‍, ലിഥിയം ബാറ്ററി, 2 കെ.വി.എ യു.പി.എസ് ലഭ്യമാക്കുന്നതിന് അംഗീകൃത ഡീലര്‍മാരില്‍ നിന്ന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മെയ് 14 വൈകുന്നേരം അഞ്ച് വരെ സ്വീകരിക്കും.