എക്സൈസ് വകുപ്പിൽ സിവിൽ എക്സൈസ് ഓഫീസർ തസ്തികയിൽ നിയമനം ലഭിച്ച്, എക്സൈസ് അക്കാദമിയിൽ പരിശീലനം പൂർത്തിയാക്കിയ 66 സിവിൽ എക്സൈസ് ഓഫീസർമാരുടെ പാസ്സിംഗ് ഔട്ട് പരേഡ് ജൂൺ അഞ്ചിന് രാവിലെ എട്ടിന് തൃശ്ശൂർ സ്റ്റേറ്റ് എക്സൈസ് അക്കാദമി ആൻ്റ് റിസർച്ച് സെന്റർ പരേഡ് ഗ്രൗണ്ടിൽ നടത്തും. എക്സൈസ്-സഹകരണ വകുപ്പ് മന്ത്രി എം. ലിജു സേനാംഗങ്ങളുടെ അഭിവാദ്യം സ്വീകരിച്ച് പരേഡ് പരിശോധിക്കും.  

 എക്സൈസ് കമ്മീഷണർ സീറാം സാംബശിവറാവു പങ്കെടുക്കും.

 പാലക്കാട് ലക്കിടി അസാപ് കമ്മ്യൂണിറ്റി സ്‌കിൽ പാർക്കിൽ നടത്തുന്ന ഡ്രോൺ പൈലറ്റ് കോഴ്‌സിലേക്ക് അപേക്ഷ ക്ഷണിച്ചു. 18 വയസ്സ് തികഞ്ഞവർക്ക് അപേക്ഷിക്കാം.

ഡയറക്ടർ ജനറൽ ഓഫ് സിവിൽ ഏവിയേഷന്റെ അംഗീകാരത്തോടെയുള്ള അഞ്ച് ദിവസത്തെ തീവ്രപരിശീലനമാണ് കോഴ്സിൽ ലഭിക്കുക. വിജയകരമായി പൂർത്തിയാക്കുന്നവർക്ക് 25 കിലോഗ്രാം വരെ ഭാരമുള്ള ഡ്രോണുകൾ പറത്താനുള്ള ഔദ്യോഗിക ലൈസൻസ് ലഭിക്കും. അസാപ്പിന്റെ കാസർഗോഡ് വിദ്യാനഗറിലുള്ള കമ്മ്യൂണിറ്റി സ്‌കിൽ പാർക്കിലാണ് കോഴ്സ് ക്ലാസുകൾ നടത്തുക.

ബിസിൽ ട്രെയിനിംഗ് ഡിവിഷൻ ജൂണിൽ ആരംഭിക്കുന്ന വിവിധ പ്രീ-പ്രൈമറി അധ്യാപക പരിശീലന കോഴ്സുകളിലേക്ക് വനിതകളിൽ നിന്നും അപേക്ഷ ക്ഷണിച്ചു.

രണ്ടു വർഷം, ഒരു വർഷം, ആറു മാസം ദൈർഘ്യമുള്ള മോണ്ടിസ്സോറി, പ്രീ-പ്രൈമറി, നഴ്സറി ടീച്ചർ ട്രെയിനിംഗ് കോഴ്സുകളിലേക്കാണ് പ്രവേശനം.ഡിഗ്രി, പ്ലസ് ടു, എസ്.എസ്.എൽ.സി യോഗ്യതയുള്ളവർ അപേക്ഷിക്കാം. 

ഫോൺ - 79944 49314.

 സംസ്ഥാന പട്ടികജാതി പട്ടികവർഗ്ഗ വികസന കോർപ്പറേഷൻ കുടുംബശ്രീയിൽ രജിസ്റ്റർ ചെയ്ത പട്ടികജാതി/ പട്ടികവർഗ്ഗ വിഭാഗത്തിൽപ്പെട്ട വനിതകൾക്കായി ഈ ടില്ലാത്ത പ്രത്യേക വായ്പാ പദ്ധതി നടപ്പിലാക്കുന്നു.  

 സി.ഡി.എസ്സ് മുഖേന പരമാവധി 1,30,000/- രൂപ വരെ വായ്പയായി ലഭിക്കും. 60 വയസ്സിൽ താഴെ പ്രായമുള്ളവർക്കും കുടുംബ വാർഷിക വരുമാനം 5 ലക്ഷം രൂപ വരെ ഉള്ളവർക്കും അപേക്ഷിക്കാം. 

 കൂടുതൽ വിവരങ്ങൾക്കും അപേക്ഷകൾക്കുമായി അതത് കുടുംബശ്രീ സി.ഡി.എസ്സുമായോ തൃശ്ശൂർ രാമനിലയത്തിന് സമീപമുള്ള കോർപ്പറേഷന്റെ ജില്ലാ ഓഫീസുമായോ ബന്ധപ്പെടുക.

ഫോൺ : 0487 2331556, 9400068508.

സംസ്ഥാന പട്ടികജാതി പട്ടികവർഗ്ഗ വികസന കോർപ്പറേഷൻ നടപ്പിലാക്കുന്ന സ്വയംതൊഴിൽ വായ്പാ പദ്ധതിയിലേക്ക് അപേക്ഷ ക്ഷണിച്ചു. തൃശ്ശൂർ ജില്ലയിലെ പട്ടികവർഗ്ഗ വിഭാഗത്തിൽപ്പെട്ട, 18നും 60 നും ഇടയിൽ പ്രായമുളള തൊഴിൽരഹിതർക്ക് അപേക്ഷിക്കാം. അപേക്ഷകരുടെ കുടുംബ വാർഷിക വരുമാനം മൂന്ന് ലക്ഷം രൂപയിൽ കവിയരുത്.

ആറ് ശതമാനം പലിശ നിരക്കിൽ ഒരു ലക്ഷം മുതൽ നാല് ലക്ഷം രൂപ വരെയാണ് വായ്പയായി അനുവദിക്കുക. അഞ്ചു സെന്റിൽ കുറയാത്ത വസ്തു ജാമ്യത്തിന്റെയോ ഉദ്യോഗസ്ഥ ജാമ്യത്തിന്റെയോ ഈടിന്മേലാണ് വായ്പ ലഭ്യമാക്കുക.

 സംസ്ഥാന പട്ടികജാതി പട്ടികവർഗ്ഗ വികസന കോർപ്പറേഷൻ 7.5 ശതമാനം പലിശ നിരക്കിൽ നടപ്പിലാക്കുന്ന സ്വയംതൊഴിൽ വായ്പാ പദ്ധതിയിലേക്ക് അപേക്ഷ ക്ഷണിച്ചു. ഒരു ലക്ഷം രൂപ മുതൽ അഞ്ച് ലക്ഷം രൂപ വരെയാണ് വായ്പ അനുവദിക്കുന്നത്. അഞ്ചു സെന്റിൽ കുറയാത്ത വസ്തു ജാമ്യത്തിന്റെയോ അല്ലെങ്കിൽ ഉദ്യോഗസ്ഥ ജാമ്യത്തിന്റെയോ ഈടിൽ ആയിരിക്കും വായ്പ ലഭ്യമാകുക.

തൃശ്ശൂർ ജില്ലയിലെ പട്ടികജാതി വിഭാഗത്തിൽപ്പെട്ട, 18 നും 60 നും മദ്ധ്യേ പ്രായമുളള തൊഴിൽരഹിതരായ വ്യക്തികൾക്ക് അപേക്ഷിക്കാം. അപേക്ഷകരുടെ കുടുംബ വാർഷിക വരുമാനം അഞ്ച് ലക്ഷം രൂപയിൽ കവിയരുത്.

      സംസ്ഥാന സാക്ഷരതാ മിഷൻ നടത്തുന്ന പത്ത്, ഹയർ സെക്കന്ററി തുല്യതാ കോഴ്സുകളിലേക്ക് ജൂൺ 15 വരെ അപേക്ഷിക്കാമെന്ന് ജില്ലാ കോ-ഓർഡിനേറ്റർ അറിയിച്ചു. പത്താംതരം തുല്യതാ കോഴ്സ് പാസാകുന്നവർക്ക് സാധാരണ എസ്.എസ്.എൽ.സി പാസാകുന്നവരെപ്പോലെ തന്നെ ഉന്നത പഠനത്തിനും പ്രൊമോഷനും പി.എസ്.സി നിയമനത്തിനും അർഹതയുണ്ടാകും.

പത്താംതരം തുല്യത കോഴ്സിന് അപേക്ഷിക്കുന്നവർക്ക് മെയ് ഒന്നിന് 17 വയസ്സ് പൂർത്തിയായിരിക്കണം. 100 രൂപ രജിസ്ട്രേഷൻ ഫീസ് ഉൾപ്പെടെ 1950 രൂപയാണ് കോഴ്സ് ഫീസ്. എസ്.സി/എസ്.റ്റി വിഭാഗക്കാർ രജിസ്ട്രേഷൻ ഫീസായ 100 രൂപ മാത്രം അടച്ചാൽ മതിയാകും.

മീറ്റ് യുവർ കളക്ടർ 2.0: അഞ്ചാം അധ്യായത്തിൽ എസ്. ബി ഹയർസെക്കന്ററി സ്കൂൾ വിദ്യാർത്ഥികളുമായി സംവദിച്ച് ജില്ലാ കളക്ടർ ശിഖ സുരേന്ദ്രൻ. ഭരണകൂടം സംഘടിപ്പിക്കുന്ന പരിപാടിയിൽ സ്കൂളിലെ ഇരുപതോളം അധ്യാപകരും വിദ്യാർത്ഥികളുമാണ് പങ്കാളികളായത്.

അട്ടപ്പാടിയിലെ 'പുനര്‍ജനി' പുനരധിവാസ കേന്ദ്രത്തിലേക്ക് വിവിധ തസ്തികകളില്‍ കരാര്‍ അടിസ്ഥാനത്തില്‍ നിയമനം നടത്തുന്നതിനായി വോക്ക് ഇന്‍ ഇന്റര്‍വ്യൂ നടത്തും. സോഷ്യല്‍ വര്‍ക്കര്‍, വാച്ച്മാന്‍, മള്‍ട്ടി ടാസ്‌ക് കെയര്‍ പ്രൊവൈഡര്‍, നഴ്‌സ്, കുക്ക്/നഴ്‌സിംഗ് അസിസ്റ്റന്റ് എന്നീ വിഭാഗങ്ങളിലാണ് ഒഴിവുകള്‍. ഒരു വര്‍ഷത്തേക്കാണ് നിയമനം.