വെള്ളമുണ്ട ഇലക്ട്രിക്കൽ സെക്ഷനു കീഴിൽ ഇണ്ട്യേരികുന്ന്, അഞ്ചാംപീടിക ട്രാൻസ്ഫോർമർ പരിധിയിലും തരുവണ - തൊണ്ണമ്പറ്റക്കുന്ന് റോഡ് ഭാഗത്തും ജൂൺ മൂന്നിന് രാവിലെ 8.30 മുതൽ 5.30വരെ വൈദ്യുതി വിതരണം ഭാഗികമായി തടസ്സപ്പെടും.

വൈത്തിരി താലൂക്ക് വികസന സമിതി യോഗം ജൂണ്‍ ആറിന് രാവിലെ 10.30ന് വൈത്തിരി ഗ്രാമപഞ്ചായത്തില്‍ നടക്കും.

ജൂൺ 23 അന്താരാഷ്ട്ര ഒളിമ്പിക് ദിനം ജില്ലാ സ്പോർട്സ് കൗൺസിലിന്റെയും ജില്ലാ ഒളിമ്പിക് അസോസിയേഷന്റെയും നേതൃത്വത്തിൽ ജില്ലയിൽ സമുചിതമായി ആചരിക്കും. ജൂൺ നാല് മുതൽ ജില്ലയിലെ കായിക സംഘടനകളുടെ നേതൃത്വത്തിൽ ദേശീയ നിലവാരത്തിലുള്ള വയനാട് മാരത്തോൺ, സ്പോർട്സ് സെമിനാറുകൾ എന്നിവ സംഘടിപ്പിക്കും. വയനാട് മാരത്തോൺ പങ്കെടുത്ത് വിജയിക്കുന്ന പുരുഷ/ വനിത കായിക താരങ്ങൾക്ക് 25000 രൂപ വീതം പ്രൈസ് മണി നൽകും. എം കെ ജിനചന്ദ്രൻ സ്മാരക ജില്ലാ സ്റ്റേഡിയത്തിൽ ജൂൺ 14ന് ജില്ലാതല പരിപാടി സംഘടിപ്പിക്കും. 23ന് വൈകുന്നേരം കൽപ്പറ്റ ടൗൺ കേന്ദ്രീകരിച്ച് ഒളിമ്പിക് സന്ദേശ റാലിയും പൊതുസമ്മേളനവും  സംഘടിപ്പിക്കും.

തിരുവനന്തപുരം മുട്ടടയില്‍ പ്രവര്‍ത്തിക്കുന്ന ഐ.എച്ച്.ആര്‍.ഡി.യുടെ സെന്റര്‍ ഫോര്‍ അഡ്വാന്‍സ്ഡ് ടെക്‌നോളജീസ് ആന്‍ഡ് സ്‌കില്‍സില്‍ ജൂണില്‍ ആരംഭിക്കുന്ന യു.ജി.സി -നെറ്റ് പേപ്പര്‍ രണ്ട് പരിശീലനത്തിനായി കമ്പ്യൂട്ടര്‍ സയന്‍സ്, മാനേജ്‌മെന്റ് മലയാളം, ഇക്കണോമിക്‌സ്, ഇംഗ്ലിഷ് വിഷയങ്ങളില്‍ അര്‍ഹരായുള്ളവരില്‍ നിന്നും അപേക്ഷ ക്ഷണിച്ചു. ഫോണ്‍: 8136882389, 8547005087, 0471- 2550612

സി-ഡിറ്റ് തിരുവനന്തപുരത്ത് നടത്തുന്ന ഡിപ്ലോമ ഇന്‍ ഡിജിറ്റല്‍ മീഡിയ പ്രൊഡക്ഷന്‍, ഡിപ്ലോമ ഇന്‍ ഡിജിറ്റല്‍ വീഡിയോഗ്രാഫി, ഡിപ്ലോമ ഇന്‍ വീഡിയോ എഡിറ്റിംഗ്, സര്‍ട്ടിഫിക്കറ്റ് കോഴ്‌സ് ഇന്‍ വീഡിയോഗ്രാഫി, സര്‍ട്ടിഫിക്കറ്റ് കോഴ്‌സ് ഇന്‍ ഡിജിറ്റല്‍ സ്റ്റില്‍ ഫോട്ടോഗ്രാഫി എന്നീ കോഴ്‌സുകള്‍ക്ക് അപേക്ഷ ക്ഷണിച്ചു. ജൂണ്‍ ആറ് വരെ അപേക്ഷിക്കാം. ഫോണ്‍: 8547720167, 9961491540

കരണിയില്‍ പ്രവര്‍ത്തിക്കുന്ന വയനാട് സഹകരണ പരിശീലന കേന്ദ്രത്തില്‍ ജെ.ഡി.സി ബാച്ചില്‍ ജനറല്‍, പട്ടിക ജാതി പട്ടിക വര്‍ഗ്ഗ വിഭാഗത്തിലെ സീറ്റ് ഒഴിവിലേക്ക് ജൂണ്‍ മൂന്ന് മുതല്‍ സ്‌പോട്ട് അഡ്മിഷന്‍ നടത്തും. എസ്.എസ്.എല്‍.സിയാണ് അടിസ്ഥാന യോഗ്യത. വിദ്യാര്‍ത്ഥികള്‍ എസ്.എസ്.എല്‍.സി ബുക്ക്, ടി.സി. സ്വഭാവ സര്‍ട്ടിഫിക്കറ്റ്, ജാതി തെളിയിക്കുന്ന സര്‍ട്ടിഫിക്കറ്റ്, രണ്ട് പാസ്‌പോര്‍ട്ട് സൈസ് ഫോട്ടോ എന്നിവ സഹിതം നേരിട്ട് ഹാജരാകണം. ഫോണ്‍: 9744737513- 04936 293775

മാനന്തവാടി ഗവ പോളിടെക്നിക് കോളേജില്‍ ലാറ്ററല്‍ എന്‍ട്രി വഴി എഞ്ചിനീയറിങ് ഡിപ്ലോമ കോഴ്സില്‍ രണ്ടാം വര്‍ഷത്തേക്ക് പ്രവേശനം ആരംഭിച്ചു. സിവില്‍ എഞ്ചിനീയറിംഗ് വിഭാഗത്തില്‍ ഇരുപത് സീറ്റും മെക്കാനിക് എഞ്ചിനീയറിങ് വിഭാഗത്തില്‍ 34 സീറ്റും കമ്പ്യൂട്ടര്‍ എഞ്ചിനീയറിംഗ് വിഭാഗത്തില്‍ 19 സീറ്റും ഒഴിവുണ്ട്്. കോളേജില്‍ പ്രവര്‍ത്തിക്കുന്ന ഹെല്പ് ഡെസ്‌ക് വഴിയും അക്ഷയ സെന്റര്‍ വഴിയും അപേക്ഷ സമര്‍പ്പിക്കാം. വെബ്‌സൈറ്റ്: polyadmission.org, Gptemdy.ac.in

എസ്.ആര്‍.സി കമ്മ്യൂണിറ്റി കോളേജ് ജൂലൈ സെഷനില്‍ ആരംഭിക്കുന്ന ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റ് പ്രോഗ്രാമിലേക്ക് അപേക്ഷ ക്ഷണിച്ചു. പ്ലസ്ടു/ തത്തുല്യ യോഗ്യതയുള്ളവര്‍ക്ക് ജൂലൈ 20നകം അപേക്ഷിക്കാം. അപേക്ഷാ ഫോറവും പ്രോസ്‌പെക്ടസും തിരുവനന്തപുരം എസ്.ആര്‍.സി ഓഫീസില്‍ നിന്നും ലഭിക്കും. https://app.srccc.in/register എന്ന ലിങ്ക് മുഖേനയും അപേക്ഷിക്കാം. ഫോണ്‍: 0471 2570471, 9846033001

ദേശീയ തൊഴില്‍ സേവനകേന്ദ്രത്തിന്റെ ആഭിമുഖ്യത്തില്‍ പട്ടികജാതി/പട്ടികവര്‍ഗ്ഗ വിഭാഗത്തില്‍പ്പെട്ട ഉദ്യോഗാര്‍ത്ഥികള്‍ക്കായി സൗജന്യ കമ്പ്യൂട്ടര്‍ പരിശീലന കോഴ്‌സിന് അപേക്ഷ ക്ഷണിച്ചു. കെല്‍ട്രോണിന്റെ കോഴിക്കോട് നോളജ് സെന്ററിലാണ് കോഴ്‌സ് നടത്തുന്നത്. 30 വയസ് കവിയാത്ത, മൂന്ന് ലക്ഷത്തില്‍ താഴെ വാര്‍ഷിക വരുമാനമുള്ള പ്ലസ്ടു പാസ്സായവര്‍ക്ക് അപേക്ഷിക്കാം. താല്പര്യമുള്ളവര്‍ യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി കോഴിക്കോട് റെയില്‍വേ സ്റ്റേഷന്‍ ലിങ്ക് റോഡിലുള്ള കെല്‍ട്രോണ്‍ നോളജ് സെന്ററില്‍ എത്തണം. ഫോണ്‍- 0495 2301772, 8590605275 

  മാനന്തവാടി താലൂക്ക് വികസന സമിതി യോഗം ജൂണ്‍ ആറിന് രാവിലെ 10.30ന് താലൂക്ക് ഓഫീസ് കോണ്‍ഫറന്‍സ് ഹാളില്‍ നടക്കും.